Efɛɛzɩ 4:18 - Farefare Ninkaré

¹⁸ Ba yɛm na boe la lika pʋam, la ba ka vɔa wʋ Nawẽnnɛ n boorɩ se'em, ban kɛ'ɛm ba sũure ka bɔɔra tɩ ba bãŋɛ la ĩyã.

ZE'ELEGO PAALEGA

¹⁸ Lika n pi' ba bɔkerɛ, yehe ba mɛhi Yinɛ vom sum la puan, la ban ka mi' sɛsɛla, gee ti ba suya dagelum la zuo.

Efɛɛzɩ 4:18 ပူးပေါင်းရင်းမြစ်များ

Amatie 13:15

Se'ere n soe la, nẽr-bãna pʋtẽ'era ka like, ba lɩ ba tʋba mɛ, dee mũm ba nini, tɩ ba nini da yẽ, tɩ ba tʋba da wõm, tɩ ba da wõm a võorɛ. Sãn dagɩ nɩ bɛla, ba wʋn teege nɩ yɛm leme wa'am mam zẽ'am, tɩ m bɔ ba laafɛ.›

Amarkɩ 3:5

Tɩ Azezi sũure yĩige, tɩ a bɩsɛ nẽrba la kaagɛ, tɩ a sũure sã'am, ba sũure n kɛ la ĩyã. La a yele bʋraa la yetɩ: «Tẽegɛ fʋ nu'ugo la.» Tɩ a tẽegɛ, tɩ nu'ugo la yãŋa tẽegɛ ãna sõŋa.

Azã 12:40

«Nawẽnnɛ pĩ ba nini mɛ, tɩ ba da yẽta la ba nini na, dee lige ba pʋtẽ'era, tɩ ba da wõm a yetɔga la võorɛ. Sãn dagɩ nɩ bɛla, ba wʋn teege nɩ yɛm tɩ a bɔ ba laafɛ.»

Tõoma 17:30

Nawẽnnɛ ka geele wakat-sɛka tɩ tõma daan ka mi la. La lɛɛlɛ wã, a bɔ nõorɛ zẽ'a woo yetɩ, nẽrba wuu teege yɛm basɛ tõon-be'ero.

Tõoma 3:17

Tɔ. M sɔbiisi, mam bãŋɛ tɩ yan ka mi la ĩyã, tɩ yãma la ya nẽŋadõma daan ẽŋɛ bɛla.

Aromduma 1:28

Ban zagsɛ ka bɔɔra tɩ ba bãŋɛ Nawẽnnɛ na, tɩ Nawẽnnɛ basɛ ba ba tẽ'es-yooro la pʋam, tɩ ba ɩta sɛla n ka masɛ tɩ ba ɩta.

Aromduma 11:25

M sɔbiisi, mam boorɩ mɛ tɩ ya bãŋɛ yelle n sʋgɛ la, tɩ ya da bɩsɛ ya mẽŋa tɩ yãma de la yɛm dõma: Ɩsrayɛlɩ nẽrba basɛba n kɛ'ɛm ba sũure ka bɔ sɩra la, la wʋn yuuge mɛ halɩ tarɩ ka paagɛ wakat-sɛka tɩ bu-zãŋsɩ wuu tɩ Nawẽnnɛ looge wʋn yẽ fãarɛ.

Aromduma 11:7

Bɛla, bẽm ẽŋɛ? Ɩsrayɛlɩ nẽrba ka yẽ bãma n eerɩ sɛla la. La de la sɛba tɩ Nawẽnnɛ looge fẽe ba pʋam na mã'a n yẽ. La nẽrba basɛba la lebge la nẽrba n ka wõnnɩ sɛla võorɛ.

Aromduma 2:19

Fʋ tẽ'esɛ tɩ fõn mi mɛ tãna wʋn pa'alɛ fɔɔsɩ sore. Fʋ tẽ'esɛ tɩ fõn de la peelem bɔ nẽr-sɛba n boe lika pʋam na.

1 Korẽntɩ 1:21

Nawẽnnɛ n ẽŋɛ sɛla la a yɛm na, nẽrsaalba ka tã'agɛ bãŋɛ ẽ la ba mẽŋa yɛm. Bɛla tɩ Nawẽnnɛ botɩ kõ-yẽlga la mõolgɔ tɩ nẽrsaalba yetɩ la de la yalnɛ la, fãagɛ nẽr-sɛba n bɔ ẽ sɩra la.

1 Korẽntɩ 2:8

Sɛba n soe dũnia wã baa ayɩla ka mi yɛm ẽna wã. Ba daan sãn mi nɩ ẽ, ba kãn ka nɩ Zuudãana n tarɩ na'am pãŋa wuu la dɔ-puurŋa zuo kʋ.

2 Korẽntɩ 3:14

La Ɩsrayɛlɩ dõma la yɛm yʋʋn ka like. Halɩ wakat-ẽŋa wa paam lɛɛlɛ wã, ba sãn karẽŋra nõor-bĩŋre kɛka gõŋɔ la, tãnnɛ na ken pĩ ba nẽnsɩ mɛ, tɩ ba ka bɔkra a võorɛ. Tãn-ẽŋa ka pilgri, sãn dagna Krisi peelem pʋam mã'a.

2 Korẽntɩ 4:4

La de la sɛba n ka bɔ Nawẽnnɛ sɩra la. Asũtãana n de dũnia wã naba la n pĩ ba yɛm tɩ ba da bãŋɛ Krisi n de Nawẽnnɛ wõnnɛ na kõ-yẽlga na'am pãŋa.

Galatɩ 4:8

Kʋrʋm, yan daan ka mi Nawẽnnɛ na, ya daan dolɩ la dũnia wã bõn-yooro n dagɩ Nawẽnnɛ poore, dɛna ba yamsɩ.

Efɛɛzɩ 2:1

Ya daan ãn wʋ ya ki mɛ Nawẽnnɛ zẽ'am, ya tõon-be'ero, la ya tuure la ĩyã.

Efɛɛzɩ 2:12

Tẽegɛ-ya tɩ wakat-sɛka tɩ ya ka boe la Krisi la, ya daan de la sãama la Ɩsrayɛlɩ dõma, ka tara nõorɛ la bõn-sɛba tɩ Nawẽnnɛ yʋʋn bĩŋe nõorɛ la Ɩsrayɛlɩ dõma la. Ya daan vɔa la dũnia wã zuo ka mina Nawẽnnɛ, dee ka tara pʋtẽ'erɛ gu'ura sɛla.

Kolɔsɩ 1:21

La yãma mẽ daan zãagɛ mɛ la Nawẽnnɛ, ya daan de la bɛ'ɛba ya pʋtẽ'e-be'ero, la ya tõon-be'ero la ĩyã.

1 Tesaloniki 4:5

Da basɛ-ya tɩ yalsɩ tõoma yɛmleego tara ya, wʋ sɛba n ka dolɩ Nawẽnnɛ n ɩtɩ se'em na.

Hiburuduma 5:2

A tã wʋn wõm sɛba n ka mi, la sɛba n tuuri la võorɛ mɛ zoe ba ninbãalga, ẽŋa mẽŋa n boe tɔrgɔ pʋam na ĩyã.

Hiburuduma 9:7

La deego bʋyi dãana la pʋam, kãabgɔ kẽma nẽŋadãana la mã'a n kẽ'erɩ mĩ nõorɛ ayɩla yʋʋnɛ pʋam. A sãn kẽ'era mĩ, dẽnɩ tɩ a tara dũnsi zɩɩm ka bɔ Nawẽnnɛ, a mẽŋa tuure, la nẽrba tuure ĩyã.

Yemesi 4:4

Yãma ka dolɩ Nawẽnnɛ la sɩra. Yãma ka mi tɩ sɛka n nõŋɛ dũnia wã lɔgrɔ, la de la be'em la Nawẽnnɛ? Bɛla, nẽr-sɛka woo n boorɩ tɩ a yõgɛ sɩtɔ la dũnia wã lɔgrɔ, a wʋn dɛna la Nawẽnnɛ bɛ.

1 Pita 1:14

Sakra-ya Nawẽnnɛ nõorɛ, da le vɔa-ya wʋ yãma n daan nãn ka bãŋɛ Nawẽnnɛ sɩra, tɩ ya yɛmleego botɩ ya bɔɔra sɛla n de be'em na.

1 Zã 2:11

La sɛka n sisri a sɔbia, boe la lika pʋam, la a sẽnnɩ na lika pʋam, ka mina ẽn we'esɩ zẽ'a, se'ere n soe la, lika la fɔ a nini mɛ.