Efɛɛzɩ 4:16 - Farefare Ninkaré

¹⁶ La de la ẽŋa n de zuugo la n botɩ a nẽrba n ãn wʋ ĩyã la lagɩm taaba tõnna, wʋ kõb-suglsi n botɩ ĩyã zẽ'esɩ to'oto'ore toŋe taaba, tɩ zẽ'a woo tõnna wʋ lan masɛ se'em, tɩ ĩyã la wuu bɩta sõŋa sõŋa la nõŋlʋm.

ZE'ELEGO PAALEGA

¹⁶ Eŋa puan ti iŋa la za'a nyɔkɛ taaba suŋa suŋa dɛna inyiŋa doohe la giile woo n tuni de tuunɛ suŋa se'em bahɛ ti inganɛ la zɔ'ɔra doohe la dinɛ n mɛti de mɛŋa nɔŋerɛ puan la.

Efɛɛzɩ 4:16 ပူးပေါင်းရင်းမြစ်များ

Azã 15:5

Mam n de tɩa la, tɩ yãma dɛna wila la. Sɛka n boe la mam, tɩ mam bɔna la ẽ, ẽŋa dãana tõnnɩ tõon-sõma zɔ'ɔra mɛ, se'ere n soe la, ya ka tã wʋn ẽŋɛ sɛla sɛla, tɩ ya sãn ka bɔna la mam.

Aromduma 12:4

Tõma ĩyã de la ayɩla, dee tara zẽ'esɩ zozo'e, tɩ zẽ'a woo tõoma dɛna to'oto'ore.

1 Korẽntɩ 10:17

Borborɩ la n de ayɩla la, tõma mẽ de la ĩyã ayɩla, baa tõma n zo'oge la. Se'ere n soe la, tɩ wuu lagɩm ɔbra la borbor-ẽŋa ayɩla.

1 Korẽntɩ 13:13

Bɛla, bõn-bãna batã n boe wakatɛ wuu: La de la bɔ sɩra, la tɩ tara pʋtẽ'erɛ gu'ura sɛla tɩ tɩ bɔ sɩra la, la nõŋlʋm. La bõn-bãna batã pʋam, nõŋlʋm n gãnnɩ ba wuu.

1 Korẽntɩ 8:1

La sãn dɛna bõn-sɛba tɩ ba dɩkɛ kãabɛ bɔ baga la nẽnnɔ yelle, tɩ mi tɩ tɩ wuu tarɩ bãŋrɛ mɛ, wʋ yãma n yele se'em na. La bãŋrɛ botɩ nẽra zẽkra la a mẽŋa. La nõŋlʋm sõŋrɩ nẽrba mɛ.

Galatɩ 5:22

La Nawẽnnɛ Sɩa tõoma de la nõŋlʋm, la sũ-yẽlga, la sũ-mã'asʋm, la sũ-mã'arɛ, la sõŋa, la ɩr-sõŋɔ, la ẽŋɛ sɩra,

Galatɩ 5:6

Azezi-krisi doosgo la pʋam, fʋ sãn wã, bɩɩ fʋ sãn ka wã, la ka tarɩ võorɛ, sɛla n tarɩ yõorɔ de la fʋ bɔ Azezi sɩra tõnna la nõŋlʋm.

Efɛɛzɩ 1:4

Nawẽnnɛ looge tõma la ẽŋa ĩyã, lan dẽŋɛ dũnia nãaŋɔ, tɩ tɩ welge to'ore dɛna a nẽrba, ka tara yelle a nẽŋam.

Efɛɛzɩ 3:17

tɩ Krisi wʋn bɔna ya sũure pʋam, yan bɔ sɩra la ĩyã, tɩ ya wʋn ze'ele kãŋkãŋɛ tara nõŋlʋm zozo'e.

Efɛɛzɩ 3:7

La de la Nawẽnnɛ yel-sõnnɛ bɔ'a tɩ a botɩ mam dɛna a tõntõnna mõola a kõ-yẽlga la, la a pãŋa.

Efɛɛzɩ 4:12

A ẽŋɛ bɛla tɩ ba mãasʋm na Nawẽnnɛ nẽrba tɩ ba tõnna Nawẽnnɛ tõoma, tɩ Krisi nẽrba n de a ĩyã la bɩta dee pa'asra,

Efɛɛzɩ 4:15

La de la tɩn tɔgrɩ sɩra, la nõŋlʋm na ĩyã, tɩ tɩ bɩta sɛla woo pʋam wʋ ka paagɛ Krisi n de Zuudãana la.

Filipi 1:9

La mam n sosrɩ Nawẽnnɛ bõn-sɛka de la ya nõŋlʋm wʋn pa'asra daarɛ woo, la bãŋrɛ, la yɛm vẽlgrɛ,

Kolɔsɩ 2:19

A ka lagɩm na Krisi n de Zuudãana la. Krisi n de zuugo sõŋra ĩyã la wuu sɛla woo pʋam, tɩ kõb-suglsi, la zĩila botɩ ĩyã la zẽ'esɩ to'oto'ore toŋe taaba bɩta wʋ Nawẽnnɛ n boorɩ se'em.

Kolɔsɩ 2:2

Mam mõrgrɩ tɩ ya sũure n keŋe tɩ ya lagɩm taaba tara nõŋlʋm, dee tara yɛm zozo'e, tɩ ya bãŋɛ sɩra sõŋa sõŋa Nawẽnnɛ yelle n sʋgɛ n de Krisi la.

1 Tesaloniki 1:3

Tõma tẽrɩ ya yelle tɩ Sɔ Nawẽnnɛ nẽŋam, yãma n bɔ sɩra tõnna se'em, la yãma n tarɩ nõŋlʋm tõnna zozo'e se'em, dee ken tẽra yãma n tarɩ pʋtẽ'erɛ gu'ura sɛla tɩ ya bɔ sɩra, zɛ kãŋkãŋɛ tɩ Zuudãana Azezi-krisi doosgo pʋam ka bigsra la yelle.

1 Tesaloniki 2:13

Tõma n daan mõolɛ Nawẽnnɛ kõ-yẽlga la bɔ ya la, ya daan to'oge ẽ, sakɛ tɩ la de la kõ-yẽlga n ze'ele Nawẽnnɛ zẽ'am, a ka ze'ele nẽrsaalba zẽ'am. Asɩra, la de la Nawẽnnɛ yetɔga n boe yãma sɛba n bɔ sɩra la sũure pʋam tõnna. Bɛla tɩ tõma pʋ'ʋsra Nawẽnnɛ wakatɛ wuu bõn-ẽŋa ĩyã.

1 Tesaloniki 3:12

Tɩ Zuudãana wʋn basɛ tɩ ya nõŋlʋm taaba ĩyã, la ya nõŋlʋm nẽrba wuu ĩyã pa'asra zozo'e wʋ tõma n nõŋɛ ya se'em na.

2 Tesaloniki 1:3

M sɔbiisi, tõma masɛ mɛ tɩ tɩ pʋ'ʋsra Nawẽnnɛ daarɛ woo a yel-sõnnɛ yãma ĩyã. La ãn sõŋa mɛ tɩ tõma ɩta bɛla, se'ere n soe la, yãma n bɔ Azezi sɩra la sẽnnɩ nẽŋa mɛ zozo'e, tɩ yãma nẽra woo nõŋlʋm taaba ĩyã pa'asra.

1 Timoti 1:5

Mam yetɩ fʋ yele ba bɛla, tɩ ba tara la pʋtẽ'erɛ n ãn sõŋa, dee bãŋɛ ba sũure pʋam tɩ ba ka tarɩ dõrga, dee bɔ Nawẽnnɛ sɩra la ba sũure wuu tɩ ba nõŋlʋm zo'oge.

1 Pita 1:22

Yãma n sakɛ sɩra la, ya lebge la pʋpeelem dõma, tɩ ya nõŋɛ ya sɔbiisi la nõŋlʋm sɩra sɩra. Bɛla, nõŋɛ-ya taaba zozo'e la ya sũure wuu.

1 Zã 4:16

La tõma mi mɛ, dee bɔ sɩra tɩ Nawẽnnɛ nõŋɛ tõma mɛ. Nawẽnnɛ de la nõŋlʋm dãana. Nẽr-sɛka n tarɩ Nawẽnnɛ nõŋlʋm boe la Nawẽnnɛ lɛ, tɩ Nawẽnnɛ mẽ bɔna la ẽ.