Efɛɛzɩ 3:4 - Farefare Ninkaré

⁴ Ya sãn karẽŋɛ mam n gʋlsɛ se'em na, ya wʋn yẽ mam n bãŋɛ Krisi yelle n daan sʋgɛ la võorɛ n ãn se'em.

ZE'ELEGO PAALEGA

⁴ Ku wan dɛna gɔŋɔ ti ya han kãalɛ, ya wan baŋɛ mam n bɔkɛ Kiresta sugelum yele la se'em.

Efɛɛzɩ 3:4 ပူးပေါင်းရင်းမြစ်များ

Amatie 13:11

Tɩ a lerge ba yetɩ: «Nawẽnnɛ botɩ yãma bãŋɛ a so'olʋm yelle n sʋgɛ la mɛ. La a ka botɩ bãma bãŋɛ.

Aluki 8:10

Tɩ a lerge ba yetɩ: «Nawẽnnɛ botɩ yãma bãŋɛ a so'olʋm yelle n sʋgɛ la mɛ, la sɛba n ka boe tõma pʋam na, mam makrɩ la magsa bɔ'ɔra ba. ‹Bɛla tɩ ba wʋn bɩsra, dee ka yẽta, ba wʋn wõnna, dee ka bãŋra ba võorɛ.›

Aromduma 11:25

M sɔbiisi, mam boorɩ mɛ tɩ ya bãŋɛ yelle n sʋgɛ la, tɩ ya da bɩsɛ ya mẽŋa tɩ yãma de la yɛm dõma: Ɩsrayɛlɩ nẽrba basɛba n kɛ'ɛm ba sũure ka bɔ sɩra la, la wʋn yuuge mɛ halɩ tarɩ ka paagɛ wakat-sɛka tɩ bu-zãŋsɩ wuu tɩ Nawẽnnɛ looge wʋn yẽ fãarɛ.

Aromduma 16:25

Pẽgɛ-ya Nawẽnnɛ, ẽŋa n tã wʋn botɩ ya ze'ele kãŋkãŋɛ, wʋ kõ-yẽlga la tɩ mam mõolɛ pa'alɛ ya Azezi-krisi yelle, botɩ ya bãŋɛ Nawẽnnɛ yelle n sʋgɛ la. Yel-ẽŋa sʋgɛ mɛ halɩ yʋʋma yʋʋma.

1 Korẽntɩ 13:2

La mam sãn tara bɔ'a tɔ'ɔsra Nawẽnnɛ yetɔga tɔgra bɔ'ɔra nẽrba, dee tãna wʋn bãŋɛ yɛla n sʋgɛ wuu võorɛ, dee tara mi'ilum wuu, la mam sãn bɔ Nawẽnnɛ sɩra tãna wʋn botɩ tãŋa vurge, dee ka tara nõŋlʋm, mam de la zãŋa.

1 Korẽntɩ 4:1

Bɛla, dẽnɩ tɩ ya bãŋɛ tɩ tõma de la Krisi tõntõnɩba, tɩ Nawẽnnɛ dɩkɛ a yɛla n daan sʋgɛ ẽŋɛ tõma nu'usum tɩ tɩ tɔgɛ bɔ nẽrba.

2 Korẽntɩ 11:6

Baa la mam sãn ka mina yetɔga wʋ yetɔg-mita, la dagɩ tɩ mam ka tarɩ bãŋrɛ. La tõma pa'alɛ ya bõn-ẽŋa mɛ vẽelga vẽelga sɛla woo pʋam, wakatɛ wuu.

Efɛɛzɩ 1:9

Nawẽnnɛ basɛ tɩ tõma bãŋɛ ẽn boorɩ tɩ a ẽŋɛ se'em n daan sʋgɛ tɩ a looge yɛm tɩ a ẽŋɛ Krisi ĩyã la mɛ.

Efɛɛzɩ 3:3

Nawẽnnɛ puke a yelle n sʋgɛ la pa'alɛ mam mɛ, wʋ mam gʋlsɛ se'em fẽe bɔ ya la.

Efɛɛzɩ 3:9

dee botɩ nẽrba bãŋɛ Nawẽnnɛ n yetɩ a ẽŋɛ se'em n daan sʋgɛ la. Ẽŋa n nãam sɛla woo la, sʋgɛ bõn-ẽŋa mɛ halɩ yʋʋma yʋʋma wa paam zĩna.

Efɛɛzɩ 5:32

Ẽna de la yel-kãtɛ n sʋgɛ yetɔg-bãna pʋam, mam n tɔgrɩ la de la Krisi, la a nẽrba la yelle.

Efɛɛzɩ 6:19

La ya mẽ pʋ'ʋsra mam ĩyã tɩ m sãn yetɩ m tɔgɛ, a wʋn ẽŋɛ yetɔga m nõorʋm tɩ m tã'agɛ mõolɛ a kõ-yẽlga n sʋgɛ la, la bʋraanɛ tɩ nẽrba bãŋɛ a võorɛ.

Kolɔsɩ 1:26

Yetɔg-ẽŋa sʋgɛ mɛ yʋʋma yʋʋma, zamãana wuu wa paam zĩna, la lɛɛlɛ wã a yãŋa puke mɛ bɔ Nawẽnnɛ nẽrba.

Kolɔsɩ 2:2

Mam mõrgrɩ tɩ ya sũure n keŋe tɩ ya lagɩm taaba tara nõŋlʋm, dee tara yɛm zozo'e, tɩ ya bãŋɛ sɩra sõŋa sõŋa Nawẽnnɛ yelle n sʋgɛ n de Krisi la.

Kolɔsɩ 4:3

Pʋ'ʋsra-ya tõma mẽ ĩyã, tɩ Nawẽnnɛ bɔ tɔ sore tɩ tɩ mõolɛ a kõ-yẽlga la pa'alɛ nẽrba Krisi yelle n daan sʋgɛ la. La de la yel-ẽŋa ĩyã tɩ mam bɔna yʋ'a deem.

1 Timoti 3:16

Tɩ wuu mi tɩ Nawẽnnɛ sɩra n daan sʋgɛ tɩ a dɩkɛ pa'alɛ tɔ a doosgo pʋam na, de la bõn-kãtɛ. Bõn-kãtɛ ẽŋa de la: Krisi n daan lebge nẽrsaala. Tɩ Nawẽnnɛ Sɩa pa'alɛ tɩ a de la sɩra dãana. Tɩ malɛkadõma bɩsɛ ẽ. Tɩ ba mõolɛ a yelle buuri wuu tẽŋasʋka. Tɩ nẽrba bɔ ẽ sɩra. Tɩ Nawẽnnɛ zẽkɛ ẽ la na'am pãŋa sẽŋɛ a yire.

1 Timoti 3:9

Ba dɛna nẽrba n tarɩ Nawẽnnɛ sɩra n daan sʋgɛ, tɩ a puke pa'alɛ tɩ la, ɩta sɛla woo tɩ ba mi ba sũure pʋam tɩ la masɛ mɛ.