Efɛɛzɩ 3:2 - Farefare Ninkaré

² Mam tẽ'esɛ tɩ ya wõm tɩ Nawẽnnɛ dɩkɛ a yel-sõnnɛ kõ-yẽlga la ẽŋɛ la mam nu'usum tɩ m tɔgɛ bɔ yãma.

ZE'ELEGO PAALEGA

² Yelemɛŋerɛ, ya pun wum Yinɛ en doohe a zu'uhegɔ puan dikɛ tuunɛ iŋɛ mam nu'uhi yamam zuo,

Efɛɛzɩ 3:2 ပူးပေါင်းရင်းမြစ်များ

Tõoma 13:2

La daarɛ ayɩla ba daan lʋ la nõorɛ pʋ'ʋsra dee pẽgra Nawẽnnɛ, tɩ Nawẽnnɛ Sɩa yele ba yetɩ: «Looge-ya Abarnabasɩ la Asolɩ tɩ ba tõm tõon-sɛka tɩ mam looge ba tɩ ba tõm na.»

Tõoma 13:46

Tɩ Apolɩ la Abarnabasɩ daan kãbɛ sũure tɔgɛ ba yetɩ: «Tõma wʋn dẽŋɛ nɩ tɔgɛ Nawẽnnɛ yetɔga wã bɔ la yãma. La yãma n zagsɛ la, yãma pa'alɛ tɩ ya ka masɛ tɩ ya yẽ vɔm n ka ba'asrɩ. Bɛla ĩyã tõma wʋn basɛ yãma, dee sẽŋɛ la bu-zãŋsɩ zẽ'am.

Tõoma 22:21

Tɩ Zuudãana la yele mam yetɩ: ‹Sẽŋɛ, mam yetɩ m tõm fʋ la bu-zãŋsɩ zẽ'am zãazãarɛ.› »

Tõoma 9:15

Tɩ Zuudãana la yele Ananiyasɩ yetɩ: «Sẽŋɛ, mam looge ẽ mɛ tɩ m botɩ a tarɩ mam yʋ'ʋrɛ sẽŋɛ ka tɔgɛ bɔ bu-zãŋsɩ, la ba na'adõma, la Ɩsrayɛlɩ dõma mẽ.

Aromduma 1:5

Azezi-krisi ĩyã tɩ Nawẽnnɛ ẽŋɛ tɩ yel-sõnnɛ, botɩ tõma dɛna a Tõntõnɩba tɩ tɩ botɩ so'olʋm wuu nẽrba bɔ ẽ sɩra, sakɛ a nõorɛ a yʋ'ʋrɛ nã'asgɔ ĩyã.

Aromduma 11:13

Mam yãŋa yetɩ m tɔgɛ la yãma sɛba n de bu-zãŋsɩ la: Mam n de Krisi Tõntõnna tõnna bɔ'ɔra yãma n de bu-zãŋsɩ la, mam pẽgrɩ m tõonɛ na mɛ.

Aromduma 12:3

Nawẽnnɛ yel-sõnnɛ tɩ a ẽŋɛ bɔ mam na ĩyã, mam yetɩ ya wuu mɛ, tɩ ya da tẽ'esɛ tẽ'esgɔ n gãnnɩ ya mẽŋa. La tara ya tẽ'esgɔ n masɛ, tɩ la doose wʋ Nawẽnnɛ bɔ'a tɩ a bɔ ya nẽra woo, yãma n bɔ ẽ sɩra la.

1 Korẽntɩ 4:1

Bɛla, dẽnɩ tɩ ya bãŋɛ tɩ tõma de la Krisi tõntõnɩba, tɩ Nawẽnnɛ dɩkɛ a yɛla n daan sʋgɛ ẽŋɛ tõma nu'usum tɩ tɩ tɔgɛ bɔ nẽrba.

Galatɩ 1:13

Ya wõm mam daan ãn se'em Zifdõma sore la pʋam, daan nãmsra Azezi nẽrba la zozo'e, mõora tɩ m sã'am ba sore la.

Efɛɛzɩ 1:10

Wakatɛ la sãn wa paagɛ, Nawẽnnɛ wʋn ẽŋɛ ẽŋa n looge yɛm tɩ a ẽŋɛ se'em na mɛ, a wʋn lagsɛ sɛla wuu n boe saazuum, la dũnia zuo, tɩ ba sakɛ Zuudãana ayɩla n de Krisi.

Efɛɛzɩ 3:7

La de la Nawẽnnɛ yel-sõnnɛ bɔ'a tɩ a botɩ mam dɛna a tõntõnna mõola a kõ-yẽlga la, la a pãŋa.

Efɛɛzɩ 3:8

Mam n de nẽra n pɔ'ɔgɛ Nawẽnnɛ nẽrba la wuu pʋam, la bɛla wuu Nawẽnnɛ ẽŋɛ la mam yel-sõn-ẽŋa tɩ m mõolɛ Krisi kõ-yẽlga la bɔ bu-zãŋsɩ tɩ ba bãŋɛ bõn-sõma n zo'oge gãŋɛ tɩ nẽrba ka tãna wʋn bãŋɛ ba'asɛ la,

Efɛɛzɩ 3:9

dee botɩ nẽrba bãŋɛ Nawẽnnɛ n yetɩ a ẽŋɛ se'em n daan sʋgɛ la. Ẽŋa n nãam sɛla woo la, sʋgɛ bõn-ẽŋa mɛ halɩ yʋʋma yʋʋma wa paam zĩna.

Efɛɛzɩ 4:21

Yãma n wõm Azezi-krisi yelle, dee tɩ ba zãsʋm yãma n de a nẽrba sɩra n ze'ele a zẽ'am na,

Efɛɛzɩ 4:7

La tõma nẽra woo to'oge yel-sõnnɛ bɔ'a masɛ wʋ Krisi n bɔ tɩ se'em.

Kolɔsɩ 1:4

Tõma wõm ban tɔgrɩ yãma n bɔ Azezi-krisi sɩra, dee nõŋɛ Nawẽnnɛ nẽrba wuu se'em,

Kolɔsɩ 1:6

Kõ-yẽlga ẽŋa paagɛ yãma zẽ'am mɛ, wʋ ẽn paagɛ dũnia zẽ'esɩ wuu se'em na, la a ɩtɩ nẽrba sõŋa mɛ, tɩ ba sakra zozo'e, tɩ ba kãllɛ pa'asra. A mẽ ɩtɩ la bɛla yãma zẽ'am lan sẽŋɛ la daar-sɛka tɩ yãma wõm, dee bãŋɛ Nawẽnnɛ yel-sõnnɛ sɩra sɩra la.

1 Timoti 1:11

Kõ-yẽlga ẽŋa ze'ele la sũ-yẽlga dãana Nawẽnnɛ n tarɩ na'am pãŋa la zẽ'am, ẽŋa n dɩkɛ ẽ ẽŋɛ mam nu'usum tɩ m mõolɛ.

1 Timoti 1:4

Yele ba tɩ ba basɛ kʋrʋm kʋrʋm dõma sɔlma, la yaabdõma deto kãalgɔ n ka tarɩ ba'asgɔ. Bõn-bãma tarɩ la nõke'ene sẽna, dee ka sõŋra tɩ Nawẽnnɛ tõoma sẽnna nẽŋa. Nẽrba n bɔ Nawẽnnɛ sɩra n botɩ a tõoma la sẽnna nẽŋa.

1 Timoti 2:7

Bɛla tɩ Nawẽnnɛ daan looge mam tɩ m dɛna Azezi Tõntõnna dɩkɛ yel-ẽna wã mõolɛ, dee zãsʋm bu-zãŋsɩ Nawẽnnɛ sɩra tɩ ba bɔ ẽ sɩra. Mam tɔgrɩ la sɩra, mam ka parnɩ.

2 Timoti 1:11

Nawẽnnɛ n looge mam tɩ m dɛna Krisi Tõntõnna mõola a kõ-yẽlga, dee zãsna nẽrba.