Efɛɛzɩ 3:17 - Farefare Ninkaré

¹⁷ tɩ Krisi wʋn bɔna ya sũure pʋam, yan bɔ sɩra la ĩyã, tɩ ya wʋn ze'ele kãŋkãŋɛ tara nõŋlʋm zozo'e.

ZE'ELEGO PAALEGA

¹⁷ ti Kiresta bɔna ya suya puan, sakerɛ zuo, wuu yan ba' nyɛga gee tara nɔŋerɛ puan se'em la.

Efɛɛzɩ 3:17 ပူးပေါင်းရင်းမြစ်များ

Amatie 13:6

Tɩ wʋntɛɛŋa yẽkɛ wẽ ba, tɩ ba ki, ba yẽga n ka kẽ tẽŋa la ĩyã.

Aluki 6:48

A ãn wʋ nẽra n boorɩ tɩ a mẽ a yire, tũ paagɛ tãmpĩa, ẽebɛ a yire tãmpĩa la zuo. Tɩ saaga ni, tɩ ko'om pɩrɛ kʋlsɩ zoe wẽ yire la, tɩ a ka lui, ẽn mẽ sõŋa la ĩyã.

Azã 14:17

A de la sɩra Sɩa tɩ dũnia dõma ka tã wʋn to'oge ẽ, se'ere n soe la, ba ka tã wʋn yẽ ẽ, la ba ka mi ẽ. La yãma mi ẽ, se'ere n soe la, a boe la ya zẽ'am, la a wʋn bɔna la ya lɛ.

Azã 14:23

Tɩ Azezi lerge ẽ yetɩ: «Nẽra sãn nõŋɛ mam, a wʋn sakɛ ɩta mam n yele se'em na, la mam Sɔ wʋn nõŋɛ a dãana. La tõma wʋn wa'am a zẽ'am wa bɔna la ẽ.

Azã 17:23

Tɩ mam wʋn bɔna la ba, tɩ fõn bɔna la mam, tɩ ba wʋn sɩrɩ dɛna ayɩla, tɩ dũnia nẽrba wʋn bãŋɛ tɩ la de la fõn tõm mam, la fõn nõŋɛ ba wʋ fõn nõŋɛ mam se'em na.

Azã 6:56

Sɛka n diti mam ĩyã, dee yũura mam zɩɩm boe la mam mɛ, tɩ mam bɔna la ẽ.

Aromduma 5:5

Pʋtẽ'e-ẽŋa tɩ tɩ tarɩ la kãn ẽŋɛ tɩ yãnnɛ, se'ere n soe la, Nawẽnnɛ Sɩa la tɩ a bɔ tõma la ẽŋɛ la a nõŋlʋm tɩ sũa pʋam.

1 Korẽntɩ 3:6

Tõma ãn wʋ kaarba la, mam sele mɛ, tɩ Apolɔsɩ basɛ ko'om. La Nawẽnnɛ n botɩ ba bɩta.

1 Korẽntɩ 8:1

La sãn dɛna bõn-sɛba tɩ ba dɩkɛ kãabɛ bɔ baga la nẽnnɔ yelle, tɩ mi tɩ tɩ wuu tarɩ bãŋrɛ mɛ, wʋ yãma n yele se'em na. La bãŋrɛ botɩ nẽra zẽkra la a mẽŋa. La nõŋlʋm sõŋrɩ nẽrba mɛ.

2 Korẽntɩ 13:5

Vẽesɛ-ya ya mẽŋa bɩsɛ ya sãn bɔna Krisi sore la zuo. Ya mẽŋa geele bɩsɛ, yãma ka mi tɩ Krisi boe la yãma mɛ? Sãn dagɩ nɩ bɛla, ya koŋe mɛ.

2 Korẽntɩ 6:16

Bẽm lagŋɔ n boe Wẽnnaam deego, la baga tɩ ba mãalɛ tẽŋasʋka? La sãn dɛna tõma, tõma de la Nawẽnnɛ n vɔa la deego wʋ Nawẽnnɛ n yele yetɩ: «Mam wʋn bɔna la ba, kẽ'era la ba. Mam wʋn dɛna ba Nawẽnnɛ, tɩ ba dɛna mam nẽrba.»

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Galatɩ 5:6

Azezi-krisi doosgo la pʋam, fʋ sãn wã, bɩɩ fʋ sãn ka wã, la ka tarɩ võorɛ, sɛla n tarɩ yõorɔ de la fʋ bɔ Azezi sɩra tõnna la nõŋlʋm.

Kolɔsɩ 1:23

Bɛla, dẽnɩ tɩ ya ken bɔ sɩra zɛ kãŋkãŋɛ, da basɛ tɩ sɛla zãagɛ ya la kõ-yẽlga la tɩ ya wõm tara pʋtẽ'erɛ gu'ura sɛla la. La de la kõ-yẽlga ẽŋa tɩ ba mõolɛ bɔ nẽrsaalba wuu n boe dũnia zuo la. Mam Apolɩ de Nawẽnnɛ tõntõnna tɩ m mõolɛ la kõ-yẽl-ẽŋa.

Kolɔsɩ 1:27

Nawẽnnɛ n boorɩ tɩ a basɛ tɩ a nẽrba la bãŋɛ yel-ẽŋa n daan sʋgɛ la na'am pãŋa n ãn sõŋa zo'oge se'em bu-zãŋsɩ tẽŋasʋka. Yel-ẽŋa n sʋgɛ la de la Krisi boe la ya lɛ, botɩ ya wʋn yẽ na'am pãŋa tɩ ya tarɩ pʋtẽ'erɛ gu'ura la a zẽ'am.

Kolɔsɩ 2:7

zɛ kãŋkãŋɛ wʋ tɩa yẽga n kẽ tẽŋa zɛ kãŋkãŋɛ se'em na, ken bɔ-ya sɩra la ya sũure wuu wʋ ban zãsʋm ya se'em na, la ya pʋ'ʋsra Nawẽnnɛ a yel-sõnnɛ zozo'e.

1 Zã 4:16

La tõma mi mɛ, dee bɔ sɩra tɩ Nawẽnnɛ nõŋɛ tõma mɛ. Nawẽnnɛ de la nõŋlʋm dãana. Nẽr-sɛka n tarɩ Nawẽnnɛ nõŋlʋm boe la Nawẽnnɛ lɛ, tɩ Nawẽnnɛ mẽ bɔna la ẽ.

1 Zã 4:4

La yãma, m kɔma, yãma de la Nawẽnnɛ nẽrba, la yãma yãŋɛ põmpɔrŋɔ nõtɔ'ɔsrɩba la mɛ. Se'ere n soe la, Nawẽnnɛ Sɩa n boe la yãma lɛ la, tarɩ pãŋa gãnna sɩ'ɩsra la sɩa n boe la dũnia dõma la mɛ.

Lilegere 3:20

Bɩsɛ-ya, mam ze la kʋlɩŋa nõorʋm wẽ'era, nẽr-sɛka n wõm mam kõa yo'oge kʋlɩŋa bɔ mam, mam wʋn kẽ a zẽ'am lagɩm na ẽ di, tɩ a mẽ lagɩm na mam di.