Efɛɛzɩ 2:8 - Farefare Ninkaré

⁸ La de la Nawẽnnɛ yel-sõnnɛ la ĩyã tɩ ya yẽ fãarɛ, yan bɔ Krisi sɩra la ĩyã, la dagɩ ya mẽŋa pãŋa, la de la Nawẽnnɛ bɔ'a.

ZE'ELEGO PAALEGA

⁸ La dela zu'uhegɔ zuo ti ya nyɛ faarɛ, doohe sakerɛ puan. Dina dagi ya mɛhi en iŋɛ sɛla, gee la dela Yinɛ bo'olum.

Efɛɛzɩ 2:8 ပူးပေါင်းရင်းမြစ်များ

Amatie 16:17

Tɩ Azezi lebe yele ẽ yetɩ: «Asimõ, Azã dayʋa, fʋ tarɩ zu-yẽlga, se'ere n soe la, la dagɩ nẽrsaala n pa'alɛ fʋ wãna, la de la mam Sɔ Nawẽnnɛ n boe saazuum na.

Amatie 20:9

Tɩ sɛba n sẽŋɛ wẽnnɛ n we'esɩ lua la wuu to'ose lag-kõbrɛ ayɩla ayɩla.

Amarkɩ 16:16

Sɛka woo n bɔ sɩra, botɩ ba mise ẽ ko'om pʋam, a wʋn yẽ fãarɛ. La sɛka woo n ka bɔ sɩra, ba wʋn di a sarɩya sɩbgɛ ẽ.

Aluki 7:50

Tɩ Azezi yele pɔka la yetɩ: «Fõn bɔ mam sɩra la ĩyã n fãagɛ fɔ basɛ. Sẽŋɛ la sũ-mã'asʋm.»

Azã 3:36

Sɛka n bɔ a Dayʋa la sɩra tarɩ la vɔm n ka ba'asrɩ. La sɛka n ka sakɛ a Dayʋa la kãn yẽ vɔm n ka ba'asrɩ, la Nawẽnnɛ sũ-isgre boe a dãana zuo.»

Azã 4:10

Tɩ Azezi yele ẽ yetɩ: «Fʋ sãn mina Nawẽnnɛ n bɔ'ɔrɩ sɛla, la sɛka n yetɩ fʋ tɩ ‹bɔ ma ko'om tɩ m yũ› la, fʋ wʋn sose nɩ ẽ, la a wʋn bɔ fɔ ko'om n bɔ'ɔrɩ vɔm.»

Azã 5:24

Mam yetɩ ya la sɩra sɩra, tɩ sɛka n selse mam yetɔga dee bɔ sɛka n tõm mam na sɩra, a tarɩ la vɔm n ka ba'asrɩ. La ba kãn di a sarɩya. La a yese la kũm pʋam tara vɔm n ka ba'asrɩ.

Azã 6:35

Tɩ Azezi lerge ba yetɩ: «Mam n de dia n bɔ'ɔrɩ vɔm na. Nẽr-sɛka woo n sẽm mam zẽ'am, kɔm kãn malɩn yõkɛ ẽ, la sɛka n bɔ mam sɩra, koyũuro kãn malɩn tara ẽ.

Azã 6:37

Sɛba wuu tɩ mam Sɔ Nawẽnnɛ bɔ'ɔrɩ mam, sẽm mam zẽ'am mɛ. La sɛka n sẽm mam zẽ'am, mam kãn dige nẽra baa ayɩla basɛ.

Azã 6:40

Mam Sɔ la n tõm mam na n boorɩ se'em de la sɛka woo n yẽ a Dayʋa la, dee bɔ ẽ sɩra wʋn yẽ vɔm n ka ba'asrɩ. Mam wʋn vo'oge ẽ dũnia ba'asgɔ daarɛ.»

Azã 6:44

Nẽra ka tã wʋn wa'am mam zẽ'am tɩ la sãn dagna mam Sɔ n tõm mam na n tarɩ ẽ wa'am. La mam n wʋn vo'oge ẽ dũnia ba'asgɔ daarɛ.

Azã 6:65

Tɩ a le yele ba yetɩ: «Bɛla n soe tɩ mam yetɩ, nẽra ka tã wʋn wa'am mam zẽ'am, tɩ la sãn dagna mam Sɔ la n bɔ ẽ sore.»

Tõoma 13:39

la nẽr-sɛka woo n bɔ Azezi sɩra, a yelle masɛ Nawẽnnɛ zẽ'am mɛ.

Tõoma 14:27

La ban paagɛ la, ba botɩ Azezi nẽrba la lagsɛ mɛ, tɩ ba tɔgɛ pa'alɛ ba Nawẽnnɛ n tõm la bãma se'em, la a yo'oge sore mɛ bɔ bu-zãŋsɩ tɩ ba tãna wʋn bɔ ẽ sɩra.

Tõoma 15:11

La ka ãn sõŋa, tõma mi tɩ la de la Zuudãana Azezi yel-sõnnɛ na ĩyã tɩ tõma yẽ fãarɛ, wʋ bãma n mẽ yẽ fãarɛ se'em na.»

Tõoma 16:14

La pɔka ayɩla n daan boe mĩ pʋ'ʋsra Nawẽnnɛ, tɩ a yʋ'ʋrɛ dɛna Alidi, a ze'ele la Tiyatiiri. A daan koosrɩ la fu-sõma n de gomusga. Tɩ a sɛlsra tõma yetɔga la, tɩ Zuudãana botɩ a bãŋɛ Apolɩ yetɔga la võorɛ dee sakɛ.

Tõoma 16:31

Tɩ ba lerge ẽ yetɩ: «Bɔ Zuudãana Azezi sɩra, tɩ fõn na fʋ yir-dõma wuu wʋn yẽ fãarɛ.»

Aromduma 10:14

La ba wʋn ẽŋɛ la wãne sose ẽ sõŋrɛ, ba sãn ka bɔ ẽ sɩra? La ba wʋn ẽŋɛ la wãne bɔ ẽ sɩra, ba sãn ka wõm a kõ-yẽlga la? La ba wʋn ẽŋɛ la wãne wõm kõ-yẽlga la, tɩ nẽra sãn ka mõolɛ?

Aromduma 10:17

Bɛla, la de la kõ-yẽlga la selsgo n sẽm na bɔ sɩra, la kõ-yẽlga la de la Azezi-krisi yelle tɩ ba tɔgrɩ.

Aromduma 4:16

Bɛla, la de la bɔ sɩra ĩyã, tɩ Nawẽnnɛ nõor-bĩŋre la wʋn dɛna yel-sõnnɛ bɔ'a n tarɩ yõorɔ bɔ Abraham yɩɩsɩ la wuu. La, la ka de a yɩɩsɩ sɛba n dolɩ lɔɔ la mã'a ĩyã, la de la nẽr-sɛba wuu n bɔ Nawẽnnɛ sɩra wʋ Abraham n yʋʋn bɔ sɩra se'em na. Abraham n de tɩ wuu sɔ-yaaba.

Aromduma 4:5

La nẽra sãn ka tõm tõonɛ, dee bɔ Nawẽnnɛ n botɩ tõon-be'ero dõma masra a zẽ'am na sɩra, Nawẽnnɛ wʋn botɩ a lebge la nẽra n masɛ a zẽ'am ẽn bɔ sɩra la ĩyã.

Aromduma 9:16

Bɛla, la dagɩ nẽrsaala n boorɩ se'em, bɩɩ ẽn mõrgrɩ se'em, la de la Nawẽnnɛ n zotɩ ninbãalga.

Galatɩ 3:14

Krisi ẽŋɛ bɛla tɩ yel-sõnnɛ na tɩ Nawẽnnɛ bĩŋe nõorɛ tɩ a bɔ Abraham na, mẽ wʋn dɛna bu-zãŋsɩ bõnɔ, bãma n lagɩm na Azezi-krisi dɛna ayɩla la ĩyã, dee tɩ tõma mẽ to'oge Nawẽnnɛ Sɩa la tɩ a bĩŋe nõorɛ tɩ a bɔ tɔ, tõma n bɔ ẽ sɩra la ĩyã.

Galatɩ 3:22

La Nawẽnnɛ gõŋɔ la yetɩ, dũnia dõma wuu boe la tõon-be'ero nu'usum. La de la bɛla tɩ sɛba n bɔ Azezi-krisi sɩra la wʋn to'oge sɛla tɩ Nawẽnnɛ bĩŋe nõorɛ tɩ a bɔ ba, ban bɔ Azezi-krisi sɩra la ĩyã.

Efɛɛzɩ 1:19

Mam ken sɔsra ẽ tɩ a botɩ ya bãŋɛ a pãŋa la n ãn kãtɛ gãŋɛ se'em tɩ a tarɩ tõnna la tõma n bɔ ẽ sɩra la lɛ, wʋ a na'am pãn-kãtɛ n tõnnɩ tõon-kãra se'em na.

Efɛɛzɩ 2:10

La de la Nawẽnnɛ n nãam tɔ, botɩ tɩ lagɩm na Azezi-krisi dɛna ayɩla, tõnna tõon-sõma tɩ a põn dẽŋɛ mãasʋm tɩ tɩ wa tõm na.

Efɛɛzɩ 2:5

Tɩ baa tõma n daan ãn wʋ tɩ ki mɛ tɩ tõon-be'ero ĩyã la, a basɛ tɩ tɩ lagɩm na Krisi yẽ vɔm. La de la Nawẽnnɛ yel-sõnnɛ ĩyã tɩ a fãagɛ ya.

Filipi 1:29

Se'ere n soe la, Nawẽnnɛ n ẽŋɛ ya yel-sõnnɛ na, la dagɩ ya bɔ Krisi sɩra mã'a, la de la ya ken nãmsɛ a ĩyã.

Kolɔsɩ 2:12

Ban daan mise ya ko'om pʋam na, la ãn wʋ ba lagɩm ya mɛ la Krisi laagɛ. La yãma mẽ lagɩm na ẽ mɛ vo'oge, yãma n bɔ Nawẽnnɛ pãŋa n botɩ Krisi vo'oge sɩra la ĩyã.

2 Tesaloniki 1:9

Ba wʋn yẽ la sɩbgrɛ n de sã'aŋɔ n ka ba'asrɩ. La ba wʋn zãagɛ mɛ la Zuudãana kãn yẽ a na'am pãn-kãtɛ la,

Hiburuduma 6:4

Nẽr-sɛba n bãŋɛ Nawẽnnɛ sɩra bɔna peelem pʋam, yẽ Nawẽnnɛ yel-sõnnɛ, to'oge Nawẽnnɛ Sɩa pãŋa,

1 Pita 1:5

Yãma n bɔ sɩra la, Nawẽnnɛ gu'uri ya mɛ la a pãŋa halɩ wʋn ka paagɛ ba'asgɔ wakatɛ fãagɛ ya ba'asɛ.