Efɛɛzɩ 2:3 - Farefare Ninkaré

³ Tõma wuu daan lagɩm ãna wʋ bãma n ãn se'em na, tõma daan vɔa wʋ nẽrsaala yɛmleego n boorɩ se'em, ɩta tɩ ĩyã, la tɩ yɛm n boorɩ se'em n de be'em na. La tõma n daan ãn se'em na basɛ tɩ tɩ daan masɛ la Nawẽnnɛ sɩbgrɛ wʋ nẽrba basɛba la.

ZE'ELEGO PAALEGA

³ Tu za'a yuum nan vɔi mɛ la ba, dɔla tu inganɛ kɔrɛ, la tu mɛhi puti'ira. Tu yuum dela nɛresɛba ti Yinɛ sunsunyiim dɔla tɔ, wuu kɔma woo en ani se'em la.

Efɛɛzɩ 2:3 ပူးပေါင်းရင်းမြစ်များ

Amarkɩ 4:19

tɩ ba yɛm yɔɔra la dũnia wã yɛla, tɩ bõntarsõm yɛla pã'asra ba, tɩ yɛla basɛba yɛmleego tara ba, botɩ yetɔga la ka tãna wʋn wɔm biɛ ba sũure pʋam.

Azã 1:13

Ba ka lebge Nawẽnnɛ kɔma wʋ nẽrsaalba n dɔgrɩ se'em na, la ka de ĩyã n boorɩ se'em, bɩɩ nẽrsaala n boorɩ se'em. La de la Nawẽnnɛ mẽŋa n botɩ ba lebge a kɔma.

Azã 8:44

Ya sɔ de la Asũtãana, la ya boorɩ tɩ ya ẽŋɛ la ya sɔ la n boorɩ se'em na. A de la nẽr-kʋʋra halɩ pĩ'iluŋo. A ka boe sɩra pʋam, sɩra n ka boe a pʋam na ĩyã. A sãn parna, ẽn ãn se'em n bɛla, se'ere n soe la, a de la põmpɔrma, la põmpɔrŋɔ wuu sɔ.

Tõoma 14:16

Kʋrʋm kʋrʋm, Nawẽnnɛ yʋʋn basɛ buuri wuu tɩ ba ɩta la ba mẽŋa yɛm n boorɩ se'em.

Aromduma 1:24

Bɛla n soe tɩ Nawẽnnɛ basɛ ba, tɩ ba tõnna dẽgrɔ tõoma, wʋ ba yɛm n boorɩ se'em, tõnna yãnnɛ tõoma la taaba.

Aromduma 11:30

Kʋrʋm, yãma bu-zãŋsɩ la zagsɛ Nawẽnnɛ mɛ, la lɛɛlɛ wã, a zoe yãma ninbãalga mɛ, Ɩsrayɛlɩ dõma n zagsɛ ẽ na ĩyã.

Aromduma 13:14

Ɩta-ya tɩ Zuudãana Azezi-krisi n ẽŋɛ se'em na, da basɛ-ya tɩ nẽrsaala n boorɩ se'em yelle pakɛ ya, tɩ ya bɔɔra tɩ ya ɩta yãma mẽŋa yɛmleego n boorɩ se'em.

Aromduma 2:14

Sɛba n dagɩ Zifdõma n ka tarɩ Amoyisi lɔɔ la, ba sãn ɩta ba mẽŋa wʋ lɔɔ la n yele se'em na, la pa'alɛ tɩ ba mẽŋa mi sɛla n masɛ mɛ, baa la ban ka tarɩ lɔɔ la.

Aromduma 5:10

Tõma daan de la Nawẽnnɛ bɛ'ɛba, la a Dayʋa la kũm ĩyã tɩ tõma naagɛ la ẽ. Bɛla, tõma n naagɛ la Nawẽnnɛ na, la de la sɩra tɩ Krisi n vɔa la ĩyã, tɩ wʋn yẽ fãarɛ.

Aromduma 5:9

Krisi n ki tɩ a zɩɩm yese la ĩyã n botɩ tõma masɛ Nawẽnnɛ zẽ'am, bɛla, la de la sɩra tɩ Krisi n wʋn fãagɛ tõma, tɩ tɩ põsɛ Nawẽnnɛ sũ-isgre.

Aromduma 6:12

Bɛla, da basɛ-ya tɩ tõon-be'ero le sɔna ya vɔm wã n ba'asrɩ la, botɩ ya sakɛ a yɛmleego n de be'em na.

Aromduma 7:18

La de se'em na, mam mi tɩ sɛla n ãn sõŋa ka boe mam pʋam. Mam boorɩ tɩ m yetɩ, sɛla n ãn sõŋa ka boe mam n de nẽrsaala mẽŋa n vɔa se'em na pʋam. Mam boorɩ tɩ m ẽŋɛ sɛla n ãn sõŋa mɛ, la mam ka tarɩ pãŋa wʋn ẽŋɛ.

Aromduma 9:22

La de la bɛla tɩ Nawẽnnɛ ẽŋɛ. Nawẽnnɛ boorɩ tɩ a pa'alɛ la a sũ-isgre, dee botɩ nẽrba wuu bãŋɛ a pãŋa. La a yõkɛ a mẽŋa mɛ, mã'agɛ a sũure la sɛba n masɛ tɩ a sũ-isgre sige ba zuto, dee nara tɩ a sã'am ba la.

1 Korẽntɩ 4:7

Bẽm soe tɩ fõn tẽ'esɛ tɩ fõn gãnnɩ fʋ taaba? Bẽm tɩ fõn tarɩ tɩ la dagna Nawẽnnɛ n bɔ fɔ? La fʋ sãn to'oge, wãne tɩ fʋ pa'ala fʋ mẽŋa wʋ fʋ ka to'oge mɛ na?

2 Korẽntɩ 7:1

Bɛla m sɩr-nõŋrɩsɩ, nõor-bĩŋre bãma wuu n de tõma bõnɔ na, basɛ-ya tɩ tɩ malgɛ tɩ mẽŋa la dẽgrɔ wuu n dẽgrɩ ĩyã, la sɩa, dee ãna sõŋa, vɔa pʋpeelem pʋam masɛ sɛla woo pʋam, zɔta Nawẽnnɛ.

Galatɩ 3:22

La Nawẽnnɛ gõŋɔ la yetɩ, dũnia dõma wuu boe la tõon-be'ero nu'usum. La de la bɛla tɩ sɛba n bɔ Azezi-krisi sɩra la wʋn to'oge sɛla tɩ Nawẽnnɛ bĩŋe nõorɛ tɩ a bɔ ba, ban bɔ Azezi-krisi sɩra la ĩyã.

Efɛɛzɩ 2:2

Yãma n daan ɩtɩ se'em na ãn wʋ dũnia nẽrba n ka mi Nawẽnnɛ n ɩtɩ se'em na, dɔla Asũtãana n de pãnsɩ dõma n boe saazuum naba la, ẽŋa n tõnnɩ na sɛba n sɩ'ɩsrɩ Nawẽnnɛ nõorɛ la.

Efɛɛzɩ 4:22

dẽnɩ tɩ ya basɛ yãma n daan vɔa se'em kʋrʋm na. Basɛ-ya vɔm kɛka, la a yɛmleego la n boorɩ sɛla n de be'em n wʋn pã'asɛ ya botɩ ya sã'am na.

Kolɔsɩ 1:21

La yãma mẽ daan zãagɛ mɛ la Nawẽnnɛ, ya daan de la bɛ'ɛba ya pʋtẽ'e-be'ero, la ya tõon-be'ero la ĩyã.

1 Tesaloniki 4:13

M sɔbiisi, tõma boorɩ tɩ ya bãŋɛ la sɩra nẽr-sɛba n ki la yelle, tɩ ya sũure da sã'am wʋ nẽr-sɛba n ka tarɩ pʋtẽ'erɛ gu'ura sɛla la.

1 Tesaloniki 5:6

Bɛla, tɩ da gĩsra-ya wʋ nẽrba basɛba la, tɩ nẽegɛ-ya mãasʋm tara tɩ mẽŋa sõŋa.

1 Timoti 6:9

La sɛba n boorɩ tɩ ba yẽ bõntarsõm na kẽ'erɩ la yɛla pʋam, luta Asũtãana bẽrgɔ pʋam. Ba boorɩ la bõnɔ zozo'e n de yalnɛ la be'em, bõn-bãma n kẽ'esrɩ nẽrsaalba wõŋrɛ la sã'aŋɔ pʋam.

Taitusi 3:3

Tõma mẽ daan de la nẽrba n ka mi sɛla, la sɩ'ɩsrɩba, la nẽrba n bʋrgɛ ka dɔla sɩra sore, tɩ tõma yɛmleego, la bõn-yooro tɩ tõma boorɩ la sɔna tõma. Tõma daan vɔa la pʋtʋʋlgɔ pʋam, ɩta sũure la tɩ taaba bõnɔ, dee dɛna nẽrba tɩ ba ka nõŋɛ, dee sisra taaba.

1 Pita 1:14

Sakra-ya Nawẽnnɛ nõorɛ, da le vɔa-ya wʋ yãma n daan nãn ka bãŋɛ Nawẽnnɛ sɩra, tɩ ya yɛmleego botɩ ya bɔɔra sɛla n de be'em na.

2 Pita 2:14

Ba yɛm boorɩ la yalsɩ tõoma mã'a, ba ka tõnnɩ tõon-be'ero tɩgra. Ba pã'asrɩ la nẽr-sɛba pʋtẽ'era n ka zo'oge Nawẽnnɛ sore doosgo pʋam na tɩ ba tõnna be'em. Ba nõŋɛ la bõnɔ zozo'e. Nawẽnnɛ kã'a-be'ero boe ba zuto.

2 Pita 2:18

Ba pa'alɩ la ba mẽŋa tɔgra yetɔg-kãra n ka tarɩ võorɛ, dee tara ba yɛm n boorɩ se'em n de tõon-dẽgrɔ la pã'asra nẽr-sɛba n nãn welge ba mẽŋa la nẽr-sɛba n vɔa tuure pʋam na.

1 Zã 2:16

Se'ere n soe la, bõn-sɛba n de dũnia wã bõnɔ de la nẽrsaala mẽŋa n boorɩ se'em, la nini n yẽ sɛla bɔɔra n de be'em, la nẽra n pa'alɩ a mẽŋa a bõntarsõm ĩyã. Bãma wuu ka ze'ele tɩ Sɔ Nawẽnnɛ zẽ'am, ba de la dũnia bõnɔ.

1 Zã 2:8

La a yɛrɩ dɛna la nõor-paalga tɩ mam gʋlsɛ bɔ'ɔra ya. La de la Azezi-krisi zẽ'am, la yãma zẽ'am tɩ yel-ẽŋa de sɩra, se'ere n soe la, lika la tollɩ mɛ, dee tɩ peelem sɩra sɩra darɛ nẽera.