Efɛɛzɩ 2:20 - Farefare Ninkaré

²⁰ Yãma po bɔna la Nawẽnnɛ nẽr-kʋʋŋɔ la n ãn wʋ deego la mẽeŋa pʋam. Azezi Tõntõnɩba, la Nawẽnnɛ nõtɔ'ɔsrɩba n de deego la ẽbrɛ. Tɩ Azezi-krisi mẽŋa dɛna kugre n botɩ deego la tara pãŋa.

ZE'ELEGO PAALEGA

²⁰ ti ba mɛ ya dɔgelɛ tuntuneba, la nɔtɔgeheba ɛberɛ la zuo, ti Kiresta Yezu mɛŋa dɛna ɛberɛ kugere la.

Efɛɛzɩ 2:20 ပူးပေါင်းရင်းမြစ်များ

Amatie 16:18

Mam yetɩ fʋ tɩ fʋ de la Apɩyɛɛrɩ, a võorɛ de la tãmpĩa, la tãmpĩ-ẽna zuo tɩ mam wʋn vigle m nẽrba lagsgɔ zẽ'a. La kũm pãŋa kãn tã'agɛ ẽ.

Amatie 21:42

Tɩ Azezi yele ba yetɩ: «Yãma nãn ka karẽŋɛ Nawẽnnɛ gõŋɔ la n yetɩ: ‹Kug-sɛka tɩ tõnmẽtba zagsɛ la n lebge kugre n botɩ deego la tara pãŋa. La de la Zuudãana Nawẽnnɛ n ẽŋɛ bõn-ẽna, tɩ la dɛna yel-di'iŋa bɔ tõma.›

1 Korẽntɩ 12:28

Bɛla tɩ Nawẽnnɛ ẽŋɛ nẽra woo a zẽ'am a nẽr-kʋʋŋɔ la pʋam. Pɔspɔsɩ de la sɛba tɩ Azezi mẽŋa daan looge tõm ba la. Bʋyi dãana de la Nawẽnnɛ nõtɔ'ɔsrɩba. Bʋtã de la karẽnsãandõma, la sɛba n tõnnɩ tõon-yãlma, la sɛba tɩ a bɔ ba pãŋa tɩ ba botɩ bã'adõma yẽta ĩmã'asʋm, la sɛba tɩ a looge tɩ ba sõŋra nẽrba, la sɛba n wʋn bɔna nẽrba nẽŋa, la sɛba n tɔgrɩ yetɔg-zãŋsɩ.

Galatɩ 2:9

La Azakɩ, la Apɩyɛɛrɩ, la Azã tɩ ba bɩsrɩ wʋ ba wuu kɛ'ɛndõma la, n bãŋɛ tɩ Nawẽnnɛ n ẽŋɛ mam yel-sõnnɛ dɩkɛ tõonɛ na ẽŋɛ mam nu'usum na, ba yõgɛ mam, la Abarnabasɩ nu'usi mɛ, pa'alɛ tɩ tɩ de la ayɩla lagɩm tõnna Nawẽnnɛ tõoma, tɩ tõma tõnna bu-zãŋsɩ zẽ'am, tɩ bãma mẽ tõnna Zifdõma zẽ'am.

Efɛɛzɩ 3:5

Nawẽnnɛ yʋʋn ka puke ẽ pa'alɛ kʋrʋm dõma, la lɛɛlɛ wã a botɩ a Sɩa la puke ẽ pa'alɛ la sɛba tɩ a tõm, la a nõtɔ'ɔsrɩba.

Kolɔsɩ 2:7

zɛ kãŋkãŋɛ wʋ tɩa yẽga n kẽ tẽŋa zɛ kãŋkãŋɛ se'em na, ken bɔ-ya sɩra la ya sũure wuu wʋ ban zãsʋm ya se'em na, la ya pʋ'ʋsra Nawẽnnɛ a yel-sõnnɛ zozo'e.

1 Pita 2:6

La gʋlsɛ Nawẽnnɛ gõŋɔ pʋam yetɩ: «Bɩsɛ, mam looge la kugre n tarɩ yõorɔ zozo'e ẽebɛ m deego Siyõ, ẽŋa n de kugre n botɩ deego la tara pãŋa. Nẽr-sɛka n bɔ ẽ sɩra, yãnnɛ kãn yõkɛ ẽ.»

Lilegere 21:14

Tẽŋa la lalga ẽebɛ la kuga pia la ayi zuto. Tɩ Azezi n de Pebila la Tõntõnɩba pia la ayi la yʋ'ʋra gʋlsɛ kug-bãma zuto.