Efɛɛzɩ 2:2 - Farefare Ninkaré

² Yãma n daan ɩtɩ se'em na ãn wʋ dũnia nẽrba n ka mi Nawẽnnɛ n ɩtɩ se'em na, dɔla Asũtãana n de pãnsɩ dõma n boe saazuum naba la, ẽŋa n tõnnɩ na sɛba n sɩ'ɩsrɩ Nawẽnnɛ nõorɛ la.

ZE'ELEGO PAALEGA

² ti ya yuum bɔna bu puan, dɔla timpaberɛ wa zuo yɛla la, dɔla se'em daana paŋa n boi kusebego wa puan la. Sɛsɛka n boi nananawa tuna la sɛba n ka nane Yinɛ nuurɛ la.

Efɛɛzɩ 2:2 ပူးပေါင်းရင်းမြစ်များ

Amatie 11:19

Tɩ Nẽrsaala Dayʋa la wa'am wa dita dee yũura, tɩ ba yetɩ, a de la dita, la dã-yũura, la lampo-tɔ'ɔsrɩba, la tõon-be'ero dõma sɩrɛ. Yɛm dãana tõoma n pa'alɩ tɩ a tarɩ yɛm.»

Amatie 13:22

La gõ'osɩ la zẽ'a tɩ bõnbuuri sɛba lui la, ãn wʋ nẽr-sɛka n wõm Nawẽnnɛ so'olʋm kõ-yẽlga la, tɩ a yɛm yɔɔra la dũnia wã yɛla, tɩ bõntarsõm yɛla pã'asra ẽ, botɩ yetɔga la ka tãna wʋn wɔm biɛ a sũure pʋam.

Amatie 13:38

La va'am na de la dũnia, tɩ si sõma la dɛna Nawẽnnɛ so'olʋm nẽrba. Tɩ kanarsɩ la dɛna Asũtãana nẽrba.

Amarkɩ 4:19

tɩ ba yɛm yɔɔra la dũnia wã yɛla, tɩ bõntarsõm yɛla pã'asra ba, tɩ yɛla basɛba yɛmleego tara ba, botɩ yetɔga la ka tãna wʋn wɔm biɛ ba sũure pʋam.

Aluki 16:8

Baa la tõntõnna wã ɩrgɔ n ka doose sore la, a zuudãana pẽgɛ ẽ mɛ, ẽn tõm na yɛm na ĩyã. Dũni-ẽna wã dõma tarɩ la yɛm tõnna la taaba gãnna nẽr-sɛba n bãŋɛ Nawẽnnɛ peelem.

Aluki 22:31

La Azezi yele Asimõ-pɩyɛɛrɩ yetɩ: «Asimõ, Asimõ, bãŋɛ tɩ Asũtãana sose la sore tɩ a makɛ ya bɩsɛ, wʋ nẽra n yeele si yɛsra urgo la.

Azã 12:31

Lɛɛlɛ wã de la dũnia wã sarɩyadia wakatɛ. Lɛɛlɛ wã ba wʋn dige dũnia wã naba basɛ yẽŋa.

Azã 13:2

Azezi la a karẽnbiisi la daan boe mĩ dita la zaanõorɛ dia. La Asũtãana daan põn botɩ Asimõ dayʋa Azudaasɩ Iskariyo tẽ'esɛ a sũurum tɩ ẽŋa wʋn pa'alɛ tɩ ba yõkɛ Azezi.

Azã 13:27

Tɩ Azudaasɩ to'oge borborɩ la, tɩ Asũtãana kẽ a sũurum. Tɩ Azezi yele ẽ yetɩ: «Fõn yetɩ fʋ ẽŋɛ se'em na, ẽŋɛ ẽ tɔtɔ.»

Azã 14:30

Mam kãn le tɔgɛ la ya lɛ zo'oge, se'ere n soe la, dũnia naba sẽm mɛ. La a ka tarɩ pãŋa la mam.

Azã 15:19

Ya sãn de nɩ na dũnia n soe ya, dũnia nẽrba wʋn nõŋɛ nɩ ya, se'ere n soe la, ya de la dũnia bõnɔ. La mam loose ya la dũnia pʋam yese, la dagɩ dũnia n soe ya, bɛla tɩ dũnia nẽrba sisra ya.

Azã 16:11

A wʋn botɩ ba bãŋɛ sarɩyadia yelle, se'ere n soe la, Nawẽnnɛ di dũnia wã naba sarɩya mɛ, tɩ a koŋe bʋʋrɔ.

Azã 7:7

Dũnia dõma kãn tã'agɛ sise yãma, la ba sisri mam mɛ, mam n tɔgrɩ pa'ala tɩ ba tõoma de la be'em na ĩyã.

Azã 8:23

Tɩ Azezi yele ba yetɩ: «Yãma ze'ele la tẽŋa, la mam ze'ele la saazuum wa'am. Yãma de la dũnia wã nẽrba, la mam dagɩ dũnia wã nẽra.

Azã 8:44

Ya sɔ de la Asũtãana, la ya boorɩ tɩ ya ẽŋɛ la ya sɔ la n boorɩ se'em na. A de la nẽr-kʋʋra halɩ pĩ'iluŋo. A ka boe sɩra pʋam, sɩra n ka boe a pʋam na ĩyã. A sãn parna, ẽn ãn se'em n bɛla, se'ere n soe la, a de la põmpɔrma, la põmpɔrŋɔ wuu sɔ.

Tõoma 19:35

Tɩ tẽŋa la gõn-gʋlsa botɩ ba go'oge, tɩ a yele ba yetɩ: «Efɛɛzɩ nẽrba, dũnia nẽrba wuu mi mɛ tɩ wẽn-kãtɛ Artemisi pʋ'ʋsgɔ deego la boe la Efɛɛzɩ kalam, la tõma n de a pʋ'ʋsgɔ deego la gu'urba, la kugre la n wõn na Artemisi ze'ele saazuum lui la gu'urba.

Tõoma 5:3

Tɩ Apɩyɛɛrɩ soke ẽ yetɩ: «Ananiyasɩ, bẽm tɩ Asũtãana kẽ fʋ sũurum, tɩ fʋ parɩm bɔ Nawẽnnɛ Sɩa, looge fʋ va'am na tɩ fʋ koose la ligri basɛba sʋgɛ?

Aromduma 12:2

Da ãna-ya wʋ dũnia wã dõma n ãn se'em na. Basɛ-ya tɩ ya yɛm like dɛna paalga, tɩ ya teege, tã'agɛ bãŋɛ Nawẽnnɛ n boorɩ se'em: Sɛla n ãn sõŋa, sɛla n paarɩ a yɛm, sɛla n masɛ sõŋa sõŋa.

1 Korẽntɩ 5:10

Mam ka tɔgrɩ nẽr-sɛba wuu n boe dũnia pʋam ɩta yalsɩ, bɩɩ nõŋɛ bõnɔ, bɩɩ dɛna nayigba, bɩɩ bag-kãabrɩba n ka dolɩ Nawẽnnɛ na yelle. Ya sãn yetɩ ya welge ya mẽŋa la bãma, dẽnɩ tɩ ya yese dũnia wã pʋam.

1 Korẽntɩ 6:11

Yãma nẽrba basɛba daan ãn na bɛla. La Nawẽnnɛ Sɩa peege yãma tõon-be'ero mɛ botɩ ya lebge Nawẽnnɛ nẽrba, masɛ a zẽ'am Zuudãana Azezi-krisi yʋ'ʋrɛ ĩyã.

2 Korẽntɩ 4:4

La de la sɛba n ka bɔ Nawẽnnɛ sɩra la. Asũtãana n de dũnia wã naba la n pĩ ba yɛm tɩ ba da bãŋɛ Krisi n de Nawẽnnɛ wõnnɛ na kõ-yẽlga na'am pãŋa.

Galatɩ 1:4

Azezi-krisi n dɩkɛ a mẽŋa bɔ tɩ ba kʋ ẽ tõma tõon-be'ero ĩyã, tɩ a fãagɛ tɔ dũnia wã be'em pʋam basɛ, wʋ tɩ Sɔ Nawẽnnɛ n boorɩ se'em na.

Efɛɛzɩ 1:21

A botɩ Krisi n gãnna na'adõma wuu, la pãnsɩ dõma wuu, la kɛ'ɛndõma wuu, la ke'eŋo buuri wuu, ẽŋa yʋ'ʋrɛ n gãnnɩ yʋ'ʋra wuu, la dagɩ dũnia ẽna pʋam mã'a, la ken dɛna la dũnia sɛka n wʋn wa'am na pʋam.

Efɛɛzɩ 2:11

Tẽegɛ-ya yan daan ãn se'em na, ba ka dɔgɛ ya tɩ ya dɛna Zifdõma buuri, Zifdõma n wãtɩ la wi'iri ya tɩ a ka wãtɩ dõma. Ba yetɩ bãma de la Nawẽnnɛ nẽrba, bãma n wãtɩ la ĩyã, la bõn-ẽŋa de la sɛla tɩ nẽrba ɩtɩ ba ĩyã pʋam mã'a.

Efɛɛzɩ 2:13

Ya daan zãagɛ la Nawẽnnɛ mɛ, la lɛɛlɛ wã, yãma n lagɩm na Azezi-krisi dɛna ayɩla la, a zɩɩm na n yese la basɛ tɩ ya yãŋa lɛm ẽ mɛ.

Efɛɛzɩ 2:3

Tõma wuu daan lagɩm ãna wʋ bãma n ãn se'em na, tõma daan vɔa wʋ nẽrsaala yɛmleego n boorɩ se'em, ɩta tɩ ĩyã, la tɩ yɛm n boorɩ se'em n de be'em na. La tõma n daan ãn se'em na basɛ tɩ tɩ daan masɛ la Nawẽnnɛ sɩbgrɛ wʋ nẽrba basɛba la.

Efɛɛzɩ 4:17

Bɛla tɩ mam yɛta ya la ninmõ'orɛ la Zuudãana nõorɛ, tɩ ya da le ɩta wʋ sɛba n ka dolɩ Nawẽnnɛ n ɩtɩ se'em na, bãma n ɩtɩ se'em na, ãn wʋ ban tẽ'esrɩ se'em n ka tarɩ võorɛ la.

Efɛɛzɩ 4:22

dẽnɩ tɩ ya basɛ yãma n daan vɔa se'em kʋrʋm na. Basɛ-ya vɔm kɛka, la a yɛmleego la n boorɩ sɛla n de be'em n wʋn pã'asɛ ya botɩ ya sã'am na.

Efɛɛzɩ 5:6

Da basɛ-ya tɩ nẽra pã'asɛ ya la yetɔg-yooro, tɩ la de la bõn-bãma n isgri Nawẽnnɛ sũure tɩ a sɩbgra sɛba n zagsɛ a nõorɛ la.

Efɛɛzɩ 5:8

Kʋrʋm, ya daan boe la lika pʋam, la lɛɛlɛ wã, yan lagɩm na Krisi dɛna ayɩla la ĩyã, ya boe la peelem pʋam. Bɛla, ɩta-ya wʋ nẽrba n boe peelem pʋam n ɩtɩ se'em na.

Efɛɛzɩ 6:12

Tõma zɛbrɛ ka boe la nẽrsaalba, tõma zɛbrɩ la Asũtãana kɛ'ɛndõma, la a pãnsɩ dõma, la dũnia lika tõon-be'ero na'adõma, la kʋlkã'arsɩ wuu n boe saazuum.

Kolɔsɩ 1:21

La yãma mẽ daan zãagɛ mɛ la Nawẽnnɛ, ya daan de la bɛ'ɛba ya pʋtẽ'e-be'ero, la ya tõon-be'ero la ĩyã.

2 Timoti 4:10

Se'ere n soe la, Ademasɩ basɛ mam mɛ dee sẽŋɛ Tesaloniki, ẽn nõŋɛ dũnia wã bõn-yooro la ĩyã. La Akresãnsɩ sẽŋɛ la Galatɩ, tɩ Atiti mẽ sẽŋɛ Dalmatɩ,

Yemesi 1:27

Tɩ Sɔ Nawẽnnɛ n boorɩ tɩ tɩ dɔla ẽ se'em tɩ la ãna sõŋa ka tara dẽgrɔ n wãna: La de la fʋ bɩsɛ kɩɩbsɩ la pɔkõpa yelle ba nãmsgɔ pʋam, la fʋ guuse fʋ mẽŋa la dũnia wã tõon-dẽgrɔ.

Yemesi 1:7

Nẽr-ẽŋa buuri da tara pʋtẽ'erɛ tɩ a wʋn to'oge sɛla Zuudãana la zẽ'am.

Yemesi 4:4

Yãma ka dolɩ Nawẽnnɛ la sɩra. Yãma ka mi tɩ sɛka n nõŋɛ dũnia wã lɔgrɔ, la de la be'em la Nawẽnnɛ? Bɛla, nẽr-sɛka woo n boorɩ tɩ a yõgɛ sɩtɔ la dũnia wã lɔgrɔ, a wʋn dɛna la Nawẽnnɛ bɛ.

1 Pita 1:14

Sakra-ya Nawẽnnɛ nõorɛ, da le vɔa-ya wʋ yãma n daan nãn ka bãŋɛ Nawẽnnɛ sɩra, tɩ ya yɛmleego botɩ ya bɔɔra sɛla n de be'em na.

1 Pita 4:3

Kʋrʋm, yãma n daan lagɩm na sɛba n ka dolɩ Nawẽnnɛ ɩta bãma n boorɩ se'em na, da le ɩta-ya bɛla. Yãma daan lagɩm na ba mɛ, ba yalsɩ, la ba be'em yɛmleego, la ba dã-yũure, la ba pʋyã'an-yooro, la ba dã-buka, la ba baga kãabgɔ n de be'em na pʋam.

2 Pita 2:14

Ba yɛm boorɩ la yalsɩ tõoma mã'a, ba ka tõnnɩ tõon-be'ero tɩgra. Ba pã'asrɩ la nẽr-sɛba pʋtẽ'era n ka zo'oge Nawẽnnɛ sore doosgo pʋam na tɩ ba tõnna be'em. Ba nõŋɛ la bõnɔ zozo'e. Nawẽnnɛ kã'a-be'ero boe ba zuto.

1 Zã 3:10

Bɛla n pa'alɩ tɩ ba bãŋra Nawẽnnɛ kɔma, la sɛba n de Asũtãana kɔma bɔkra. Sɛka n ka ɩtɩ sɛla n masɛ, bɩɩ sɛka n ka nõŋɛ a sɔbia dagɩ Nawẽnnɛ bia.

1 Zã 3:8

Sɛka n tõnnɩ tõon-be'ero de la Asũtãana nẽra, se'ere n soe la, Asũtãana tõnnɩ tõon-be'ero la halɩ pĩ'iluŋo. Tɩ Nawẽnnɛ Dayʋa la wa'am tɩ a sã'am Asũtãana tõoma.

1 Zã 4:4

La yãma, m kɔma, yãma de la Nawẽnnɛ nẽrba, la yãma yãŋɛ põmpɔrŋɔ nõtɔ'ɔsrɩba la mɛ. Se'ere n soe la, Nawẽnnɛ Sɩa n boe la yãma lɛ la, tarɩ pãŋa gãnna sɩ'ɩsra la sɩa n boe la dũnia dõma la mɛ.

1 Zã 5:19

Tõma mi tɩ tõma de la Nawẽnnɛ nẽrba. La dũnia dõma wuu boe la be'em dãana Asũtãana nu'usum.

1 Zã 5:4

Nẽr-sɛka woo n de Nawẽnnɛ bia n yãŋrɩ dũnia be'em. Tõma n yãŋɛ dũnia be'em na, de la tõma n bɔ Azezi-krisi sɩra la.

Lilegere 12:9

Tɩ ba daan lobe pʋryõŋ-yãlma kãtɛ la basɛ. Ẽŋa n de bõnsɛla n yʋʋn boe, tɩ ba wi'ira ẽ tɩ «Dõta» bɩɩ «Asũtãana» n pã'asrɩ dũnia nẽrba wuu la. Ba lobe ẽ, la a malɛgsɩ basɛ la tẽŋa zuo.

Lilegere 13:14

Bõn-yãlma la tɩ a ẽŋɛ pɔspɔsɩ dũŋa la nifum na, botɩ a pã'asɛ dũnia nẽrba mɛ. A yele ba tɩ ba mãalɛ bõnɔ tɩ a ãna wʋ dũŋa la tɩ ba pɔglʋm na sʋ'a tɩ a vɔa la.

Lilegere 13:8

Nẽrba wuu n boe dũnia zuo wʋn nã'asɛ dũŋa la mɛ, sãn dagna sɛba yʋ'ʋra n gʋlsɛ Pebila tɩ ba daan kʋ la vɔm gõŋɔ pʋam na. Nẽr-bãma yʋ'ʋra daan põn gʋlsɛ vɔm gõŋɔ la pʋam na halɩ dũnia pĩ'iluŋo wakatɛ.

Lilegere 16:17

Tɩ malɛka bʋyopɔɩ dãana ka'agɛ a laaga bõnɔ sapebsʋm pʋam. Tɩ kõa ze'ele na'am bĩmbĩnne n boe Wẽnde-kãtɛ la pʋam zẽ'am yetɩ: «La ẽŋɛ ba'asɛ.»

Lilegere 20:2

A yõkɛ la pʋryõŋ-yãlma la n de kʋrʋm kʋrʋm bõnsɛla, n de dõta, n de Asũtãana la lʋ ẽ yʋʋma tʋsrɛ ĩyã.