Efɛɛzɩ 2:18 - Farefare Ninkaré

¹⁸ Krisi ĩyã tɩ tõma wuu tara sore wʋn lɛm tɩ Sɔ Nawẽnnɛ zẽ'am, Nawẽnnɛ Sɩa ayɩla n boe la tɩ wuu lɛ la ĩyã.

ZE'ELEGO PAALEGA

¹⁸ Se'ere en sɔi la, eŋa puan, ti tu za'a tara Sia kayima dɔla paara Sɔ la zi'an.

Efɛɛzɩ 2:18 ပူးပေါင်းရင်းမြစ်များ

Amatie 28:19

Bɛla, sẽŋɛ-ya dũnia wuu ka botɩ nẽrba buuri wuu lebge mam karẽnbiisi. Mise-ya ba ko'om pʋam, la Sɔ Nawẽnnɛ, la a Dayʋa, la a Sɩa yʋ'ʋrɛ.

Azã 10:7

Tɩ Azezi le yele ba yetɩ: «Mam yetɩ ya la sɩra sɩra, tɩ mam n de piisi denne na zanõrɛ.

Azã 10:9

Mam n de zanõrɛ la. La nẽr-sɛka n dolɩ mam zẽ'am kẽ'era, a wʋn yẽ fãarɛ. La a wʋn kẽ'era dee yɛsra, yẽta a dia.

Azã 14:6

Tɩ Azezi lerge ẽ yetɩ: «Mam n de sore, la sɩra, la vɔm dãana. Nẽra nẽra ka tã wʋn wa'am mam Sɔ zẽ'am, tɩ la sãn ka doose la mam.

Aromduma 5:2

Azezi-krisi n botɩ tɩ tãna wʋn kẽ Nawẽnnɛ zẽ'am yẽ a yel-sõnnɛ, tõma n bɔ ẽ sɩra la ĩyã. Yel-sõnnɛ ẽŋa tɩ tõma te'ege zɛ kãŋkãŋɛ, dee ɩta sũ-yẽlga tara pʋtẽ'erɛ gu'ura tɩ tɩ wʋn yẽ na'am pãŋa Nawẽnnɛ zẽ'am.

Aromduma 8:15

Nawẽnnɛ Sɩa la tɩ a bɔ ya la ka botɩ ya dɛna yamsɩ, le zɔta dabeem. A botɩ ya dɛna la Nawẽnnɛ kɔma, tɩ a bɔ sore tɩ ya wi'ira Nawẽnnɛ yetɩ: «Abba», n boorɩ tɩ la yetɩ «tɩ Sɔ».

1 Korẽntɩ 12:13

Tõma Zifdõma, la sɛba n dagɩ Zifdõma, la sɛba n de yamsɩ, la sɛba n dagɩ yamsɩ, tõma wuu n daan mise ko'om pʋam na, Nawẽnnɛ Sɩa botɩ tɩ lebge la ĩyã ayɩla. Nawẽnnɛ tõm na Sɩa ayɩla bɔ tɩ wuu.

1 Korẽntɩ 8:6

La tõma mi tɩ Nawẽnnɛ ayɩla n boe dɛna tɩ Sɔ n nãam sɛla woo, la ẽŋa ĩyã tɩ tɩ vɔa. La tõma ken mina tɩ Zuudãana ayɩla mã'a n boe, a de la Azezi-krisi, la doose la ẽŋa tɩ sɛla woo bɔna, la ken doose la ẽŋa tɩ tɩ tara vɔm.

Galatɩ 4:6

La yãma n de Nawẽnnɛ kɔma la, a tõm na a Dayʋa Sɩa tɩ a bɔna tɩ sũure pʋam, tɩ Sɩa la wi'ira Nawẽnnɛ yetɩ: «Abba, m Sɔ.»

Efɛɛzɩ 3:12

Tõma n bɔ Krisi sɩra lagɩm na ẽ dɛna ayɩla la, sore boe mɛ tɩ tõma tãna wʋn paagɛ Nawẽnnɛ zẽ'am tɩ dabeem ka tara tõma.

Efɛɛzɩ 3:14

La de la bɛla ĩyã tɩ mam ka dũma tẽŋa tɩ Sɔ Nawẽnnɛ nẽŋam,

Efɛɛzɩ 4:4

Azezi nẽrba de la ĩyã ayɩla, tɩ Nawẽnnɛ Sɩa ayɩla mã'a bɔna, la Nawẽnnɛ n wi ya tɩ ya tara pʋtẽ'erɛ gu'ura bõn-sɛba la de la bõn-yẽnnɛ.

Efɛɛzɩ 6:18

Pʋ'ʋsra-ya Nawẽnnɛ sɛla woo pʋam, pʋ'ʋsra-ya dee sɔsra ẽ wakatɛ wuu la a Sɩa pãŋa. Nargɛ-ya pãŋa pʋ'ʋsra Nawẽnnɛ nẽrba wuu ĩyã da basɛ.

Kolɔsɩ 1:12

Pʋ'ʋsra-ya tɩ Sɔ Nawẽnnɛ a yel-sõnnɛ la sũ-yẽlga, ẽŋa n basɛ tɩ ya tãna wʋn po to'oge bõn-sõma tɩ a bĩŋe tɩ a bɔ a nẽrba a so'olʋm n de peelem pʋam na.

Hiburuduma 7:19

Se'ere n soe la, Amoyisi lɔɔ la ka tã'agɛ basɛ tɩ sɛla sɛla masɛ wʋ Nawẽnnɛ n boorɩ se'em na. La lɛɛlɛ wã, Nawẽnnɛ ẽŋɛ la so-paalɛ, tɩ tõma n tarɩ pʋtẽ'erɛ gu'ura sɛla n ãn sõŋɔ gãnna la basɛ tɩ tõma lɛnna Nawẽnnɛ.

Yemesi 3:9

Tɩ tarɩ la ẽŋa pʋ'ʋsra Zuudãana n de tɩ Sɔ la a yel-sõnnɛ, dee ken tara ẽ kã'ara be'em bɔ'ɔra nẽrba tɩ Nawẽnnɛ nãam tɩ ba ãna wʋ a mẽŋa la.

1 Pita 1:17

Yãma n pʋ'ʋsrɩ Nawẽnnɛ na, ya wi'iri ẽ tɩ ya Sɔ. Nawẽnnɛ ka tũ'usri nẽrba. A diti nẽrsaalba sarɩya la sɩra, wʋ nẽra woo tõoma n de se'em na. Bɛla, pa'alɛ-ya tɩ yãma nannɩ ẽ ya yel-ɩrɛ wuu pʋam, yãma n ken bɔna dũnia zuo wã.

1 Pita 1:21

Krisi ĩyã tɩ ya bɔ Nawẽnnɛ sɩra, Nawẽnnɛ n vo'oge Krisi, bɔ ẽ na'am pãŋa, bɛla tɩ ya dɩkɛ ya bɔ sɩra, la yan tara pʋtẽ'erɛ gu'ura sɛla la te'ege Nawẽnnɛ.

1 Pita 3:18

Krisi nãmsɛ mɛ ki bʋyɩla tɩ a yese tõon-be'ero, ẽŋa n de sɛka n masɛ la, ki la sɛba n ka masɛ ĩyã, tɩ a tarɩ ya sẽŋɛ Nawẽnnɛ zẽ'am. Ba kʋ ẽ mɛ, tɩ Nawẽnnɛ Sɩa basɛ tɩ a vo'oge

Azudi 1:20

La yãma, m sɩr-nõŋrɩsɩ, sõŋra-ya taaba sẽnna nẽŋa yan bɔ Nawẽnnɛ sɩra la pʋam, pʋ'ʋsra-ya Nawẽnnɛ la a Sɩa pãŋa.