Efɛɛzɩ 2:16 - Farefare Ninkaré

¹⁶ Krisi n ki kũm dɔ-puurŋa zuo la, a lagɩm ba tɩ ba lebge la buuri ayɩla naagɛ ba la Nawẽnnɛ botɩ ba ka le sisra taaba.

ZE'ELEGO PAALEGA

¹⁶ Ti a ta'am bahɛ ti bayi' wa naaɛ taaba bo' Yinɛ, ti ba dɛna iŋa kayima, doohe pumpuuredɔɔ la zuo, nyaa ku diŋo la, doohe a pumpuuredɔɔ la.

Efɛɛzɩ 2:16 ပူးပေါင်းရင်းမြစ်များ

Aromduma 5:10

Tõma daan de la Nawẽnnɛ bɛ'ɛba, la a Dayʋa la kũm ĩyã tɩ tõma naagɛ la ẽ. Bɛla, tõma n naagɛ la Nawẽnnɛ na, la de la sɩra tɩ Krisi n vɔa la ĩyã, tɩ wʋn yẽ fãarɛ.

Aromduma 6:6

Tɩ mina-ya tɩ tõma n de se'em kʋrʋm na lagɩm na Krisi mɛ ki dɔ-puurŋa la zuo, tɩ tõma tõon-be'ero yɛmleego pãŋa wʋn sã'am ba'asɛ, tɩ tõma kãn le dɛna tõon-be'ero yamsɩ.

Aromduma 8:3

Lɔɔ la ka tã wʋn fãagɛ nẽrsaalba basɛ, se'ere n soe la, nẽrsaalba ɩtɩ la ba mẽŋa n boorɩ se'em botɩ a ka tarɩ pãŋa. La sɛla tɩ lɔɔ la ka tã'agɛ ẽŋɛ la, Nawẽnnɛ ẽŋɛ mɛ. A tõm na a mẽŋa Dayʋa, tɩ a lebge nẽrsaala ãna wʋ nẽrsaalba n de tõon-be'ero dõma, tɩ a ki yese tõon-be'ero. A kũm na pʋam tɩ Nawẽnnɛ di tõon-be'ero sarɩya sã'am a pãŋa nẽrsaalba pʋam.

Aromduma 8:7

Nẽra sãn dɔla nẽrsaalba mẽŋa n boorɩ se'em na, la de la be'em la Nawẽnnɛ, se'ere n soe la, nẽrsaala mẽŋa n boorɩ se'em na ka sakrɩ Nawẽnnɛ lɔɔ la, la a põn ka tãna wʋn sakɛ ẽ.

1 Korẽntɩ 10:17

Borborɩ la n de ayɩla la, tõma mẽ de la ĩyã ayɩla, baa tõma n zo'oge la. Se'ere n soe la, tɩ wuu lagɩm ɔbra la borbor-ẽŋa ayɩla.

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Efɛɛzɩ 2:15

bɔna tɩ tẽŋasʋka welge to tɩ tɩ sisra taaba la, dee basɛ tɩ Amoyisi lɔɔ, la yel-sɛba tɩ a yetɩ ba ɩta la ka le tõnna, botɩ Zifdõma, la sɛba n dagɩ Zifdõma naagɛ taaba lagɩm na ẽŋa lebge buur-paalga ayɩla tara sũ-mã'asʋm la taaba.

Efɛɛzɩ 3:6

Yel-ẽŋa n sʋgɛ la de la kõ-yẽlga mõolgɔ n botɩ bu-zãŋsɩ wuu lagɩm na Zifdõma tara pʋrɛ, lagɩm taaba dɛna ayɩla, dee lagɩm tɔ'ɔra sɛla tɩ Nawẽnnɛ bĩŋe nõorɛ Azezi-krisi ĩyã.

Efɛɛzɩ 4:4

Azezi nẽrba de la ĩyã ayɩla, tɩ Nawẽnnɛ Sɩa ayɩla mã'a bɔna, la Nawẽnnɛ n wi ya tɩ ya tara pʋtẽ'erɛ gu'ura bõn-sɛba la de la bõn-yẽnnɛ.

Kolɔsɩ 2:14

Tõma daan sɩ'ɩsɛ la Nawẽnnɛ lɔɔ, tõm tõon-be'ero n pa'alɛ tɩ tõma masɛ la sɩbgrɛ. La ban ka Krisi kũm dɔ-puurŋa zuo la, Nawẽnnɛ basɛ yel-ẽŋa taalɛ mɛ, tɩ a ka le bɔna tõma zuo.

Kolɔsɩ 3:15

Basɛ-ya tɩ Krisi sũ-mã'asʋm la sɔna ya sũure, Nawẽnnɛ wi ya tɩ ya tara la sũ-mã'asʋm ẽŋa, lagɩm taaba dɛna ayɩla. Mina-ya yel-sõnnɛ pʋ'ʋsgɔ.