Efɛɛzɩ 2:15 - Farefare Ninkaré

¹⁵ bɔna tɩ tẽŋasʋka welge to tɩ tɩ sisra taaba la, dee basɛ tɩ Amoyisi lɔɔ, la yel-sɛba tɩ a yetɩ ba ɩta la ka le tõnna, botɩ Zifdõma, la sɛba n dagɩ Zifdõma naagɛ taaba lagɩm na ẽŋa lebge buur-paalga ayɩla tara sũ-mã'asʋm la taaba.

ZE'ELEGO PAALEGA

¹⁵ A saalum ze'elego la, la ku pa'alegɔ, la ku malema za'a bahɛ mɛ, ti a malum naam asaala paalega bo' a mɛŋa ti a tee ze'ele bo' bayi' la, ti suma'ahum bɔna.

Efɛɛzɩ 2:15 ပူးပေါင်းရင်းမြစ်များ

2 Korẽntɩ 5:17

Nẽra sãn lagɩm na Krisi dɛna ayɩla, a lebge la nẽr-paalga, yel-kɛgsɩ la tole mɛ, tɩ sɛla woo lebge paalsɩ.

Galatɩ 3:10

Nẽr-sɛba n te'ege lɔɔ la, kã'a-be'ero boe ba zuto, se'ere n soe la, la gʋlsɛ yetɩ: «Kã'a-be'ego boe nẽr-sɛka woo n ka ɩtɩ wʋ lan gʋlsɛ se'em wuu Nawẽnnɛ lɔɔ gõŋɔ pʋam na zuugo.»

Galatɩ 3:28

Yãma n lagɩm na Krisi la, bɔkrɛ ka le bɔna tɩ fʋ de la Zifu, bɩɩ bu-zãŋka, yamŋa bɩɩ nẽra n soe a mẽŋa, pɔka bɩɩ bʋraaga, ya wuu de la ayɩla.

Galatɩ 6:15

La dagɩ nẽra n wã, bɩɩ nẽra n ka wã n tarɩ yõorɔ, sɛla n tarɩ yõorɔ de la tɩ tarɩ la vɔm paalga.

Efɛɛzɩ 2:10

La de la Nawẽnnɛ n nãam tɔ, botɩ tɩ lagɩm na Azezi-krisi dɛna ayɩla, tõnna tõon-sõma tɩ a põn dẽŋɛ mãasʋm tɩ tɩ wa tõm na.

Efɛɛzɩ 2:14

La de la Krisi n botɩ tɩ tara sũ-mã'asʋm, ẽŋa n basɛ tɩ Zifdõma, la sɛba n dagɩ Zifdõma lebge buuri ayɩla. Ẽŋa n ki yese be'em n ãn wʋ lalga

Efɛɛzɩ 2:16

Krisi n ki kũm dɔ-puurŋa zuo la, a lagɩm ba tɩ ba lebge la buuri ayɩla naagɛ ba la Nawẽnnɛ botɩ ba ka le sisra taaba.

Efɛɛzɩ 4:16

La de la ẽŋa n de zuugo la n botɩ a nẽrba n ãn wʋ ĩyã la lagɩm taaba tõnna, wʋ kõb-suglsi n botɩ ĩyã zẽ'esɩ to'oto'ore toŋe taaba, tɩ zẽ'a woo tõnna wʋ lan masɛ se'em, tɩ ĩyã la wuu bɩta sõŋa sõŋa la nõŋlʋm.

Kolɔsɩ 2:14

Tõma daan sɩ'ɩsɛ la Nawẽnnɛ lɔɔ, tõm tõon-be'ero n pa'alɛ tɩ tõma masɛ la sɩbgrɛ. La ban ka Krisi kũm dɔ-puurŋa zuo la, Nawẽnnɛ basɛ yel-ẽŋa taalɛ mɛ, tɩ a ka le bɔna tõma zuo.

Kolɔsɩ 2:20

Yãma lagɩm na Krisi ki mɛ, tɩ a botɩ dũnia yɛla ka le tara pãŋa la ya lɛ. Bẽm tɩ ya ɩta wʋ dũnia wã n ken sɔna ya, basɛ tɩ ba le mõrgra ya tɩ ya sakra sisgo bãna wã n yetɩ:

Kolɔsɩ 3:10

dee teege tara ãsʋm paalga. La de la Nawẽnnɛ n botɩ ya teege tara ãsʋm ẽŋa, dee malgra ẽ tɩ a ãna wʋ a mẽŋa la, tɩ ya wʋn tã'agɛ bãŋra ẽŋa sõŋa sõŋa pa'asra.

Kolɔsɩ 3:11

Nẽr-sɛba n tarɩ ãsʋm paalga wã, la sãn dɛna Zifdõma, bɩɩ bu-zãŋsɩ, bɩɩ sɛba n wã, la sɛba n ka wã, bɩɩ sɛba nini n ka pike, la weem nẽrba, bɩɩ yamsɩ, la sɛba n dagɩ yamsɩ, welgre ka le bɔna ba tẽŋasʋka. La de la Krisi mã'a n gãnnɩ sɛla woo, dee sɔna a nẽrba wuu.

Kolɔsɩ 3:15

Basɛ-ya tɩ Krisi sũ-mã'asʋm la sɔna ya sũure, Nawẽnnɛ wi ya tɩ ya tara la sũ-mã'asʋm ẽŋa, lagɩm taaba dɛna ayɩla. Mina-ya yel-sõnnɛ pʋ'ʋsgɔ.

Hiburuduma 7:16

A ka lebge kãabgɔ kẽema wʋ nẽrsaala dɔgʋm lɔɔ n dolɩ se'em na, la de la vɔm n ka sã'anɩ pãŋa n botɩ a lebge kãabgɔ kẽema.

Hiburuduma 8:13

Nawẽnnɛ n tɔgrɩ nõor-bĩŋre paalga yelle la, a botɩ pɔspɔsɩ dãana la dɛna la kɛka. La sɛla n lebge kɛka kʋrgɛ deege la a bɔɩ.

Hiburuduma 9:23

Lan yʋʋn masɛ tɩ ba dɩkɛ dũnsi zɩɩm malgɛ bõn-sɛba n mãmsrɩ sɛla n boe Nawẽnnɛ yire la, tɩ ba le ãna sõŋa bɛla la, la sãn dɛna bõnɔ la mẽŋa n boe Nawẽnnɛ yire la, dẽnɩ tɩ la dɛna kãabgɔ n ãn sõŋa gãnna bɛla.