Efɛɛzɩ 2:11 - Farefare Ninkaré

¹¹ Tẽegɛ-ya yan daan ãn se'em na, ba ka dɔgɛ ya tɩ ya dɛna Zifdõma buuri, Zifdõma n wãtɩ la wi'iri ya tɩ a ka wãtɩ dõma. Ba yetɩ bãma de la Nawẽnnɛ nẽrba, bãma n wãtɩ la ĩyã, la bõn-ẽŋa de la sɛla tɩ nẽrba ɩtɩ ba ĩyã pʋam mã'a.

ZE'ELEGO PAALEGA

¹¹ Bala zuo la, tɛri ya ti saŋa kayima ha, yamam sɛba n dagi Yuuduma buuri ya dɔgum puan na la, sɛba n ŋma la yi'ira ya la “Sɛba n ka ŋma.” Ŋmaa kana wa dela ingɔŋɔ ŋmaa, ti nɛreba nu'uhi ŋmata.

Efɛɛzɩ 2:11 ပူးပေါင်းရင်းမြစ်များ

Amatie 20:7

Tɩ ba lerge yetɩ: ‹Nẽra nẽra ka dɩkɛ tõma tõoma.› Tɩ a yele ba yetɩ: ‹Ya mẽ sẽŋɛ m va'am na ka tõm.›

Aromduma 11:17

Ɩsrayɛlɩ dõma la ãn wʋ Oliivi tɩa tɩ ba sele, tɩ ba kʋ'ʋsɛ a wila basɛ. La fõn de bu-zãŋka la ãn wʋ Oliivi tɩa n boe weem wille tɩ ba kʋ'ʋgɛ, dɩkɛ toŋe la tɩa tɩ ba sele la wila. Fõn ãn wʋ wille la n to'orɩ sõŋrɛ tɩa tɩ ba sele la yẽga zẽ'am na.

Aromduma 2:26

La buuri sɛka n ka wãtɩ, nẽra sãn sakɛ ɩta lɔɔ la n yetɩ ba ɩta se'em na, Nawẽnnɛ wʋn geele ẽ wʋ nẽra n wã.

Aromduma 2:27

Nẽr-sɛka n ka wã, dee sakɛ ɩta lɔɔ la n yele se'em na, wʋn zɛrgɛ fʋ mɛ fõn tarɩ lɔɔ gõŋɔ la, wã dee sɩ'ɩsra lɔɔ la.

1 Korẽntɩ 12:2

Ya mi tɩ yan daan nãn ka bɔ Azezi sɩra la, ya daan taagɛ la baga n de mugro la poore dɔla, ka tãna wʋn basɛ.

1 Korẽntɩ 6:11

Yãma nẽrba basɛba daan ãn na bɛla. La Nawẽnnɛ Sɩa peege yãma tõon-be'ero mɛ botɩ ya lebge Nawẽnnɛ nẽrba, masɛ a zẽ'am Zuudãana Azezi-krisi yʋ'ʋrɛ ĩyã.

Galatɩ 2:15

La sãn dɛna tõma, tõma dɔgɛ dɛna la Zifdõma, tõma dagɩ bu-zãŋsɩ n ka dolɩ Nawẽnnɛ lɔɔ la.

Galatɩ 6:12

Sɛba n mõrgrɩ ya bɔɔra tɩ ya wã la, de la nẽrba n boorɩ yʋ'ʋrɛ nẽrsaalba zẽ'am. Ban ka boorɩ tɩ ba yẽ nãmsgɔ Krisi kũm dɔ-puurŋa la ĩyã mã'a yelle tɩ ba ɩta bɛla.

Efɛɛzɩ 2:2

Yãma n daan ɩtɩ se'em na ãn wʋ dũnia nẽrba n ka mi Nawẽnnɛ n ɩtɩ se'em na, dɔla Asũtãana n de pãnsɩ dõma n boe saazuum naba la, ẽŋa n tõnnɩ na sɛba n sɩ'ɩsrɩ Nawẽnnɛ nõorɛ la.

Efɛɛzɩ 5:8

Kʋrʋm, ya daan boe la lika pʋam, la lɛɛlɛ wã, yan lagɩm na Krisi dɛna ayɩla la ĩyã, ya boe la peelem pʋam. Bɛla, ɩta-ya wʋ nẽrba n boe peelem pʋam n ɩtɩ se'em na.

Filipi 3:3

Tõma n pʋ'ʋsrɩ Nawẽnnɛ la a Sɩa pãŋa, dee ɩta sũ-yẽlga Azezi-krisi doosgo pʋam, ka te'ege nẽrsaalba n ɩtɩ sɛla la, tõma n de nẽrba n wã wãaga mẽŋa mẽŋa.

Kolɔsɩ 1:21

La yãma mẽ daan zãagɛ mɛ la Nawẽnnɛ, ya daan de la bɛ'ɛba ya pʋtẽ'e-be'ero, la ya tõon-be'ero la ĩyã.

Kolɔsɩ 2:11

Yãma n lagɩm na ẽ na, ya wã mɛ, la dagɩ wã-sɛka tɩ nẽrsaalba wãtɩ tɩ la pa'alɛ tɩ ba de Nawẽnnɛ nẽrba la. La de la Krisi n teege ya sũure tɩ ya lebge Nawẽnnɛ nẽrba, yese ya pʋtẽ'e-be'ero wuu.

Kolɔsɩ 2:13

Yãma daan ãn wʋ ya ki mɛ Nawẽnnɛ zẽ'am ya tõon-be'ero ĩyã, la ban ka dɔgɛ ya tɩ ya wãta dɛna Nawẽnnɛ nẽrba la ĩyã. La Nawẽnnɛ botɩ ya lagɩm na Krisi mɛ vɔa, basɛ ya tõon-be'ero wuu taalɛ.

Kolɔsɩ 3:11

Nẽr-sɛba n tarɩ ãsʋm paalga wã, la sãn dɛna Zifdõma, bɩɩ bu-zãŋsɩ, bɩɩ sɛba n wã, la sɛba n ka wã, bɩɩ sɛba nini n ka pike, la weem nẽrba, bɩɩ yamsɩ, la sɛba n dagɩ yamsɩ, welgre ka le bɔna ba tẽŋasʋka. La de la Krisi mã'a n gãnnɩ sɛla woo, dee sɔna a nẽrba wuu.