Efɛɛzɩ 1:9 - Farefare Ninkaré

⁹ Nawẽnnɛ basɛ tɩ tõma bãŋɛ ẽn boorɩ tɩ a ẽŋɛ se'em n daan sʋgɛ tɩ a looge yɛm tɩ a ẽŋɛ Krisi ĩyã la mɛ.

ZE'ELEGO PAALEGA

⁹ ti a iŋɛ tɔ ti tu baŋɛ a sumboolum sugelum yele, wuu sum la boolum sebo ti a pun maahum biŋe Kiresta puan

Efɛɛzɩ 1:9 ပူးပေါင်းရင်းမြစ်များ

Amatie 13:11

Tɩ a lerge ba yetɩ: «Nawẽnnɛ botɩ yãma bãŋɛ a so'olʋm yelle n sʋgɛ la mɛ. La a ka botɩ bãma bãŋɛ.

Aluki 12:32

«M nẽrba, ya ka zo'oge, la da zɔta-ya dabeem, se'ere n soe la, la paagɛ ya Sɔ Nawẽnnɛ yɛm mɛ tɩ a yetɩ a bɔ ya a so'olʋm.

Aluki 2:14

«Nawẽnnɛ n boe saazuum n soe pẽka, la nẽr-sɛba tɩ a nõŋɛ la tarɩ sũ-mã'asʋm dũnia zuo.»

Tõoma 13:48

La bu-zãŋsɩ la n wõm bɛla la, ba sũure ẽŋɛ yẽlʋm mɛ halɩ, tɩ ba pẽgra Nawẽnnɛ yetɔga la. La nẽr-sɛba n masɛ tɩ ba yẽ vɔm n ka ba'asrɩ la daan sakɛ bɔ Azezi sɩra mɛ.

Tõoma 2:23

Nawẽnnɛ n yʋʋn põn tẽ'esɛ bɔɔra tɩ a ẽŋɛ se'em na ĩyã, tɩ a dɩkɛ Azezi ẽŋɛ ya nu'usum, tɩ ya botɩ nẽr-sɛba n ka dolɩ Nawẽnnɛ lɔɔ la yõkɛ ẽ tarɩ ka ka lablɛ dɔ-puurŋa zuo kʋ.

Tõoma 4:28

Bɛla ba ẽŋɛ la bõn-sɛka tɩ fõn yʋʋn põn dẽŋɛ looge yɛm la fʋ pãŋa bɔɔra tɩ la ẽŋɛ se'em na.

Aromduma 11:25

M sɔbiisi, mam boorɩ mɛ tɩ ya bãŋɛ yelle n sʋgɛ la, tɩ ya da bɩsɛ ya mẽŋa tɩ yãma de la yɛm dõma: Ɩsrayɛlɩ nẽrba basɛba n kɛ'ɛm ba sũure ka bɔ sɩra la, la wʋn yuuge mɛ halɩ tarɩ ka paagɛ wakat-sɛka tɩ bu-zãŋsɩ wuu tɩ Nawẽnnɛ looge wʋn yẽ fãarɛ.

Aromduma 8:28

Tɩ mi tɩ sɛla woo pʋam, Nawẽnnɛ ɩtɩ sõŋa bɔ'ɔra la nẽr-sɛba n nõŋɛ ẽ, sɛba tɩ a looge ba, masɛ wʋ ẽn looge yɛm se'em na.

1 Korẽntɩ 1:21

Nawẽnnɛ n ẽŋɛ sɛla la a yɛm na, nẽrsaalba ka tã'agɛ bãŋɛ ẽ la ba mẽŋa yɛm. Bɛla tɩ Nawẽnnɛ botɩ kõ-yẽlga la mõolgɔ tɩ nẽrsaalba yetɩ la de la yalnɛ la, fãagɛ nẽr-sɛba n bɔ ẽ sɩra la.

Galatɩ 1:12

La mam mẽ ka to'oge ẽ nẽra zẽ'am, la mẽ dagɩ nẽra n zãsʋm mam. La de la Azezi-krisi mẽŋa n puke ẽ pa'alɛ mam.

Galatɩ 1:15

La Nawẽnnɛ daan welge mam na to'ore lan dẽŋɛ mam dɔka, ẽŋɛ mam yel-sõnnɛ, looge mam tɩ m dɛna a tõntõnna.

Galatɩ 1:16

Ẽŋa n daan wa bɩsɛ tɩ la ãn sõŋa, tɩ a puke a Dayʋa la pa'alɛ mam tɩ m mõolɛ a Dayʋa la kõ-yẽlga bɔ bu-zãŋsɩ la, mam daan ka sẽŋɛ nẽr-sɛka zẽ'am tɩ a zãsʋm mam.

Efɛɛzɩ 1:11

Nawẽnnɛ n basɛ tɩ sɛla woo ɩta wʋ ẽn boorɩ se'em na, n dẽŋɛ looge tõma tɩ tɩ dɛna a nẽrba Krisi ĩyã.

Efɛɛzɩ 1:8

Yel-sõnnɛ ẽŋa n zo'oge la bɔ tõma la yɛm wuu, la bãŋrɛ wuu.

Efɛɛzɩ 3:11

La doose la Zuudãana Azezi-krisi tɩ Nawẽnnɛ ẽŋɛ bɛla masɛ wʋ ẽn looge a yɛm se'em halɩ lan dẽŋɛ dũnia pĩ'iluŋo la.

1 Timoti 3:16

Tɩ wuu mi tɩ Nawẽnnɛ sɩra n daan sʋgɛ tɩ a dɩkɛ pa'alɛ tɔ a doosgo pʋam na, de la bõn-kãtɛ. Bõn-kãtɛ ẽŋa de la: Krisi n daan lebge nẽrsaala. Tɩ Nawẽnnɛ Sɩa pa'alɛ tɩ a de la sɩra dãana. Tɩ malɛkadõma bɩsɛ ẽ. Tɩ ba mõolɛ a yelle buuri wuu tẽŋasʋka. Tɩ nẽrba bɔ ẽ sɩra. Tɩ Nawẽnnɛ zẽkɛ ẽ la na'am pãŋa sẽŋɛ a yire.

2 Timoti 1:9

Ẽŋa n fãagɛ tɔ, wi to tɩ tɩ dɛna a nẽrba, la dagɩ tɩn tõm tõon-sõma ĩyã, la de la a mẽŋa n boorɩ se'em, la a yel-sõnnɛ tɩ a ẽŋɛ bɔ tɔ Azezi-krisi ĩyã, halɩ lan dẽŋɛ dũnia pĩ'iluŋo.