Efɛɛzɩ 1:8 - Farefare Ninkaré

⁸ Yel-sõnnɛ ẽŋa n zo'oge la bɔ tõma la yɛm wuu, la bãŋrɛ wuu.

ZE'ELEGO PAALEGA

⁸ ti a ka'ɛ bu zo'e zo'e bahɛ tu zuo na la. Bo tari la yɛm la mi'ilum za'a,

Efɛɛzɩ 1:8 ပူးပေါင်းရင်းမြစ်များ

Amatie 11:19

Tɩ Nẽrsaala Dayʋa la wa'am wa dita dee yũura, tɩ ba yetɩ, a de la dita, la dã-yũura, la lampo-tɔ'ɔsrɩba, la tõon-be'ero dõma sɩrɛ. Yɛm dãana tõoma n pa'alɩ tɩ a tarɩ yɛm.»

Aromduma 11:33

Nawẽnnɛ yel-sõnnɛ, la a yɛm, la a bãŋrɛ la zo'oge mɛ. Nẽra ka tã wʋn bãŋɛ a pʋtẽ'erɛ. La nẽra ka tã wʋn bãŋɛ a sorɔɔrɔ tɩ a dolɩ la võorɛ.

Aromduma 5:15

La ba dagɩ bʋyɩla. Adam tuure la, la Nawẽnnɛ bɔ'a la ka tã wʋn dɩkɛ makɛ taaba. Nẽra ayɩla tuure ĩyã n botɩ nẽrba zozo'e kiira. La bãŋɛ-ya tɩ Nawẽnnɛ yel-sõnnɛ n ãn sõŋa gãnna, la de la nẽra ayɩla n de Azezi-krisi ĩyã tɩ Nawẽnnɛ ẽŋɛ nẽrba zozo'e yel-sõnnɛ zo'oge gãŋɛ.

1 Korẽntɩ 2:7

Tõma mõolɩ la Nawẽnnɛ yɛm n daan sʋgɛ tɩ nẽrba ka mina. Nawẽnnɛ daan põn looge yel-bãma mɛ lan dẽŋɛ dũnia pĩ'iluŋo tɩ a botɩ tɩ yẽ nã'asgɔ a zẽ'am.

Efɛɛzɩ 1:11

Nawẽnnɛ n basɛ tɩ sɛla woo ɩta wʋ ẽn boorɩ se'em na, n dẽŋɛ looge tõma tɩ tɩ dɛna a nẽrba Krisi ĩyã.

Efɛɛzɩ 1:7

La de la Krisi n ki tɩ a zɩɩm yese la ĩyã tɩ Nawẽnnɛ basɛ tõma tõon-be'ero taalɛ, tɩ tõma yẽ fãarɛ, tɩ la masɛ wʋ Nawẽnnɛ yel-sõnnɛ n zo'oge pãɩ se'em na.

Efɛɛzɩ 1:9

Nawẽnnɛ basɛ tɩ tõma bãŋɛ ẽn boorɩ tɩ a ẽŋɛ se'em n daan sʋgɛ tɩ a looge yɛm tɩ a ẽŋɛ Krisi ĩyã la mɛ.

Efɛɛzɩ 3:10

La lɛɛlɛ wã, Azezi nẽrba la wʋn basɛ tɩ kɛ'ɛndõma, la pãnsɩ dõma n boe saazuum bãŋɛ Nawẽnnɛ yɛm n de to'oto'ore se'em wuu.

Kolɔsɩ 2:3

La de la ẽŋa n tarɩ yɛm la bãŋrɛ wuu n sʋgɛ n tarɩ yõorɔ zozo'e.

Azudi 1:25

Nawẽnnɛ ayɩla mã'a n de tɩ Fãagra tɩ Zuudãana Azezi-krisi ĩyã, n soe pẽka, la nã'asgɔ, la pãŋa, la ke'eŋo, lan dẽŋɛ pĩ'iluŋo, la lɛɛlɛ wã, la wakatɛ n ka ba'asrɩ. Amina.

Lilegere 5:12

Ba daan yõonɩ mɛ ke'enke'em yetɩ: «Pebila tɩ ba daan kʋ la n masɛ tɩ a to'oge ke'eŋo, la bõntarsõm, la yɛm, la pãŋa, la nã'asgɔ, la na'am pãŋa, la pẽka.»