Efɛɛzɩ 1:5 - Farefare Ninkaré

⁵ A nõŋlʋm na ĩyã tɩ a dẽŋɛ looge tõma tɩ tɩ lebge a kɔma Azezi-krisi ĩyã, wʋ a mẽŋa yɛm n boorɩ se'em na.

ZE'ELEGO PAALEGA

⁵ A daa pun maahum tu mɛ ti a to'e tu biha, ti tu dɛna a kɔma Yezu Kiresta puan, wuu sum, la boolum sebo en boi a sumboolum puan la,

Efɛɛzɩ 1:5 ပူးပေါင်းရင်းမြစ်များ

Amatie 1:25

La a daan ka gã'arɛ la ẽ, halɩ tɩ a wa dɔgɛ budibla la, tɩ a sɩ bia la yʋ'ʋrɛ tɩ Azezi.

Amatie 11:26

Ẽe, mam Sɔ, la de la fõn boorɩ bɛla la ĩyã.»

Aluki 10:21

Wakat-ẽŋa tɩ Nawẽnnɛ Sɩa botɩ Azezi sũure ẽŋɛ yẽlʋm, tɩ a yetɩ: «Mam Sɔ Nawẽnnɛ n de saazuum la tẽŋa wã Zuudãana, mam pẽgrɩ fɔ, se'ere n soe la, fõn sʋgɛ bõn-bãna wã mɛ tɩ yɛm dõma la bãŋrɩba ka mina, dee pa'alɛ nẽr-sɛba n ãn wʋ kɔm-pɩgsɩ la. Ẽe, mam Sɔ, la de la fõn boorɩ bɛla la ĩyã.»

Aluki 11:32

Sarɩyadia daarɛ, Niniivi dõma mẽ wʋn isge zɛrgɛ zamãan-ẽna wã dõma mɛ ba tõon-be'ero la ĩyã. Se'ere n soe la, Azonaasɩ n yʋʋn mõolɛ Nawẽnnɛ yetɔga bɔ ba la, ba yʋʋn teege yɛm mɛ basɛ tõon-be'ero. La sɛka n gãnnɩ Azonaasɩ n boe kalam, dee tɩ yãma ka teege yɛm.»

Aluki 12:32

«M nẽrba, ya ka zo'oge, la da zɔta-ya dabeem, se'ere n soe la, la paagɛ ya Sɔ Nawẽnnɛ yɛm mɛ tɩ a yetɩ a bɔ ya a so'olʋm.

Azã 1:12

La sɛba wuu n to'oge ẽ bɔ ẽ sɩra la, a bɔ ba nõorɛ mɛ tɩ ba lebge Nawẽnnɛ kɔma.

Azã 11:52

La, la dagɩ bãma buuri la mã'a ĩyã tɩ la masɛ tɩ a ki, la de la Nawẽnnɛ kɔma n wɩrgɛ zẽ'esɩ wuu la ĩyã, tɩ a yetɩ a lagsɛ ba tɩ ba lebge buuri ayɩla.

Azã 20:17

Tɩ Azezi yele ẽ yetɩ: «Da kalʋm ma, mam nãn ka zom m Sɔ la zẽ'am. Sẽŋɛ m sɔbiisi la zẽ'am ka yele ba yetɩ: ‹Mam zonnɩ na mam Sɔ Nawẽnnɛ n de yãma Sɔ, la yãma Nawẽnnɛ na zẽ'am.› »

Tõoma 13:48

La bu-zãŋsɩ la n wõm bɛla la, ba sũure ẽŋɛ yẽlʋm mɛ halɩ, tɩ ba pẽgra Nawẽnnɛ yetɔga la. La nẽr-sɛba n masɛ tɩ ba yẽ vɔm n ka ba'asrɩ la daan sakɛ bɔ Azezi sɩra mɛ.

Aromduma 8:23

La, la dagɩ bõn-nãanɩsɩ la mã'a, tõma mẽŋa tɩ Nawẽnnɛ dẽŋɛ bɔ tɩ a Sɩa pa'alɛ tɩ tɩ wʋn yẽ nã'asgɔ la, nãmsrɩ mɛ tɩ sũure pʋam gu'ura wakat-sɛka tɩ Nawẽnnɛ wʋn fãagɛ tɩ ba'asɛ tɩ tɩ dɛna a kɔma.

1 Korẽntɩ 1:1

Mam Apolɩ tɩ Nawẽnnɛ wi, botɩ mam dɛna Azezi-krisi Tõntõnna wʋ ẽŋa n boorɩ se'em, la tɩ sɔbia Asostɛnɩ n gʋlsɛ gõŋɔ wã

1 Korẽntɩ 1:21

Nawẽnnɛ n ẽŋɛ sɛla la a yɛm na, nẽrsaalba ka tã'agɛ bãŋɛ ẽ la ba mẽŋa yɛm. Bɛla tɩ Nawẽnnɛ botɩ kõ-yẽlga la mõolgɔ tɩ nẽrsaalba yetɩ la de la yalnɛ la, fãagɛ nẽr-sɛba n bɔ ẽ sɩra la.

2 Korẽntɩ 6:18

Mam wʋn dɛna ya Sɔ, tɩ ya dɛna mam dayɔɔsɩ, la m pɔyɔɔsɩ.» Zuudãana Nawẽnnɛ n de ke'eŋo wuu dãana la n yele.

Galatɩ 3:26

Yãma n bɔ Azezi-krisi sɩra la, ya wuu de la Nawẽnnɛ kɔma.

Efɛɛzɩ 1:11

Nawẽnnɛ n basɛ tɩ sɛla woo ɩta wʋ ẽn boorɩ se'em na, n dẽŋɛ looge tõma tɩ tɩ dɛna a nẽrba Krisi ĩyã.

Efɛɛzɩ 1:9

Nawẽnnɛ basɛ tɩ tõma bãŋɛ ẽn boorɩ tɩ a ẽŋɛ se'em n daan sʋgɛ tɩ a looge yɛm tɩ a ẽŋɛ Krisi ĩyã la mɛ.

Filipi 2:13

Se'ere n soe la, Nawẽnnɛ n boe la ya lɛ tõnna, botɩ ya bɔɔra ẽŋa n boorɩ se'em, dee tãna ɩta ẽŋa n boorɩ se'em.

Kolɔsɩ 1:19

La paagɛ la Nawẽnnɛ yɛm tɩ a basɛ tɩ ẽŋa n ãn se'em na wuu, Azezi mẽ ãna bɛla.

2 Tesaloniki 1:11

Bɛla ĩyã tɩ tõma pʋ'ʋsra Nawẽnnɛ wakatɛ wuu ya ĩyã, tɩ a basɛ tɩ ya ãna sõŋa masɛ wʋ ẽŋa n wi ya tɩ ya ãna se'em na. La a wʋn bɔ ya pãŋa tɩ ya ɩta bõn-sõma sɛba wuu tɩ ya boorɩ tɩ ya ẽŋɛ, dee basɛ tɩ yãma n bɔ sɩra tõnna tõon-sɛba la tõm ba'asɛ.

Hiburuduma 2:4

Tɩ Nawẽnnɛ mẽŋa mẽ tõm tõon-yãlma, la yel-kɩrsɩ, la bõn-yãlma buuri wuu to'oto'ore, dee bɔ nẽrba a Sɩa pãŋa wʋ ẽn boorɩ se'em, pa'alɛ tɩ la de la sɩra.

1 Zã 3:1

Bɩsɛ-ya Nawẽnnɛ n de Sɔ la n nõŋɛ tɩ se'em. A nõŋlʋm na zo'oge gãŋɛ mɛ, tɩ a wi'ira tõma tɩ a kɔma. La tõma sɩrɩ de la a kɔma. Wãna n soe tɩ dũnia dõma ka mina tõma: La de la ban ka mi Nawẽnnɛ na ĩyã.

Lilegere 21:7

Nẽr-sɛka n yãŋɛ, a wʋn to'oge la bõn-bãma mam zẽ'am. Mam wʋn dɛna a Wẽnnaam, tɩ a mẽ dɛna mam bia.