Efɛɛzɩ 1:19 - Farefare Ninkaré

¹⁹ Mam ken sɔsra ẽ tɩ a botɩ ya bãŋɛ a pãŋa la n ãn kãtɛ gãŋɛ se'em tɩ a tarɩ tõnna la tõma n bɔ ẽ sɩra la lɛ, wʋ a na'am pãn-kãtɛ n tõnnɩ tõon-kãra se'em na.

ZE'ELEGO PAALEGA

¹⁹ la a pankãtɛ sɛka en ka tari makerɛ bɔ'ɔra tumam sɛba en nam en, a pankãtɛ tuuma la puan la.

Efɛɛzɩ 1:19 ပူးပေါင်းရင်းမြစ်များ

Azã 3:6

Nẽrsaala n dɔgɛ sɛka la de la nẽrsaala, la Nawẽnnɛ Sɩa n dɔgɛ sɛka la tarɩ la Nawẽnnɛ Sɩa vɔm.

Aromduma 1:16

Yãnnɛ ka tarɩ mam la kõ-yẽlga la mõolgɔ. A de la Nawẽnnɛ pãŋa n botɩ nẽr-sɛba wuu n bɔ ẽ sɩra la yẽta fãarɛ, pɔspɔsɩ de la Zifdõma, pa'asɛ la sɛba n dagɩ Zifdõma.

2 Korẽntɩ 4:7

La tõma n tarɩ bõntarsõm ẽŋa la, tõma ãn wʋ yɔgrɔ lɔgrɔ tɩ ba dɩkɛ tʋʋlʋm bõnɔ ẽŋɛ mĩ. Tɩ la pa'alɛ tɩ pãn-kãtɛ ẽŋa ka ze'ele tõma zẽ'am, a ze'ele la Nawẽnnɛ zẽ'am.

2 Korẽntɩ 5:17

Nẽra sãn lagɩm na Krisi dɛna ayɩla, a lebge la nẽr-paalga, yel-kɛgsɩ la tole mɛ, tɩ sɛla woo lebge paalsɩ.

Efɛɛzɩ 2:10

La de la Nawẽnnɛ n nãam tɔ, botɩ tɩ lagɩm na Azezi-krisi dɛna ayɩla, tõnna tõon-sõma tɩ a põn dẽŋɛ mãasʋm tɩ tɩ wa tõm na.

Efɛɛzɩ 3:20

Nawẽnnɛ n tã ɩta sɛla woo zo'oge gãnna tõma n sosrɩ se'em, bɩɩ tõma n tẽ'esrɩ se'em, ẽŋa pãŋa n tõnnɩ la tõma lɛ la,

Efɛɛzɩ 3:7

La de la Nawẽnnɛ yel-sõnnɛ bɔ'a tɩ a botɩ mam dɛna a tõntõnna mõola a kõ-yẽlga la, la a pãŋa.

Efɛɛzɩ 6:10

Sɛla n deege, keŋe ya mẽŋa yẽ Zuudãana pãŋa ze'ele kãŋkãŋɛ a doosgo la pʋam, a pãn-kãtɛ la ĩyã.

Filipi 2:13

Se'ere n soe la, Nawẽnnɛ n boe la ya lɛ tõnna, botɩ ya bɔɔra ẽŋa n boorɩ se'em, dee tãna ɩta ẽŋa n boorɩ se'em.

Filipi 3:21

A sãn wa'am, a wʋn teege tõma ĩyã wã n põ'orɩ la mɛ, tɩ a ãna wʋ a mẽŋa ĩyã n tarɩ nã'asgɔ la. A wʋn dɩkɛ la a pãn-kãtɛ sɛka tɩ a tarɩ botɩ sɛla woo sakra a nõorɛ la, ẽŋɛ bɛla.

Kolɔsɩ 1:29

La de la bɛla ĩyã tɩ mam tõnna dee mõrgra. La de la Krisi pãn-kãtɛ tɩ a bɔ mam zozo'e la n botɩ mam tõnna bɛla.

Kolɔsɩ 2:12

Ban daan mise ya ko'om pʋam na, la ãn wʋ ba lagɩm ya mɛ la Krisi laagɛ. La yãma mẽ lagɩm na ẽ mɛ vo'oge, yãma n bɔ Nawẽnnɛ pãŋa n botɩ Krisi vo'oge sɩra la ĩyã.

1 Tesaloniki 1:5

Tõma n daan tarɩ kõ-yẽlga la wa'am wa mõolɛ bɔ ya la, la ka de yetɔga mã'a, la de la Nawẽnnɛ Sɩa pãŋa. La tõma daan mi tɩ tõma n tɔgɛ se'em na de la sɩra. Yãma mi tõma n daan boe ya zẽ'am na, tõma n vɔa se'em yãma sõŋrɛ ĩyã.

2 Tesaloniki 1:11

Bɛla ĩyã tɩ tõma pʋ'ʋsra Nawẽnnɛ wakatɛ wuu ya ĩyã, tɩ a basɛ tɩ ya ãna sõŋa masɛ wʋ ẽŋa n wi ya tɩ ya ãna se'em na. La a wʋn bɔ ya pãŋa tɩ ya ɩta bõn-sõma sɛba wuu tɩ ya boorɩ tɩ ya ẽŋɛ, dee basɛ tɩ yãma n bɔ sɩra tõnna tõon-sɛba la tõm ba'asɛ.

Yemesi 1:18

Ẽŋa mẽŋa n boorɩ tɩ a basɛ tɩ a sɩra yetɔga la bɔ tõma vɔm. A ẽŋɛ bɛla tɩ tõma dɛna la pɔspɔsɩ dõma bõn-sɛba wuu tɩ a nãam na pʋam.

1 Pita 4:11

Nẽr-sɛka n tɔgrɩ, a tɔgɛ wʋ Nawẽnnɛ n yele se'em, nẽr-sɛka n tõnnɩ sõŋrɛ tõoma, a sõŋɛ wʋ Nawẽnnɛ n bɔ ẽ pãŋa se'em. Tɩ tõon-bãma wuu wʋn nã'asɛ Nawẽnnɛ yʋ'ʋrɛ Azezi-krisi ĩyã. Ẽŋa n soe nã'asgɔ, la pãŋa wakatɛ n ka ba'asrɩ. Amina.