Efɛɛzɩ 1:18 - Farefare Ninkaré

¹⁸ Mam ken sɔsra Nawẽnnɛ tɩ a botɩ ya pʋtẽ'era like tɩ ya bãŋɛ ẽn wi ya tɩ ya tara pʋtẽ'erɛ gu'ura sɛla, dee bãŋɛ bõn-sõma sɛba tɩ a bĩŋe nõorɛ tɩ a bɔ a nẽrba la n ba ãna sõŋa, dee zo'oge se'em.

ZE'ELEGO PAALEGA

¹⁸ Bala ti ya suure wan yu'ɛ, ti ya nyɛ niihum la, la ya baŋɛ beere puti'irɛ se'ere zuo ti a yi' ya na la, la tarega sɛka en boi suŋa tarega la puan bɔ'ɔra nɛresunduma la,

Efɛɛzɩ 1:18 ပူးပေါင်းရင်းမြစ်များ

Amatie 13:15

Se'ere n soe la, nẽr-bãna pʋtẽ'era ka like, ba lɩ ba tʋba mɛ, dee mũm ba nini, tɩ ba nini da yẽ, tɩ ba tʋba da wõm, tɩ ba da wõm a võorɛ. Sãn dagɩ nɩ bɛla, ba wʋn teege nɩ yɛm leme wa'am mam zẽ'am, tɩ m bɔ ba laafɛ.›

Amarkɩ 10:17

Azezi daan basɛ bilam dee le dɩkɛ la sore sẽnna. Tɩ bʋraa zoe wa'am a zẽ'am, wa ka dũma a nẽŋam soke ẽ yetɩ: «Karẽnsãama, fõn de la nẽr-sõŋɔ, mam wʋn ẽŋɛ la wãne yẽ vɔm n ka ba'asrɩ?»

Aluki 24:45

Tɩ Azezi like ba yɛm tɩ ba bãŋɛ bõn-sɛba n boe Nawẽnnɛ gõnnɔ pʋam na võorɛ,

Tõoma 16:14

La pɔka ayɩla n daan boe mĩ pʋ'ʋsra Nawẽnnɛ, tɩ a yʋ'ʋrɛ dɛna Alidi, a ze'ele la Tiyatiiri. A daan koosrɩ la fu-sõma n de gomusga. Tɩ a sɛlsra tõma yetɔga la, tɩ Zuudãana botɩ a bãŋɛ Apolɩ yetɔga la võorɛ dee sakɛ.

Aromduma 11:29

Nawẽnnɛ ka teerɩ pʋtẽ'erɛ la nẽr-sɛba tɩ a looge, ẽŋɛ yel-sõnnɛ bɔ ba la.

Aromduma 2:4

Bɩɩ fõn ka nannɩ la Nawẽnnɛ ɩr-sõŋɔ, la a sũ-bʋgsʋm, la a sũ-mã'arɛ n zo'oge la? Fʋ mi tɩ Nawẽnnɛ ɩr-sõŋɔ la boorɩ tɩ fʋ teege la yɛm basɛ tõon-be'ero.

2 Korẽntɩ 4:4

La de la sɛba n ka bɔ Nawẽnnɛ sɩra la. Asũtãana n de dũnia wã naba la n pĩ ba yɛm tɩ ba da bãŋɛ Krisi n de Nawẽnnɛ wõnnɛ na kõ-yẽlga na'am pãŋa.

2 Korẽntɩ 4:6

Nawẽnnɛ n yʋʋn yetɩ: «Peelem nẽegɛ lika pʋam» na, la de la ẽŋa n botɩ peelem nẽegɛ tõma sũa pʋam, botɩ tõma bãŋɛ Nawẽnnɛ na'am pãŋa n nẽegɛ Krisi nẽŋa zuo.

Galatɩ 5:5

La sãn dɛna tõma, la de la tõma n bɔ Krisi sɩra la, tɩ Nawẽnnɛ Sɩa basɛ tɩ tõma tara pʋtẽ'erɛ gu'ura tɩ a wa basɛ tɩ tɩ masɛ a zẽ'am.

Efɛɛzɩ 1:11

Nawẽnnɛ n basɛ tɩ sɛla woo ɩta wʋ ẽn boorɩ se'em na, n dẽŋɛ looge tõma tɩ tɩ dɛna a nẽrba Krisi ĩyã.

Efɛɛzɩ 1:7

La de la Krisi n ki tɩ a zɩɩm yese la ĩyã tɩ Nawẽnnɛ basɛ tõma tõon-be'ero taalɛ, tɩ tõma yẽ fãarɛ, tɩ la masɛ wʋ Nawẽnnɛ yel-sõnnɛ n zo'oge pãɩ se'em na.

Efɛɛzɩ 2:12

Tẽegɛ-ya tɩ wakat-sɛka tɩ ya ka boe la Krisi la, ya daan de la sãama la Ɩsrayɛlɩ dõma, ka tara nõorɛ la bõn-sɛba tɩ Nawẽnnɛ yʋʋn bĩŋe nõorɛ la Ɩsrayɛlɩ dõma la. Ya daan vɔa la dũnia wã zuo ka mina Nawẽnnɛ, dee ka tara pʋtẽ'erɛ gu'ura sɛla.

Efɛɛzɩ 3:16

Mam sosrɩ ẽ tɩ a Sɩa bɔ ya pãŋa ya sũure pʋam zozo'e wʋ a na'am pãn-kãtɛ la n zo'oge se'em na,

Efɛɛzɩ 3:8

Mam n de nẽra n pɔ'ɔgɛ Nawẽnnɛ nẽrba la wuu pʋam, la bɛla wuu Nawẽnnɛ ẽŋɛ la mam yel-sõn-ẽŋa tɩ m mõolɛ Krisi kõ-yẽlga la bɔ bu-zãŋsɩ tɩ ba bãŋɛ bõn-sõma n zo'oge gãŋɛ tɩ nẽrba ka tãna wʋn bãŋɛ ba'asɛ la,

Efɛɛzɩ 4:1

Mam n boe yʋ'a deem Zuudãana doosgo yelle la, mam sosrɩ ya tɩ ya dɔla sorɔɔgɔ la sõŋa, wʋ lan masɛ Nawẽnnɛ n wi ya tɩ ya ãna se'em na.

Efɛɛzɩ 4:4

Azezi nẽrba de la ĩyã ayɩla, tɩ Nawẽnnɛ Sɩa ayɩla mã'a bɔna, la Nawẽnnɛ n wi ya tɩ ya tara pʋtẽ'erɛ gu'ura bõn-sɛba la de la bõn-yẽnnɛ.

Efɛɛzɩ 5:8

Kʋrʋm, ya daan boe la lika pʋam, la lɛɛlɛ wã, yan lagɩm na Krisi dɛna ayɩla la ĩyã, ya boe la peelem pʋam. Bɛla, ɩta-ya wʋ nẽrba n boe peelem pʋam n ɩtɩ se'em na.

Filipi 3:14

Mam zotɩ wɛ'ɛsa la nẽŋa tɩ m paagɛ a tɛka to'oge bɔ'a la tɩ Nawẽnnɛ wi mam tɩ m to'oge a yire Azezi-krisi ĩyã la.

Kolɔsɩ 1:12

Pʋ'ʋsra-ya tɩ Sɔ Nawẽnnɛ a yel-sõnnɛ la sũ-yẽlga, ẽŋa n basɛ tɩ ya tãna wʋn po to'oge bõn-sõma tɩ a bĩŋe tɩ a bɔ a nẽrba a so'olʋm n de peelem pʋam na.

Kolɔsɩ 1:23

Bɛla, dẽnɩ tɩ ya ken bɔ sɩra zɛ kãŋkãŋɛ, da basɛ tɩ sɛla zãagɛ ya la kõ-yẽlga la tɩ ya wõm tara pʋtẽ'erɛ gu'ura sɛla la. La de la kõ-yẽlga ẽŋa tɩ ba mõolɛ bɔ nẽrsaalba wuu n boe dũnia zuo la. Mam Apolɩ de Nawẽnnɛ tõntõnna tɩ m mõolɛ la kõ-yẽl-ẽŋa.

Kolɔsɩ 1:27

Nawẽnnɛ n boorɩ tɩ a basɛ tɩ a nẽrba la bãŋɛ yel-ẽŋa n daan sʋgɛ la na'am pãŋa n ãn sõŋa zo'oge se'em bu-zãŋsɩ tẽŋasʋka. Yel-ẽŋa n sʋgɛ la de la Krisi boe la ya lɛ, botɩ ya wʋn yẽ na'am pãŋa tɩ ya tarɩ pʋtẽ'erɛ gu'ura la a zẽ'am.

Kolɔsɩ 1:5

yãma n tarɩ pʋtẽ'erɛ gu'ura sɛla tɩ Nawẽnnɛ bĩŋe a yire gu'ura tɩ a bɔ ya la ĩyã. La de la yãma n dẽŋɛ wõm sɩra yetɔga n de Nawẽnnɛ kõ-yẽlga la, n botɩ yãma tara pʋtẽ'erɛ ẽŋa.

Kolɔsɩ 2:2

Mam mõrgrɩ tɩ ya sũure n keŋe tɩ ya lagɩm taaba tara nõŋlʋm, dee tara yɛm zozo'e, tɩ ya bãŋɛ sɩra sõŋa sõŋa Nawẽnnɛ yelle n sʋgɛ n de Krisi la.

Kolɔsɩ 3:15

Basɛ-ya tɩ Krisi sũ-mã'asʋm la sɔna ya sũure, Nawẽnnɛ wi ya tɩ ya tara la sũ-mã'asʋm ẽŋa, lagɩm taaba dɛna ayɩla. Mina-ya yel-sõnnɛ pʋ'ʋsgɔ.

1 Tesaloniki 2:12

Tõma keŋe ya sũure mɛ, bɔ ya bʋraanɛ, pa'alɛ ya yetɩ ya dɔla so-sɛka n masɛ Nawẽnnɛ yɛm, ẽŋa n wi ya tɩ ya kẽ a so'olʋm pʋam po dita na'am.

1 Tesaloniki 5:8

La tõma n de wʋntɛɛŋa nẽrba la, tɩ tara tɩ mẽŋa sõŋa. La tɩ bɔ Azezi sɩra, dee tara nõŋlʋm wʋ kuto fuugo tɩ sʋdaaga dɩkɛ pĩ a yõ'ogɔ tɩ la gu'ura ẽ zɛbrɛ pʋam na. Dee basɛ tɩ fãarɛ la tɩ ya tarɩ pʋtẽ'erɛ gu'ura la, ãna wʋ kuto zuu-wannɛ gu'ura ya.

2 Tesaloniki 1:11

Bɛla ĩyã tɩ tõma pʋ'ʋsra Nawẽnnɛ wakatɛ wuu ya ĩyã, tɩ a basɛ tɩ ya ãna sõŋa masɛ wʋ ẽŋa n wi ya tɩ ya ãna se'em na. La a wʋn bɔ ya pãŋa tɩ ya ɩta bõn-sõma sɛba wuu tɩ ya boorɩ tɩ ya ẽŋɛ, dee basɛ tɩ yãma n bɔ sɩra tõnna tõon-sɛba la tõm ba'asɛ.

2 Tesaloniki 2:16

Tõma pʋ'ʋsrɩ tɩ Zuudãana Azezi-krisi, la tɩ Sɔ Nawẽnnɛ n nõŋɛ tɔ dee ẽŋɛ tɩ yel-sõnnɛ bɔ tɔ bʋraanɛ n ka ba'asrɩ, dee botɩ tɩ tara pʋtẽ'erɛ gu'ura bõn-sõma sɛba tɩ tɩ sakɛ la.

1 Timoti 6:12

Mõrgɛ mẽ mẽerɛ sõŋa Nawẽnnɛ sore doosgo la pʋam yẽ vɔm n ka ba'asrɩ, tɩ la de la bɛla ĩyã tɩ Nawẽnnɛ looge fo, tɩ fʋ daan tɔgɛ yetɔg-sõŋɔ yetɩ fõn bɔ Azezi sɩra nẽrba zozo'e nẽŋam na.

Taitusi 2:13

Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

Taitusi 3:7

tɩ a yel-sõnnɛ na botɩ tõma masɛ a nẽŋam, lebge a kɔma wʋn yẽ vɔm n ka ba'asrɩ tɩ tõma tarɩ pʋtẽ'erɛ gu'ura la.

Hiburuduma 10:32

Tẽegɛ-ya yãma n daan pɔsɛ yẽ Nawẽnnɛ peelem n pa'alɛ ya sɩra la, lan daan ãn se'em bɔ ya, ya daan yẽ nãmsgɔ zo'oge mɛ, la ya wĩbe mɛ ze'ele kãŋkãŋɛ.

Hiburuduma 6:4

Nẽr-sɛba n bãŋɛ Nawẽnnɛ sɩra bɔna peelem pʋam, yẽ Nawẽnnɛ yel-sõnnɛ, to'oge Nawẽnnɛ Sɩa pãŋa,

1 Pita 1:3

Tɩ pʋ'ʋsɛ-ya Nawẽnnɛ n de tɩ Zuudãana Azezi-krisi Sɔ la a yel-sõnnɛ. A ninbãal-zʋa n zo'oge la ĩyã tɩ a botɩ tɩ yẽ vɔm paalga, Azezi-krisi n ki dee vo'oge la ĩyã. Bɛla tɩ tɩ tara pʋtẽ'erɛ wakatɛ wuu gu'ura sɛla tɩ tɩ bɔ sɩra la,

1 Pita 3:9

Nẽra sãn ẽŋɛ ya be'em, ya da lebse ẽ be'em. Nẽra sãn tʋ ya, ya da tʋ lebse, tõn kã-ya kã'a-sõma bɔ ẽ. Se'ere n soe la, Nawẽnnɛ n wi ya la, la de la kã'a-sõma tɩ a bĩŋe nõorɛ tɩ a bɔ ya.

1 Pita 5:10

Ya wʋn ken nãmsɛ mɛ wakatɛ fẽe. La Nawẽnnɛ n soe yel-sõnnɛ wuu la wi ya mɛ tɩ ya po yẽ a na'am pãŋa n ka tarɩ ba'asgɔ, yãma n lagɩm na Krisi dɛna ayɩla la ĩyã. Ẽŋa wʋn le malgɛ ya tɩ ya ãna sõŋa, bɔ ya pãŋa tɩ ya ze'ele kãŋkãŋɛ, tɩ sɛla kãn tã'agɛ botɩ ya bike.