Efɛɛzɩ 1:17 - Farefare Ninkaré

¹⁷ Mam sosrɩ la tɩ Zuudãana Azezi-krisi Sɔ n de Nawẽnnɛ n tarɩ na'am pãŋa la, tɩ a bɔ ya a yɛm Sɩa tɩ a vẽlgɛ ya yɛm, tɩ ya bãŋɛ ẽn ãn se'em.

ZE'ELEGO PAALEGA

¹⁷ N pu'uheri mɛ ti tu Daana Yezu Kiresta Yinɛ la, se'em en de zu'uhegɔ za'a Sɔ la, wan bo' ya a yɛm, la lilegere Sia, yan wa'am na ti ya baŋɛ en wa.

Efɛɛzɩ 1:17 ပူးပေါင်းရင်းမြစ်များ

Amatie 11:25

Wakat-ẽŋa Azezi tɔgɛ mɛ yetɩ: «Mam Sɔ Nawẽnnɛ n de saazuum la tẽŋa wã Zuudãana, mam pẽgrɩ fɔ, se'ere n soe la, fõn sʋgɛ bõn-bãna wã mɛ tɩ yɛm dõma la bãŋrɩba ka mina, dee pa'alɛ nẽr-sɛba n ãn wʋ kɔm-pɩgsɩ la.

Amatie 11:27

«Mam Sɔ dɩkɛ sɛla woo ẽŋɛ la mam nu'usum. La nẽra ka mi mam n de Nawẽnnɛ Dayʋa la n de sɛka, sãn dagna mam Sɔ la, la nẽra mẽ ka mi mam Sɔ la n de se'em, sãn dagna mam n de a Dayʋa la, la sɛba tɩ mam wʋn botɩ ba bãŋɛ ẽ na.»

Amatie 16:17

Tɩ Azezi lebe yele ẽ yetɩ: «Asimõ, Azã dayʋa, fʋ tarɩ zu-yẽlga, se'ere n soe la, la dagɩ nẽrsaala n pa'alɛ fʋ wãna, la de la mam Sɔ Nawẽnnɛ n boe saazuum na.

Amatie 20:33

Tɩ ba lerge yetɩ: «Zuudãana, tõma boorɩ la tɩ nini yẽta.»

Amatie 6:13

Da basɛ tɩ yelle paagɛ tɔ tɩ tɩ lui. Fãagɛ tɔ be'em dãana nu'usum basɛ. [Tɩ fõn soe so'olʋm, la pãŋa, la nã'asgɔ wakatɛ n ka ba'asrɩ. Amina!]›

Aluki 12:12

Se'ere n soe la, Nawẽnnɛ Sɩa n wʋn pa'alɛ ya wakat-ẽŋa yan wʋn tɔgɛ se'em.»

Aluki 2:14

«Nawẽnnɛ n boe saazuum n soe pẽka, la nẽr-sɛba tɩ a nõŋɛ la tarɩ sũ-mã'asʋm dũnia zuo.»

Aluki 21:15

Mam mẽŋa wʋn bɔ ya yɛm tɩ ya tɔgɛ tɩ ya bɛ'ɛba kãn yãŋɛ lerge sɩ'ɩsɛ ya yetɔga.

Azã 14:17

A de la sɩra Sɩa tɩ dũnia dõma ka tã wʋn to'oge ẽ, se'ere n soe la, ba ka tã wʋn yẽ ẽ, la ba ka mi ẽ. La yãma mi ẽ, se'ere n soe la, a boe la ya zẽ'am, la a wʋn bɔna la ya lɛ.

Azã 14:26

La Sõŋra la, mam Sɔ Nawẽnnɛ Sɩa la tɩ a wʋn tõm na mam yʋ'ʋrɛ tɩ a wa'am ya zẽ'am na, ẽŋa n wʋn zãsʋm ya sɛla woo, dee tẽegɛ ya bõn-sɛba wuu tɩ mam yele ya la.

Azã 16:3

Ba wʋn ẽŋɛ la bɛla, se'ere n soe la, ba ka mi mam Sɔ la, la mam mẽŋa.

Azã 17:3

La vɔm n ka ba'asrɩ la de la ba bãŋɛ fõn, fʋ yɩla mã'a n de Sɩra Dãana Nawẽnnɛ na, la ba bãŋɛ mam Azezi-krisi tɩ fʋ tõm na.

Azã 20:17

Tɩ Azezi yele ẽ yetɩ: «Da kalʋm ma, mam nãn ka zom m Sɔ la zẽ'am. Sẽŋɛ m sɔbiisi la zẽ'am ka yele ba yetɩ: ‹Mam zonnɩ na mam Sɔ Nawẽnnɛ n de yãma Sɔ, la yãma Nawẽnnɛ na zẽ'am.› »

Tõoma 6:10

La Nawẽnnɛ Sɩa n bɔ'ɔrɩ A'etɩɛnɩ yɛm tɩ a tɔgra, tɩ ba ka tã'agɛ lerge ẽ.

Tõoma 7:2

Tɩ a lerge yetɩ: «M sɔbiisi la m sɔdõma, selse-ya. Nawẽnnɛ n de na'am kãtɛ dãana la yʋʋn puke a mẽŋa pa'alɛ tɩ yaaba Abraham, ẽn yʋʋn nãn boe Mezopotami nãn ka sẽŋɛ ka zĩ'ire Haran tẽŋam na,

Aromduma 1:28

Ban zagsɛ ka bɔɔra tɩ ba bãŋɛ Nawẽnnɛ na, tɩ Nawẽnnɛ basɛ ba ba tẽ'es-yooro la pʋam, tɩ ba ɩta sɛla n ka masɛ tɩ ba ɩta.

Aromduma 15:6

Tɩ ya wuu wʋn tara nõorɛ ayɩla, la yɛm ayɩla nã'asra Nawẽnnɛ n de tɩ Zuudãana Azezi-krisi Sɔ la.

1 Korẽntɩ 12:8

Sɩa la bɔ'ɔrɩ nẽra ayɩla la bɔ'a tɩ a tɔgra yɛm yetɔga, la Sɩa ẽŋa ayɩla n bɔ'ɔrɩ nẽra ayẽma bɔ'a tɩ a tɔgra bãŋrɛ yetɔga.

1 Korẽntɩ 14:6

M sɔbiisi, mam sãn wa'am ya zẽ'am wa tɔgra yetɔg-zãŋsɩ, mam wʋn ẽŋɛ la wãne sõŋɛ ya? A ka tarɩ võorɛ bɔ ya. Sɛla n wʋn sõŋɛ ya, de la mam sãn pa'alɛ ya sɛla tɩ Nawẽnnɛ Sɩa puke pa'alɛ mam, bɩɩ m botɩ ya bãŋɛ sɛla, bɩɩ m to'oge Nawẽnnɛ yetɔga tɔgɛ bɔ ya, bɩɩ m zãsʋm ya.

1 Korẽntɩ 2:10

Nawẽnnɛ botɩ a Sɩa la puke bõn-bãma pa'alɛ la tõma. Nawẽnnɛ Sɩa la mi sɛla woo mɛ, baa la Nawẽnnɛ yel-sɛba n sʋgɛ.

1 Korẽntɩ 2:8

Sɛba n soe dũnia wã baa ayɩla ka mi yɛm ẽna wã. Ba daan sãn mi nɩ ẽ, ba kãn ka nɩ Zuudãana n tarɩ na'am pãŋa wuu la dɔ-puurŋa zuo kʋ.

2 Korẽntɩ 12:1

Dẽnɩ tɩ mam wẽ yõ'ogɔ, la yõ'ogɔ wẽ'a la ka tarɩ yõorɔ. La mam wʋn ba'asõm tɔgɛ la bõn-sɛba tɩ Zuudãana la puke pa'alɛ mam, tɩ mam yẽ wʋ zãasŋɔ la.

Efɛɛzɩ 1:3

Tɩ pẽgɛ Nawẽnnɛ n de tɩ Zuudãana Azezi-krisi Sɔ la, ẽŋa n bɔ tɔ a Sɩa yel-sõnnɛ wuu n ze'ele saazuum, tõma n lagɩm na Krisi dɛna ayɩla la ĩyã.

Efɛɛzɩ 3:5

Nawẽnnɛ yʋʋn ka puke ẽ pa'alɛ kʋrʋm dõma, la lɛɛlɛ wã a botɩ a Sɩa la puke ẽ pa'alɛ la sɛba tɩ a tõm, la a nõtɔ'ɔsrɩba.

Efɛɛzɩ 4:13

halɩ tɩ tɩ wʋn wa lagɩm taaba bɔ sɩra dɛna ayɩla, bãŋɛ Nawẽnnɛ Dayʋa la, lebge nẽrba n bɩ ba'asɛ paagɛ wʋ Krisi n masɛ sɛla woo pʋam se'em na.

Filipi 3:15

Tõma sɛba wuu n bɩ Nawẽnnɛ sore doosgo pʋam na, tɩ tara-ya pʋtẽ'e-ẽna. La sɛla ayɩla yelle, ya sãn tara pʋtẽ'erɛ ayẽma, Nawẽnnɛ wʋn vẽlgɛ ya tɩ ya bãŋɛ ẽn de bõn-sɛka.

2 Timoti 2:25

La masɛ tɩ a pa'ala nẽr-sɛba n ka sakrɩ la, la sũ-bʋgsʋm, tɩ Nawẽnnɛ tã wʋn basɛ tɩ ba teege yɛm mɛ bãŋɛ sɩra,

Taitusi 1:1

Mam Apolɩ n gʋlsɛ gõŋɔ wã, mam de la Nawẽnnɛ yamŋa, la Azezi-krisi Tõntõnna tɩ a tõm tɩ m mõolɛ a kõ-yẽlga tɩ sɛba tɩ Nawẽnnɛ looge la bɔ sɩra, dee bãŋɛ Nawẽnnɛ sɩra n pa'alɩ ban wʋn dɔla Nawẽnnɛ sore se'em.

Yemesi 2:1

M sɔbiisi, yãma n sakɛ tɩ Zuudãana Azezi-krisi n tarɩ na'am pãŋa la, da tũ'usra-ya nẽrba.

2 Pita 1:3

Azezi n tarɩ Nawẽnnɛ pãŋa la n botɩ tɩ bãŋɛ Nawẽnnɛ n wi tõma tɩ tɩ po yẽ a na'am pãŋa, la a sõŋa. Bɛla tɩ a bɔ tɔ bõn-sɛba wuu n wʋn basɛ tɩ tɩ vɔa vɔm sɛka n dolɩ a sore.

2 Pita 3:18

Sẽŋɛ-ya nẽŋa vɔa Azezi-krisi n de tɩ Zuudãana la tɩ Fãagra la yel-sõnnɛ pʋam, bãŋra ẽ pa'asra. Ẽŋa n soe na'am pãŋa lɛɛlɛ wã, la wakatɛ n ka ba'asrɩ. Amina.

Lilegere 7:12

yetɩ: «Asɩra, Nawẽnnɛ n soe nã'asgɔ, la na'am pãŋa, la yɛm, la yel-sõnnɛ pʋ'ʋsgɔ, la pẽka, la ke'eŋo, la pãŋa wakatɛ n ka ba'asrɩ. Amina.»