Efɛɛzɩ 1:14 - Farefare Ninkaré

¹⁴ A Sɩa la n de sɛla n pa'alɛ tɩ tɩ wʋn yẽ sɛla woo tɩ a bĩŋe nõorɛ tɩ a bɔ tɔ la, halɩ ka paagɛ wakat-sɛka tɩ a wʋn fãagɛ tõma wuu n de a nẽrba la ba'asɛ la, bõn-ẽŋa n wʋn basɛ tɩ tɩ pẽgɛ ẽ, a na'am pãŋa la ĩyã.

ZE'ELEGO PAALEGA

¹⁴ Yele dina en de daalehum, pa'alɛ ti tu tari tɔtɛ en yɔ to'e tu ti tu dɛna Yinɛ mɛŋa nɛreba la dɛna pɛka bo' a suŋa la.

Efɛɛzɩ 1:14 ပူးပေါင်းရင်းမြစ်များ

Aluki 21:28

La ya sãn yẽ tɩ bõn-bãna pɔsɛ ɩta, gorge-ya bɩsɛ saazuum, tɩ ya fãarɛ lɛm mɛ.»

Tõoma 20:28

Tara-ya ya mẽŋa, la nẽr-sɛba wuu tɩ Nawẽnnɛ Sɩa gu'ule ya la sõŋa. Bɩsra-ya Nawẽnnɛ nẽrba la tɩ a fãagɛ la a Bia zɩɩm tɩ ba dɛna a mẽŋa nẽrba la sõŋa.

Tõoma 20:32

La lɛɛlɛ wã, mam dɩkɛ ya ẽŋɛ la Nawẽnnɛ nu'usum, la a yel-sõnnɛ yetɔga la pʋam. Ẽŋa n tã wʋn sõŋɛ ya tɩ ya yẽ pãŋa pa'asɛ, dee wʋn botɩ ya po lagɩm to'oge bõn-sõma tɩ a bĩŋe tɩ a bɔ a nẽrba la.

Aromduma 8:23

La, la dagɩ bõn-nãanɩsɩ la mã'a, tõma mẽŋa tɩ Nawẽnnɛ dẽŋɛ bɔ tɩ a Sɩa pa'alɛ tɩ tɩ wʋn yẽ nã'asgɔ la, nãmsrɩ mɛ tɩ sũure pʋam gu'ura wakat-sɛka tɩ Nawẽnnɛ wʋn fãagɛ tɩ ba'asɛ tɩ tɩ dɛna a kɔma.

1 Korẽntɩ 1:30

La Nawẽnnɛ n basɛ tɩ ya lagɩm na Azezi-krisi dɛna ayɩla la, ẽŋa ĩyã tɩ tɩ tara Nawẽnnɛ yɛm, dee masɛ Nawẽnnɛ nẽŋam, welge to'ore lebge a nẽrba n yese tõon-be'ero pʋam.

2 Korẽntɩ 1:22

Ẽŋa n dãalɛ tõma pa'alɩ tɩ ẽŋa n soe to, bɔ tõma a Sɩa n de sɛla n pa'alɩ tɩ tɩ wʋn yẽ sɛla wuu tɩ a bĩŋe tɩ a bɔ tɩ la.

2 Korẽntɩ 5:5

La de la Nawẽnnɛ mẽŋa n ẽŋɛ tõma tɩ tõma ãna bɛla, dee bɔ tõma a Sɩa n de sɛla n pa'alɩ tɩ tõma wʋn yẽ sɛla wuu tɩ a bĩŋe tɩ a bɔ tɩ la.

Galatɩ 4:6

La yãma n de Nawẽnnɛ kɔma la, a tõm na a Dayʋa Sɩa tɩ a bɔna tɩ sũure pʋam, tɩ Sɩa la wi'ira Nawẽnnɛ yetɩ: «Abba, m Sɔ.»

Efɛɛzɩ 1:11

Nawẽnnɛ n basɛ tɩ sɛla woo ɩta wʋ ẽn boorɩ se'em na, n dẽŋɛ looge tõma tɩ tɩ dɛna a nẽrba Krisi ĩyã.

Efɛɛzɩ 1:12

Tɩ tõma n dẽŋɛ tara pʋtẽ'erɛ la Krisi la, wʋn basɛ tɩ nẽrba pẽgɛ ẽ a na'am pãŋa la ĩyã.

Efɛɛzɩ 4:30

Da ẽŋɛ-ya sɛla sã'am Nawẽnnɛ Sɩa sũure, tɩ la de la ẽŋa tɩ Nawẽnnɛ dɩkɛ bɔ ya tɩ la dɛna dãalgɔ pa'alɛ tɩ daarɛ n sẽm tɩ ẽŋa wʋn fãagɛ ya fasɩ fasɩ.

1 Pita 2:9

La sãn dɛna yãma, yãma de la buuri tɩ Nawẽnnɛ looge, ya de la ẽŋa n de naba la kãabgɔ kẽma, dee ken dɛna a nẽrba n welge to'ore tara pʋpeelem. A wi ya la lika pʋam, tarɩ yese a peelem n ãn sõŋa zozo'e pʋam, tɩ ya botɩ nẽrba bãŋɛ a tõon-kãra la.