Efɛɛzɩ 1:11 - Farefare Ninkaré

¹¹ Nawẽnnɛ n basɛ tɩ sɛla woo ɩta wʋ ẽn boorɩ se'em na, n dẽŋɛ looge tõma tɩ tɩ dɛna a nẽrba Krisi ĩyã.

ZE'ELEGO PAALEGA

¹¹ Kiresta puan, tu tari tɔtɛ mɛ, ban pun maahum tɔ bo' eŋa se'em daana en ba'aheri sɛla woo a mɛŋa kã'aŋɔ la a sumboolum puan la.

Efɛɛzɩ 1:11 ပူးပေါင်းရင်းမြစ်များ

Tõoma 13:48

La bu-zãŋsɩ la n wõm bɛla la, ba sũure ẽŋɛ yẽlʋm mɛ halɩ, tɩ ba pẽgra Nawẽnnɛ yetɔga la. La nẽr-sɛba n masɛ tɩ ba yẽ vɔm n ka ba'asrɩ la daan sakɛ bɔ Azezi sɩra mɛ.

Tõoma 2:23

Nawẽnnɛ n yʋʋn põn tẽ'esɛ bɔɔra tɩ a ẽŋɛ se'em na ĩyã, tɩ a dɩkɛ Azezi ẽŋɛ ya nu'usum, tɩ ya botɩ nẽr-sɛba n ka dolɩ Nawẽnnɛ lɔɔ la yõkɛ ẽ tarɩ ka ka lablɛ dɔ-puurŋa zuo kʋ.

Tõoma 20:27

Se'ere n soe la, mam mõolɛ Nawẽnnɛ n boorɩ se'em na wuu bɔ ya mɛ, ka sʋgɛ sɛla sɛla.

Tõoma 20:32

La lɛɛlɛ wã, mam dɩkɛ ya ẽŋɛ la Nawẽnnɛ nu'usum, la a yel-sõnnɛ yetɔga la pʋam. Ẽŋa n tã wʋn sõŋɛ ya tɩ ya yẽ pãŋa pa'asɛ, dee wʋn botɩ ya po lagɩm to'oge bõn-sõma tɩ a bĩŋe tɩ a bɔ a nẽrba la.

Tõoma 4:28

Bɛla ba ẽŋɛ la bõn-sɛka tɩ fõn yʋʋn põn dẽŋɛ looge yɛm la fʋ pãŋa bɔɔra tɩ la ẽŋɛ se'em na.

Aromduma 11:34

La de wʋ Nawẽnnɛ gõŋɔ n gʋlsɛ yetɩ: «Ãne n mi Zuudãana pʋtẽ'erɛ? Bɩɩ ãne n tã wʋn kã'an ẽ?

Aromduma 8:17

Tõma n de a kɔma la, tɩ wʋn po to'oge bõn-sõma sɛba tɩ a bĩŋe tɩ a bɔ a kɔma la, tɩ wʋn lagɩm na Krisi po to'oge bõn-sɛba tɩ a wʋn to'oge la. Tõma n nãmsrɩ la Krisi lɛ la, tɩ mẽ wʋn po lagɩm na ẽ yẽ nã'asgɔ.

Aromduma 8:28

Tɩ mi tɩ sɛla woo pʋam, Nawẽnnɛ ɩtɩ sõŋa bɔ'ɔra la nẽr-sɛba n nõŋɛ ẽ, sɛba tɩ a looge ba, masɛ wʋ ẽn looge yɛm se'em na.

Aromduma 8:29

Nẽr-sɛba tɩ Nawẽnnɛ põn dẽŋɛ looge la, a põn dẽŋɛ looge la yɛm tɩ ẽŋa wʋn botɩ ba ãna wʋ a Dayʋa la, tɩ a Dayʋa la wʋn dɛna kẽema a sɔbiisi zozo'e zẽ'am.

Aromduma 8:30

La nẽr-sɛba ĩyã tɩ a põn dẽŋɛ looge yɛm na, a wi ba mɛ. La sɛba tɩ a wi ba la, a botɩ ba masɛ mɛ a zẽ'am. Ẽn botɩ sɛba masɛ a zẽ'am na, a bɔ ba la nã'asgɔ.

Aromduma 9:11

Wakat-sɛka tɩ a yʋʋn nãn ka dɔgɛ ba la, ba nãn ka ẽŋɛ sɛla n de sõŋa bɩɩ be'em, tɩ Nawẽnnɛ yʋʋn yele yetɩ: «Kẽema la n wʋn lebge a yɩbga la tõntõnna, tõnna bɔ'ɔra ẽ.» La a yele bɛla tɩ ẽn looge yɛm se'em na n sẽŋɛ nẽŋa. Nawẽnnɛ n looge nẽr-sɛka la, la dagɩ a tõoma ĩyã, la de la Nawẽnnɛ n looge yɛm wi ẽ.

Galatɩ 3:18

Se'ere n soe la, la sãn de nɩ na lɔɔ la dɔlga ĩyã tɩ nẽra wʋn to'oge sɛla sɔna, la ka le dɛna nõor-bĩŋre ĩyã. La, la de la Nawẽnnɛ n bĩŋe a nõorɛ la ĩyã, tɩ a ẽŋɛ Abraham yel-sõnnɛ.

Efɛɛzɩ 1:14

A Sɩa la n de sɛla n pa'alɛ tɩ tɩ wʋn yẽ sɛla woo tɩ a bĩŋe nõorɛ tɩ a bɔ tɔ la, halɩ ka paagɛ wakat-sɛka tɩ a wʋn fãagɛ tõma wuu n de a nẽrba la ba'asɛ la, bõn-ẽŋa n wʋn basɛ tɩ tɩ pẽgɛ ẽ, a na'am pãŋa la ĩyã.

Efɛɛzɩ 1:18

Mam ken sɔsra Nawẽnnɛ tɩ a botɩ ya pʋtẽ'era like tɩ ya bãŋɛ ẽn wi ya tɩ ya tara pʋtẽ'erɛ gu'ura sɛla, dee bãŋɛ bõn-sõma sɛba tɩ a bĩŋe nõorɛ tɩ a bɔ a nẽrba la n ba ãna sõŋa, dee zo'oge se'em.

Efɛɛzɩ 1:5

A nõŋlʋm na ĩyã tɩ a dẽŋɛ looge tõma tɩ tɩ lebge a kɔma Azezi-krisi ĩyã, wʋ a mẽŋa yɛm n boorɩ se'em na.

Efɛɛzɩ 1:8

Yel-sõnnɛ ẽŋa n zo'oge la bɔ tõma la yɛm wuu, la bãŋrɛ wuu.

Efɛɛzɩ 1:9

Nawẽnnɛ basɛ tɩ tõma bãŋɛ ẽn boorɩ tɩ a ẽŋɛ se'em n daan sʋgɛ tɩ a looge yɛm tɩ a ẽŋɛ Krisi ĩyã la mɛ.

Efɛɛzɩ 3:11

La doose la Zuudãana Azezi-krisi tɩ Nawẽnnɛ ẽŋɛ bɛla masɛ wʋ ẽn looge a yɛm se'em halɩ lan dẽŋɛ dũnia pĩ'iluŋo la.

Kolɔsɩ 1:12

Pʋ'ʋsra-ya tɩ Sɔ Nawẽnnɛ a yel-sõnnɛ la sũ-yẽlga, ẽŋa n basɛ tɩ ya tãna wʋn po to'oge bõn-sõma tɩ a bĩŋe tɩ a bɔ a nẽrba a so'olʋm n de peelem pʋam na.

Kolɔsɩ 3:24

yãma n mi tɩ ya wʋn to'oge la yɔɔrɔ tɩ Zuudãana la bĩŋe tɩ a bɔ a nẽrba la ĩyã. La de la Krisi n de Zuudãana la tɩ ya tõnnɩ bɔ'ɔra.

Taitusi 2:14

Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

Taitusi 3:7

tɩ a yel-sõnnɛ na botɩ tõma masɛ a nẽŋam, lebge a kɔma wʋn yẽ vɔm n ka ba'asrɩ tɩ tõma tarɩ pʋtẽ'erɛ gu'ura la.

Hiburuduma 6:17

Bɛla, Nawẽnnɛ yʋʋn boorɩ tɩ a pa'alɛ la sɛba tɩ a bĩŋe nõorɛ la ba la, tɩ ẽŋa n bĩŋe a nõorɛ se'em na ka viiri, bɛla tɩ a bĩŋe a nõorɛ dee pɔɩ pa'asɛ.

Yemesi 2:5

M sɔbi-nõŋrɩsɩ, selse-ya. Nawẽnnɛ looge la nẽr-sɛba tɩ dũnia dõma bɩsrɩ tɩ ba de la nasdõma la, botɩ ba bɔ ẽ sɩra dɛna bõntatba, tɩ ba wʋn wa bɔna a so'olʋm tɩ a bĩŋe nõorɛ tɩ a bɔ sɛba n nõŋɛ ẽ na pʋam.

1 Pita 1:4

dee mina tɩ tɩ wʋn yẽ sɛla tɩ Nawẽnnɛ bĩŋe tɩ a bɔ a nẽrba. Bõn-bãma de la sɛla n ka sã'anɩ, n ka põ'orɩ, tɩ ba sõŋa ka bɔtɩ, tɩ Nawẽnnɛ bĩŋe a yire tɩ a bɔ ya.

1 Pita 3:9

Nẽra sãn ẽŋɛ ya be'em, ya da lebse ẽ be'em. Nẽra sãn tʋ ya, ya da tʋ lebse, tõn kã-ya kã'a-sõma bɔ ẽ. Se'ere n soe la, Nawẽnnɛ n wi ya la, la de la kã'a-sõma tɩ a bĩŋe nõorɛ tɩ a bɔ ya.