Kolɔsɩ 4:3 - Farefare Ninkaré

³ Pʋ'ʋsra-ya tõma mẽ ĩyã, tɩ Nawẽnnɛ bɔ tɔ sore tɩ tɩ mõolɛ a kõ-yẽlga la pa'alɛ nẽrba Krisi yelle n daan sʋgɛ la. La de la yel-ẽŋa ĩyã tɩ mam bɔna yʋ'a deem.

ZE'ELEGO PAALEGA

³ Gee me pu'uha bɔ'ɔra tumam me, ti Yinɛ yu'ɛ kuleŋa bo' yelehum la, ti tu muulɛ Kiresta yele sɛ'a en sugɛ la, yele sɛ'a zuo ti mam bɔna paka deen wa,

Kolɔsɩ 4:3 ပူးပေါင်းရင်းမြစ်များ

Amatie 13:11

Tɩ a lerge ba yetɩ: «Nawẽnnɛ botɩ yãma bãŋɛ a so'olʋm yelle n sʋgɛ la mɛ. La a ka botɩ bãma bãŋɛ.

Tõoma 14:27

La ban paagɛ la, ba botɩ Azezi nẽrba la lagsɛ mɛ, tɩ ba tɔgɛ pa'alɛ ba Nawẽnnɛ n tõm la bãma se'em, la a yo'oge sore mɛ bɔ bu-zãŋsɩ tɩ ba tãna wʋn bɔ ẽ sɩra.

Aromduma 16:25

Pẽgɛ-ya Nawẽnnɛ, ẽŋa n tã wʋn botɩ ya ze'ele kãŋkãŋɛ, wʋ kõ-yẽlga la tɩ mam mõolɛ pa'alɛ ya Azezi-krisi yelle, botɩ ya bãŋɛ Nawẽnnɛ yelle n sʋgɛ la. Yel-ẽŋa sʋgɛ mɛ halɩ yʋʋma yʋʋma.

1 Korẽntɩ 16:9

Se'ere n soe la, Nawẽnnɛ yo'oge la sore bɔ mam tɩ m tõm a tõoma zozo'e, baa bɛ'ɛba n zo'oge la.

1 Korẽntɩ 4:1

Bɛla, dẽnɩ tɩ ya bãŋɛ tɩ tõma de la Krisi tõntõnɩba, tɩ Nawẽnnɛ dɩkɛ a yɛla n daan sʋgɛ ẽŋɛ tõma nu'usum tɩ tɩ tɔgɛ bɔ nẽrba.

2 Korẽntɩ 2:12

Mam n daan paagɛ Trʋasɩ tɩ m mõolɛ Krisi kõ-yẽlga la, mam daan yẽ tɩ Zuudãana la yo'oge sore bɔ mam mɛ,

Efɛɛzɩ 3:1

Bɛla tɩ mam Apolɩ pʋ'ʋsra Nawẽnnɛ. Mam boe la yʋ'a deem Azezi-krisi yelle, mam n mõolɛ a kõ-yẽlga bɔ yãma bu-zãŋsɩ la ĩyã.

Efɛɛzɩ 3:3

Nawẽnnɛ puke a yelle n sʋgɛ la pa'alɛ mam mɛ, wʋ mam gʋlsɛ se'em fẽe bɔ ya la.

Efɛɛzɩ 3:4

Ya sãn karẽŋɛ mam n gʋlsɛ se'em na, ya wʋn yẽ mam n bãŋɛ Krisi yelle n daan sʋgɛ la võorɛ n ãn se'em.

Efɛɛzɩ 3:9

dee botɩ nẽrba bãŋɛ Nawẽnnɛ n yetɩ a ẽŋɛ se'em n daan sʋgɛ la. Ẽŋa n nãam sɛla woo la, sʋgɛ bõn-ẽŋa mɛ halɩ yʋʋma yʋʋma wa paam zĩna.

Efɛɛzɩ 4:1

Mam n boe yʋ'a deem Zuudãana doosgo yelle la, mam sosrɩ ya tɩ ya dɔla sorɔɔgɔ la sõŋa, wʋ lan masɛ Nawẽnnɛ n wi ya tɩ ya ãna se'em na.

Filipi 1:19

se'ere n soe la, mam mi tɩ yãma pʋ'ʋsgɔ ĩyã, la Azezi-krisi Sɩa sõŋrɛ ĩyã, bõn-ẽŋa wʋn ba'asõm bɔ mam na fãarɛ.

Filipi 1:7

La masɛ mɛ tɩ mam tẽ'esɛ bɛla ya wuu ĩyã, se'ere n soe la, mam yɛm boe la ya lɛ mɛ. Bẽm ĩyã, la sãn dɛna mam n boe yʋ'a deem wã, bɩɩ mam n tɔgrɩ pa'ala nẽrba tɩ kõ-yẽlga la de la sɩra la, ya wuu lagɩm na mam mɛ yẽ Nawẽnnɛ yel-sõnnɛ.

Kolɔsɩ 1:26

Yetɔg-ẽŋa sʋgɛ mɛ yʋʋma yʋʋma, zamãana wuu wa paam zĩna, la lɛɛlɛ wã a yãŋa puke mɛ bɔ Nawẽnnɛ nẽrba.

Kolɔsɩ 4:18

Mam Apolɩ n gʋlsɛ pʋ'ʋsgɔ wã la m mẽŋa nu'ugo, mam pʋ'ʋsrɩ ya. Tẽra-ya mam n boe yʋ'a deem na yelle. Nawẽnnɛ yel-sõnnɛ wʋn bɔna la ya.

1 Tesaloniki 5:25

M sɔbiisi, pʋ'ʋsra-ya Nawẽnnɛ bɔ'ɔra tɔ.

2 Timoti 1:16

Tɩ Zuudãana wʋn zoe A'onezifɔɔrɩ la a yir-dõma ninbãalga, se'ere n soe la, a ẽn bɔ'ɔra mam bʋraanɛ mɛ, dee ka zoe yãnnɛ la ban ba mam la bãnsɩ la.

2 Timoti 2:9

La de la kõ-yẽlga ẽŋa ĩyã tɩ mam nãmsra, halɩ tɩ ba ba mam na bãnsɩ, wʋ mam de la tõon-be'ero dãana la. La ba ka ba Nawẽnnɛ yetɔga la.

2 Timoti 4:2

tɩ fʋ mõolɛ Nawẽnnɛ yetɔga la. Nẽrba sãn sɛlsra, bɩɩ ba sãn ka sɛlsra, mõolɛ le malɩn mõolɛ wakatɛ wuu. Tɔgɛ pa'alɛ ba tɩ ba bãŋɛ ba koŋre, gi ba, dee bɔ ba bʋraanɛ tɩ ba ɩta sõŋa, ɩta bɛla wuu la sũ-mã'asʋm dee tara zãsŋɔ pʋtẽ'erɛ.

Afilmõ 1:22

La mam sosrɩ tɩ fʋ ken mãasʋm gã'argɔ zẽ'a bɔ ma, tɩ mam tarɩ pʋtẽ'erɛ tɩ yãma n pʋ'ʋsrɩ Nawẽnnɛ na ĩyã, ba wʋn basɛ mam tɩ m leme wa'am ya zẽ'am.