Kolɔsɩ 4:2 - Farefare Ninkaré

² Pʋ'ʋsra-ya Nawẽnnɛ da basɛ, mõrgɛ-ya la pʋ'ʋsgɔ, pʋ'ʋsra-ya ẽ a yel-sõnnɛ.

ZE'ELEGO PAALEGA

² Boni ya pu'uhegɔ puan saŋa woo gurɛ yan pu'uheri se'ere zuo la ya suya puan suŋa suŋa la fara bu'a.

Kolɔsɩ 4:2 ပူးပေါင်းရင်းမြစ်များ

Amatie 26:41

Basɛ-ya gẽem dee pʋ'ʋsɛ Nawẽnnɛ tɩ yelle da paagɛ ya tɩ ya lui. Ya sɩa boorɩ mɛ, la ya ĩyã la ka tarɩ pãŋa.»

Amarkɩ 13:33

Guuse ya mẽŋa sõŋa, la ya mãasʋm, se'ere n soe la, ya ka mi wakatɛ la.

Aluki 18:1

Tɩ Azezi makɛ makrɛ pa'alɛ ba tɩ ba sɔsra Nawẽnnɛ wakatɛ wuu da basɛ,

Aluki 21:36

Bɛla, da gĩsra-ya, pʋ'ʋsra-ya Nawẽnnɛ wakatɛ wuu, tɩ ya wʋn yẽ pãŋa tã'agɛ põsɛ bõn-sɛba wuu n wʋn wa ẽŋɛ la, dee tã'agɛ ze'ele Nẽrsaala Dayʋa la nẽŋam.»

Tõoma 1:14

Bãma wuu la pɔgsɩ, la Azezi ma Amaari, la Azezi yɩbsɩ n daan ẽn lagsɛ taaba pʋ'ʋsra Nawẽnnɛ la pʋtẽ'erɛ ayɩla wakatɛ wuu.

Aromduma 12:12

Ɩta-ya sũ-yẽlga yãma n tarɩ pʋtẽ'erɛ gu'ura sɛla la ĩyã. Mã'agɛ-ya ya sũure toogo pʋam, mõrgɛ-ya sẽŋɛ nẽŋa la Nawẽnnɛ pʋ'ʋsgɔ wakatɛ wuu.

Efɛɛzɩ 6:18

Pʋ'ʋsra-ya Nawẽnnɛ sɛla woo pʋam, pʋ'ʋsra-ya dee sɔsra ẽ wakatɛ wuu la a Sɩa pãŋa. Nargɛ-ya pãŋa pʋ'ʋsra Nawẽnnɛ nẽrba wuu ĩyã da basɛ.

Filipi 4:6

Da fabla-ya sɛla sɛla yelle, la sɛla woo pʋam pʋ'ʋsra-ya sɔsra Nawẽnnɛ, la ya pʋ'ʋsra ẽ a yel-sõnnɛ, pa'alɛ-ya ẽ yãma n boorɩ sɛla.

Kolɔsɩ 1:9

Bɛla tɩ lan sẽŋɛ la daar-sɛka tɩ tõma wõm yãma yelle la, tɩ tõma pʋ'ʋsra Nawẽnnɛ yãma ĩyã wa paam lɛɛlɛ wã. Tõma sosrɩ ẽ tɩ a botɩ ya bãŋɛ ẽŋa n boorɩ se'em sõŋa sõŋa, la ya tara yɛm, la bãŋrɛ wuu tɩ Nawẽnnɛ Sɩa bɔ'ɔrɩ.

Kolɔsɩ 2:7

zɛ kãŋkãŋɛ wʋ tɩa yẽga n kẽ tẽŋa zɛ kãŋkãŋɛ se'em na, ken bɔ-ya sɩra la ya sũure wuu wʋ ban zãsʋm ya se'em na, la ya pʋ'ʋsra Nawẽnnɛ a yel-sõnnɛ zozo'e.

Kolɔsɩ 3:15

Basɛ-ya tɩ Krisi sũ-mã'asʋm la sɔna ya sũure, Nawẽnnɛ wi ya tɩ ya tara la sũ-mã'asʋm ẽŋa, lagɩm taaba dɛna ayɩla. Mina-ya yel-sõnnɛ pʋ'ʋsgɔ.

Kolɔsɩ 3:17

Bõn-sɛba wuu tɩ ya ɩtɩ, la sãn dɛna la tõoma bɩɩ yetɔga, ɩta-ya la Zuudãana Azezi-krisi yʋ'ʋrɛ, dee pʋ'ʋsra tɩ Sɔ Nawẽnnɛ a yel-sõnnɛ Azezi-krisi yʋ'ʋrɛ ĩyã.

Kolɔsɩ 4:12

A'epafrasɩ n de ya nẽra la pʋ'ʋsra ya. Ẽŋa n de Azezi-krisi tõntõnna la mõrgrɩ mɛ pʋ'ʋsra Nawẽnnɛ ya yelle ka basra tɩ ya ze'ele kãŋkãŋɛ, dɛna nẽrba n bɩ sɛla woo pʋam sakɛ Nawẽnnɛ n boorɩ se'em wuu.

1 Pita 4:7

Sɛla woo ba'asgɔ lɛm mɛ. Bɛla ĩyã, tara-ya ya mẽŋa sõŋa, dee mõrgɛ la Nawẽnnɛ pʋ'ʋsgɔ.