Kolɔsɩ 4:15 - Farefare Ninkaré

¹⁵ Pʋ'ʋsɛ-ya tɩ sɔbiisi la n boe Laodise la, la Animfa, la Azezi nẽrba n lagsrɩ a yire la.

ZE'ELEGO PAALEGA

¹⁵ Pu'uhi ya n suurɔ seto en boi Laodisiya la, gee pu'uhɛ ya tu taya Nyimfa, la lageŋɔ la en boi a yire la.

Kolɔsɩ 4:15 ပူးပေါင်းရင်းမြစ်များ

Aromduma 16:5

Mam pʋ'ʋsrɩ Azezi nẽrba la wuu n lagsrɩ ba yire la. Pʋ'ʋsɛ-ya m sɩr-nõŋrɛ A'epayinɛtɩ bɔ mam. Ẽŋa n de pɔspɔsɩ nẽra n bɔ Azezi-krisi sɩra Azi so'olʋm.

1 Korẽntɩ 16:9

Se'ere n soe la, Nawẽnnɛ yo'oge la sore bɔ mam tɩ m tõm a tõoma zozo'e, baa bɛ'ɛba n zo'oge la.

Kolɔsɩ 2:1

Mam boorɩ tɩ ya bãŋɛ la mam n mõrgɛ tõnna se'em yãma ĩyã, la nẽr-sɛba n boe Laodise, la nẽr-sɛba wuu n nãn ka yẽ mam na nifo la ĩyã.

Kolɔsɩ 4:13

Mam bɔ'ɔrɩ ya a kaseto tɩ a mõrgrɩ mɛ zozo'e yãma yelle, la Laodise dõma, la Hiyerapolisi dõma yelle.

Kolɔsɩ 4:16

Ya sãn karẽŋɛ gõŋɔ wã ba'asɛ, ya basɛ tɩ ba ken karẽŋɛ ẽ bɔ Azezi nẽrba n boe Laodise la. La yãma mẽ karẽŋɛ Laodise dõma n wʋn bɔ ya gõn-sɛka la.

Afilmõ 1:2

la tɩ tã Apɩa, la Arsipi n lagɩm na tõma yẽ nãmsgɔ Azezi tõoma pʋam na, la Nawẽnnɛ nẽrba la n lagsrɩ fʋ yire pʋam na.