Kolɔsɩ 4:12 - Farefare Ninkaré

¹² A'epafrasɩ n de ya nẽra la pʋ'ʋsra ya. Ẽŋa n de Azezi-krisi tõntõnna la mõrgrɩ mɛ pʋ'ʋsra Nawẽnnɛ ya yelle ka basra tɩ ya ze'ele kãŋkãŋɛ, dɛna nẽrba n bɩ sɛla woo pʋam sakɛ Nawẽnnɛ n boorɩ se'em wuu.

ZE'ELEGO PAALEGA

¹² Epafaras, en de ya ayima la, dɛna Kiresta [Yezu] da'aberɛ pu'uhi ya na. A mɛɛrɛ saŋa woo pu'uhegɔ puan ya zuo, ti ya wan ze'ele bi'ɛ suŋa, gee ka bu'ura ya suure puan la Yinɛ sumboolum en de se'em.

Kolɔsɩ 4:12 ပူးပေါင်းရင်းမြစ်များ

Amatie 5:48

Bɛla, dɛna-ya nẽrba tɩ ya ɩrgɔ wuu wʋn masɛ, wʋ ya Sɔ Nawẽnnɛ n boe saazuum ɩrgɔ wuu n masɛ se'em na.»

Aluki 1:1

Mam sɩr-sõŋɔ Ateofili, nẽrba zozo'e n mõrgɛ gʋlsɛ yel-sɛba wuu n ẽŋɛ tõma zẽ'am na.

Aluki 22:44

Tɩ Azezi sũure ba sã'am halɩ, tɩ a malɩn tĩi pʋ'ʋsra tɩ a mõrgrɛ tɔgra tẽŋa wʋ zɩɩm na.]

Azã 12:26

La nẽra sãn bɔɔra tɩ a tõm bɔ mam, dẽnɩ tɩ a dɔla mam. La mam n boe zẽ'e-sɛka la, mam tõntõnna mẽ wʋn bɔna la bilam. La nẽra sãn tõnna bɔ'ɔra mam, mam Sɔ wʋn pẽgɛ ẽ.

Aromduma 15:14

M sɔbiisi, mam mi mɛ sɩra sɩra tɩ yãma ɩtɩ sõŋa mɛ zozo'e, la ya tarɩ bãŋrɛ wuu zo'oge mɛ tãna wʋn kã'an taaba.

Aromduma 15:30

M sɔbiisi, tɩ Zuudãana Azezi-krisi ĩyã, la Nawẽnnɛ Sɩa n bɔ'ɔrɩ nõŋlʋm na ĩyã, mam sosrɩ ya mɛ, tɩ ya lagɩm na mam mõrgɛ pʋ'ʋsɛ Nawẽnnɛ mam ĩyã.

1 Korẽntɩ 14:20

M sɔbiisi, da ãna-ya wʋ kɔma n tẽ'esrɩ se'em na. La, la sãn dɛna be'em ɩrgɔ yelle, ãna-ya wʋ kɔm-pɩgsɩ n ka ɩtɩ be'em na. La ya tẽ'esgɔ pʋam, ãna-ya wʋ bõnkɛgsɩ la.

1 Korẽntɩ 2:6

La baa bɛla, tõma tɔgrɩ la yɛm yetɔga bɔ'ɔra sɛba n bɩ Nawẽnnɛ sore la doosgo pʋam. La dagɩ dũnia wã yɛm, la mẽ ka de sɛba n soe dũnia wã yɛm. Bãma wʋn lebge la zãŋa.

2 Korẽntɩ 13:11

Sɛla n deege, m sɔbiisi, tara-ya sũ-yẽlga, mõrgɛ-ya tõm masɛ sɛla woo pʋam, bɔ'ɔra-ya taaba bʋraanɛ, tara-ya nõorɛ ayɩla la taaba, vɔa-ya la sũ-mã'asʋm la taaba, tɩ Nawẽnnɛ n de nõŋlʋm, la sũ-mã'asʋm dãana la wʋn bɔna la ya lɛ.

Galatɩ 1:10

Bɛla, yãma tẽ'esɛ tɩ mam boorɩ tɩ nẽrba n pẽgɛ mam bɩɩ, bɩɩ Nawẽnnɛ n pẽgɛ ma? Yãma tẽ'esɛ tɩ mam boorɩ tɩ m ẽŋɛ tɩ la paagɛ la nẽrsaalba yɛm bɩɩ? Ayɛɩ, mam sãn boorɩ nɩ tɩ m ẽŋɛ tɩ la paagɛ nẽrsaalba yɛm, mam ka de nɩ Krisi tõntõnna.

Galatɩ 4:19

M kɔm-nõŋrɩsɩ, mam le tara la toogo ya ĩyã wʋ pɔka n virgri la, halɩ tɩ ya wʋn wa ãna wʋ Krisi n ãn se'em na.

Kolɔsɩ 1:22

La lɛɛlɛ wã, Nawẽnnɛ naagɛ ya mɛ la ẽŋa, a Dayʋa n lebge nẽrsaala ki la ĩyã, tɩ a tarɩ ya sẽŋɛ ka ze'ele Nawẽnnɛ nẽŋam la pʋpeelem, tɩ ya ka tara yelle, tɩ dõrga kana.

Kolɔsɩ 1:28

La de la ẽŋa yelle tɩ tõma mõolɩ, kã'ana nẽra woo, dee zãsna nẽra woo la yɛm tɩ tɩ botɩ nẽra woo masɛ sɛla woo pʋam Krisi doosgo pʋam ka ze'ele Nawẽnnɛ nẽŋam.

Kolɔsɩ 1:29

La de la bɛla ĩyã tɩ mam tõnna dee mõrgra. La de la Krisi pãn-kãtɛ tɩ a bɔ mam zozo'e la n botɩ mam tõnna bɛla.

Kolɔsɩ 1:7

Yãma zãsʋm bõn-ẽŋa la A'epafrasɩ n de tõma tõntõn-tadãana tɩ tõma nõŋɛ la zẽ'am. A de la Azezi-krisi tõntõnna n de sɩra dãana tõnna bɔ'ɔra yãma.

Kolɔsɩ 1:9

Bɛla tɩ lan sẽŋɛ la daar-sɛka tɩ tõma wõm yãma yelle la, tɩ tõma pʋ'ʋsra Nawẽnnɛ yãma ĩyã wa paam lɛɛlɛ wã. Tõma sosrɩ ẽ tɩ a botɩ ya bãŋɛ ẽŋa n boorɩ se'em sõŋa sõŋa, la ya tara yɛm, la bãŋrɛ wuu tɩ Nawẽnnɛ Sɩa bɔ'ɔrɩ.

Kolɔsɩ 4:9

Mam tõm na ẽŋa, la A'onezim n ze'ele yãma zẽ'am, a de la tɩ sɔbi-nõŋrɛ n de sɩra dãana. Ba wʋn yele ya bõn-sɛba wuu n ɩtɩ kalam.

1 Tesaloniki 5:23

Nawẽnnɛ n de sũ-mã'asʋm dãana la mẽŋa wʋn basɛ tɩ ya dɛna ẽŋa mã'a nẽrba tara pʋpeelem. A wʋn gu ya ĩyã, la ya sɩa, la ya yɛm wuu tɩ ya kãn tara dõrga tɩ Zuudãana Azezi-krisi lemŋo daarɛ.

Afilmõ 1:23

A'epafrasɩ n lagɩm na mam bɔna yʋ'a deem Azezi-krisi yelle la pʋ'ʋsrɩ fɔ.

Hiburuduma 5:14

La sɛba n de bõnkɛgsɩ la diti la di-ke'ene, bãma n de sɛba n zãsʋm mina sɛla n ãn sõŋa, la be'em bɔkra.

Hiburuduma 5:7

Azezi-krisi n daan boe dũnia wã wakat-sɛka la, a pʋ'ʋsɛ mɛ sose Nawẽnnɛ n de sɛka n tã wʋn fãagɛ ẽ kũm pʋam basɛ la, belem ẽ na nintãm. Tɩ Nawẽnnɛ lerge a sosgo, a sik-m-mẽŋa la pʋam.

Yemesi 1:1

Mam Azakɩ n de Nawẽnnɛ, la tɩ Zuudãana Azezi-krisi tõntõnna n gʋlsɛ gõŋɔ wã pʋ'ʋsra Nawẽnnɛ nẽrba wuu n wɩrgɛ bɔna zẽ'a woo la.

Yemesi 1:4

La mõrgɛ-ya ze'ele kãŋkãŋɛ ka paagɛ a tɛka, tɩ ya wʋn masɛ sɛla woo pʋam, dɛna nẽrba n bɩ, tɩ sɛla ka pɔ'ɔgɛ ya.

Yemesi 5:16

Bɛla, pelge ya pʋa tɔgɛ ya tõon-be'ero pa'alɛ taaba, pʋ'ʋsɛ bɔ taaba, tɩ ya wʋn yẽ ĩmã'asʋm. Nẽra n masɛ Nawẽnnɛ zẽ'am pʋ'ʋsgɔ tõnnɩ mɛ la pãŋa zozo'e.

2 Pita 1:1

Mam Asimõ-pɩyɛɛrɩ n de Azezi-krisi yamŋa la a Tõntõnna, n gʋlsɛ gõŋɔ wã bɔ'ɔra yãma sɛba tɩ Azezi-krisi n de Nawẽnnɛ la tɩ Fãagra n masɛ sɛla woo pʋam, botɩ ya bɔ ẽ sɩra sõŋa wʋ tõma n bɔ ẽ sɩra se'em na.

Azudi 1:24

Pẽgɛ-ya Nawẽnnɛ, ẽŋa n tarɩ pãŋa wʋn gu ya tɩ ya kãn basɛ a sore, dee wʋn tarɩ ya sẽŋɛ ka ze'ele a nẽŋam tɩ ya ka tara dõrga, tɩ ya yẽ a na'am pãŋa, la sũ-yẽlga zozo'e.