Kolɔsɩ 3:9 - Farefare Ninkaré

⁹ Da parna-ya bɔ'ɔra taaba. Yãma basɛ yãma n daan ãn se'em na mɛ la a yel-ɩrɛ,

ZE'ELEGO PAALEGA

⁹ Da pareni ya bɔ'ɔra taaba, yan diŋɛ yɛɛ naanɛ kɛka la, la de itegɔ la,

Kolɔsɩ 3:9 ပူးပေါင်းရင်းမြစ်များ

Azã 8:44

Ya sɔ de la Asũtãana, la ya boorɩ tɩ ya ẽŋɛ la ya sɔ la n boorɩ se'em na. A de la nẽr-kʋʋra halɩ pĩ'iluŋo. A ka boe sɩra pʋam, sɩra n ka boe a pʋam na ĩyã. A sãn parna, ẽn ãn se'em n bɛla, se'ere n soe la, a de la põmpɔrma, la põmpɔrŋɔ wuu sɔ.

Aromduma 6:6

Tɩ mina-ya tɩ tõma n de se'em kʋrʋm na lagɩm na Krisi mɛ ki dɔ-puurŋa la zuo, tɩ tõma tõon-be'ero yɛmleego pãŋa wʋn sã'am ba'asɛ, tɩ tõma kãn le dɛna tõon-be'ero yamsɩ.

Efɛɛzɩ 4:22

dẽnɩ tɩ ya basɛ yãma n daan vɔa se'em kʋrʋm na. Basɛ-ya vɔm kɛka, la a yɛmleego la n boorɩ sɛla n de be'em n wʋn pã'asɛ ya botɩ ya sã'am na.

Efɛɛzɩ 4:25

Bɛla ĩyã, basɛ-ya põmpɔrŋɔ, tɩ ya nẽra woo tɔgra sɩra bɔ'ɔra a tadãana, tɩ tɩ wuu lagɩm dɛna la ĩyã ayɩla la taaba.

Kolɔsɩ 3:8

La lɛɛlɛ wã, basɛ-ya bõn-bãma wuu. Basɛ-ya sũ-isgre, la sũ-yĩire, la pʋtʋʋlgɔ, la taaba tʋʋrɛ, la yetɔg-yaalsɩ mẽ ka le masɛ tɩ ba yese ya nõorʋm.

1 Timoti 1:10

la sɛba n ɩtɩ yalsɩ, la bʋra-sɛba n gã la taaba, la pɔg-sɛba n gã la taaba, la sɛba n yõgrɩ nẽrba kɔɔsra, la põmpɔrndõma, la sɛba n pɔtɩ dee ka ɩta ban yele se'em na, la nẽr-sɛba n ɩtɩ sɛla woo n sɩ'ɩsrɩ sɩra kõ-yẽlga la ĩyã.

Lilegere 21:27

Sɛla n de bõn-dẽgrɔ wuu, bɩɩ nẽr-sɛka woo n tõnnɩ tõon-dẽgrɔ, la põmpɔrndõma kãn kẽ tẽŋa la pʋam. Nẽr-sɛba yʋ'ʋra n gʋlsɛ Pebila la vɔm gõŋɔ la pʋam mã'a n wʋn kẽ tẽŋa la pʋam.

Lilegere 21:8

La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»

Lilegere 22:15

La nẽr-sɛba n tõnnɩ tõon-dẽgrɔ, la sɛba n tõnnɩ tɩɩm tõoma, la sɛba n tõnnɩ yalsɩ tõoma, la nẽr-kʋʋrba, la sɛba n nã'asrɩ bõndõma tɩ ba mãalɛ, la nẽr-sɛba wuu n nõŋɛ põmpɔrŋɔ dee parna la, wʋn weege la yẽŋa, ba kãn kẽ tẽŋa la pʋam.