Kolɔsɩ 3:8 - Farefare Ninkaré

⁸ La lɛɛlɛ wã, basɛ-ya bõn-bãma wuu. Basɛ-ya sũ-isgre, la sũ-yĩire, la pʋtʋʋlgɔ, la taaba tʋʋrɛ, la yetɔg-yaalsɩ mẽ ka le masɛ tɩ ba yese ya nõorʋm.

ZE'ELEGO PAALEGA

⁸ Gee nananawa, la dela ya bahɛ yele aŋa woo, sunsunyiim, putuulum, nɛreba yu'ura sageŋɔ, kɛhega yetɔgum da zɛ'ɛta ya nɔya puan.

Kolɔsɩ 3:8 ပူးပေါင်းရင်းမြစ်များ

Amatie 5:22

La mam yetɩ ya tɩ nẽr-sɛka woo sũure n isge la a sɔbia, la masɛ tɩ ba di a sarɩya. La sɛka n yele a sɔbia yetɩ: ‹Yalma›, la masɛ tɩ sarɩyaditba nẽŋadõma di a sarɩya. La sɛka n yele a sɔbia yetɩ: ‹Fʋ ka tarɩ võorɛ›, ẽŋa dãana masɛ mɛ tɩ a kẽ bug-tẽŋa.

Amarkɩ 7:22

la taaba pɔgba la taaba sɩrba gã'a, la nẽra n nõŋɛ bõnɔ, la pʋtʋʋlgɔ, la yɛmkẽgsɩga, la tõon-dẽgrɔ, la nẽra n ɩtɩ sũure la a tadãana bõnɔ, la pɔ'ɔrɛ yetɔga, la pa'al-m-mẽŋa, la yalm-tõoma.

Aromduma 13:13

Basɛ-ya tɩ tɩ tõnna la pʋpeelem wʋ nẽrba n sẽnnɩ wʋntɛɛŋa. Tɩ basɛ-ya pʋyã'an-yooro, la dãam buka, la tũulgo, la yalsɩ, la zɛbrɛ, dee da ɩta sũure la taaba.

1 Korẽntɩ 3:3

yãma n ken vɔa wʋ ya mẽŋa n boorɩ se'em na ĩyã. Ya sãn ɩta sũure zɛbra la taaba, bɛla ka pa'alɛ tɩ ya vɔa wʋ ya mẽŋa n boorɩ se'em, dee ɩta wʋ dũnia nẽrba n ɩtɩ se'em na sɩra?

2 Korẽntɩ 12:20

Mam zotɩ mɛ tɩ m wʋn wa paam ya zẽ'am yẽ tɩ ya ka ãn wʋ mam n boorɩ se'em na, tɩ yãma mẽ yẽ tɩ mam ka ãn wʋ yãma n boorɩ se'em na. Mam zotɩ mɛ tɩ zɛbrɛ, la ɩta sũure la taaba, la sũ-isgre, la gẽelgɔ, la pɔ'ɔg-taaba, la ya'anzũm, la zẽk-m-mẽŋa, la ɩr-yooro wʋn bɔna ya tẽŋasʋka.

Galatɩ 5:15

La ya sãn zɛbra la taaba, yĩ'ira dee dõnna taaba wʋ dũnsi la, guuse-ya, tɩ ya wʋn sã'am taaba mɛ ba'asɛ.

Galatɩ 5:20

la baga kãabgɔ, la tɩɩm tõoma, la taaba sisga, la zɛbrɛ, la ɩta sũure la tadãana bõnɔ, la sũ-isgre, la gãŋɛ taaba, la ka-wõm-taaba, la welge taaba.

Galatɩ 5:26

Tɩ da dɛna-ya uk-m-mẽŋa dõma, tɩ da ɛɛra-ya taaba nõorɛ, bɩɩ ɩta sũure la taaba.

Efɛɛzɩ 4:22

dẽnɩ tɩ ya basɛ yãma n daan vɔa se'em kʋrʋm na. Basɛ-ya vɔm kɛka, la a yɛmleego la n boorɩ sɛla n de be'em n wʋn pã'asɛ ya botɩ ya sã'am na.

Efɛɛzɩ 4:25

Bɛla ĩyã, basɛ-ya põmpɔrŋɔ, tɩ ya nẽra woo tɔgra sɩra bɔ'ɔra a tadãana, tɩ tɩ wuu lagɩm dɛna la ĩyã ayɩla la taaba.

Efɛɛzɩ 4:26

Ya sũure sãn isge, da tõm-ya tõon-be'ero, la ya da basɛ tɩ wẽnnɛ lui dee tɩ ya sũure la ka sige.

Efɛɛzɩ 4:29

Da basɛ-ya tɩ yetɔg-be'ero yese ya nõorʋm, tɔgra-ya yetɔg-sõma n bɔ'ɔrɩ nẽrba bʋraanɛ, tɩ la sõŋra nẽr-sɛba n selsrɩ la, dee ɩta ba sõŋa.

Efɛɛzɩ 5:4

La ken ka masɛ tɩ ya tɔgra yetɔg-yooro, la yetɔg-be'ero, la yetɔg-gãlsɩ, la de la ya pʋ'ʋsra Nawẽnnɛ a yel-sõnnɛ.

Kolɔsɩ 3:5

Bɛla, basɛ-ya dũnia wã pʋtẽ'e-be'ero n de yalsɩ tõoma, la tõon-dẽgrɔ, la yalsɩ ɩrgɔ yɛmleego, la be'em yɛmleego, la nõŋɛ bõnɔ zozo'e. Nẽra n nõŋɛ bõnɔ zozo'e ãn wʋ nẽr-sɛba n kãabrɩ baga dee basɛ Nawẽnnɛ pʋ'ʋsgɔ la.

Kolɔsɩ 3:9

Da parna-ya bɔ'ɔra taaba. Yãma basɛ yãma n daan ãn se'em na mɛ la a yel-ɩrɛ,

1 Timoti 1:13

Baa mam n daan pɔ'ɔrɩ a yʋ'ʋrɛ, nãmsra a nẽrba, dee tʋʋra ẽ na, a zoe mam ninbãalga mɛ. Se'ere n soe la, mam daan ka bãŋɛ mam ɩtɩ sɛla, mam n daan ka bɔ Azezi sɩra la ĩyã tɩ mam ɩta bɛla.

1 Timoti 1:20

Nẽr-bãma pʋam, Ahimẽnɩ, la Alɛgsãndrɩ n daan boe mĩ, tɩ mam daan basɛ ba la Asũtãana tɩ ba yõgɛ yɛm, da le pɔ'ɔra Nawẽnnɛ.

Hiburuduma 12:1

Bɛla, tõma n tarɩ nẽrba zozo'e n gilge tõma pa'ala tɩ sore la, tɩ mẽ basɛ bõn-sɛba n gu'uri tɩ sẽnnɛ, la tõon-be'ero tɩ tɩ ɩtɩ nãana nãana la, dee mõrgɛ zɔta zʋa n boe tɩ nẽŋa na.

Yemesi 2:7

La de la bãma n pɔ'ɔrɩ Krisi yʋ'ʋr-sõŋɔ sɛka tɩ ba bɔ ya la.

1 Pita 2:1

Bɛla, basɛ-ya pʋtʋʋlgɔ wuu, la põmpɔrŋɔ, la pʋlibsum, la sũure, la taaba pɔ'ɔrɛ.

2 Pita 2:18

Ba pa'alɩ la ba mẽŋa tɔgra yetɔg-kãra n ka tarɩ võorɛ, dee tara ba yɛm n boorɩ se'em n de tõon-dẽgrɔ la pã'asra nẽr-sɛba n nãn welge ba mẽŋa la nẽr-sɛba n vɔa tuure pʋam na.

2 Pita 2:7

La a yʋʋn fãagɛ la Alotɩ n de tõon-sõma dãana. Ẽŋa sũure n yʋʋn sã'am halɩ zozo'e la tõon-be'ero dõma tõon-yooro n zo'oge la.

Azudi 1:13

Ba ken ãna wʋ ko-kãtɛ ko-mĩ'isi n wẽ'erɩ la pãŋa, ba yãnnɛ tõoma la ãn wʋ ko-kãtɛ fulfuka la, ba ãn wʋ wõrbiɛ sɛba n eerɩ. Nawẽnnɛ mãasʋm na zẽ'a n de lika tam bĩŋe wakatɛ n ka ba'asrɩ gu'ura ba.

Azudi 1:8

La de la bõn-bãma buuri n bɛla tɩ nẽr-bãma mẽ ɩtɩ. Ban tẽ'esrɩ se'em na botɩ ba dẽgra la ba mẽŋa, ba pɔ'ɔrɩ Nawẽnnɛ n tarɩ nõorɛ la ba lɛ la mɛ, dee tʋʋra saazuum pãnsɩ dõma.

Lilegere 16:9

Tɩ tʋʋlg-kãtɛ yõ'ogɛ nẽrba, tɩ ba tʋʋra Nawẽnnɛ n de ke'eŋo wuu dãana n tara nõorɛ la tooro bãma la. La ba ka teege yɛm basɛ tõon-be'ero nã'asɛ Nawẽnnɛ.