Kolɔsɩ 3:5 - Farefare Ninkaré

⁵ Bɛla, basɛ-ya dũnia wã pʋtẽ'e-be'ero n de yalsɩ tõoma, la tõon-dẽgrɔ, la yalsɩ ɩrgɔ yɛmleego, la be'em yɛmleego, la nõŋɛ bõnɔ zozo'e. Nẽra n nõŋɛ bõnɔ zozo'e ãn wʋ nẽr-sɛba n kãabrɩ baga dee basɛ Nawẽnnɛ pʋ'ʋsgɔ la.

ZE'ELEGO PAALEGA

⁵ Bala zuo, ku ya sɛla woo en boi ya puan dɛna tiŋa dinɛ zuo bunɔ wuu, yaluntuuma, dɛgerɔ tuuma, kunkoma'ahum, be'em kɔrehi, la nyika (en de baga kaabegɔ la).

Kolɔsɩ 3:5 ပူးပေါင်းရင်းမြစ်များ

Amatie 15:19

Se'ere n soe la, pʋtẽ'e-yooro ze'etɩ la nẽrsaala sũure pʋam botɩ a bɔɔra tɩ a ẽŋɛ be'em: Nẽr-kʋa, la yalsɩ, la taaba pɔgba la taaba sɩrba gã'a, la nayigum, la põmpɔrŋɔ, la pɔ'ɔrɛ yetɔga.

Aromduma 1:26

Bɛla tɩ Nawẽnnɛ basɛ ba, tɩ ba ɩta ba mẽŋa yɛmleego n de yãnnɛ. Tɩ ba pɔgsɩ basɛ lan de ba gã se'em na, dee gã la taaba.

Aromduma 1:29

Sɛla n ka masɛ wuu n boe ba sũa pʋam. La de la be'em, la nõŋɛ bõnɔ zozo'e, la pʋtʋʋlgɔ, la ɩta sũure la tadãana bõnɔ, la nẽr-kʋa, la zɛbrɛ, la yɛm be'ero, la sũ-toogo. Ba wã'arɩ la taaba,

Aromduma 6:13

Da dɩkɛ-ya ya ĩyã zẽ'esɩ to'oto'ore tɩ ba dɛna tõon-be'ero tõoma lɔgrɔ tɩ ya tara ba tõnna be'em. Dɩkɛ-ya ya mẽŋa bɔ Nawẽnnɛ wʋ nẽrba n ki dee vo'oge. Dɩkɛ-ya ya ĩyã zẽ'esɩ to'oto'ore la wuu bɔ Nawẽnnɛ tɩ a tara ba tõnna sɛla n masɛ.

Aromduma 6:6

Tɩ mina-ya tɩ tõma n de se'em kʋrʋm na lagɩm na Krisi mɛ ki dɔ-puurŋa la zuo, tɩ tõma tõon-be'ero yɛmleego pãŋa wʋn sã'am ba'asɛ, tɩ tõma kãn le dɛna tõon-be'ero yamsɩ.

Aromduma 7:23

La mam yẽ la bõnɔ ayẽma n boe mam pʋam zɛbra la mam pʋtẽ'e-sõŋɔ la, botɩ mam dɛna tõon-be'ero la n boe mam pʋam tõnna la yamŋa.

Aromduma 7:5

Kʋrʋm, tõma n daan vɔa wʋ tõma mẽŋa n boorɩ se'em na, lɔɔ la botɩ tõma yɛmleego bɔɔra la be'em, basɛ tɩ tõma ĩyã zẽ'esɩ wuu ɩta sɛla n sẽm na kũm.

Aromduma 8:13

Ya sãn ɩta nẽrsaalba mẽŋa n boorɩ se'em na, ya wʋn ki mɛ. La ya sãn botɩ Nawẽnnɛ Sɩa pãŋa kʋ tõon-sɛba tɩ nẽrsaala mẽŋa boorɩ la, ya wʋn vɔa.

1 Korẽntɩ 5:1

Ba tɔgrɩ tɩ ya ɩtɩ la yalsɩ, halɩ yalsɩ sɛka buuri tɩ baa sɛba n ka dolɩ Nawẽnnɛ ka sakɛ ɩta. Mam wõm tɩ ba yetɩ nẽra ayɩla n boe ya pʋam gã la a sɔ pɔga.

1 Korẽntɩ 6:11

Yãma nẽrba basɛba daan ãn na bɛla. La Nawẽnnɛ Sɩa peege yãma tõon-be'ero mɛ botɩ ya lebge Nawẽnnɛ nẽrba, masɛ a zẽ'am Zuudãana Azezi-krisi yʋ'ʋrɛ ĩyã.

1 Korẽntɩ 6:13

Yãma yetɩ, dia boe la pʋʋrɛ ĩyã, tɩ pʋʋrɛ mẽ bɔna dia ĩyã. La de la sɩra, la Nawẽnnɛ wʋn sã'am bãma bayi la wuu mɛ. La nẽrsaala ĩyã ka boe yalsɩ ĩyã, a boe la Zuudãana ĩyã. Tɩ Zuudãana mẽ sɔna ĩyã la.

1 Korẽntɩ 6:18

Zoe-ya yalsɩ. Tõon-be'e-sɛba wuu tɩ nẽrsaala ɩtɩ la ka boe a ĩyã pʋam. La tõon-be'e-sɛka n de yalsɩ la boe la nẽrsaala ĩyã pʋam.

2 Korẽntɩ 12:21

Mam zotɩ mɛ tɩ mam sãn wa wa'am yãma zẽ'am, mam dãana Nawẽnnɛ wʋn botɩ yãnnɛ yõkɛ mam yãma ĩyã, tɩ m sũure sã'am la ya nẽr-sɛba n daan tõm tõon-be'ero, dee ka teege yɛm basɛ tõon-dẽgrɔ, la yalsɩ, la tõon-yooro sɛba tɩ ba ẽŋɛ la.

Galatɩ 5:24

Nẽr-sɛba n de Azezi-krisi nẽrba la ka ba mẽŋa n boorɩ se'em n de be'em, la ba yɛmleego la mɛ dɔ-puurŋa zuo, tɩ ba ka le sɔna ba.

Efɛɛzɩ 4:19

Ba zuugo ka zɛɛrɩ la tõon-be'ero ɩrgɔ, ba tõnnɩ la yalsɩ, la be'em buuri wuu, ba boorɩ la tõon-dẽgrɔ mã'a.

Kolɔsɩ 2:11

Yãma n lagɩm na ẽ na, ya wã mɛ, la dagɩ wã-sɛka tɩ nẽrsaalba wãtɩ tɩ la pa'alɛ tɩ ba de Nawẽnnɛ nẽrba la. La de la Krisi n teege ya sũure tɩ ya lebge Nawẽnnɛ nẽrba, yese ya pʋtẽ'e-be'ero wuu.

1 Tesaloniki 4:3

Nawẽnnɛ n boorɩ tɩ ya ãna se'em n wãna: Welge-ya to'ore dɛna pʋpeelem dõma, dee yõkɛ ya mẽŋa da tõnna yalsɩ tõoma.

1 Tesaloniki 4:5

Da basɛ-ya tɩ yalsɩ tõoma yɛmleego tara ya, wʋ sɛba n ka dolɩ Nawẽnnɛ n ɩtɩ se'em na.

1 Timoti 6:10

Se'ere n soe la, ligri nõŋlʋm de la tõon-be'ero wuu yẽgrɛ. Nẽrba basɛba nõŋɛ la ligri bʋrgɛ dee basɛ Nawẽnnɛ sore, nãmsɛ ba mẽŋa la toogo buuri zozo'e.

Hiburuduma 12:16

Da basɛ-ya tɩ ya nẽra nẽra ɩta yalsɩ, bɩɩ nẽra n pɔ'ɔrɩ sɛla n de Nawẽnnɛ bõnɔ, wʋ A'eso n yʋʋn dɩkɛ a kẽnnɔ bõnɔ teege dia laaga ayɩla la.

Hiburuduma 13:4

Basɛ-ya tɩ pɔgdire tara nã'asgɔ, dee da basɛ tɩ dẽgrɔ tõoma bɔna mĩ, se'ere n soe la, Nawẽnnɛ wʋn di nẽr-sɛba n ɩtɩ yalsɩ, la nẽr-sɛba n tũuli la sarɩya mɛ.

Hiburuduma 13:5

Da basɛ-ya tɩ ligri nõŋlʋm sɔna ya. Basɛ-ya tɩ ya sũure ãna yẽlʋm la yãma n tarɩ sɛla la, tɩ Nawẽnnɛ yetɩ: «Mam kãn basɛ fɔ, mam kãn malɩn basɛ fɔ.»

Yemesi 4:1

Zɛbrɛ la nõkɛ'ɛma n boe ya tẽŋasʋka la ze'ele la bɛ? La de la yan boorɩ se'em n de be'em n boe ya pʋam botɩ ya ɩta bɛla.

1 Pita 2:11

M sɩr-nõŋrɩsɩ, yãma de la sãama la kɔɔs-weto dũnia zuo, bɛla mam kã'anɩ ya mɛ tɩ ya basɛ nẽrsaalba n boorɩ se'em n de be'em n sã'anɩ ya la.

Lilegere 21:8

La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»

Lilegere 22:15

La nẽr-sɛba n tõnnɩ tõon-dẽgrɔ, la sɛba n tõnnɩ tɩɩm tõoma, la sɛba n tõnnɩ yalsɩ tõoma, la nẽr-kʋʋrba, la sɛba n nã'asrɩ bõndõma tɩ ba mãalɛ, la nẽr-sɛba wuu n nõŋɛ põmpɔrŋɔ dee parna la, wʋn weege la yẽŋa, ba kãn kẽ tẽŋa la pʋam.