Kolɔsɩ 3:4 - Farefare Ninkaré

⁴ La Krisi n de tɩ vɔm na sãn wa puke, ya wʋn po naagɛ la ẽ puke la a na'am pãŋa.

ZE'ELEGO PAALEGA

⁴ Kiresta en de ya vom la han ta niiɛ na, yamam me wan lagum niiɛ la en, la na'ahegɔ.

Kolɔsɩ 3:4 ပူးပေါင်းရင်းမြစ်များ

Amatie 13:43

La nẽr-sɛba n ẽŋɛ sɛla n masɛ wʋn yẽgra ba Sɔ Nawẽnnɛ so'olʋm pʋam wʋ wʋntɛɛŋa la. Sɛka n wõm yetɔga wã, a selse sõŋa sõŋa.»

Aluki 17:30

Nẽrsaala Dayʋa la lemŋo daarɛ la mẽ wʋn di'ige ba la bɛla.

Azã 11:25

Tɩ Azezi yele ẽ yetɩ: «Mam n de kũm vo'ore dãana, la vɔm dãana. Sɛka n bɔ mam sɩra, baa a sãn ki, a wʋn vo'oge.

Azã 14:3

La mam sãn sẽŋɛ ka malgɛ zẽ'a la ya ĩyã, mam wʋn leme wa'am wa tarɩ ya sẽŋɛ mam zẽ'am, tɩ mam n boe zẽ'a na, yãma mẽ bɔna bilam.

Azã 14:6

Tɩ Azezi lerge ẽ yetɩ: «Mam n de sore, la sɩra, la vɔm dãana. Nẽra nẽra ka tã wʋn wa'am mam Sɔ zẽ'am, tɩ la sãn ka doose la mam.

Azã 17:24

M Sɔ, mam boorɩ tɩ nẽr-sɛba tɩ fʋ bɔ mam na, mẽ bɔna la mam lɛ zẽ'e-sɛka tɩ mam wʋn bɔna la, tɩ ba wʋn yẽ mam na'am pãŋa, na'am pãn-sɛka tɩ fõn bɔ mam na, se'ere n soe la, fõn nõŋɛ mam mɛ, tɩ dũnia yʋʋn nãn ken ka bɔna.

Azã 20:31

La bõn-bãna wã gʋlsɛ tɩ ya bɔ la sɩra tɩ Azezi n de Krisi, Nawẽnnɛ Dayʋa la, tɩ ya sãn bɔ ẽ sɩra, ya wʋn yẽ yõvore a yʋ'ʋrɛ ĩyã.

Tõoma 3:15

Bɛla yãma botɩ ba kʋ la yõvore dãana, ẽŋa tɩ Nawẽnnɛ vo'oge. Tõma daan yẽ bõn-ẽna mɛ, tɔgra a yelle bɔ'ɔra ya.

Aromduma 8:18

Mam mi mɛ tɩ nãmsgɔ sɛba tɩ tõma tarɩ zĩna wã de la fẽe, ka tã wʋn dɩkɛ makɛ la nã'asgɔ sɛka tɩ tõma wʋn wa yẽ la.

Aromduma 8:19

Bɛla n soe tɩ sɛla wuu tɩ Nawẽnnɛ nãam na gu'ura bɔɔra tɩ ba yẽ Nawẽnnɛ kɔma nã'asgɔ n wʋn puke la tɔtɔ.

1 Korẽntɩ 1:7

Bɛla, yãma ka koŋe bɔ'a baa ayɩla, yãma n gu'uri tɩ tɩ Zuudãana Azezi-krisi wa'am wa puke a mẽŋa la.

1 Korẽntɩ 15:43

Ba sãn laagɛ kũm, a lɔrɛ mɛ dee dɛna gille. La a sãn vo'oge, a ãn na sõŋa, dee tara pãŋa.

2 Korẽntɩ 4:17

Nãmsgɔ sɛka tɩ tõma yẽtɩ wakatɛ fẽfẽe wã de la pɩka ka tãna wʋn dɩkɛ makɛ la nã'asgɔ zozo'e n ka tarɩ ba'asgɔ tɩ a wʋn botɩ tõma yẽ la.

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Filipi 3:21

A sãn wa'am, a wʋn teege tõma ĩyã wã n põ'orɩ la mɛ, tɩ a ãna wʋ a mẽŋa ĩyã n tarɩ nã'asgɔ la. A wʋn dɩkɛ la a pãn-kãtɛ sɛka tɩ a tarɩ botɩ sɛla woo sakra a nõorɛ la, ẽŋɛ bɛla.

1 Tesaloniki 4:17

Tɩ Nawẽnnɛ lagɩm bãma, la tõma sɛba n ken vɔa la zẽkɛ sawara pʋam tɩ tɩ tʋ'ʋsɛ Zuudãana la saazuum, tɩ tɩ bɔna la Zuudãana la lɛ wakatɛ wuu.

1 Timoti 6:14

yetɩ fʋ sakɛ pa'algɔ tɩ fʋ to'oge la, gʋrɛ ba sõŋa la pʋpeelem, tɩ dõrga kana, halɩ ka paagɛ tɩ Zuudãana Azezi-krisi lemŋo.

2 Timoti 1:1

Mam Apolɩ n de Azezi-krisi Tõntõnna wʋ Nawẽnnɛ n boorɩ se'em, tɩ m mõolɛ vɔm sɛka tɩ Nawẽnnɛ bĩŋe nõorɛ tɩ a bɔ tɔ Azezi-krisi ĩyã la yelle.

2 Timoti 4:8

Lɛɛlɛ wã, tã'arɛ yɔɔrɔ gã mɛ gu'ura mam, tɩ Zuudãana n diti sarɩya wʋ lan masɛ la, wʋn dɩkɛ bɔ mam daarɛ ẽŋa daarɛ. La, la dagɩ mam mã'a, la de la nẽr-sɛba wuu n nõŋɛ ẽ bɔɔra tɩ a leme wa'am na.

Taitusi 2:13

Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

Hiburuduma 9:28

Bɛla mẽ, Krisi dɩkɛ a mẽŋa bɔ la nõorɛ ayɩla yese nẽrba zozo'e tõon-be'ero basɛ. A wʋn le leme wa'am mɛ nõorɛ bʋyi pʋam, la, la kãn dɛna tõon-be'ero yɛsga ĩyã, la de la nẽr-sɛba n gu'uri ẽ tɩ ba yẽ fãarɛ la ĩyã.

1 Pita 1:13

Bɛla ĩyã, yõkɛ ya tagsgɔ tara ya mẽŋa sõŋa, dee gu'ura la ya sũure wuu yel-sõnnɛ na tɩ ya tarɩ pʋtẽ'erɛ gu'ura tɩ Nawẽnnɛ yetɩ a ẽŋɛ bɔ ya Azezi-krisi lemŋo wakatɛ la.

1 Pita 5:4

Tɩ dũnsĩin-kɛ'ɛma la sãn wa puke, ya wʋn to'oge yɔɔrɔ n ka sã'anɩ n tarɩ pẽka.

1 Zã 2:28

Ẽe, m kɔma, bɔna-ya la ẽ lɛ, tɩ a sãn wa puke daarɛ tɩ tɩ tara sũ-ke'eŋo, tɩ yãnnɛ da yõkɛ tɔ a nẽŋam a lemŋo la daarɛ.

1 Zã 3:2

M sɩr-nõŋrɩsɩ, lɛɛlɛ wã tɩ de la Nawẽnnɛ kɔma. La tɩn wʋn wa ãna se'em na nãn ka puke. La tɩ mi tɩ Krisi sãn wa puke, tɩ wʋn ãna wʋ ẽŋa n ãn se'em na, tɩn wʋn wa yẽ ẽŋa n ãn se'em na ĩyã.

1 Zã 5:12

Nẽr-sɛka tɩ a Dayʋa boe la ẽ na, tarɩ vɔm na mɛ. La nẽr-sɛka tɩ a Dayʋa ka boe la ẽ na, ka tarɩ vɔm.

Azudi 1:24

Pẽgɛ-ya Nawẽnnɛ, ẽŋa n tarɩ pãŋa wʋn gu ya tɩ ya kãn basɛ a sore, dee wʋn tarɩ ya sẽŋɛ ka ze'ele a nẽŋam tɩ ya ka tara dõrga, tɩ ya yẽ a na'am pãŋa, la sũ-yẽlga zozo'e.

Lilegere 2:7

Sɛka n wõm yetɔga wã, a selse Nawẽnnɛ Sɩa n yetɩ a nẽrba se'em na sõŋa sõŋa. Sɛka n yãŋɛ, mam wʋn bɔ ẽ nõorɛ tɩ a di vɔm tɩa n boe Nawẽnnɛ yire la biɛ.› »

Lilegere 22:1

Tɩ malɛka la pa'alɛ mam ko'om n bɔ'ɔrɩ vɔm kʋlaaga. Kʋlaaga la yẽgrɩ wʋ bɩsga la. A ze'ele la Nawẽnnɛ, la Pebila na'am bĩmbĩnne na zẽ'am

Lilegere 22:14

Sɛba n peege ba futo tarɩ zu-yẽlga. Bãma n wʋn tara nõorɛ tɩ ba di vɔm tɩa la biɛ, la bãma n wʋn doose tẽŋa la nõa kẽ tẽŋa la pʋam.