Kolɔsɩ 3:24 - Farefare Ninkaré

²⁴ yãma n mi tɩ ya wʋn to'oge la yɔɔrɔ tɩ Zuudãana la bĩŋe tɩ a bɔ a nẽrba la ĩyã. La de la Krisi n de Zuudãana la tɩ ya tõnnɩ bɔ'ɔra.

ZE'ELEGO PAALEGA

²⁴ yan diŋɛ mina ti Daana la puan ya wan ta to'e tɔtɛ ti la dɛna ya yɔɔrɛ la. Ya tuni bɔ'ɔra la Daana Kiresta la.

Kolɔsɩ 3:24 ပူးပေါင်းရင်းမြစ်များ

Amatie 10:41

La nẽr-sɛka woo n to'oge Nawẽnnɛ nõtɔ'ɔsa ẽn de Nawẽnnɛ nõtɔ'ɔsa la ĩyã, a wʋn to'oge Nawẽnnɛ nõtɔ'ɔsa yɔɔrɔ. La nẽr-sɛka woo n to'oge sɩra dãana ẽn de sɩra dãana la ĩyã, a wʋn to'oge sɩra dãana yɔɔrɔ.

Amatie 5:12

Ẽŋɛ-ya sũ-yẽlga sɩrʋm, ya yɔɔrɔ n wʋn zo'oge Nawẽnnɛ yire la ĩyã. Ba mẽ daan nãmsɛ Nawẽnnɛ nõtɔ'ɔsrɩba n dẽŋɛ yãma la bɛla.»

Amatie 5:46

Yãma sãn nõŋɛ sɛba n nõŋɛ ya la mã'a, bẽm yɔɔrɔ tɩ ya wʋn yẽ Nawẽnnɛ zẽ'am? Lampo-tɔ'ɔsrɩba mẽ ɩtɩ la bɛla.

Amatie 6:16

Ya sãn lʋ nõorɛ, da zũŋe-ya nẽŋa wʋ pʋlibsum dõma n zũŋri ba nẽnsɩ se'em, tɩ ba pa'alɛ nẽrba tɩ bãma lʋ la nõorɛ la. Mam yetɩ ya la asɩra, tɩ ba põn to'oge ba yɔɔrɔ mɛ.

Amatie 6:5

Ya sãn pʋ'ʋsra Nawẽnnɛ, da ɩta-ya wʋ pʋlibsum dõma n ɩtɩ se'em na, bãma nõŋɛ la ba zɛ ba wẽndeto pʋam, la sorɔ-puursi zuto pʋ'ʋsra Nawẽnnɛ tɩ nẽrba yẽta ba. Mam yetɩ ya la sɩra, tɩ ba põn to'oge ba yɔɔrɔ mɛ.

Aluki 14:14

Fʋ sãn ẽŋɛ bɛla, fʋ wʋn tara zu-yẽlga, se'ere n soe la, ba kãn yãŋɛ ẽŋɛ lebse fo. Bɛla, wakat-sɛka tɩ Nawẽnnɛ wʋn botɩ nẽr-sɛba n ẽŋɛ sɛla n masɛ a yɛm na vo'oge la, fʋ wʋn yẽ yɔɔrɔ.»

Aluki 6:35

La, la sãn dɛna yãma, nõŋɛ-ya ya bɛ'ɛba, dee ẽŋɛ ba sõŋa. Peŋe-ya nẽrba dee da tẽ'esra tɩ ba le bɔ ya. Ya sãn ẽŋɛ bɛla, ya yɔɔrɔ wʋn zo'oge mɛ, la ya wʋn dɛna Nawẽnnɛ n gãnnɩ sɛla wuu kɔma, se'ere n soe la, a ɩtɩ sɛba n ka mi yel-sõnnɛ, la pʋtʋʋl-dõma sõŋa mɛ.

Azã 12:26

La nẽra sãn bɔɔra tɩ a tõm bɔ mam, dẽnɩ tɩ a dɔla mam. La mam n boe zẽ'e-sɛka la, mam tõntõnna mẽ wʋn bɔna la bilam. La nẽra sãn tõnna bɔ'ɔra mam, mam Sɔ wʋn pẽgɛ ẽ.

Tõoma 20:32

La lɛɛlɛ wã, mam dɩkɛ ya ẽŋɛ la Nawẽnnɛ nu'usum, la a yel-sõnnɛ yetɔga la pʋam. Ẽŋa n tã wʋn sõŋɛ ya tɩ ya yẽ pãŋa pa'asɛ, dee wʋn botɩ ya po lagɩm to'oge bõn-sõma tɩ a bĩŋe tɩ a bɔ a nẽrba la.

Aromduma 1:1

Mam Apolɩ n de Azezi-krisi yamŋa n gʋlsɛ gõŋɔ wã. Nawẽnnɛ n wi mam tɩ m dɛna Azezi-krisi Tõntõnna, welge mam to'ore tɩ m mõolɛ a kõ-yẽlga.

Aromduma 14:18

Nẽr-sɛka woo n dolɩ Krisi wãna, ẽŋa dãana n paarɩ Nawẽnnɛ yɛm, la nẽrba mẽ yetɩ mɛ tɩ ẽn ɩtɩ se'em na ãn sõŋa.

1 Korẽntɩ 11:23

Zãsŋɔ sɛka tɩ mam daan zãsʋm ya la, mam to'oge ẽ na Zuudãana la zẽ'am. La de la wãna: Yʋ'ʋŋ-sɛka tɩ ba wʋn yõkɛ tɩ Zuudãana Azezi la, a dɩkɛ la borborɩ,

1 Korẽntɩ 3:8

Sɛka n sellɩ, la sɛka n basrɩ ko'om na de la ayɩla. Nawẽnnɛ wʋn yɔ nẽra woo wʋ ẽn tõm se'em na.

1 Korẽntɩ 7:22

La nẽr-sɛka n de yamŋa tɩ Zuudãana la wi ẽ, a de la nẽra tɩ Zuudãana botɩ a to'oge a mẽŋa. Bɛla mẽ, nẽr-sɛka n dagɩ yamŋa tɩ Zuudãana Krisi wi ẽ, a de la Krisi yamŋa.

Galatɩ 1:10

Bɛla, yãma tẽ'esɛ tɩ mam boorɩ tɩ nẽrba n pẽgɛ mam bɩɩ, bɩɩ Nawẽnnɛ n pẽgɛ ma? Yãma tẽ'esɛ tɩ mam boorɩ tɩ m ẽŋɛ tɩ la paagɛ la nẽrsaalba yɛm bɩɩ? Ayɛɩ, mam sãn boorɩ nɩ tɩ m ẽŋɛ tɩ la paagɛ nẽrsaalba yɛm, mam ka de nɩ Krisi tõntõnna.

Efɛɛzɩ 6:6

Da ɩta-ya bɛla ba nifum mã'a tɩ ba pẽgɛ ya. Yãma n de Krisi yamsɩ la, ɩta-ya Nawẽnnɛ n boorɩ se'em la ya sũure wuu.

Efɛɛzɩ 6:8

La ya mina tɩ nẽra woo wʋn yẽ a tõonɛ yõorɔ Zuudãana Krisi zẽ'am masɛ wʋ tõon-sõŋɔ sɛka tɩ a tõm na, a sãn dɛna la nẽra yamŋa bɩɩ a sãn dagna nẽra yamŋa.

Kolɔsɩ 2:18

Da basɛ-ya tɩ nẽra n ɩtɩ a mẽŋa wʋ a de la sik-m-mẽŋa dãana dee pʋ'ʋsra malɛkadõma, pã'asɛ ya yetɩ yãma n ɩtɩ sɛla de la zãŋa. Nẽr-ẽŋa dãana yetɩ Nawẽnnɛ n puke sɛla pa'alɛ ẽŋa, la a pa'alɩ la a mẽŋa zãŋa, se'ere n soe la, la de la nẽrsaalba pʋtẽ'erɛ tɩ a tarɩ.

Hiburuduma 10:35

Bɛla, da basɛ-ya sũ-ke'eŋo sɛka tɩ ya tarɩ la, tɩ ya wʋn yẽ yɔɔrɔ zozo'e.

Hiburuduma 11:6

Nẽra sãn ka bɔ Nawẽnnɛ sɩra, a ka tã wʋn paagɛ a yɛm. Nẽra sãn lɛnna Nawẽnnɛ zẽ'am, dẽnɩ tɩ a bɔ sɩra tɩ a boe mɛ, la a yɔɔrɩ sɛba n eerɩ ẽ mɛ.

Hiburuduma 9:15

La de la bɛla ĩyã tɩ Nawẽnnɛ bĩŋe nõor-paalga ẽŋa ĩyã. Ẽn ki la ĩyã, a yɔ fãagɛ nẽr-sɛba n tuuge pɔspɔsɩ nõorɛ bĩŋre la pʋam mɛ, tɩ Nawẽnnɛ n wi ba la, ba wʋn to'oge bõn-sõma tɩ a bĩŋe nõorɛ tɩ a bɔ a nẽrba la wakatɛ n ka ba'asrɩ ĩyã.

1 Pita 1:4

dee mina tɩ tɩ wʋn yẽ sɛla tɩ Nawẽnnɛ bĩŋe tɩ a bɔ a nẽrba. Bõn-bãma de la sɛla n ka sã'anɩ, n ka põ'orɩ, tɩ ba sõŋa ka bɔtɩ, tɩ Nawẽnnɛ bĩŋe a yire tɩ a bɔ ya.

2 Pita 1:1

Mam Asimõ-pɩyɛɛrɩ n de Azezi-krisi yamŋa la a Tõntõnna, n gʋlsɛ gõŋɔ wã bɔ'ɔra yãma sɛba tɩ Azezi-krisi n de Nawẽnnɛ la tɩ Fãagra n masɛ sɛla woo pʋam, botɩ ya bɔ ẽ sɩra sõŋa wʋ tõma n bɔ ẽ sɩra se'em na.

Azudi 1:1

Mam Azudi n de Azezi-krisi tõntõnna, la Azakɩ yɩbga la n gʋlsɛ gõŋɔ wã bɔ'ɔra yãma sɛba tɩ tɩ Sɔ Nawẽnnɛ wi tɩ ya dɛna a nẽrba, nõŋɛ ya, tɩ Azezi-krisi gu'ura ya la.