Kolɔsɩ 3:16 - Farefare Ninkaré

¹⁶ Basɛ-ya tɩ Krisi yetɔga la bɔna la ya lɛ sõŋa sõŋa. Tɩ ya tara yɛm zozo'e zãsna taaba, dee kã'ana taaba. Yõona-ya Nawẽnnɛ yõoma, yõona-ya yõom-sõma buuri wuu tɩ Nawẽnnɛ Sɩa bɔ ya la ya sũure wuu, pʋ'ʋsra Nawẽnnɛ a yel-sõnnɛ.

ZE'ELEGO PAALEGA

¹⁶ Bahɛ ya ti Kiresta yelehum la bɔna ya puan seke. Pa'ali ya gee ka'ana taaba la yɛm, gee ti nyɛɛma en boi ya suya puan la, tari ya saaŋɔ la baaŋa, la Sia puan yuuma ya suya puan bɔ'ɔra Yinɛ.

Kolɔsɩ 3:16 ပူးပေါင်းရင်းမြစ်များ

Amatie 26:30

Tɩ ba daan yõom yõoma pẽgɛ Nawẽnnɛ, dee yese wɛ'ɛsa Oliivi tãŋam.

Aluki 2:51

Tɩ Azezi doose ba kule Nazarɛtɩ, dee sakɛ ba nõorɛ. Tɩ a ma tẽ'esra yel-bãma wuu a sũurum.

Azã 15:7

Ya sãn bɔna la mam, tɩ mam yetɔga la bɔna ya pʋam, ya sose yan boorɩ sɛla wuu, tɩ ya wʋn yẽ.

Aromduma 10:17

Bɛla, la de la kõ-yẽlga la selsgo n sẽm na bɔ sɩra, la kõ-yẽlga la de la Azezi-krisi yelle tɩ ba tɔgrɩ.

Aromduma 15:14

M sɔbiisi, mam mi mɛ sɩra sɩra tɩ yãma ɩtɩ sõŋa mɛ zozo'e, la ya tarɩ bãŋrɛ wuu zo'oge mɛ tãna wʋn kã'an taaba.

1 Korẽntɩ 14:15

Bɛla, mam wʋn ẽŋɛ la wãne? Mam wʋn pʋ'ʋsra la m sɩa, dee ken pʋ'ʋsra la m yɛm, la m yõona la m sɩa, dee ken yõona la m yɛm.

1 Korẽntɩ 14:26

Bɛla, m sɔbiisi, tɩ wʋn ẽŋɛ la wãne? Ya sãn lagsɛ taaba tɩ ya pʋ'ʋsɛ Nawẽnnɛ, ya nẽra ayɩla tã wʋn pʋrɛ yõonɛ, tɩ ayẽma zãsʋm, tɩ ayẽma pa'alɛ bõn-sɛka tɩ Nawẽnnɛ puke pa'alɛ ẽ, tɩ ayẽma tɔgɛ yetɔg-zãŋka, tɩ ayẽma tɔgɛ yetɔg-zãŋka la võorɛ pa'alɛ nẽrba. Ɩta-ya bɛla wuu tɩ la sõŋɛ Nawẽnnɛ nẽrba tɩ ba sẽŋɛ nẽŋa Nawẽnnɛ doosgo pʋam.

Efɛɛzɩ 1:17

Mam sosrɩ la tɩ Zuudãana Azezi-krisi Sɔ n de Nawẽnnɛ n tarɩ na'am pãŋa la, tɩ a bɔ ya a yɛm Sɩa tɩ a vẽlgɛ ya yɛm, tɩ ya bãŋɛ ẽn ãn se'em.

Efɛɛzɩ 5:17

Bɛla ĩyã, da dɛna-ya geto, bãŋɛ-ya Zuudãana la n boorɩ se'em.

Efɛɛzɩ 5:19

Naagɛ-ya taaba yõona Nawẽnnɛ yõoma, yõona-ya yõom-sõma buuri wuu tɩ Nawẽnnɛ Sɩa bɔ ya, nã'asra Zuudãana la ya sũure wuu.

Efɛɛzɩ 5:26

A ẽŋɛ bɛla tɩ a malgɛ ba la a yetɔga, tɩ ba ãna sõŋa wʋ ban sɔɔrɩ ĩyã la ko'om se'em na, botɩ ba welge to'ore dɛna Nawẽnnɛ nẽrba.

Kolɔsɩ 1:28

La de la ẽŋa yelle tɩ tõma mõolɩ, kã'ana nẽra woo, dee zãsna nẽra woo la yɛm tɩ tɩ botɩ nẽra woo masɛ sɛla woo pʋam Krisi doosgo pʋam ka ze'ele Nawẽnnɛ nẽŋam.

Kolɔsɩ 1:9

Bɛla tɩ lan sẽŋɛ la daar-sɛka tɩ tõma wõm yãma yelle la, tɩ tõma pʋ'ʋsra Nawẽnnɛ yãma ĩyã wa paam lɛɛlɛ wã. Tõma sosrɩ ẽ tɩ a botɩ ya bãŋɛ ẽŋa n boorɩ se'em sõŋa sõŋa, la ya tara yɛm, la bãŋrɛ wuu tɩ Nawẽnnɛ Sɩa bɔ'ɔrɩ.

Kolɔsɩ 4:6

Basɛ-ya tɩ ya yetɔga ãna sõŋa wakatɛ wuu tara yẽlʋm wʋ yaarʋm na, dee bãŋɛ yan wʋn lerge nẽra woo se'em tɩ la masɛ.

1 Tesaloniki 1:8

Zuudãana Azezi kõ-yẽlga la ze'ele la yãma zẽ'am saagɛ Masedʋanɩ, la Akayi, la, la dagɩ bilam mã'a, zẽ'esɩ wuu nẽrba wõm yãma n bɔ Nawẽnnɛ sɩra se'em mɛ, tɩ la põn ka le dɛna tɩ tɔgɛ.

1 Tesaloniki 4:18

Bɛla, kɛŋra-ya taaba sũure la yetɔg-bãna.

2 Tesaloniki 3:15

La ya da dɩkɛ ẽ tɩ a lebge ya bɛ, kã'an ya ẽ wʋ ya sɔbia.

1 Timoti 6:17

Kã'an nẽr-sɛba n tarɩ dũnia wã bõntarsõm na yetɩ, ba da zẽkra ba mẽŋa, la ba da dɩkɛ ba te'ere te'ege bõntarsõm tɩ ba ka mĩ ban wʋn ãna se'em, ba te'ege Nawẽnnɛ, tɩ ẽŋa n bɔ'ɔrɩ tɔ sɛla woo tɩ la sɛkra sõŋa sõŋa tɩ tɩ ɩta sũ-yẽlga.

2 Timoti 3:15

Fõn põn mina Nawẽnnɛ gõŋɔ la mɛ halɩ fʋ bõnbɩ'ɩlʋm, ẽŋa n tã wʋn bɔ fɔ yɛm, tɩ fʋ yẽ fãarɛ fõn bɔ Azezi-krisi sɩra la ĩyã.

Taitusi 3:6

La de la Azezi-krisi n de tɩ Fãagra la ĩyã, tɩ Nawẽnnɛ bɔ tɔ a Sɩa la sõŋa sõŋa,

Yemesi 1:5

Yɛm sãn pɔ'ɔgɛ ya nẽr-sɛka, a sose Nawẽnnɛ n bɔ'ɔrɩ nẽrba wuu la yɛmleego dee ka mõŋra ba la, tɩ a wʋn bɔ ẽ.

Yemesi 3:17

La yɛm n ze'ele Nawẽnnɛ zẽ'am ãn na sõŋa ka tara dẽgrɔ, dee botɩ nẽra tara sũ-mã'asʋm la a taaba, la sũ-bʋgsʋm, ɩta sugri, zɔta nẽrba ninbãalga zozo'e, tõnna tõon-sõma zozo'e, ka bɔkra nẽrba, dee ka dɛna pʋlibsum dãana.

Yemesi 5:13

Nẽra sãn bɔna ya pʋam nãmsra, a pʋ'ʋsɛ Nawẽnnɛ. Nẽr-sɛka sũure n ãn yẽlʋm, a yõom yõom-sõma pẽgɛ Nawẽnnɛ.

1 Zã 2:14

Mam gʋlsɛ bɔ'ɔra la yãma, m kɔma, se'ere n soe la, yãma mi tɩ Sɔ Nawẽnnɛ mɛ. Mam gʋlsɛ bɔ'ɔra la yãma, m sɔdõma, se'ere n soe la, yãma mi sɛka n boe halɩ lan dẽŋɛ dũnia pĩ'iluŋo la mɛ. Mam gʋlsɛ bɔ'ɔra la yãma, m kɔmbɩ'ɩsɩ, se'ere n soe la, yãma tarɩ pãŋa mɛ, Nawẽnnɛ yetɔga la boe ya pʋam mɛ, la yãma yãŋɛ be'em dãana Asũtãana la mɛ.

1 Zã 2:24

La sãn dɛna yãma, mõrgɛ-ya tara yetɔg-sɛba tɩ ya daan wõm halɩ pɔspɔsɩ la ya sũure pʋam. Ba sãn ken bɔna ya sũure pʋam, yãma mẽ wʋn ken bɔna la Sɔ, la Dayʋa la lɛ.

1 Zã 2:27

La sãn dɛna yãma, Nawẽnnɛ Sɩa la tɩ ya to'oge Krisi zẽ'am na, boe la ya lɛ mɛ, yãma ka le ɛɛra tɩ ba zãsʋm ya. Nawẽnnɛ Sɩa la n boe la ya lɛ la, zãsnɩ ya sɛla woo mɛ, la de la sɩra, a ka parnɩ. Bɔna-ya la Krisi wʋ ẽn zãsnɩ ya se'em na.

2 Zã 1:2

Se'ere n soe la, sɩra la n boe la tɩ lɛ, dee wʋn ken bɔna la tɩ lɛ wakatɛ wuu.

Lilegere 14:3

Nẽr-kʋʋŋɔ bãma ze la na'am bĩmbĩnne, la bõn-vɔɔsɩ banaasɩ, la kẽma la nẽŋam yõona yõom-paalɛ. Nẽra nẽra ka tã wʋn zãsʋm yõonɛ na, sãn dagna nẽrba tʋskɔbga la tʋspinaasɩ la anaasɩ la n yẽ fãarɛ dũnia zuo la mã'a.

Lilegere 15:3

Ba yõonɩ na Nawẽnnɛ tõntõnna Amoyisi yõonɛ, la Pebila la yõonɛ yetɩ: «Zuudãana Nawẽnnɛ n de ke'eŋo wuu dãana, fõn tõoma de la tõon-kãra, la tõon-yãlma. So'olʋm buuri wuu Naba, fõn yɛla la masɛ mɛ, la ba de la sɩra.

Lilegere 19:10

Tɩ mam ka dũma tẽŋa a nẽŋam tɩ m nã'asɛ ẽ, tɩ a yele mam yetɩ: «Da ẽŋɛ bɛla! Mam mẽ de la Nawẽnnɛ tõntõnna wʋ fõn, la fʋ sɔbiisi la n sakɛ sɩra tɩ Azezi pa'alɛ la. La de la Nawẽnnɛ n de fʋ nã'asɛ.» Sɩra la tɩ Azezi puke pa'alɛ la n bɛla tɩ Nawẽnnɛ Sɩa botɩ a nõtɔ'ɔsrɩba tɔ'ɔsra tɔgra.

Lilegere 5:9

Ba daan yõonɩ la yõom-paalɛ yetɩ: «Fõn masɛ tɩ fʋ to'oge gõŋɔ la lakɛ bõnɔ na n tabɛ la. Se'ere n soe la, ba daan kʋ fõn mɛ, tɩ fõn dɩkɛ fʋ zɩɩm na yɔ to'oge nẽrsaalba buuri wuu, la yetɔga buuri wuu, la tẽnsɩ wuu nẽrba, la so'olʋm wuu nẽrba bɔ Nawẽnnɛ.