Kolɔsɩ 2:8 - Farefare Ninkaré

⁸ Guuse-ya tɩ nẽra da dɩkɛ bãŋrɛ zãsŋɔ la yɛm yooro n de nẽrsaalba sisgo, la dũnia wã yɛla pã'asɛ ya, ba ka ze'ele Krisi zẽ'am.

ZE'ELEGO PAALEGA

⁸ Bihɛ ya suŋa ti nɛra da dikɛ ya da'aba doohe gɔŋɔ wogerɔ la pã'aheyooro doohe asaala malema, la sɛse'ehi en sɔi timpaberɛ wa bihera la, gee dagi Kiresta en boti se'em la.

Kolɔsɩ 2:8 ပူးပေါင်းရင်းမြစ်များ

Amatie 10:17

Guuse-ya ya mẽŋa la nẽrba la. Se'ere n soe la, ba wʋn wa yõgɛ ya mɛ tarɩ sẽŋɛ sarɩyadia zẽ'esʋm, dee wẽ ya ba wẽndeto pʋam.

Amatie 16:6

Tɩ Azezi yele ba yetɩ: «Guuse-ya ya mẽŋa la Farisi dõma, la Saduse dõma dãbɩllɛ la.»

Amatie 7:15

«Guuse ya mẽŋa la nẽr-sɛba n parnɩ tɩ bãma de la Nawẽnnɛ nõtɔ'ɔsrɩba la. Ba wʋn ẽŋɛ ba mẽŋa wʋ saasaadõma n dɩkɛ piisi gãna fʋrɛ ba mẽŋa wa'am ya zẽ'am wʋ ba de la piisi la, dee tɩ ba pʋam ba sã'ana wʋ saasaadõma la.

Tõoma 17:18

Tɩ bãŋrɩba daan bɔna mĩ tɔgra la Apolɩ, basɛba dolɩ la A'epikiri zãsŋɔ, dee tɩ basɛba dɔla Astoyisi zãsŋɔ. Tɩ nẽrba basɛba soke yetɩ: «Yetɔg-tɔgsa wã boorɩ tɩ a yetɩ bẽm?» Tɩ basɛba yetɩ: «La ãn wʋ a mõolɩ la wẽn-paalsɩ yelle la.» Se'ere n soe la, Apolɩ mõolɩ la Azezi kõ-yẽlga, la kũm vo'ore yelle.

Tõoma 17:32

Ban wõm tɩ Apolɩ tɔgrɩ kũm vo'ore yelle la, tɩ sɛba la'ara ẽ, dee tɩ basɛba yetɩ: «Tõma wʋn le selse fʋ yetɔg-bãna la da-se'ere.»

Aromduma 16:17

M sɔbiisi, mam kã'anɩ ya tɩ ya guusra ya mẽŋa la nẽr-sɛba n tarɩ welgre sẽnna ya zẽ'am, dee sɩ'ɩsra zãsŋɔ sɛka tɩ ya to'oge, botɩ nẽrba basra Nawẽnnɛ sore la. Zãagɛ ya mẽŋa la ba lɛ.

1 Korẽntɩ 10:12

Bɛla, nẽr-sɛka n tẽ'esɛ tɩ ẽŋa ɩtɩ sõŋa dee zɛ sõŋa, a guuse da lui.

1 Korẽntɩ 8:9

La guuse ya mẽŋa, tɩ yan tarɩ nõorɛ dita sɛla woo la, da basɛ tɩ nẽr-sɛba n ka tarɩ pãŋa Nawẽnnɛ sore doosgo pʋam na tõm tõon-be'ero.

2 Korẽntɩ 10:5

la bõn-sɛba wuu n zẽkrɩ ba mẽŋa botɩ nẽrba ka bãŋra Nawẽnnɛ pãŋa. Dee yãŋra tẽ'esgɔ buuri wuu botɩ ba sakra Krisi.

Galatɩ 1:14

Tõma Zifdõma sore la pʋam, mam daan sẽŋɛ nẽŋa mɛ wɩsgɛ m mẽŋa la tɩ yaabdõma dɔgmike la yelle, ɩta lan yele se'em na gãnna m zuutaaba zozo'e.

Galatɩ 4:3

Tõma n mẽ daan ka bãŋɛ Nawẽnnɛ sɩra, ãna wʋ kɔma la, tõma daan de la dũnia wã yɛla yamsɩ.

Galatɩ 4:9

La nãnannɛ wã tɩ ya mi Nawẽnnɛ na, la, lan gãnnɩ, Nawẽnnɛ n mi ya la, la ẽŋɛ la wãne tɩ yãma le dɔla bõn-yooro n ka tarɩ pãŋa dee ka tara võorɛ poore, le bɔɔra tɩ ya dɛna ba yamsɩ?

Galatɩ 5:15

La ya sãn zɛbra la taaba, yĩ'ira dee dõnna taaba wʋ dũnsi la, guuse-ya, tɩ ya wʋn sã'am taaba mɛ ba'asɛ.

Efɛɛzɩ 2:2

Yãma n daan ɩtɩ se'em na ãn wʋ dũnia nẽrba n ka mi Nawẽnnɛ n ɩtɩ se'em na, dɔla Asũtãana n de pãnsɩ dõma n boe saazuum naba la, ẽŋa n tõnnɩ na sɛba n sɩ'ɩsrɩ Nawẽnnɛ nõorɛ la.

Efɛɛzɩ 4:20

La sãn dɛna yãma, ba ka zãsʋm ya Krisi yelle bɛla.

Efɛɛzɩ 5:6

Da basɛ-ya tɩ nẽra pã'asɛ ya la yetɔg-yooro, tɩ la de la bõn-bãma n isgri Nawẽnnɛ sũure tɩ a sɩbgra sɛba n zagsɛ a nõorɛ la.

Filipi 3:2

Guuse-ya ya mẽŋa la nẽr-sɛba n ãn wʋ baasɩ la, nẽr-bãma n tõnnɩ tõon-be'ero, dee mõrgra nẽrba botɩ ba wãta ĩyã mã'a la.

Kolɔsɩ 2:18

Da basɛ-ya tɩ nẽra n ɩtɩ a mẽŋa wʋ a de la sik-m-mẽŋa dãana dee pʋ'ʋsra malɛkadõma, pã'asɛ ya yetɩ yãma n ɩtɩ sɛla de la zãŋa. Nẽr-ẽŋa dãana yetɩ Nawẽnnɛ n puke sɛla pa'alɛ ẽŋa, la a pa'alɩ la a mẽŋa zãŋa, se'ere n soe la, la de la nẽrsaalba pʋtẽ'erɛ tɩ a tarɩ.

Kolɔsɩ 2:20

Yãma lagɩm na Krisi ki mɛ, tɩ a botɩ dũnia yɛla ka le tara pãŋa la ya lɛ. Bẽm tɩ ya ɩta wʋ dũnia wã n ken sɔna ya, basɛ tɩ ba le mõrgra ya tɩ ya sakra sisgo bãna wã n yetɩ:

Kolɔsɩ 2:22

Sisgo bãma de la bõn-sɛba n sã'anɩ la ĩyã. Ba de la nẽrsaalba sisgo la ba zãsŋɔ.

Kolɔsɩ 2:23

Sisgo la zãsŋɔ bãna ãn wʋ yɛm tõoma la, ba pa'alɩ la pʋ'ʋsgɔ sore n ɩtɩ la yɛmleego, la sik-m-mẽŋa n dagɩ sɩra, la ĩyã nãmsgɔ yelle. La ba ka tã wʋn sõŋɛ nẽra tɩ a yõkɛ a mẽŋa la nẽrsaala yɛm n boorɩ se'em n de be'em na.

1 Timoti 6:20

Fõn Atimõtɩ, bɩsra sɛla tɩ Nawẽnnɛ dɩkɛ gu'ule fo la, mõrgɛ zãagɛ fʋ mẽŋa la yetɔg-yooro n ka dolɩ Nawẽnnɛ sore, zãagɛ fʋ mẽŋa la nõke'ene wẽ'a tɩ nẽrba tẽ'esrɩ tɩ la de la bãŋrɛ dee tɩ la dagna bɛla la.

2 Timoti 3:13

La tõon-be'ero dõma, la sɛba n pã'asrɩ nẽrba wʋn ken kẽ'era la tõon-be'ero pʋam pa'asra wɛ'ɛsa, ba pã'asrɩ la nẽrba, dee pã'asra ba mẽŋa.

Hiburuduma 13:9

Da basɛ-ya tɩ zãsŋɔ sãasɩ buuri to'oto'ore botɩ ya tuuge. Sɛla n ãn sõŋa de la tɩ basɛ tɩ Nawẽnnɛ yel-sõnnɛ bɔ'a la keŋe tɩ sũure, la, la da dɛna ɩrgɔ sɔa n de dia yelle, sɛba n dolɩ ɩrgɔ bãma la ka yẽ yõorɔ.

Hiburuduma 3:12

M sɔbiisi, guuse-ya ya mẽŋa tɩ ya nẽr-sɛka da tara pʋtẽ'e-be'ero n wʋn basɛ tɩ a ka bɔ Nawẽnnɛ sɩra, tɩ bõn-ẽŋa basɛ tɩ a welge la Nawẽnnɛ n de vɔm dãana la.

1 Pita 1:18

Nawẽnnɛ fãagɛ ya mɛ vɔm sɛka n ka tarɩ yõorɔ tɩ ya daan zãsʋm ya yaabdõma zẽ'am na pʋam. Ya mi tɩ la dagɩ bõn-sɛba n sã'anɩ wʋ sãlma, bɩɩ zũuro tɩ a dɩkɛ yɔ fãagɛ ya.

2 Pita 3:17

La sãn dɛna yãma, m sɩr-nõŋrɩsɩ, yãma n dẽŋɛ tara tiire la, guuse-ya, da basɛ tɩ tõon-be'ero dõma n tuuge la, tuuge ya. Da basɛ-ya tɩ ba botɩ ya basɛ yãma n bɔ sɩra zɛ kãŋkãŋɛ wã.

2 Zã 1:8

Guuse-ya ya mẽŋa, da kãn basɛ-ya tɩ tõma n tõm sɛla bɔ ya la bɔɩ, tɩ ya wʋn to'oge yɔɔrɔ wuu.