Kolɔsɩ 2:2 - Farefare Ninkaré

² Mam mõrgrɩ tɩ ya sũure n keŋe tɩ ya lagɩm taaba tara nõŋlʋm, dee tara yɛm zozo'e, tɩ ya bãŋɛ sɩra sõŋa sõŋa Nawẽnnɛ yelle n sʋgɛ n de Krisi la.

ZE'ELEGO PAALEGA

² Mam boti ba suya nyɛ la kpemehego, naaɛ taaba nɔŋerɛ puan, gee nyɛ bɔkerɛ se'ere en gani za'a, tara tibehum, gee me tara mi'ilum doohe Yinɛ sugelum yele la en de Kiresta a mɛŋa la.

Kolɔsɩ 2:2 ပူးပေါင်းရင်းမြစ်များ

Amatie 11:25

Wakat-ẽŋa Azezi tɔgɛ mɛ yetɩ: «Mam Sɔ Nawẽnnɛ n de saazuum la tẽŋa wã Zuudãana, mam pẽgrɩ fɔ, se'ere n soe la, fõn sʋgɛ bõn-bãna wã mɛ tɩ yɛm dõma la bãŋrɩba ka mina, dee pa'alɛ nẽr-sɛba n ãn wʋ kɔm-pɩgsɩ la.

Amatie 11:27

«Mam Sɔ dɩkɛ sɛla woo ẽŋɛ la mam nu'usum. La nẽra ka mi mam n de Nawẽnnɛ Dayʋa la n de sɛka, sãn dagna mam Sɔ la, la nẽra mẽ ka mi mam Sɔ la n de se'em, sãn dagna mam n de a Dayʋa la, la sɛba tɩ mam wʋn botɩ ba bãŋɛ ẽ na.»

Amatie 13:11

Tɩ a lerge ba yetɩ: «Nawẽnnɛ botɩ yãma bãŋɛ a so'olʋm yelle n sʋgɛ la mɛ. La a ka botɩ bãma bãŋɛ.

Aluki 1:1

Mam sɩr-sõŋɔ Ateofili, nẽrba zozo'e n mõrgɛ gʋlsɛ yel-sɛba wuu n ẽŋɛ tõma zẽ'am na.

Azã 10:30

Mam, la mam Sɔ la de la ayɩla.»

Azã 10:38

La mam sãn tõnna a tõoma, baa ya sãn ka bɔ mam sɩra, ya bɔ m tõoma la sɩra, tɩ ya tã'agɛ bãŋɛ, la ya sakɛ sɩra tɩ mam Sɔ la boe la mam lɛ mɛ, tɩ mam mẽ bɔna la ẽ.»

Azã 16:15

Mam Sɔ la n tarɩ sɛla wuu la de la mam bõnɔ. Bɛla ĩyã tɩ mam yetɩ, a wʋn dɩkɛ la sɛla n boe mam zẽ'am na tɔgɛ bɔ ya.»

Azã 17:3

La vɔm n ka ba'asrɩ la de la ba bãŋɛ fõn, fʋ yɩla mã'a n de Sɩra Dãana Nawẽnnɛ na, la ba bãŋɛ mam Azezi-krisi tɩ fʋ tõm na.

Azã 5:17

Tɩ Azezi yele ba yetɩ: «Mam Sɔ tõnnɩ mɛ wa paam nãnannɛ wã, tɩ mam mẽ tõnna.»

Azã 5:23

tɩ nẽrba wuu wʋn nã'asra Dayʋa la, wʋ ba nã'asrɩ a Sɔ la se'em na. La sɛka n ka nã'asrɩ Dayʋa la, a ka nã'asrɩ Sɔ la n tõm ẽ na.

Azã 6:69

La tõma bɔ sɩra mɛ dee bãŋɛ tɩ fõn de la Pʋpeelem Dãana tɩ Nawẽnnɛ tõm.»

Tõoma 4:32

Nẽr-kʋʋŋɔ la n daan bɔ Azezi sɩra la lagɩm tara la yɛm ayɩla, la sũure ayɩla. Tɩ ba nẽra baa ayɩla ka yetɩ, ẽŋa n tarɩ sɛla la de la ẽŋa mẽŋa mã'a bõnɔ, la de la ba wuu bõnɔ.

Aromduma 15:13

Nawẽnnɛ n botɩ tõma tara pʋtẽ'erɛ la ẽ na wʋn bɔ ya sũ-yẽlga, la sũ-mã'asʋm zozo'e, yãma n bɔ Krisi sɩra la ĩyã, tɩ a Sɩa pãŋa wʋn botɩ yan tara pʋtẽ'erɛ a zẽ'am na zo'oge gãŋɛ.

Aromduma 16:25

Pẽgɛ-ya Nawẽnnɛ, ẽŋa n tã wʋn botɩ ya ze'ele kãŋkãŋɛ, wʋ kõ-yẽlga la tɩ mam mõolɛ pa'alɛ ya Azezi-krisi yelle, botɩ ya bãŋɛ Nawẽnnɛ yelle n sʋgɛ la. Yel-ẽŋa sʋgɛ mɛ halɩ yʋʋma yʋʋma.

Aromduma 2:4

Bɩɩ fõn ka nannɩ la Nawẽnnɛ ɩr-sõŋɔ, la a sũ-bʋgsʋm, la a sũ-mã'arɛ n zo'oge la? Fʋ mi tɩ Nawẽnnɛ ɩr-sõŋɔ la boorɩ tɩ fʋ teege la yɛm basɛ tõon-be'ero.

1 Korẽntɩ 14:31

Ya wuu tã wʋn to'oge Nawẽnnɛ yetɔga tɔgɛ bɔ nẽrba mɛ, la ya tɔgra ayɩla ayɩla, tɩ la wʋn zãsʋm nẽrba wuu, dee bɔ ba bʋraanɛ.

1 Korẽntɩ 2:12

La sãn dɛna tõma, tõma ka to'oge dũnia wã sɩa, tõma to'oge la Nawẽnnɛ Sɩa n ze'ele a zẽ'am, tɩ tɩ yãŋɛ bãŋɛ bõn-sɛba wuu tɩ a bɔ tɔ.

Galatɩ 3:28

Yãma n lagɩm na Krisi la, bɔkrɛ ka le bɔna tɩ fʋ de la Zifu, bɩɩ bu-zãŋka, yamŋa bɩɩ nẽra n soe a mẽŋa, pɔka bɩɩ bʋraaga, ya wuu de la ayɩla.

Efɛɛzɩ 1:7

La de la Krisi n ki tɩ a zɩɩm yese la ĩyã tɩ Nawẽnnɛ basɛ tõma tõon-be'ero taalɛ, tɩ tõma yẽ fãarɛ, tɩ la masɛ wʋ Nawẽnnɛ yel-sõnnɛ n zo'oge pãɩ se'em na.

Efɛɛzɩ 3:16

Mam sosrɩ ẽ tɩ a Sɩa bɔ ya pãŋa ya sũure pʋam zozo'e wʋ a na'am pãn-kãtɛ la n zo'oge se'em na,

Efɛɛzɩ 3:3

Nawẽnnɛ puke a yelle n sʋgɛ la pa'alɛ mam mɛ, wʋ mam gʋlsɛ se'em fẽe bɔ ya la.

Efɛɛzɩ 6:22

Mam tõm ẽ ya zẽ'am na bɛla ĩyã, tɩ ya bãŋɛ tõma yɛla n ãn se'em, dee tɩ a wʋn keŋe ya sũure.

Filipi 2:1

Yãma n lagɩm na Krisi dɛna ayɩla la basɛ tɩ ya tara bʋraanɛ mɛ, tɩ a nõŋlʋm na bɛlsra ya. La yãma lagɩm na taaba la Nawẽnnɛ Sɩa, dee tara nõŋlʋm, la taaba zĩile.

Filipi 3:8

Mam n bãŋɛ Azezi-krisi n de m Zuudãana n ãn sõŋa gãnna wuu la, mam bɩsɛ bõn-bãma wuu wʋ sɛla n ka tarɩ yõorɔ. Krisi ĩyã mam basɛ bõn-bãma mɛ, bɩsɛ ba wʋ sɔgrɔ tɩ m tã'agɛ yẽ Krisi,

Kolɔsɩ 1:26

Yetɔg-ẽŋa sʋgɛ mɛ yʋʋma yʋʋma, zamãana wuu wa paam zĩna, la lɛɛlɛ wã a yãŋa puke mɛ bɔ Nawẽnnɛ nẽrba.

Kolɔsɩ 1:27

Nawẽnnɛ n boorɩ tɩ a basɛ tɩ a nẽrba la bãŋɛ yel-ẽŋa n daan sʋgɛ la na'am pãŋa n ãn sõŋa zo'oge se'em bu-zãŋsɩ tẽŋasʋka. Yel-ẽŋa n sʋgɛ la de la Krisi boe la ya lɛ, botɩ ya wʋn yẽ na'am pãŋa tɩ ya tarɩ pʋtẽ'erɛ gu'ura la a zẽ'am.

Kolɔsɩ 1:9

Bɛla tɩ lan sẽŋɛ la daar-sɛka tɩ tõma wõm yãma yelle la, tɩ tõma pʋ'ʋsra Nawẽnnɛ yãma ĩyã wa paam lɛɛlɛ wã. Tõma sosrɩ ẽ tɩ a botɩ ya bãŋɛ ẽŋa n boorɩ se'em sõŋa sõŋa, la ya tara yɛm, la bãŋrɛ wuu tɩ Nawẽnnɛ Sɩa bɔ'ɔrɩ.

Kolɔsɩ 2:19

A ka lagɩm na Krisi n de Zuudãana la. Krisi n de zuugo sõŋra ĩyã la wuu sɛla woo pʋam, tɩ kõb-suglsi, la zĩila botɩ ĩyã la zẽ'esɩ to'oto'ore toŋe taaba bɩta wʋ Nawẽnnɛ n boorɩ se'em.

Kolɔsɩ 3:14

Lan gãnnɩ wuu, tara-ya nõŋlʋm, tɩ ẽŋa n wʋn botɩ ya lagɩm taaba tara nõ-yẽnnɛ sõŋa sõŋa.

Kolɔsɩ 4:3

Pʋ'ʋsra-ya tõma mẽ ĩyã, tɩ Nawẽnnɛ bɔ tɔ sore tɩ tɩ mõolɛ a kõ-yẽlga la pa'alɛ nẽrba Krisi yelle n daan sʋgɛ la. La de la yel-ẽŋa ĩyã tɩ mam bɔna yʋ'a deem.

Kolɔsɩ 4:8

Mam tõm ẽ ya zẽ'am na bɛla ĩyã, tɩ ya bãŋɛ tõma yɛla n ãn se'em, dee tɩ a wʋn keŋe ya sũure.

1 Tesaloniki 1:5

Tõma n daan tarɩ kõ-yẽlga la wa'am wa mõolɛ bɔ ya la, la ka de yetɔga mã'a, la de la Nawẽnnɛ Sɩa pãŋa. La tõma daan mi tɩ tõma n tɔgɛ se'em na de la sɩra. Yãma mi tõma n daan boe ya zẽ'am na, tõma n vɔa se'em yãma sõŋrɛ ĩyã.

1 Tesaloniki 3:2

dee tõm tɩ sɔbia Atimõtɩ n de Nawẽnnɛ tõntõnna n lagɩm na tõma mõola Krisi kõ-yẽlga la, tɩ a wa'am wa bɔ ya bʋraanɛ, tɩ ya ze'ele kãŋkãŋɛ Azezi doosgo la pʋam.

1 Tesaloniki 5:14

M sɔbiisi, tõma sosrɩ ya mɛ tɩ ya kã'ana sɛba n ka boorɩ tɩ ba tõm na, dee bɔ'ɔra sɛba n ka tarɩ bʋraanɛ la bʋraanɛ, dee sõŋra sɛba n ka tarɩ pãŋa la, la ya mã'ara ya sũure la nẽra woo.

1 Timoti 3:16

Tɩ wuu mi tɩ Nawẽnnɛ sɩra n daan sʋgɛ tɩ a dɩkɛ pa'alɛ tɔ a doosgo pʋam na, de la bõn-kãtɛ. Bõn-kãtɛ ẽŋa de la: Krisi n daan lebge nẽrsaala. Tɩ Nawẽnnɛ Sɩa pa'alɛ tɩ a de la sɩra dãana. Tɩ malɛkadõma bɩsɛ ẽ. Tɩ ba mõolɛ a yelle buuri wuu tẽŋasʋka. Tɩ nẽrba bɔ ẽ sɩra. Tɩ Nawẽnnɛ zẽkɛ ẽ la na'am pãŋa sẽŋɛ a yire.

Hiburuduma 10:22

Bɛla ĩyã, basɛ-ya tɩ tɩ lɛm Nawẽnnɛ zẽ'am la pʋpeelem, la sũure n bɔ sɩra zõnzõnnɔ, la sũure n peege tɩ tɩ mina tɩ tõon-be'ero ka le bɔna, la ĩyã n peege la ko-sõma.

Hiburuduma 6:11

Bɛla tõma n boorɩ se'em de la ya nẽra woo keŋe a mẽŋa bɛla, sẽnna nẽŋa ka paagɛ ba'asgɔ, yẽ bõn-sɛba tɩ a tarɩ pʋtẽ'erɛ gu'ura la.

2 Pita 1:10

Bɛla m sɔbiisi, mõrgɛ ya mẽŋa ze'ele kãŋkãŋɛ Nawẽnnɛ n wi ya, la ẽn looge ya la pʋam. Ya sãn ẽŋɛ bɛla, ya kãn bʋrgɛ dee basɛ Nawẽnnɛ sore.

2 Pita 1:3

Azezi n tarɩ Nawẽnnɛ pãŋa la n botɩ tɩ bãŋɛ Nawẽnnɛ n wi tõma tɩ tɩ po yẽ a na'am pãŋa, la a sõŋa. Bɛla tɩ a bɔ tɔ bõn-sɛba wuu n wʋn basɛ tɩ tɩ vɔa vɔm sɛka n dolɩ a sore.

2 Pita 3:18

Sẽŋɛ-ya nẽŋa vɔa Azezi-krisi n de tɩ Zuudãana la tɩ Fãagra la yel-sõnnɛ pʋam, bãŋra ẽ pa'asra. Ẽŋa n soe na'am pãŋa lɛɛlɛ wã, la wakatɛ n ka ba'asrɩ. Amina.

1 Zã 3:19

Bɛla n wʋn basɛ tɩ tɩ bãŋɛ tɩ tõma de la sɩra dõma, la tɩ sũure wʋn ãna ke'eŋo Nawẽnnɛ nẽŋam.

1 Zã 5:7

La de la bõn-bãna batã n bɔ'ɔrɩ kaseto.