Kolɔsɩ 2:18 - Farefare Ninkaré

¹⁸ Da basɛ-ya tɩ nẽra n ɩtɩ a mẽŋa wʋ a de la sik-m-mẽŋa dãana dee pʋ'ʋsra malɛkadõma, pã'asɛ ya yetɩ yãma n ɩtɩ sɛla de la zãŋa. Nẽr-ẽŋa dãana yetɩ Nawẽnnɛ n puke sɛla pa'alɛ ẽŋa, la a pa'alɩ la a mẽŋa zãŋa, se'ere n soe la, la de la nẽrsaalba pʋtẽ'erɛ tɩ a tarɩ.

ZE'ELEGO PAALEGA

¹⁸ Da bahɛ ti nɛra sigehe fum, doohe eŋa en boti se'em doohe sigehe n mɛŋa yooro, suŋereba pu'uhegɔ, zaaheŋɔ yɛla, banaduma ukeri mɛ la asaala puti'irɛ la pa'alɛ mɛŋa,

Kolɔsɩ 2:18 ပူးပေါင်းရင်းမြစ်များ

Amatie 24:24

Nẽrba wʋn wa'am wa parɩm tɩ bãma n de Krisi, la nẽrba wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõnna tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge.

Aromduma 1:25

Ba dɩkɛ Nawẽnnɛ yelle n de sɩra la basɛ mɛ, dee dɔla põmpɔrŋɔ. Ba nã'asrɩ la bõn-sɛba tɩ Nawẽnnɛ nãam na, tõnna bɔ'ɔra ba, dee basɛ Nawẽnnɛ mẽŋa n de sɛka n nãam sɛla woo la. Ẽŋa n masɛ pẽka wakatɛ n ka ba'asrɩ. Amina.

Aromduma 16:18

Se'ere n soe la, nẽr-bãma buuri ka tõnnɩ bɔ'ɔra tɩ Zuudãana Azezi-krisi, ba tõnnɩ na ba mẽŋa sõŋrɛ ĩyã. Ba tɔgrɩ la nõ-yẽlʋm yetɔga, la yetɔg-yẽlsɩ pã'asra nẽr-sɛba yɛm n ka zo'oge la.

1 Korẽntɩ 13:4

Nẽr-sɛka n tarɩ nõŋlʋm mã'arɩ la a mẽŋa, dee sõŋra nẽrba, a ka ɩtɩ sũure, a ka wẽ'erɩ yõ'ogɔ, la a ka zẽkrɩ a mẽŋa.

1 Korẽntɩ 3:3

yãma n ken vɔa wʋ ya mẽŋa n boorɩ se'em na ĩyã. Ya sãn ɩta sũure zɛbra la taaba, bɛla ka pa'alɛ tɩ ya vɔa wʋ ya mẽŋa n boorɩ se'em, dee ɩta wʋ dũnia nẽrba n ɩtɩ se'em na sɩra?

1 Korẽntɩ 4:18

Ya nẽrba basɛba tẽ'esrɩ tɩ mam kãn leme wa'am ya zẽ'am, zẽkra ba mẽnsɩ.

1 Korẽntɩ 4:6

M sɔbiisi, mam n dɩkɛ m mẽŋa la Apolɔsɩ makɛ bɛla wuu la, la de la yãma ĩyã, tɩ tõma n ẽŋɛ se'em na wʋn dɛna zãsŋɔ bɔ ya. Tɩ ya «da ẽŋɛ yõsɛ lan gʋlsɛ Nawẽnnɛ gõŋɔ pʋam se'em na.» Bɛla, ya nẽra nẽra da zẽkɛ a mẽŋa wẽ'era yõ'ogɔ la nẽra ayɩla dee pɔ'ɔra ayẽma.

1 Korẽntɩ 8:1

La sãn dɛna bõn-sɛba tɩ ba dɩkɛ kãabɛ bɔ baga la nẽnnɔ yelle, tɩ mi tɩ tɩ wuu tarɩ bãŋrɛ mɛ, wʋ yãma n yele se'em na. La bãŋrɛ botɩ nẽra zẽkra la a mẽŋa. La nõŋlʋm sõŋrɩ nẽrba mɛ.

1 Korẽntɩ 9:24

Yãma mi tɩ zʋa pʋam, zɔtba la wuu lagɩm zɔta mɛ, la ba nẽra ayɩla mã'a n wʋn zoe yãŋɛ to'oge bɔ'a. Bɛla, mõrgɛ-ya wʋ zɔtba n zotɩ se'em na, tɩ ya yãŋɛ to'oge bɔ'a Nawẽnnɛ zẽ'am.

2 Korẽntɩ 11:3

La mam zotɩ la dabeem tɩ nẽr-sɛka wʋn pã'asɛ ya, tɩ ya wẽrgɛ ka le dɔla Krisi la sũure ayɩla, la pʋpeelem, wʋ Awa tɩ bõnsɛla la yʋʋn dɩkɛ yɛmkẽgsɩga pã'asɛ ẽ tɩ a tuuge la.

2 Korẽntɩ 12:20

Mam zotɩ mɛ tɩ m wʋn wa paam ya zẽ'am yẽ tɩ ya ka ãn wʋ mam n boorɩ se'em na, tɩ yãma mẽ yẽ tɩ mam ka ãn wʋ yãma n boorɩ se'em na. Mam zotɩ mɛ tɩ zɛbrɛ, la ɩta sũure la taaba, la sũ-isgre, la gẽelgɔ, la pɔ'ɔg-taaba, la ya'anzũm, la zẽk-m-mẽŋa, la ɩr-yooro wʋn bɔna ya tẽŋasʋka.

Efɛɛzɩ 4:17

Bɛla tɩ mam yɛta ya la ninmõ'orɛ la Zuudãana nõorɛ, tɩ ya da le ɩta wʋ sɛba n ka dolɩ Nawẽnnɛ n ɩtɩ se'em na, bãma n ɩtɩ se'em na, ãn wʋ ban tẽ'esrɩ se'em n ka tarɩ võorɛ la.

Efɛɛzɩ 5:6

Da basɛ-ya tɩ nẽra pã'asɛ ya la yetɔg-yooro, tɩ la de la bõn-bãma n isgri Nawẽnnɛ sũure tɩ a sɩbgra sɛba n zagsɛ a nõorɛ la.

Filipi 3:14

Mam zotɩ wɛ'ɛsa la nẽŋa tɩ m paagɛ a tɛka to'oge bɔ'a la tɩ Nawẽnnɛ wi mam tɩ m to'oge a yire Azezi-krisi ĩyã la.

Kolɔsɩ 2:23

Sisgo la zãsŋɔ bãna ãn wʋ yɛm tõoma la, ba pa'alɩ la pʋ'ʋsgɔ sore n ɩtɩ la yɛmleego, la sik-m-mẽŋa n dagɩ sɩra, la ĩyã nãmsgɔ yelle. La ba ka tã wʋn sõŋɛ nẽra tɩ a yõkɛ a mẽŋa la nẽrsaala yɛm n boorɩ se'em n de be'em na.

Kolɔsɩ 2:4

Mam yele ya wãna tɩ nẽra n da wa tɔgɛ nõ-yẽlʋm yetɔga pã'asɛ ya.

Kolɔsɩ 2:8

Guuse-ya tɩ nẽra da dɩkɛ bãŋrɛ zãsŋɔ la yɛm yooro n de nẽrsaalba sisgo, la dũnia wã yɛla pã'asɛ ya, ba ka ze'ele Krisi zẽ'am.

1 Timoti 1:7

bɔɔra tɩ ba dɛna Nawẽnnɛ lɔɔ karẽnsãandõma, dee ka wõnna ba mẽŋa n yetɩ se'em, bɩɩ yel-sɛba tɩ ba zãsnɩ na võorɛ.

1 Timoti 4:1

Nawẽnnɛ Sɩa tɔgɛ mɛ vẽelga vẽelga yetɩ, dũnia ba'asgɔ wakatɛ, nẽrba basɛba wʋn basɛ Nawẽnnɛ sore doosgo, dee dɔla sɛla n de pã'asgɔ, la kʋlkã'arsɩ põmpɔrŋɔ zãsŋɔ.

2 Pita 2:14

Ba yɛm boorɩ la yalsɩ tõoma mã'a, ba ka tõnnɩ tõon-be'ero tɩgra. Ba pã'asrɩ la nẽr-sɛba pʋtẽ'era n ka zo'oge Nawẽnnɛ sore doosgo pʋam na tɩ ba tõnna be'em. Ba nõŋɛ la bõnɔ zozo'e. Nawẽnnɛ kã'a-be'ero boe ba zuto.

1 Zã 2:26

La de la nẽr-sɛba n zɩgrɩ tɩ ba pã'asɛ ya tɩ ya tuuge la yelle tɩ mam gʋlsɛ wãna bɔ'ɔra ya.

Lilegere 12:9

Tɩ ba daan lobe pʋryõŋ-yãlma kãtɛ la basɛ. Ẽŋa n de bõnsɛla n yʋʋn boe, tɩ ba wi'ira ẽ tɩ «Dõta» bɩɩ «Asũtãana» n pã'asrɩ dũnia nẽrba wuu la. Ba lobe ẽ, la a malɛgsɩ basɛ la tẽŋa zuo.

Lilegere 13:14

Bõn-yãlma la tɩ a ẽŋɛ pɔspɔsɩ dũŋa la nifum na, botɩ a pã'asɛ dũnia nẽrba mɛ. A yele ba tɩ ba mãalɛ bõnɔ tɩ a ãna wʋ dũŋa la tɩ ba pɔglʋm na sʋ'a tɩ a vɔa la.

Lilegere 13:8

Nẽrba wuu n boe dũnia zuo wʋn nã'asɛ dũŋa la mɛ, sãn dagna sɛba yʋ'ʋra n gʋlsɛ Pebila tɩ ba daan kʋ la vɔm gõŋɔ pʋam na. Nẽr-bãma yʋ'ʋra daan põn gʋlsɛ vɔm gõŋɔ la pʋam na halɩ dũnia pĩ'iluŋo wakatɛ.

Lilegere 19:10

Tɩ mam ka dũma tẽŋa a nẽŋam tɩ m nã'asɛ ẽ, tɩ a yele mam yetɩ: «Da ẽŋɛ bɛla! Mam mẽ de la Nawẽnnɛ tõntõnna wʋ fõn, la fʋ sɔbiisi la n sakɛ sɩra tɩ Azezi pa'alɛ la. La de la Nawẽnnɛ n de fʋ nã'asɛ.» Sɩra la tɩ Azezi puke pa'alɛ la n bɛla tɩ Nawẽnnɛ Sɩa botɩ a nõtɔ'ɔsrɩba tɔ'ɔsra tɔgra.

Lilegere 3:11

Mam sẽm na lɛɛlɛ, gʋrɛ-ya sɛla tɩ ya tarɩ la kãŋkãŋɛ, tɩ nẽra da to'oge ya yɔɔrɔ.