Kolɔsɩ 2:16 - Farefare Ninkaré

¹⁶ Bɛla, da basɛ-ya tɩ nẽra le bɔ ya sisgo la sɛla tɩ ya diti, bɩɩ sɛla tɩ ya yũuri, bɩɩ yʋʋnɛ yʋʋnɛ kibsa, bɩɩ wõr-paalsɩ de'eŋo, bɩɩ vo'osgo dabsa yelle.

ZE'ELEGO PAALEGA

¹⁶ Bala la, da bahɛ ya ti se'em zɛregɛ ya doohe dia bii nyua bii kiha dabeha, bii ŋmarehi paalehi, bii de'eŋo bii vo'ohego dabeha.

Kolɔsɩ 2:16 ပူးပေါင်းရင်းမြစ်များ

Amatie 15:11

La dagɩ sɛla n kẽ'erɩ nẽrsaala nõorʋm n botɩ a dɛna dẽgrɔ, la de la sɛla n ze'etɩ nẽrsaala nõorʋm yɛsra n botɩ a dɛna dẽgrɔ.»

Amarkɩ 7:19

Se'ere n soe la, bõn-bãma ka kẽ'erɩ sũure pʋam, ba kẽ'erɩ la pʋʋrɛ pʋam tɩ ba yẽ'era ba basra.» (Azezi n daan yele bɛla la, a boorɩ tɩ a yetɩ dia ka bɔ'ɔrɩ dẽgrɔ, nẽra tã wʋn di dia wuu mɛ.)

Tõoma 15:20

Tɩ gʋlsɛ gõŋɔ bɔ ba yetɩ, ba da di di-sɛba tɩ ba kãabɛ bɔ baga la, tɩ ba wʋn dẽgɛ ba, ba da tõnna yalsɩ tõoma, ba da di sɛla tɩ ba tẽgɛ kʋ, la ba da di zɩɩm.

Aromduma 14:10

La fõn, bẽm tɩ fõn zɛrgra fʋ sɔbia? La fõn mẽ, bẽm tɩ fõn pɔ'ɔra fʋ sɔbia? Tɩ wuu wʋn ze'ele la Nawẽnnɛ na'am bĩmbĩnne nẽŋam tɩ a di tɩ sarɩya.

Galatɩ 4:10

Yãma looge la dabsa, la wõrsɩ, la wakatɛ basɛba yʋʋnɛ pʋam, la yʋʋma dɔla tɩ la dɛna sisgo.

Kolɔsɩ 2:20

Yãma lagɩm na Krisi ki mɛ, tɩ a botɩ dũnia yɛla ka le tara pãŋa la ya lɛ. Bẽm tɩ ya ɩta wʋ dũnia wã n ken sɔna ya, basɛ tɩ ba le mõrgra ya tɩ ya sakra sisgo bãna wã n yetɩ:

Hiburuduma 13:9

Da basɛ-ya tɩ zãsŋɔ sãasɩ buuri to'oto'ore botɩ ya tuuge. Sɛla n ãn sõŋa de la tɩ basɛ tɩ Nawẽnnɛ yel-sõnnɛ bɔ'a la keŋe tɩ sũure, la, la da dɛna ɩrgɔ sɔa n de dia yelle, sɛba n dolɩ ɩrgɔ bãma la ka yẽ yõorɔ.

Hiburuduma 9:10

Ba de la dia, la bõn-yũula, la ko'om peere buuri to'oto'ore yelle mã'a. Ɩrgɔ bãma de la ĩyã yɛla n de dũnia wã bõnɔ n yʋʋn boe tɩ nẽrba dɔla, halɩ wa paagɛ wakat-sɛka tɩ Nawẽnnɛ malɩn malgɛ sɛla woo sõŋa.

Yemesi 4:11

M sɔbiisi, da tɔgra-ya taaba yelle be'em. Nẽr-sɛka n tɔgɛ a tadãana yelle be'em, bɩɩ zɛrgra ẽ, a tɔgrɩ la Nawẽnnɛ lɔɔ la be'em dee zɛrgra ẽ. La fʋ sãn zɛrgra lɔɔ la, fʋ ka sakrɩ lɔɔ la, fʋ lebge la lɔɔ la sarɩyadita.