Kolɔsɩ 2:13 - Farefare Ninkaré

¹³ Yãma daan ãn wʋ ya ki mɛ Nawẽnnɛ zẽ'am ya tõon-be'ero ĩyã, la ban ka dɔgɛ ya tɩ ya wãta dɛna Nawẽnnɛ nẽrba la ĩyã. La Nawẽnnɛ botɩ ya lagɩm na Krisi mɛ vɔa, basɛ ya tõon-be'ero wuu taalɛ.

ZE'ELEGO PAALEGA

¹³ Yan daa ki ya tuure puan, ya ingɔŋɔ la en ka ŋma la puan la, Yinɛ bahɛ ti ya vo'e mɛ la en, eŋa en daa di tu za'a tuure sugeri bo' tu.

Kolɔsɩ 2:13 ပူးပေါင်းရင်းမြစ်များ

Aluki 15:24

Se'ere n soe la, mam bia wã daan wõn na a ki mɛ, dee le vo'oge. A daan bɔɩ mɛ, tɩ tɩ le yẽ ẽ.› Tɩ ba yãŋa ɩta sũ-yẽlga.

Aluki 15:32

La, la masɛ mɛ tɩ tɩ ẽŋɛ sũ-yẽlga sɩrʋm, se'ere n soe la, fʋ yɩbga wã daan wõn na a ki mɛ, dee le vo'oge. A daan bɔɩ mɛ. Tɩ tɩ le yẽ ẽ.› »

Aluki 9:60

Tɩ Azezi lerge ẽ yetɩ: «Basɛ tɩ sɛba n ka tarɩ vɔm Nawẽnnɛ zẽ'am na laagɛ ba kũm. Dee tɩ fõn sẽŋɛ ka mõolɛ Nawẽnnɛ so'olʋm kõ-yẽlga la.»

Azã 5:21

La wʋ Sɔ la n vo'orɩ kũm bɔ'ɔra ba vɔm na, Dayʋa la mẽ bɔ'ɔra sɛba tɩ a boorɩ vɔm na bɛla.

Azã 6:63

La de la Nawẽnnɛ Sɩa n bɔ'ɔrɩ vɔm na, nẽrsaala ka tã wʋn ẽŋɛ sɛla sɛla. Yetɔg-sɛba tɩ mam tɔgɛ bɔ ya la, ze'ele la Nawẽnnɛ Sɩa zẽ'am bɔ'ɔra vɔm.

Aromduma 4:17

La gʋlsɛ Nawẽnnɛ gõŋɔ pʋam yetɩ: «Mam wʋn botɩ fʋ lebge so'olʋm buuri zozo'e sɔ-yaaba.» A de la tõma sɔ-yaaba Nawẽnnɛ tɩ a bɔ ẽ sɩra la zẽ'am. Nawẽnnɛ n botɩ kũm vɔ'ɔra, dee botɩ sɛla n ka boe bɔna.

Aromduma 6:13

Da dɩkɛ-ya ya ĩyã zẽ'esɩ to'oto'ore tɩ ba dɛna tõon-be'ero tõoma lɔgrɔ tɩ ya tara ba tõnna be'em. Dɩkɛ-ya ya mẽŋa bɔ Nawẽnnɛ wʋ nẽrba n ki dee vo'oge. Dɩkɛ-ya ya ĩyã zẽ'esɩ to'oto'ore la wuu bɔ Nawẽnnɛ tɩ a tara ba tõnna sɛla n masɛ.

Aromduma 8:11

La Nawẽnnɛ n vo'oge Azezi la, a Sɩa la sãn bɔna la ya lɛ, ẽŋa n vo'oge Azezi-krisi n ki la, wʋn botɩ a Sɩa n boe la ya lɛ la, mẽ bɔ ya ĩyã n kiiri la vɔm paalga.

1 Korẽntɩ 15:36

Sokre ẽna de la gɔɔn-sokre! Fõn ka mi tɩ fʋ sãn bʋrɛ sɛla biire, a yɛm n wʋn bule yese vɔa, dee tɩ a pɔkɔ põ'ogɛ?

1 Korẽntɩ 15:45

La gʋlsɛ Nawẽnnɛ gõŋɔ pʋam yetɩ: «Adam n de pɔspɔsɩ nẽra la, Nawẽnnɛ n bɔ ẽ vɔm.» La Krisi tɩ ba wi'iri tɩ poorʋm Adam na, tarɩ la Sɩa n bɔ'ɔrɩ vɔm.

2 Korẽntɩ 3:6

La de la ẽŋa n botɩ tõma tã'agɛ dɛna a nõor-bĩŋre paalga la tõntõnɩba. La dagɩ lɔɔ n gʋlsɛ, la de la Nawẽnnɛ Sɩa. Lan de se'em na, lɔɔ n gʋlsɛ la sẽm na kũm, la Nawẽnnɛ Sɩa la bɔ'ɔrɩ la vɔm.

2 Korẽntɩ 5:19

Tõma n yetɩ se'em na, la de la Nawẽnnɛ n botɩ Krisi botɩ dũnia dõma la ẽŋa naagɛ taaba, dee ka geele ba tõon-be'ero. Dee bɔ tõma yetɔga tɩ tɩ tɔgɛ naarɛ yelle bɔ nẽrba.

Efɛɛzɩ 2:1

Ya daan ãn wʋ ya ki mɛ Nawẽnnɛ zẽ'am, ya tõon-be'ero, la ya tuure la ĩyã.

Efɛɛzɩ 2:11

Tẽegɛ-ya yan daan ãn se'em na, ba ka dɔgɛ ya tɩ ya dɛna Zifdõma buuri, Zifdõma n wãtɩ la wi'iri ya tɩ a ka wãtɩ dõma. Ba yetɩ bãma de la Nawẽnnɛ nẽrba, bãma n wãtɩ la ĩyã, la bõn-ẽŋa de la sɛla tɩ nẽrba ɩtɩ ba ĩyã pʋam mã'a.

Efɛɛzɩ 5:14

Se'ere n soe la, bõn-sɛka woo n de vẽelga boe la peelem pʋam. Bɛla tɩ la gʋlsɛ yetɩ: «Fõn sɛka n gĩsri la, nẽegɛ, isge kũm na tẽŋasʋka tɩ Krisi peelem nẽegɛ fɔ, bɔ fʋ vɔm.»

Kolɔsɩ 2:12

Ban daan mise ya ko'om pʋam na, la ãn wʋ ba lagɩm ya mɛ la Krisi laagɛ. La yãma mẽ lagɩm na ẽ mɛ vo'oge, yãma n bɔ Nawẽnnɛ pãŋa n botɩ Krisi vo'oge sɩra la ĩyã.

1 Timoti 5:6

La pɔkõorɛ sɛka n eerɩ tõnna a yɛm n boorɩ se'em, ẽŋa põn ki mɛ baa la ẽn ken vɔa la.

1 Timoti 6:13

Mam yetɩ fo Nawẽnnɛ n bɔ'ɔrɩ sɛla woo vɔm nẽŋam, la Azezi-krisi n daan tɔgɛ sɩra kaseto Apõnsɩ-pilatɩ nẽŋam na,

Hiburuduma 6:1

Bɛla, tɩ sẽŋɛ-ya nẽŋa zãsʋm bõnkɛgsɩ zãsŋɔ, dee basɛ Krisi pɔspɔsɩ yɛla la zãsŋɔ tɩ tɩ dẽŋɛ mina la. Tɩ kãn le zãsna pĩ'iluŋo yɛla la n de tɩ teege yɛm basɛ tõon-be'ero n sẽm na kũm, la tɩ bɔ Nawẽnnɛ sɩra,

Hiburuduma 9:14

Krisi zɩɩm na tarɩ pãŋa mɛ gãnna bɛla zozo'e. Ẽŋa ka tarɩ tuure, la doose la Nawẽnnɛ Sɩa n boe wakatɛ wuu tɩ a dɩkɛ a mẽŋa bɔ Nawẽnnɛ, peege tɩ tõon-be'ero n sẽm na kũm na, tɩ tɩ sũure ãna sõŋa, tɩ tɩ tõnna bɔ'ɔra vɔm dãana Nawẽnnɛ.

Yemesi 2:17

La mẽ de la bɛla la bɔ sɩra, ya sãn bɔ sɩra tɩ la ka lagɩm na tõoma, a de la zãŋa.

Yemesi 2:20

A ka tarɩ yɛm dãana, fõn boorɩ mɛ tɩ m pa'alɛ fɔ tɩ fʋ sãn bɔ sɩra tɩ la ka lagɩm na tõoma, a ka tarɩ yõorɔ?

Yemesi 2:26

Nẽra sɩa sãn fõrgɛ deege ẽ, a ĩyã de la kũm. La mẽ de la bɛla, nẽra sãn bɔ sɩra tɩ la ka lagɩm na tõoma, la de la zãŋa.

1 Zã 2:12

Mam gʋlsɛ bɔ'ɔra la yãma, m kɔma, se'ere n soe la, Nawẽnnɛ basɛ ya tõon-be'ero taalɛ mɛ Azezi-krisi yʋ'ʋrɛ ĩyã.