Kolɔsɩ 1:9 - Farefare Ninkaré

⁹ Bɛla tɩ lan sẽŋɛ la daar-sɛka tɩ tõma wõm yãma yelle la, tɩ tõma pʋ'ʋsra Nawẽnnɛ yãma ĩyã wa paam lɛɛlɛ wã. Tõma sosrɩ ẽ tɩ a botɩ ya bãŋɛ ẽŋa n boorɩ se'em sõŋa sõŋa, la ya tara yɛm, la bãŋrɛ wuu tɩ Nawẽnnɛ Sɩa bɔ'ɔrɩ.

ZE'ELEGO PAALEGA

⁹ Dina wa zuo, daan se'ere daarɛ ti tu wum dɛna wa la, tu ka go'e tu pu'uha bɔ'ɔra ya, gee suhera ti ya pirɛ la Yinɛ suboolum mi'ilum, la Sia puan yɛm woo, la bɔkerɛ woo,

Kolɔsɩ 1:9 ပူးပေါင်းရင်းမြစ်များ

Azã 7:17

Nẽra sãn bɔɔra tɩ a ẽŋɛ Nawẽnnɛ n boorɩ se'em, a wʋn bãŋɛ zãsŋɔ la sãn ze'ele la Nawẽnnɛ zẽ'am, bɩɩ mam sãn tɔgra la mam mẽŋa pãŋa.

Tõoma 12:5

Bɛla tɩ ba daan pagɛ Apɩyɛɛrɩ basɛ yʋ'a deego la pʋam. Tɩ Azezi nẽrba la daan pʋ'ʋsra Nawẽnnɛ a ĩyã halɩ ka basɛ.

Aromduma 12:2

Da ãna-ya wʋ dũnia wã dõma n ãn se'em na. Basɛ-ya tɩ ya yɛm like dɛna paalga, tɩ ya teege, tã'agɛ bãŋɛ Nawẽnnɛ n boorɩ se'em: Sɛla n ãn sõŋa, sɛla n paarɩ a yɛm, sɛla n masɛ sõŋa sõŋa.

1 Korẽntɩ 1:5

Yãma n lagɩm na Krisi dɛna ayɩla la ĩyã, tɩ Nawẽnnɛ bɔ ya bɔ'a wuu n de mi'ilum buuri wuu, la yetɔga mi'ilum wuu.

Efɛɛzɩ 1:8

Yel-sõnnɛ ẽŋa n zo'oge la bɔ tõma la yɛm wuu, la bãŋrɛ wuu.

Efɛɛzɩ 5:10

Bãŋɛ-ya sɛla n paarɩ Zuudãana yɛm bɔkɛ.

Efɛɛzɩ 5:17

Bɛla ĩyã, da dɛna-ya geto, bãŋɛ-ya Zuudãana la n boorɩ se'em.

Efɛɛzɩ 6:6

Da ɩta-ya bɛla ba nifum mã'a tɩ ba pẽgɛ ya. Yãma n de Krisi yamsɩ la, ɩta-ya Nawẽnnɛ n boorɩ se'em la ya sũure wuu.

Filipi 1:4

Wakatɛ wuu tɩ mam pʋ'ʋsrɩ Nawẽnnɛ ya wuu ĩyã la, mam pʋ'ʋsrɩ la sũ-yẽlga,

Kolɔsɩ 1:6

Kõ-yẽlga ẽŋa paagɛ yãma zẽ'am mɛ, wʋ ẽn paagɛ dũnia zẽ'esɩ wuu se'em na, la a ɩtɩ nẽrba sõŋa mɛ, tɩ ba sakra zozo'e, tɩ ba kãllɛ pa'asra. A mẽ ɩtɩ la bɛla yãma zẽ'am lan sẽŋɛ la daar-sɛka tɩ yãma wõm, dee bãŋɛ Nawẽnnɛ yel-sõnnɛ sɩra sɩra la.

Kolɔsɩ 3:16

Basɛ-ya tɩ Krisi yetɔga la bɔna la ya lɛ sõŋa sõŋa. Tɩ ya tara yɛm zozo'e zãsna taaba, dee kã'ana taaba. Yõona-ya Nawẽnnɛ yõoma, yõona-ya yõom-sõma buuri wuu tɩ Nawẽnnɛ Sɩa bɔ ya la ya sũure wuu, pʋ'ʋsra Nawẽnnɛ a yel-sõnnɛ.

Kolɔsɩ 4:12

A'epafrasɩ n de ya nẽra la pʋ'ʋsra ya. Ẽŋa n de Azezi-krisi tõntõnna la mõrgrɩ mɛ pʋ'ʋsra Nawẽnnɛ ya yelle ka basra tɩ ya ze'ele kãŋkãŋɛ, dɛna nẽrba n bɩ sɛla woo pʋam sakɛ Nawẽnnɛ n boorɩ se'em wuu.

Kolɔsɩ 4:5

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Azezi la tẽŋasʋka, dɩkɛ-ya fol-sɛka tɩ ya tarɩ la wuu tõm sõŋa.

1 Tesaloniki 1:3

Tõma tẽrɩ ya yelle tɩ Sɔ Nawẽnnɛ nẽŋam, yãma n bɔ sɩra tõnna se'em, la yãma n tarɩ nõŋlʋm tõnna zozo'e se'em, dee ken tẽra yãma n tarɩ pʋtẽ'erɛ gu'ura sɛla tɩ ya bɔ sɩra, zɛ kãŋkãŋɛ tɩ Zuudãana Azezi-krisi doosgo pʋam ka bigsra la yelle.

1 Tesaloniki 5:17

Pʋ'ʋsra-ya Nawẽnnɛ wakatɛ wuu da basɛ.

2 Tesaloniki 1:11

Bɛla ĩyã tɩ tõma pʋ'ʋsra Nawẽnnɛ wakatɛ wuu ya ĩyã, tɩ a basɛ tɩ ya ãna sõŋa masɛ wʋ ẽŋa n wi ya tɩ ya ãna se'em na. La a wʋn bɔ ya pãŋa tɩ ya ɩta bõn-sõma sɛba wuu tɩ ya boorɩ tɩ ya ẽŋɛ, dee basɛ tɩ yãma n bɔ sɩra tõnna tõon-sɛba la tõm ba'asɛ.

Afilmõ 1:4

Mam pʋ'ʋsrɩ Nawẽnnɛ daarɛ woo a yel-sõnnɛ mɛ, dee tẽra fʋ yelle m pʋ'ʋsgɔ pʋam ka basra.

Afilmõ 1:6

Mam sosrɩ Nawẽnnɛ tɩ fõn lagɩm na tõma bɔ Azezi-krisi sɩra la wʋn sẽnna nẽŋa, a wʋn basɛ tɩ fʋ bãŋɛ bõn-sõma sɛba wuu tɩ tɩ tarɩ Krisi doosgo pʋam.

Hiburuduma 10:36

Yãma de la ya nargɛ pãŋa sẽŋɛ nẽŋa ẽŋɛ Nawẽnnɛ n boorɩ se'em, tɩ ya wʋn to'oge sɛla tɩ a bĩŋe nõorɛ tɩ a bɔ ya la.

Hiburuduma 13:21

Nawẽnnɛ wʋn basɛ tɩ ya tã'agɛ ɩta sɛla woo n ãn sõŋa, dɔla a yɛm n boorɩ se'em. A wʋn basɛ tɩ sɛla n ãn a sũure yẽlʋm ẽŋɛ tɩ pʋam, Azezi-krisi ĩyã, ẽŋa n de sɛka n masɛ nã'asgɔ wakatɛ n ka ba'asrɩ. Amina.

Yemesi 1:5

Yɛm sãn pɔ'ɔgɛ ya nẽr-sɛka, a sose Nawẽnnɛ n bɔ'ɔrɩ nẽrba wuu la yɛmleego dee ka mõŋra ba la, tɩ a wʋn bɔ ẽ.

Yemesi 3:17

La yɛm n ze'ele Nawẽnnɛ zẽ'am ãn na sõŋa ka tara dẽgrɔ, dee botɩ nẽra tara sũ-mã'asʋm la a taaba, la sũ-bʋgsʋm, ɩta sugri, zɔta nẽrba ninbãalga zozo'e, tõnna tõon-sõma zozo'e, ka bɔkra nẽrba, dee ka dɛna pʋlibsum dãana.

1 Pita 2:15

Se'ere n soe la, Nawẽnnɛ n boorɩ se'em de la ya ɩta sõŋa, basɛ tɩ nẽr-sɛba n ka mi sɛla dee tɔgra gɔɔn-yetɔga la go'oge.

1 Pita 4:2

Tɩ ẽn ken vɔa dũnia zuo wakat-sɛka la, a kãn le vɔa wʋ nẽrsaala yɛmleego n boorɩ se'em, a wʋn vɔa wʋ Nawẽnnɛ n boorɩ se'em.

1 Zã 2:17

Dũnia, la bõn-sɛba wuu tɩ nẽrba yɛmleego boorɩ la tollɩ mɛ. La nẽr-sɛka n ɩtɩ Nawẽnnɛ n boorɩ se'em n wʋn bɔna wakatɛ n ka ba'asrɩ.

1 Zã 5:20

Tõma mi tɩ Nawẽnnɛ Dayʋa n wa'am wa bɔ tɩ yɛm, tɩ tɩ bãŋɛ Nawẽnnɛ n de sɩra dãana la. Tõma lagɩm na sɛka n de sɩra dãana la dɛna ayɩla, a Dayʋa Azezi-krisi ĩyã. Ẽŋa n de Nawẽnnɛ sɩra sɩra, n bɔ'ɔrɩ vɔm n ka ba'asrɩ.