Kolɔsɩ 1:7 - Farefare Ninkaré

⁷ Yãma zãsʋm bõn-ẽŋa la A'epafrasɩ n de tõma tõntõn-tadãana tɩ tõma nõŋɛ la zẽ'am. A de la Azezi-krisi tõntõnna n de sɩra dãana tõnna bɔ'ɔra yãma.

ZE'ELEGO PAALEGA

⁷ Dina ti ya zamehɛ Epafaras zi'an, tu yameŋa tadaana, se'em ti tu nɔŋɛ la. A dela Kiresta yelemɛŋerɛ tuntuna ya zuo,

Kolɔsɩ 1:7 ပူးပေါင်းရင်းမြစ်များ

Amatie 18:29

Tɩ a tõntõn-tadãana la ka dũma tẽŋa a nẽŋam sose ẽ yetɩ, a ẽŋɛ sugri tɩ ẽŋa wʋn yɔ a sãnnɛ na.

Amatie 24:45

Azezi le yetɩ: «Ãne n de tõntõn-sõŋɔ n tarɩ yɛm? La de la ẽŋa tɩ a zuudãana wʋn yetɩ a bɩsra a yire yelle, bɔ'ɔra a tõntõnɩba dia wʋ lan masɛ, dee sẽŋɛ sore.

Amatie 25:21

Tɩ a zuudãana la yele ẽ yetɩ: ‹La ãn sõŋa. Fʋ de la tõntõn-sõŋɔ n de sɩra dãana. Fõn ẽŋɛ sɩra la sɛla fẽe tɩ mam bɔ fʋ la ĩyã, mam wʋn basɛ tɩ fʋ sɔna bõnɔ zozo'e bɩsra. Wa'am wa naagɛ la mam ẽŋɛ sũ-yẽlga.›

1 Korẽntɩ 4:17

Bɛla tɩ mam tõm Atimõtɩ ya zẽ'am. A de la mam bi-nõŋrɛ n de sɩra dãana Zuudãana doosgo la pʋam. Ẽŋa n wʋn tẽegɛ ya mam n vɔa se'em Krisi doosgo la pʋam, la de la bõn-bãma tɩ mam zãsnɩ Azezi nẽrba n lagsrɩ zẽ'a woo la.

1 Korẽntɩ 4:2

Ba sãn dɩkɛ tõonɛ ẽŋɛ nẽra nu'usum tɩ a bɩsra, ba boorɩ tɩ a dɛna la sɩra dãana.

1 Korẽntɩ 7:25

Mam yetɩ m tɔgɛ la sɛba n ka tarɩ sɩrba bɩɩ pɔgba la yelle, mam ka to'oge nõorɛ Zuudãana Azezi zẽ'am. La de la mam mẽŋa pʋtẽ'erɛ, la ya wʋn bɔ mam sɩra Zuudãana la n zoe mam ninbãalga la ĩyã.

2 Korẽntɩ 11:23

Ba yetɩ bãma de la Krisi tõntõnɩba, mam wʋn tɔgɛ wʋ mam yɛm n bɔɩ la, mam n de Krisi tõntõnna gãnna ba. Mam tõm nãmsɛ gãnna bãma mɛ. Ba kẽ'esɛ mam yʋ'a deem gãnna bãma mɛ, ba wẽ mam zo'oge gãnna bãma mɛ, nõorɛ zozo'e mam deege la m ki.

Efɛɛzɩ 5:21

Sakra-ya taaba, yãma n nã'asrɩ Krisi la ĩyã.

Filipi 2:25

Mam tẽ'esɛ tɩ la ãn sõŋa tɩ mam tõm tɩ sɔbia A'epafroditi n de mam tõntõn-tadãana n lagɩm na mam nãmsɛ la, tɩ a leme wa'am ya zẽ'am, ẽŋa tɩ ya daan tõm, tɩ a tarɩ sõŋrɛ wa'am wa bɔ mam m nãmsgɔ la pʋam.

Kolɔsɩ 4:12

A'epafrasɩ n de ya nẽra la pʋ'ʋsra ya. Ẽŋa n de Azezi-krisi tõntõnna la mõrgrɩ mɛ pʋ'ʋsra Nawẽnnɛ ya yelle ka basra tɩ ya ze'ele kãŋkãŋɛ, dɛna nẽrba n bɩ sɛla woo pʋam sakɛ Nawẽnnɛ n boorɩ se'em wuu.

Kolɔsɩ 4:7

La sãn dɛna mam yelle, tɩ sɔbi-nõŋrɛ Atisiki n de Zuudãana tõntõnna n de sɩra dãana, n lagɩm na mam tõnna Zuudãana tõoma la, wʋn yele ya mam yelle wuu.

Kolɔsɩ 4:9

Mam tõm na ẽŋa, la A'onezim n ze'ele yãma zẽ'am, a de la tɩ sɔbi-nõŋrɛ n de sɩra dãana. Ba wʋn yele ya bõn-sɛba wuu n ɩtɩ kalam.

1 Timoti 4:6

Pa'alɛ sɔbiisi la bɛla, tɩ fʋ wʋn dɛna Azezi-krisi tõntõn-sõŋɔ, n to'oge Nawẽnnɛ yetɔga tɩ fʋ bɔ sɩra la, tɩ a pa'asra fʋ pãŋa, dee dɔla zãsŋɔ n de sɩra la sõŋa.

2 Timoti 2:2

Mam n zãsʋm fʋ bõn-sɛba nẽrba zozo'e nẽŋam na, dɩkɛ ba zãsʋm nẽrba n de sɩra dõma n mẽ tã wʋn dɩkɛ ba zãsʋm nẽrba basɛba.

Afilmõ 1:23

A'epafrasɩ n lagɩm na mam bɔna yʋ'a deem Azezi-krisi yelle la pʋ'ʋsrɩ fɔ.

Hiburuduma 2:17

Bɛla n soe tɩ la daan masɛ tɩ a lebge nẽrsaala ãna wʋ a sɔbiisi la sɛla woo pʋam, tã'agɛ dɛna ba kãabgɔ kẽma nẽŋadãana n de ninbãal-zɔta, dee dɛna sɩra dãana Nawẽnnɛ tõoma pʋam. A ẽŋɛ la bɛla yese nẽrba tõon-be'ero, naagɛ ba la Nawẽnnɛ.

Hiburuduma 3:2

A de la sɩra dãana sɛka n looge ẽ na zẽ'am, wʋ Amoyisi n yʋʋn de sɩra dãana se'em Nawẽnnɛ nẽrba la pʋam na.