Kolɔsɩ 1:6 - Farefare Ninkaré

⁶ Kõ-yẽlga ẽŋa paagɛ yãma zẽ'am mɛ, wʋ ẽn paagɛ dũnia zẽ'esɩ wuu se'em na, la a ɩtɩ nẽrba sõŋa mɛ, tɩ ba sakra zozo'e, tɩ ba kãllɛ pa'asra. A mẽ ɩtɩ la bɛla yãma zẽ'am lan sẽŋɛ la daar-sɛka tɩ yãma wõm, dee bãŋɛ Nawẽnnɛ yel-sõnnɛ sɩra sɩra la.

ZE'ELEGO PAALEGA

⁶ n wa'am ya zi'an na la. Woo bumɔ en wani wala gee zɔ'ɔra se'em tiŋa wa zuo za'a se'em la, bala mɛa ti bu wuna wala ya puan, pɔhɛ daan se'ere daarɛ ti ya wum, gee bɔkɛ Yinɛ zu'uhegɔ la.

Kolɔsɩ 1:6 ပူးပေါင်းရင်းမြစ်များ

Amatie 24:14

Nawẽnnɛ so'olʋm kõ-yẽlga wʋn mõolɛ dũnia wuu mɛ, tɩ buuri wuu wõm, dee tɩ dũnia ba'asgɔ yãŋa paagɛ.

Amatie 28:19

Bɛla, sẽŋɛ-ya dũnia wuu ka botɩ nẽrba buuri wuu lebge mam karẽnbiisi. Mise-ya ba ko'om pʋam, la Sɔ Nawẽnnɛ, la a Dayʋa, la a Sɩa yʋ'ʋrɛ.

Amarkɩ 16:15

A yele bɛla, dee yele ba yetɩ: «Sẽŋɛ-ya dũnia zẽ'a woo ka mõolɛ Nawẽnnɛ kõ-yẽlga la bɔ nẽrba wuu.

Amarkɩ 4:8

Tɩ bõnbuuri basɛba lui zẽ'e-sõŋɔ pʋam bule yese, bɩ wɔm biɛ. Basɛba wɔm na biɛ pitã-tã, tɩ basɛba wɔm pisyoob-yoobɩ, tɩ basɛba wɔm kɔbga kɔbga.»

Azã 15:16

Dagɩ yãma n looge mam, mam n looge ya, dɩkɛ m tõonɛ na ẽŋɛ ya nu'usum tɩ ya sẽŋɛ ka tõm tõon-sõma wʋ tɩa n wɔnnɩ biɛ la, tɩ ya tõon-sõma la wʋn bɔna wakatɛ wuu. Bɛla, bõn-sɛka woo tɩ ya wʋn sose mam Sɔ la, la mam yʋ'ʋrɛ, a wʋn bɔ ya.

Azã 17:19

La bãma ĩyã tɩ mam welge m mẽŋa to'ore dɩkɛ m mẽŋa bɔ fõn, tɩ fõn sɩra la wʋn botɩ ba mẽ welge ba mẽŋa to'ore tara pʋpeelem dɛna fʋ nẽrba.

Azã 4:23

La wakatɛ sẽna, la a paam mɛ, tɩ sɛba n pʋ'ʋsrɩ Nawẽnnɛ sɩra sɩra la, wʋn pʋ'ʋsɛ ẽ la a Sɩa pãŋa, la sɩra. Tɩ Sɔ Nawẽnnɛ n boorɩ tɩ ba pʋ'ʋsra ẽ se'em n bɛla.

Tõoma 11:18

Ban wõm bɛla la, ba sĩm mɛ dee pẽgra Nawẽnnɛ yetɩ: «Bɛla, Nawẽnnɛ botɩ bu-zãŋsɩ mẽ yẽ sore mɛ tɩ ba teege yɛm basɛ tõon-be'ero yẽ yõvore.»

Tõoma 12:24

Tɩ Nawẽnnɛ yetɔga la daan saagɛ zẽ'a wuu, tɩ nẽrba zozo'e sakra yetɔga la pa'asra.

Tõoma 16:14

La pɔka ayɩla n daan boe mĩ pʋ'ʋsra Nawẽnnɛ, tɩ a yʋ'ʋrɛ dɛna Alidi, a ze'ele la Tiyatiiri. A daan koosrɩ la fu-sõma n de gomusga. Tɩ a sɛlsra tõma yetɔga la, tɩ Zuudãana botɩ a bãŋɛ Apolɩ yetɔga la võorɛ dee sakɛ.

Aromduma 1:13

M sɔbiisi, mam boorɩ mɛ tɩ ya bãŋɛ tɩ nõorɛ faa tɩ mam makɛ tɩ m wa'am ya zẽ'am. La gu'a n gu mam halɩ wa paam lɛɛlɛ wã. Mam boorɩ mɛ tɩ m wa'am tɩ m tõonɛ na tara yõorɔ yãma zẽ'am, wʋ ẽn tarɩ yõorɔ so'olʋm basɛba pʋam se'em na.

Aromduma 15:19

tɩ Nawẽnnɛ Sɩa pãŋa botɩ mam ẽŋɛ bõn-yãlma, la yel-kɩrsɩ n tarɩ pãŋa. Bɛla tɩ mam ze'ele Zerizalɛm mõolɛ Azezi-krisi kõ-yẽlga la wuu zẽ'esɩ wuu halɩ ka paagɛ Iliri so'olʋm.

Aromduma 15:28

Mam sãn tarɩ ligri la tɩ ba lagsɛ la sẽŋɛ ka bɔ ba kɩ'ɩlɩm, mam wʋn wa'am wa kaagɛ ya, dee tole Ɛspayẽ.

Aromduma 16:26

La lɛɛlɛ wã, Nawẽnnɛ nõtɔ'ɔsrɩba gõnnɔ na yãŋa botɩ a puke mɛ, wʋ Nawẽnnɛ n ka tarɩ ba'asgɔ n bɔ nõorɛ se'em na. A botɩ so'olʋm buuri wuu nẽrba bãŋɛ ẽ mɛ, tɩ ba wʋn bɔ ẽ sɩra, sakɛ ẽ.

2 Korẽntɩ 10:14

Tõma ka yõsgɛ tɩ beene wʋ tõma ka wa'am na yãma zẽ'am na, tõma n de pɔspɔsɩ nẽrba n wa'am yãma zẽ'am wa mõolɛ Krisi kõ-yẽlga la.

2 Korẽntɩ 6:1

Tõma n lagɩm na Nawẽnnɛ tõnna la ĩyã, tõma sosrɩ ya mɛ tɩ ya da basɛ tɩ yel-sõnnɛ na tɩ ya to'oge Nawẽnnɛ zẽ'am na dɛna zãŋa.

Efɛɛzɩ 3:2

Mam tẽ'esɛ tɩ ya wõm tɩ Nawẽnnɛ dɩkɛ a yel-sõnnɛ kõ-yẽlga la ẽŋɛ la mam nu'usum tɩ m tɔgɛ bɔ yãma.

Efɛɛzɩ 4:21

Yãma n wõm Azezi-krisi yelle, dee tɩ ba zãsʋm yãma n de a nẽrba sɩra n ze'ele a zẽ'am na,

Efɛɛzɩ 4:23

Basɛ-ya tɩ Nawẽnnɛ Sɩa teege ya pʋtẽ'era tɩ ya lebge paalsɩ.

Efɛɛzɩ 5:9

Peelem tõoma de la sɛla woo n ãn sõŋa, la sɛla n masɛ, la sɩra.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Filipi 4:17

La dagɩ tɩ mam eerɩ la bɔ'a, mam n boorɩ sɛla de la ya yẽ yɔɔrɔ zo'oge.

Kolɔsɩ 1:10

Tɩ ya yel-ɩrɛ wʋn masɛ wʋ Zuudãana la n boorɩ se'em, tɩ la paagɛ a yɛm sɛla woo pʋam. Tɩ ya wʋn tõm tõon-sõma buuri wuu, dee bãŋɛ Nawẽnnɛ pa'asɛ.

Kolɔsɩ 1:23

Bɛla, dẽnɩ tɩ ya ken bɔ sɩra zɛ kãŋkãŋɛ, da basɛ tɩ sɛla zãagɛ ya la kõ-yẽlga la tɩ ya wõm tara pʋtẽ'erɛ gu'ura sɛla la. La de la kõ-yẽlga ẽŋa tɩ ba mõolɛ bɔ nẽrsaalba wuu n boe dũnia zuo la. Mam Apolɩ de Nawẽnnɛ tõntõnna tɩ m mõolɛ la kõ-yẽl-ẽŋa.

1 Tesaloniki 1:5

Tõma n daan tarɩ kõ-yẽlga la wa'am wa mõolɛ bɔ ya la, la ka de yetɔga mã'a, la de la Nawẽnnɛ Sɩa pãŋa. La tõma daan mi tɩ tõma n tɔgɛ se'em na de la sɩra. Yãma mi tõma n daan boe ya zẽ'am na, tõma n vɔa se'em yãma sõŋrɛ ĩyã.

1 Tesaloniki 2:13

Tõma n daan mõolɛ Nawẽnnɛ kõ-yẽlga la bɔ ya la, ya daan to'oge ẽ, sakɛ tɩ la de la kõ-yẽlga n ze'ele Nawẽnnɛ zẽ'am, a ka ze'ele nẽrsaalba zẽ'am. Asɩra, la de la Nawẽnnɛ yetɔga n boe yãma sɛba n bɔ sɩra la sũure pʋam tõnna. Bɛla tɩ tõma pʋ'ʋsra Nawẽnnɛ wakatɛ wuu bõn-ẽŋa ĩyã.

2 Tesaloniki 2:13

La ãn sõŋa tɩ tõma pʋ'ʋsra Nawẽnnɛ a yel-sõnnɛ wakatɛ wuu yãma n de tɩ sɔbiisi tɩ tɩ Zuudãana nõŋɛ la ĩyã. Se'ere n soe la, Nawẽnnɛ looge ya la halɩ pɔspɔsɩ, tɩ a Sɩa botɩ ya dɛna a nẽrba tara pʋpeelem, dee sakɛ sɩra yẽ fãarɛ.

1 Pita 5:12

Mam botɩ Asilvẽ n gʋlsɛ gõn-pɩka wã, ẽŋa n de sɔbia tɩ mam bɩsɛ tɩ a de sɩra dãana. Mam gʋlsɛ gõŋɔ wã tɩ m bɔ ya la bʋraanɛ, dee botɩ ya bãŋɛ tɩ yel-sõnnɛ na tɩ ya tarɩ la, de la Nawẽnnɛ yel-sõnnɛ mẽŋa mẽŋa pʋam tɩ ya boe.