Kolɔsɩ 1:5 - Farefare Ninkaré

⁵ yãma n tarɩ pʋtẽ'erɛ gu'ura sɛla tɩ Nawẽnnɛ bĩŋe a yire gu'ura tɩ a bɔ ya la ĩyã. La de la yãma n dẽŋɛ wõm sɩra yetɔga n de Nawẽnnɛ kõ-yẽlga la, n botɩ yãma tara pʋtẽ'erɛ ẽŋa.

ZE'ELEGO PAALEGA

⁵ beere putɛ'se'ere en boi saazuo gura ya la zuo. Ya pun tabelɛ wum beere putɛ' dina wa yele mɛ, gee baŋɛ wum yelemɛŋerɛ yelehum en de faarɛ yelehum la,

Kolɔsɩ 1:5 ပူးပေါင်းရင်းမြစ်များ

Aluki 12:33

Koose-ya yãma n tarɩ sɛla la dɩkɛ ligri la bɔ nasdõma. Ya sãn ẽŋɛ bɛla, ya eerɩ la bõntarsõm n ka sã'anɩ. Ɛ-ya bõntarsõm tɩ ba bɔna Nawẽnnɛ yire wakatɛ wuu, bilam tɩ nayigba kãn tã'agɛ zũ, tɩ bõn-mõgla mẽ kãn tã'agɛ sã'am ba.

Tõoma 10:36

Tɔ. Ya mi tɩ Nawẽnnɛ tõm a yetɔga la bɔ la Ɩsrayɛlɩ dõma, a de la kõ-yẽlga n pa'alɩ tɩ tɩ wʋn tara sũ-mã'asʋm la Nawẽnnɛ Azezi-krisi ĩyã, ẽŋa n de nẽrsaalba wuu Zuudãana.

Tõoma 13:26

M sɔbiisi, yãma n de Abraham yɩɩsɩ, la yãma sɛba n po nanna Nawẽnnɛ, la de la tõma ĩyã tɩ Nawẽnnɛ tõm fãarɛ kõa wã.

Tõoma 23:6

Tɩ Apolɩ bãŋɛ tɩ sarɩyaditba la basɛba de la Saduse dõma, dee tɩ basɛba mẽ dɛna Farisi dõma, tɩ a tɔgɛ ke'enke'em yele ba wuu yetɩ: «M sɔbiisi, mam de la Farisi nẽra, mam sɔ de la Farisi mẽŋa mẽŋa. Mam n tarɩ pʋtẽ'erɛ tɩ sɛba n kiiri la wʋn le vo'oge mɛ na, bɛla ĩyã tɩ ba sãm mam.»

Tõoma 24:15

Mam tarɩ pʋtẽ'erɛ la Nawẽnnɛ wʋ bãma n tarɩ pʋtẽ'erɛ se'em na, tɩ nẽrba wuu, nẽr-sõma la nẽr-bɛ'ɛsɩ wʋn vo'oge mɛ.

Aromduma 10:8

Bɛla, la ken gʋlsɛ yetɩ bẽm? La yetɩ: «Nawẽnnɛ yetɔga la lɛm fʋ mɛ, a boe la fʋ nõorʋm, la fʋ sũurum.» La de la yetɔg-ẽŋa n bɛla tɩ tõma mõolɩ yɛta nẽrba tɩ ba bɔ sɩra.

1 Korẽntɩ 13:13

Bɛla, bõn-bãna batã n boe wakatɛ wuu: La de la bɔ sɩra, la tɩ tara pʋtẽ'erɛ gu'ura sɛla tɩ tɩ bɔ sɩra la, la nõŋlʋm. La bõn-bãna batã pʋam, nõŋlʋm n gãnnɩ ba wuu.

1 Korẽntɩ 15:19

Tõma n tarɩ pʋtẽ'erɛ la Krisi la sãn dɛna la tõma n vɔa dũnia wã zuo mã'a ĩyã, tõma n yi de ninbãal-dõma gãnna nẽrsaalba wuu.

2 Korẽntɩ 5:19

Tõma n yetɩ se'em na, la de la Nawẽnnɛ n botɩ Krisi botɩ dũnia dõma la ẽŋa naagɛ taaba, dee ka geele ba tõon-be'ero. Dee bɔ tõma yetɔga tɩ tɩ tɔgɛ naarɛ yelle bɔ nẽrba.

2 Korẽntɩ 6:7

Tõma tɔgrɩ la sɩra yetɔga la Nawẽnnɛ pãŋa. Tõma n ɩtɩ sɛla n masɛ la n de tõma zɛbrɛ lɔgrɔ tɩ tõma tarɩ zɛbra dee gu'ura tɩ mẽŋa.

Galatɩ 2:14

La mam n daan yẽ tɩ ban ɩtɩ se'em na ka masɛ wʋ kõ-yẽlga la sɩra n de se'em na ĩyã, mam daan yele Apɩyɛɛrɩ ba wuu nẽŋam yetɩ: «Fõn de Zifu dee daan vɔa wʋ bu-zãŋsɩ n vɔa se'em na, fõn wʋn ẽŋɛ la wãne mõrgra bu-zãŋsɩ la tɩ ba vɔa wʋ Zifdõma?»

Galatɩ 2:5

Tõma daan ka sakɛ ban boorɩ se'em na baa fẽfẽe, tɩ kõ-yẽlga n de sɩra la wʋn ken bɔna yãma ĩyã.

Galatɩ 5:5

La sãn dɛna tõma, la de la tõma n bɔ Krisi sɩra la, tɩ Nawẽnnɛ Sɩa basɛ tɩ tõma tara pʋtẽ'erɛ gu'ura tɩ a wa basɛ tɩ tɩ masɛ a zẽ'am.

Efɛɛzɩ 1:13

Yãma n mẽ wõm sɩra kõ-yẽlga la, n basɛ tɩ ya bɔ Krisi sɩra yẽ fãarɛ, ẽŋa ĩyã tɩ Nawẽnnɛ bɔ ya a Sɩa wʋ ẽn bĩŋe nõorɛ se'em na, Sɩa ẽŋa de la dãalgɔ pa'alɛ tɩ ya de la a nẽrba.

Efɛɛzɩ 4:21

Yãma n wõm Azezi-krisi yelle, dee tɩ ba zãsʋm yãma n de a nẽrba sɩra n ze'ele a zẽ'am na,

Kolɔsɩ 1:23

Bɛla, dẽnɩ tɩ ya ken bɔ sɩra zɛ kãŋkãŋɛ, da basɛ tɩ sɛla zãagɛ ya la kõ-yẽlga la tɩ ya wõm tara pʋtẽ'erɛ gu'ura sɛla la. La de la kõ-yẽlga ẽŋa tɩ ba mõolɛ bɔ nẽrsaalba wuu n boe dũnia zuo la. Mam Apolɩ de Nawẽnnɛ tõntõnna tɩ m mõolɛ la kõ-yẽl-ẽŋa.

Kolɔsɩ 1:27

Nawẽnnɛ n boorɩ tɩ a basɛ tɩ a nẽrba la bãŋɛ yel-ẽŋa n daan sʋgɛ la na'am pãŋa n ãn sõŋa zo'oge se'em bu-zãŋsɩ tẽŋasʋka. Yel-ẽŋa n sʋgɛ la de la Krisi boe la ya lɛ, botɩ ya wʋn yẽ na'am pãŋa tɩ ya tarɩ pʋtẽ'erɛ gu'ura la a zẽ'am.

Kolɔsɩ 3:16

Basɛ-ya tɩ Krisi yetɔga la bɔna la ya lɛ sõŋa sõŋa. Tɩ ya tara yɛm zozo'e zãsna taaba, dee kã'ana taaba. Yõona-ya Nawẽnnɛ yõoma, yõona-ya yõom-sõma buuri wuu tɩ Nawẽnnɛ Sɩa bɔ ya la ya sũure wuu, pʋ'ʋsra Nawẽnnɛ a yel-sõnnɛ.

1 Tesaloniki 2:13

Tõma n daan mõolɛ Nawẽnnɛ kõ-yẽlga la bɔ ya la, ya daan to'oge ẽ, sakɛ tɩ la de la kõ-yẽlga n ze'ele Nawẽnnɛ zẽ'am, a ka ze'ele nẽrsaalba zẽ'am. Asɩra, la de la Nawẽnnɛ yetɔga n boe yãma sɛba n bɔ sɩra la sũure pʋam tõnna. Bɛla tɩ tõma pʋ'ʋsra Nawẽnnɛ wakatɛ wuu bõn-ẽŋa ĩyã.

2 Tesaloniki 2:16

Tõma pʋ'ʋsrɩ tɩ Zuudãana Azezi-krisi, la tɩ Sɔ Nawẽnnɛ n nõŋɛ tɔ dee ẽŋɛ tɩ yel-sõnnɛ bɔ tɔ bʋraanɛ n ka ba'asrɩ, dee botɩ tɩ tara pʋtẽ'erɛ gu'ura bõn-sõma sɛba tɩ tɩ sakɛ la.

1 Timoti 1:15

Yetɔg-sɛka tɩ mam yetɩ m tɔgɛ wã de la sɩra, la a masɛ mɛ tɩ nẽra woo to'oge ẽ sõŋa: «Azezi-krisi wa'am dũnia zuo wa fãagɛ la tõon-be'ero dõma.» La mam n de tõon-be'ero dãana gãnna ba wuu.

2 Timoti 4:8

Lɛɛlɛ wã, tã'arɛ yɔɔrɔ gã mɛ gu'ura mam, tɩ Zuudãana n diti sarɩya wʋ lan masɛ la, wʋn dɩkɛ bɔ mam daarɛ ẽŋa daarɛ. La, la dagɩ mam mã'a, la de la nẽr-sɛba wuu n nõŋɛ ẽ bɔɔra tɩ a leme wa'am na.

Taitusi 1:2

Tɩ tarɩ pʋtẽ'erɛ tɩ tɩ wʋn yẽ la vɔm n ka ba'asrɩ, tɩ Nawẽnnɛ n dagɩ põmpɔrma la daan bĩŋe nõorɛ halɩ tɩ dũnia nãn ka nãam.

Hiburuduma 7:19

Se'ere n soe la, Amoyisi lɔɔ la ka tã'agɛ basɛ tɩ sɛla sɛla masɛ wʋ Nawẽnnɛ n boorɩ se'em na. La lɛɛlɛ wã, Nawẽnnɛ ẽŋɛ la so-paalɛ, tɩ tõma n tarɩ pʋtẽ'erɛ gu'ura sɛla n ãn sõŋɔ gãnna la basɛ tɩ tõma lɛnna Nawẽnnɛ.

1 Pita 2:2

Nõŋɛ-ya Nawẽnnɛ yetɔga wʋ bilɛɛsɩ n nõŋɛ ba ma bĩ'isum mã'a la. Tɩ a wʋn basɛ tɩ ya bɩ Azezi-krisi sore doosgo la pʋam, yẽ fãarɛ.

1 Pita 3:15

Nã'asra-ya Krisi ya sũure pʋam, basɛ-ya tɩ a dɛna ya Zuudãana. Mãasʋm-ya wakatɛ wuu lɛrgra nẽr-sɛka woo n sokrɩ ya, bɔɔra tɩ a bãŋɛ yãma n tarɩ pʋtẽ'erɛ gu'ura sɛla la yelle n ãn se'em na.

2 Pita 1:12

La de la bɛla ĩyã tɩ mam tẽera ya bõn-bãna wakatɛ wuu, baa la yãma n põn mina ba, la yãma n ze kãŋkãŋɛ sɩra la tɩ ya to'oge la pʋam na.

1 Zã 3:3

Nẽr-sɛka woo n tarɩ pʋtẽ'erɛ gu'ura bõn-ẽŋa Krisi ĩyã, malgrɩ a mẽŋa mɛ dɛna pʋpeelem dãana, wʋ Azezi-krisi mẽŋa n de pʋpeelem dãana se'em na.