Kolɔsɩ 1:4 - Farefare Ninkaré

⁴ Tõma wõm ban tɔgrɩ yãma n bɔ Azezi-krisi sɩra, dee nõŋɛ Nawẽnnɛ nẽrba wuu se'em,

ZE'ELEGO PAALEGA

⁴ se'ere en sɔi la, tumam wum ya sakerɛ en ani se'em Kiresta Yezu puan, la nɔŋerɛ se'ere ti ya tara bɔ'ɔra nɛresunduma la za'a la,

Kolɔsɩ 1:4 ပူးပေါင်းရင်းမြစ်များ

2 Korẽntɩ 7:7

La dagɩ a wa'aŋɔ la mã'a ĩyã, la de la ẽn wa'am wa yele tõma yãma n bɔ ẽŋa bʋraanɛ se'em na ĩyã. A yele tõma la yãma n boorɩ tɩ ya le yẽ mam zo'oge se'em, dee yele mam yãma sũ-sã'aŋɔ, la yãma n wɩsgɛ ya mẽŋa mam ĩyã se'em. Bɛla n soe tɩ mam sũ-yẽlga le zo'oge pa'asɛ.

Galatɩ 3:26

Yãma n bɔ Azezi-krisi sɩra la, ya wuu de la Nawẽnnɛ kɔma.

Galatɩ 3:28

Yãma n lagɩm na Krisi la, bɔkrɛ ka le bɔna tɩ fʋ de la Zifu, bɩɩ bu-zãŋka, yamŋa bɩɩ nẽra n soe a mẽŋa, pɔka bɩɩ bʋraaga, ya wuu de la ayɩla.

Galatɩ 5:6

Azezi-krisi doosgo la pʋam, fʋ sãn wã, bɩɩ fʋ sãn ka wã, la ka tarɩ võorɛ, sɛla n tarɩ yõorɔ de la fʋ bɔ Azezi sɩra tõnna la nõŋlʋm.

Efɛɛzɩ 1:15

Bɛla n soe tɩ mam n wõm yãma n bɔ tɩ Zuudãana Azezi sɩra, la yãma n tarɩ nõŋlʋm la Nawẽnnɛ nẽrba wuu se'em na,

Efɛɛzɩ 6:18

Pʋ'ʋsra-ya Nawẽnnɛ sɛla woo pʋam, pʋ'ʋsra-ya dee sɔsra ẽ wakatɛ wuu la a Sɩa pãŋa. Nargɛ-ya pãŋa pʋ'ʋsra Nawẽnnɛ nẽrba wuu ĩyã da basɛ.

Kolɔsɩ 1:9

Bɛla tɩ lan sẽŋɛ la daar-sɛka tɩ tõma wõm yãma yelle la, tɩ tõma pʋ'ʋsra Nawẽnnɛ yãma ĩyã wa paam lɛɛlɛ wã. Tõma sosrɩ ẽ tɩ a botɩ ya bãŋɛ ẽŋa n boorɩ se'em sõŋa sõŋa, la ya tara yɛm, la bãŋrɛ wuu tɩ Nawẽnnɛ Sɩa bɔ'ɔrɩ.

1 Tesaloniki 1:3

Tõma tẽrɩ ya yelle tɩ Sɔ Nawẽnnɛ nẽŋam, yãma n bɔ sɩra tõnna se'em, la yãma n tarɩ nõŋlʋm tõnna zozo'e se'em, dee ken tẽra yãma n tarɩ pʋtẽ'erɛ gu'ura sɛla tɩ ya bɔ sɩra, zɛ kãŋkãŋɛ tɩ Zuudãana Azezi-krisi doosgo pʋam ka bigsra la yelle.

1 Tesaloniki 3:6

La lɛɛlɛ wã tɩ Atimõtɩ ze'ele ya zẽ'am leme wa'am, a tarɩ la kõ-yẽlga wa bɔ tõma, a pa'alɛ tõma la yãma n bɔ sɩra se'em, la yãma n tarɩ nõŋlʋm se'em, dee yetɩ ya ken tẽ'esra tõma yelle mɛ sõŋa sõŋa bɔɔra tɩ ya yẽ tõma, wʋ tõma n boorɩ tɩ tɩ yẽ yãma se'em na.

2 Tesaloniki 1:3

M sɔbiisi, tõma masɛ mɛ tɩ tɩ pʋ'ʋsra Nawẽnnɛ daarɛ woo a yel-sõnnɛ yãma ĩyã. La ãn sõŋa mɛ tɩ tõma ɩta bɛla, se'ere n soe la, yãma n bɔ Azezi sɩra la sẽnnɩ nẽŋa mɛ zozo'e, tɩ yãma nẽra woo nõŋlʋm taaba ĩyã pa'asra.

Afilmõ 1:5

Se'ere n soe la, mam wõm ban tɔgrɩ fõn bɔ tɩ Zuudãana Azezi sɩra se'em, la fõn tarɩ nõŋlʋm Nawẽnnɛ nẽrba la wuu ĩyã se'em.

Hiburuduma 6:10

Nawẽnnɛ de la sɩra dãana, a kãn yĩm ya tõoma, la yãma n pa'alɛ tɩ yãma nõŋɛ ẽ mɛ, tõm bɔ a nẽrba, dee ken tõnna bɔ'ɔra ba lɛɛlɛ wã.

1 Zã 3:14

Tõma mi mɛ tɩ tõma ze'ele la kũm pʋam yese bɔna vɔm pʋam, tõma n nõŋɛ tɩ sɔbiisi la ĩyã. Nẽr-sɛka n ka nõŋɛ a sɔbia ken bɔna la kũm pʋam.

1 Zã 3:23

Ẽŋa n bɔ a nõorɛ se'em n wãna: La de la tɩ bɔ a Dayʋa Azezi-krisi sɩra, dee nõŋɛ taaba wʋ ẽŋa n bɔ tɩ a nõorɛ se'em na.

1 Zã 4:16

La tõma mi mɛ, dee bɔ sɩra tɩ Nawẽnnɛ nõŋɛ tõma mɛ. Nawẽnnɛ de la nõŋlʋm dãana. Nẽr-sɛka n tarɩ Nawẽnnɛ nõŋlʋm boe la Nawẽnnɛ lɛ, tɩ Nawẽnnɛ mẽ bɔna la ẽ.