Kolɔsɩ 1:28 - Farefare Ninkaré

²⁸ La de la ẽŋa yelle tɩ tõma mõolɩ, kã'ana nẽra woo, dee zãsna nẽra woo la yɛm tɩ tɩ botɩ nẽra woo masɛ sɛla woo pʋam Krisi doosgo pʋam ka ze'ele Nawẽnnɛ nẽŋam.

ZE'ELEGO PAALEGA

²⁸ La dela eŋa ti tu muula wa, ka'ana nɛra woo gee pa'ala nɛra woo yɛm puan, ti tu wan bi'ihɛ nɛra woo Kiresta puan.

Kolɔsɩ 1:28 ပူးပေါင်းရင်းမြစ်များ

Amatie 28:20

La ya zãsʋm ba tɩ ba sakɛ bõn-sɛba wuu tɩ mam bɔ ya nõorɛ tɩ ya ɩta la. La bãŋɛ-ya tɩ mam boe la ya mɛ wakatɛ wuu, halɩ tɩ la ka paagɛ dũnia ba'asgɔ.»

Amatie 3:7

La Azã yẽ la Farisi dõma, la Saduse dõma zozo'e n sẽm a zẽ'am tɩ a mise ba ko'om pʋam, tɩ a yele ba yetɩ: «Yãma ãn wʋ kãmpẽesɩ buuri, ãne n pa'alɛ ya tɩ ya tã wʋn zoe põsɛ Nawẽnnɛ sɩbgrɛ n sẽm na?

Amatie 5:48

Bɛla, dɛna-ya nẽrba tɩ ya ɩrgɔ wuu wʋn masɛ, wʋ ya Sɔ Nawẽnnɛ n boe saazuum ɩrgɔ wuu n masɛ se'em na.»

Amarkɩ 6:34

Tɩ Azezi paagɛ ze'ele õorŋɔ la zuo sige, yẽ nẽr-kʋʋŋɔ la, tɩ ba ninbãalga yõkɛ ẽ, se'ere n soe la, ba ãn wʋ piisi n ka tarɩ dũnsĩina. Tɩ a daan zãsna ba yɛla zozo'e.

Aluki 21:15

Mam mẽŋa wʋn bɔ ya yɛm tɩ ya tɔgɛ tɩ ya bɛ'ɛba kãn yãŋɛ lerge sɩ'ɩsɛ ya yetɔga.

Tõoma 10:36

Tɔ. Ya mi tɩ Nawẽnnɛ tõm a yetɔga la bɔ la Ɩsrayɛlɩ dõma, a de la kõ-yẽlga n pa'alɩ tɩ tɩ wʋn tara sũ-mã'asʋm la Nawẽnnɛ Azezi-krisi ĩyã, ẽŋa n de nẽrsaalba wuu Zuudãana.

Tõoma 11:20

La ba bʋraasɩ basɛba daan ze'ele la Sipri, la Sirɛnɩ so'olʋm sẽŋɛ Antɩyɔsɩ mẽ ka mõolɛ bu-zãŋsɩ, tɔgɛ Zuudãana Azezi kõ-yẽlga la bɔ ba.

Tõoma 13:38

Bɛla, m sɔbiisi, yãma masɛ tɩ ya bãŋɛ tɩ la de la Azezi ĩyã tɩ tõma mõolɛ pa'alɛ yãma tɩ Nawẽnnɛ wʋn basɛ tõon-be'ero taalɛ. Se'ere n soe la, Amoyisi lɔɔ yʋʋn ka tã wʋn basɛ tɩ ya yelle masɛ Nawẽnnɛ zẽ'am,

Tõoma 17:18

Tɩ bãŋrɩba daan bɔna mĩ tɔgra la Apolɩ, basɛba dolɩ la A'epikiri zãsŋɔ, dee tɩ basɛba dɔla Astoyisi zãsŋɔ. Tɩ nẽrba basɛba soke yetɩ: «Yetɔg-tɔgsa wã boorɩ tɩ a yetɩ bẽm?» Tɩ basɛba yetɩ: «La ãn wʋ a mõolɩ la wẽn-paalsɩ yelle la.» Se'ere n soe la, Apolɩ mõolɩ la Azezi kõ-yẽlga, la kũm vo'ore yelle.

Tõoma 17:3

A tɔgɛ pa'ala ba yetɩ, la masɛ mɛ tɩ Krisi nãmsɛ ki dee vo'oge. Dee yetɩ: «Azezi tɩ mam mõolɩ a yelle bɔ'ɔra ya wã de la Krisi la.»

Tõoma 20:31

Bɛla ĩyã, guuse-ya ya mẽŋa, dee tẽra tɩ yʋʋma atã, mam kã'an ya nẽra woo wʋntɛɛŋa la yʋ'ʋŋɔ mɛ, la nintãm ka basɛ.

Tõoma 3:20

dee bɔ ya sũ-mã'asʋm, dee tõm Krisi tɩ a daan põn dẽŋɛ looge la bɔ ya. Ẽŋa n de Azezi.

Tõoma 5:42

La daarɛ woo ba boe la Wẽnde-kãtʋm na, la ba yiɛ pʋam, ken zãsna nẽrba, dee mõola Azezi kõ-yẽlga yetɩ, ẽŋa n de Krisi tɩ Nawẽnnɛ tõm.

Tõoma 8:35

Tɩ Afilipi yãŋa dɩkɛ Nawẽnnɛ gõŋɔ la zẽ'e-sɛka tɩ a karẽŋɛ la pa'alɛ a võorɛ, dee doose bilam tɔgɛ Azezi kõ-yẽlga bɔ ẽ.

Tõoma 8:5

Afilipi daan sẽŋɛ la Samaari tẽŋa ayɩla pʋam ka mõolɛ Krisi kõ-yẽlga la bɔ ba.

Tõoma 9:20

darɛ kẽ Zifdõma wẽndetʋm mõola Nawẽnnɛ yetɔga yetɩ, Azezi de la Nawẽnnɛ Dayʋa.

Aromduma 16:25

Pẽgɛ-ya Nawẽnnɛ, ẽŋa n tã wʋn botɩ ya ze'ele kãŋkãŋɛ, wʋ kõ-yẽlga la tɩ mam mõolɛ pa'alɛ ya Azezi-krisi yelle, botɩ ya bãŋɛ Nawẽnnɛ yelle n sʋgɛ la. Yel-ẽŋa sʋgɛ mɛ halɩ yʋʋma yʋʋma.

1 Korẽntɩ 1:23

Tõma nõo mõolɩ la Krisi n ki kũm dɔ-puurŋa zuo la kõ-yẽlga, kõ-yẽlga ẽŋa tɩ Zifdõma dɩkɛ tɩ a dɛna pɔ'ɔrɛ yetɔga, tɩ sɛba n dagɩ Zifdõma la dɩkɛ tɩ la dɛna yalnɛ.

1 Korẽntɩ 1:30

La Nawẽnnɛ n basɛ tɩ ya lagɩm na Azezi-krisi dɛna ayɩla la, ẽŋa ĩyã tɩ tɩ tara Nawẽnnɛ yɛm, dee masɛ Nawẽnnɛ nẽŋam, welge to'ore lebge a nẽrba n yese tõon-be'ero pʋam.

1 Korẽntɩ 12:8

Sɩa la bɔ'ɔrɩ nẽra ayɩla la bɔ'a tɩ a tɔgra yɛm yetɔga, la Sɩa ẽŋa ayɩla n bɔ'ɔrɩ nẽra ayẽma bɔ'a tɩ a tɔgra bãŋrɛ yetɔga.

1 Korẽntɩ 15:12

Tõma n mõolɩ tɩ Krisi ki mɛ dee vo'oge la, wãne tɩ ya nẽrba basɛba yetɩ, sɛba n ki la kãn vo'oge?

1 Korẽntɩ 2:15

Nẽr-sɛka tɩ Nawẽnnɛ Sɩa boe la ẽ lɛ n tã wʋn bãŋɛ sɛla woo n ãn se'em bɔkɛ. La nẽra ka tã wʋn bãŋɛ ẽŋa dãana yelle bɔkɛ.

1 Korẽntɩ 2:6

La baa bɛla, tõma tɔgrɩ la yɛm yetɔga bɔ'ɔra sɛba n bɩ Nawẽnnɛ sore la doosgo pʋam. La dagɩ dũnia wã yɛm, la mẽ ka de sɛba n soe dũnia wã yɛm. Bãma wʋn lebge la zãŋa.

1 Korẽntɩ 4:14

Mam ka gʋlsɛ wãna bɔ ya tɩ m botɩ yãnnɛ yõkɛ ya, mam yetɩ m kã'an ya mɛ wʋ m kɔma tɩ m nõŋɛ la.

2 Korẽntɩ 10:14

Tõma ka yõsgɛ tɩ beene wʋ tõma ka wa'am na yãma zẽ'am na, tõma n de pɔspɔsɩ nẽrba n wa'am yãma zẽ'am wa mõolɛ Krisi kõ-yẽlga la.

2 Korẽntɩ 11:2

Mam ɩtɩ la sũure yãma ĩyã, la sũure ẽŋa ze'ele la Nawẽnnɛ zẽ'am. Se'ere n soe la, mam yetɩ m dɩkɛ ya bɔ la Krisi mã'a, mam boorɩ tɩ ya tara la ya mẽŋa sõŋa tɩ m dɩkɛ ya bɔ ẽ wʋ pugla n nãn ka mi bʋraaga tɩ ba dɩkɛ bɔ sɩra.

2 Korẽntɩ 4:5

La dagɩ tõma mẽŋa yelle tɩ tõma mõolɩ, la de la Azezi-krisi n de Zuudãana la kõa tɩ tõma mõolɩ. La sãn dɛna tõma, tõma de la yãma tõntõnɩba Azezi ĩyã.

Efɛɛzɩ 3:8

Mam n de nẽra n pɔ'ɔgɛ Nawẽnnɛ nẽrba la wuu pʋam, la bɛla wuu Nawẽnnɛ ẽŋɛ la mam yel-sõn-ẽŋa tɩ m mõolɛ Krisi kõ-yẽlga la bɔ bu-zãŋsɩ tɩ ba bãŋɛ bõn-sõma n zo'oge gãŋɛ tɩ nẽrba ka tãna wʋn bãŋɛ ba'asɛ la,

Efɛɛzɩ 5:27

Tɩ ba da tara dẽgrɔ, la be'em, la sɛla n ka ãn sõŋa, ba tara pʋpeelem ka tara dõrga, tɩ a wʋn tarɩ ba sẽŋɛ a zẽ'am la nã'asgɔ.

Kolɔsɩ 1:22

La lɛɛlɛ wã, Nawẽnnɛ naagɛ ya mɛ la ẽŋa, a Dayʋa n lebge nẽrsaala ki la ĩyã, tɩ a tarɩ ya sẽŋɛ ka ze'ele Nawẽnnɛ nẽŋam la pʋpeelem, tɩ ya ka tara yelle, tɩ dõrga kana.

Kolɔsɩ 2:10

La yãma n lagɩm na ẽ na, ya tarɩ sɛla woo mɛ tɩ la seke. Ẽŋa n de kɛ'ɛndõma, la pãnsɩ dõma wuu Zuudãana.

Kolɔsɩ 2:3

La de la ẽŋa n tarɩ yɛm la bãŋrɛ wuu n sʋgɛ n tarɩ yõorɔ zozo'e.

Kolɔsɩ 3:16

Basɛ-ya tɩ Krisi yetɔga la bɔna la ya lɛ sõŋa sõŋa. Tɩ ya tara yɛm zozo'e zãsna taaba, dee kã'ana taaba. Yõona-ya Nawẽnnɛ yõoma, yõona-ya yõom-sõma buuri wuu tɩ Nawẽnnɛ Sɩa bɔ ya la ya sũure wuu, pʋ'ʋsra Nawẽnnɛ a yel-sõnnɛ.

Kolɔsɩ 4:12

A'epafrasɩ n de ya nẽra la pʋ'ʋsra ya. Ẽŋa n de Azezi-krisi tõntõnna la mõrgrɩ mɛ pʋ'ʋsra Nawẽnnɛ ya yelle ka basra tɩ ya ze'ele kãŋkãŋɛ, dɛna nẽrba n bɩ sɛla woo pʋam sakɛ Nawẽnnɛ n boorɩ se'em wuu.

1 Tesaloniki 4:6

Yel-ẽna pʋam, nẽra da kãn tõm a tadãana sɛla n ka ãn sõŋa, bɩɩ fã sɛla n de a bõnɔ. Tɩ daan põn dẽŋɛ yele ya, dee kã'an ya mɛ, tɩ Zuudãana wʋn sɩbgɛ sɛba n tõnnɩ tõon-be'ero bãma mɛ.

1 Timoti 3:16

Tɩ wuu mi tɩ Nawẽnnɛ sɩra n daan sʋgɛ tɩ a dɩkɛ pa'alɛ tɔ a doosgo pʋam na, de la bõn-kãtɛ. Bõn-kãtɛ ẽŋa de la: Krisi n daan lebge nẽrsaala. Tɩ Nawẽnnɛ Sɩa pa'alɛ tɩ a de la sɩra dãana. Tɩ malɛkadõma bɩsɛ ẽ. Tɩ ba mõolɛ a yelle buuri wuu tẽŋasʋka. Tɩ nẽrba bɔ ẽ sɩra. Tɩ Nawẽnnɛ zẽkɛ ẽ la na'am pãŋa sẽŋɛ a yire.

1 Timoti 3:2

La dẽnɩ tɩ nẽŋadãana dɛna nẽra n ka tarɩ dõrga, la a dɛna pɔg-yẽŋa dãana, la a dɛna nẽra n tarɩ a mẽŋa sõŋa, dee tara pʋtẽ'e-sõŋɔ, a dɛna nẽra tɩ ba nannɩ, la a dɛna nẽra n ɩtɩ nẽrba sãanɔ, dee tãna wʋn zãsʋm nẽrba.

Hiburuduma 10:14

Bɛla, kãabgɔ bʋyɩla la mã'a tɩ a welge nẽrba to'ore tɩ ba dɛna Nawẽnnɛ nẽrba masɛ sɛla woo pʋam wakatɛ n ka ba'asrɩ.

Hiburuduma 13:21

Nawẽnnɛ wʋn basɛ tɩ ya tã'agɛ ɩta sɛla woo n ãn sõŋa, dɔla a yɛm n boorɩ se'em. A wʋn basɛ tɩ sɛla n ãn a sũure yẽlʋm ẽŋɛ tɩ pʋam, Azezi-krisi ĩyã, ẽŋa n de sɛka n masɛ nã'asgɔ wakatɛ n ka ba'asrɩ. Amina.

2 Pita 3:15

Bãŋɛ-ya tɩ Zuudãana la n mã'agɛ a sũure gu'ura la, a boorɩ tɩ ya yẽ la fãarɛ. La de la bɛla mẽ tɩ tɩ sɔbi-nõŋrɛ Apolɩ daan dɩkɛ yɛm sɛka tɩ Nawẽnnɛ bɔ ẽ na gʋlsɛ bɔ ya.