Kolɔsɩ 1:27 - Farefare Ninkaré

²⁷ Nawẽnnɛ n boorɩ tɩ a basɛ tɩ a nẽrba la bãŋɛ yel-ẽŋa n daan sʋgɛ la na'am pãŋa n ãn sõŋa zo'oge se'em bu-zãŋsɩ tẽŋasʋka. Yel-ẽŋa n sʋgɛ la de la Krisi boe la ya lɛ, botɩ ya wʋn yẽ na'am pãŋa tɩ ya tarɩ pʋtẽ'erɛ gu'ura la a zẽ'am.

ZE'ELEGO PAALEGA

²⁷ Bama ti Yinɛ looe ti a doohe ba puan bahɛ ti ba baŋɛ Yinɛ suŋa en zo'e se'em yele se'ere en sugɛ wa puan bo' sɛba en dagi Yuuduma la, yele wa dela Kiresta n boi ya puan, en de ya beere puti'irɛ la suŋa.

Kolɔsɩ 1:27 ပူးပေါင်းရင်းမြစ်များ

Amatie 13:11

Tɩ a lerge ba yetɩ: «Nawẽnnɛ botɩ yãma bãŋɛ a so'olʋm yelle n sʋgɛ la mɛ. La a ka botɩ bãma bãŋɛ.

Aluki 17:21

La nẽra kãn yetɩ: ‹Bɩsɛ-ya, a boe la kalam›, bɩɩ ‹a boe la ke›. Bãŋɛ-ya tɩ Nawẽnnɛ boe la ya tẽŋasʋka dita na'am.»

Azã 14:17

A de la sɩra Sɩa tɩ dũnia dõma ka tã wʋn to'oge ẽ, se'ere n soe la, ba ka tã wʋn yẽ ẽ, la ba ka mi ẽ. La yãma mi ẽ, se'ere n soe la, a boe la ya zẽ'am, la a wʋn bɔna la ya lɛ.

Azã 14:20

La daar-ẽŋa daarɛ, ya wʋn bãŋɛ tɩ mam boe la m Sɔ la lɛ, tɩ yãma bɔna la mam, tɩ mam bɔna la yãma.

Azã 14:23

Tɩ Azezi lerge ẽ yetɩ: «Nẽra sãn nõŋɛ mam, a wʋn sakɛ ɩta mam n yele se'em na, la mam Sɔ wʋn nõŋɛ a dãana. La tõma wʋn wa'am a zẽ'am wa bɔna la ẽ.

Azã 17:26

Mam botɩ ba bãŋɛ fõn mɛ, la mam wʋn ken botɩ ba bãŋɛ fɔ, tɩ nõŋlʋm sɛka tɩ fõn nõŋɛ mam na, wʋn bɔna la ba, tɩ mam mẽ bɔna la ba.»

Azã 6:56

Sɛka n diti mam ĩyã, dee yũura mam zɩɩm boe la mam mɛ, tɩ mam bɔna la ẽ.

Aromduma 11:33

Nawẽnnɛ yel-sõnnɛ, la a yɛm, la a bãŋrɛ la zo'oge mɛ. Nẽra ka tã wʋn bãŋɛ a pʋtẽ'erɛ. La nẽra ka tã wʋn bãŋɛ a sorɔɔrɔ tɩ a dolɩ la võorɛ.

Aromduma 2:4

Bɩɩ fõn ka nannɩ la Nawẽnnɛ ɩr-sõŋɔ, la a sũ-bʋgsʋm, la a sũ-mã'arɛ n zo'oge la? Fʋ mi tɩ Nawẽnnɛ ɩr-sõŋɔ la boorɩ tɩ fʋ teege la yɛm basɛ tõon-be'ero.

Aromduma 5:2

Azezi-krisi n botɩ tɩ tãna wʋn kẽ Nawẽnnɛ zẽ'am yẽ a yel-sõnnɛ, tõma n bɔ ẽ sɩra la ĩyã. Yel-sõnnɛ ẽŋa tɩ tõma te'ege zɛ kãŋkãŋɛ, dee ɩta sũ-yẽlga tara pʋtẽ'erɛ gu'ura tɩ tɩ wʋn yẽ na'am pãŋa Nawẽnnɛ zẽ'am.

Aromduma 8:10

La Krisi sãn bɔna la ya, Nawẽnnɛ Sɩa la bɔ'ɔrɩ ya la vɔm, Nawẽnnɛ n botɩ ya masɛ a zẽ'am na ĩyã. La ya ĩyã wʋn ki mɛ tõon-be'ero ĩyã.

Aromduma 9:23

La a ken bɔɔra tɩ a pa'alɛ la a nã'asgɔ n zo'oge se'em nẽr-sɛba tɩ a zotɩ ba ninbãalga la zẽ'am. Bãma de la sɛba tɩ a põn mãasʋm tɩ ba po yẽ a nã'asgɔ.

1 Korẽntɩ 3:16

Ya ka mi tɩ ya de la Nawẽnnɛ deego tɩ a Sɩa bɔna ya pʋam?

2 Korẽntɩ 2:14

Mam pʋ'ʋsrɩ Nawẽnnɛ n botɩ tõma dɔla Krisi poore daarɛ woo a tã'arɛ la pʋam, dee botɩ tõma ĩyã nẽrba bãŋra Krisi zẽ'a woo, wʋ yũuŋ-yẽlga n taagɛ zẽ'a wuu la.

2 Korẽntɩ 4:17

Nãmsgɔ sɛka tɩ tõma yẽtɩ wakatɛ fẽfẽe wã de la pɩka ka tãna wʋn dɩkɛ makɛ la nã'asgɔ zozo'e n ka tarɩ ba'asgɔ tɩ a wʋn botɩ tõma yẽ la.

2 Korẽntɩ 4:6

Nawẽnnɛ n yʋʋn yetɩ: «Peelem nẽegɛ lika pʋam» na, la de la ẽŋa n botɩ peelem nẽegɛ tõma sũa pʋam, botɩ tõma bãŋɛ Nawẽnnɛ na'am pãŋa n nẽegɛ Krisi nẽŋa zuo.

2 Korẽntɩ 6:16

Bẽm lagŋɔ n boe Wẽnnaam deego, la baga tɩ ba mãalɛ tẽŋasʋka? La sãn dɛna tõma, tõma de la Nawẽnnɛ n vɔa la deego wʋ Nawẽnnɛ n yele yetɩ: «Mam wʋn bɔna la ba, kẽ'era la ba. Mam wʋn dɛna ba Nawẽnnɛ, tɩ ba dɛna mam nẽrba.»

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Galatɩ 4:19

M kɔm-nõŋrɩsɩ, mam le tara la toogo ya ĩyã wʋ pɔka n virgri la, halɩ tɩ ya wʋn wa ãna wʋ Krisi n ãn se'em na.

Efɛɛzɩ 1:7

La de la Krisi n ki tɩ a zɩɩm yese la ĩyã tɩ Nawẽnnɛ basɛ tõma tõon-be'ero taalɛ, tɩ tõma yẽ fãarɛ, tɩ la masɛ wʋ Nawẽnnɛ yel-sõnnɛ n zo'oge pãɩ se'em na.

Efɛɛzɩ 2:22

Yãma n lagɩm na ẽ dɛna ayɩla la, ya mẽ po bɔna la Nawẽnnɛ deego la tɩ a boe mĩ mẽta la mẽeŋa pʋam, tɩ Nawẽnnɛ mẽŋa Sɩa kẽ'era mĩ.

Filipi 4:19

Mam dãana Nawẽnnɛ n tarɩ bõn-sõma wuu tɩ la zo'oge gãŋɛ la, wʋn bɔ ya sɛla woo n wʋn sõŋɛ ya Azezi-krisi ĩyã.

Kolɔsɩ 1:5

yãma n tarɩ pʋtẽ'erɛ gu'ura sɛla tɩ Nawẽnnɛ bĩŋe a yire gu'ura tɩ a bɔ ya la ĩyã. La de la yãma n dẽŋɛ wõm sɩra yetɔga n de Nawẽnnɛ kõ-yẽlga la, n botɩ yãma tara pʋtẽ'erɛ ẽŋa.

Kolɔsɩ 2:3

La de la ẽŋa n tarɩ yɛm la bãŋrɛ wuu n sʋgɛ n tarɩ yõorɔ zozo'e.

Kolɔsɩ 3:11

Nẽr-sɛba n tarɩ ãsʋm paalga wã, la sãn dɛna Zifdõma, bɩɩ bu-zãŋsɩ, bɩɩ sɛba n wã, la sɛba n ka wã, bɩɩ sɛba nini n ka pike, la weem nẽrba, bɩɩ yamsɩ, la sɛba n dagɩ yamsɩ, welgre ka le bɔna ba tẽŋasʋka. La de la Krisi mã'a n gãnnɩ sɛla woo, dee sɔna a nẽrba wuu.

1 Timoti 1:1

Mam Apolɩ n de Azezi-krisi Tõntõnna n gʋlsɛ gõŋɔ wã. La de la Nawẽnnɛ n de tɩ Fãagra, la Azezi-krisi tɩ tɩ tarɩ pʋtẽ'erɛ gu'ura la, n bɔ mam nõorɛ tɩ mam dɛna a Tõntõnna.

Hiburuduma 6:19

Tõma n tarɩ pʋtẽ'erɛ gu'ura sɛla la botɩ tõma zɛ la kãŋkãŋɛ Nawẽnnɛ nẽŋam, wʋ ka'aga n ka tẽŋa kẽ paagɛ pʋam pʋam yõkɛ kãŋkãŋɛ la. Bɛla tɩ tõma wʋn kẽ gãŋɛ fu-sɛka n beŋe Nawẽnnɛ zẽ'e-sõŋɔ la, paagɛ Nawẽnnɛ zẽ'am.

1 Zã 4:4

La yãma, m kɔma, yãma de la Nawẽnnɛ nẽrba, la yãma yãŋɛ põmpɔrŋɔ nõtɔ'ɔsrɩba la mɛ. Se'ere n soe la, Nawẽnnɛ Sɩa n boe la yãma lɛ la, tarɩ pãŋa gãnna sɩ'ɩsra la sɩa n boe la dũnia dõma la mɛ.

Lilegere 3:20

Bɩsɛ-ya, mam ze la kʋlɩŋa nõorʋm wẽ'era, nẽr-sɛka n wõm mam kõa yo'oge kʋlɩŋa bɔ mam, mam wʋn kẽ a zẽ'am lagɩm na ẽ di, tɩ a mẽ lagɩm na mam di.