Kolɔsɩ 1:17 - Farefare Ninkaré

¹⁷ Ẽŋa n dẽŋɛ sɛla woo bɔna, la de la ẽŋa ĩyã tɩ sɛla woo ken bɔna a zẽ'am.

ZE'ELEGO PAALEGA

¹⁷ Kiresta mɛŋa pun bɔna mɛ gee ti sɛla woo nyaa baŋɛ naam, eŋa puan ti naaŋɔ wa za'ana bɔna suŋa.

Kolɔsɩ 1:17 ပူးပေါင်းရင်းမြစ်များ

Azã 17:5

Lɛɛlɛ wã, m Sɔ, botɩ m yẽ nã'asgɔ fʋ zẽ'am, wʋ mam n daan tarɩ na'am pãŋa fʋ zẽ'am se'em, lan dẽŋɛ dũnia n daan nãn ka nãam na.

Azã 8:58

Tɩ Azezi yele ba yetɩ: «Mam yetɩ ya la sɩra sɩra, tɩ Abraham n yʋʋn nãn ka boe la, mam boe mɛ.»

Tõoma 17:28

Ẽŋa n botɩ tɩ bɔna, sẽnna dee tara vɔm, wʋ yãma Atɛnɩ so'olʋm nẽrba basɛba n daan yetɩ: ‹Tõma mẽ de la a kɔma.›

1 Korẽntɩ 8:6

La tõma mi tɩ Nawẽnnɛ ayɩla n boe dɛna tɩ Sɔ n nãam sɛla woo, la ẽŋa ĩyã tɩ tɩ vɔa. La tõma ken mina tɩ Zuudãana ayɩla mã'a n boe, a de la Azezi-krisi, la doose la ẽŋa tɩ sɛla woo bɔna, la ken doose la ẽŋa tɩ tɩ tara vɔm.

Kolɔsɩ 1:15

Azezi-krisi de la Nawẽnnɛ tɩ ba ka yẽtɩ la wõnnɛ. Ẽŋa n de bõn-sɛba n nãam na wuu yiɛn dãana.

Hiburuduma 1:3

Ẽŋa n tarɩ Nawẽnnɛ na'am pãŋa wa pa'alɛ tɔ, a ãn wʋ Nawẽnnɛ mẽŋa n ãn se'em na. La a yetɔga la tarɩ pãŋa mɛ botɩ sɛla woo bɔna a zẽ'a. Ẽŋa n yese nẽrsaalba tõon-be'ero tɩ ba lebge sõŋa la poorʋm, a sẽŋɛ ka zẽa la Naba Wẽnnɛ zʋʋgɔ saazuum-zuum.

Hiburuduma 13:8

Azezi-krisi de la ẽn ãn se'em zaam, la zĩna, la wakatɛ wuu.

Lilegere 1:11

yetɩ: «Gʋlsɛ sɛla tɩ fʋ wʋn yẽ la ẽŋɛ gõŋɔ pʋam, soolʋm bɔ tẽnsɩ bayopɔɩ la Wẽndeto nẽrba: Efɛɛzɩ, la Simirni, la Pɛrgamɩ, la Tiyatiiri, la Sardɩ, la Filadɛlfi, la Laodise.»

Lilegere 1:17

Mam n daan yẽ ẽ na, mam lui la tẽŋa a nẽŋam ãna wʋ kũm na. Tɩ a dɩkɛ a zʋʋgɔ nu'ugo paglɛ mam zuo yetɩ: «Da zoe dabeem, tɩ mam n de pĩ'iluŋo, la ba'asgɔ.

Lilegere 1:8

Zuudãana Nawẽnnɛ n de ke'eŋo wuu dãana la yetɩ: «Mam de la pĩ'iluŋo la ba'asgɔ, mam n daan boe, n ken bɔna, dee wʋn bɔna wakatɛ wuu.»

Lilegere 2:8

«Gʋlsɛ bɔ Simirni Wẽndeego nẽrba la gu'ura yetɩ: Sɛka n de pĩ'iluŋo la ba'asgɔ, sɛka n daan ki dee vo'oge la n yele se'em n wãna: