Kolɔsɩ 1:12 - Farefare Ninkaré

¹² Pʋ'ʋsra-ya tɩ Sɔ Nawẽnnɛ a yel-sõnnɛ la sũ-yẽlga, ẽŋa n basɛ tɩ ya tãna wʋn po to'oge bõn-sõma tɩ a bĩŋe tɩ a bɔ a nẽrba a so'olʋm n de peelem pʋam na.

ZE'ELEGO PAALEGA

¹² la pɛka bɔ'ɔra Sɔ la fara. Sɔ se'em en iŋɛ ya ti ya lagum tara tɔtɛ la nɛre sunduma la en boi niihum puan la.

Kolɔsɩ 1:12 ပူးပေါင်းရင်းမြစ်များ

Amatie 25:34

Tɩ naba la wʋn yele sɛba n boe a zʋʋgɔ la yetɩ: ‹Wa'am-ya, yãma sɛba n tarɩ mam Sɔ Nawẽnnɛ yel-sõnnɛ na. To'oge-ya so'olʋm na tɩ Nawẽnnɛ daan põn mãasʋm tɩ a bɔ ya halɩ lan dẽŋɛ dũnia pĩ'iluŋo la.

Azã 14:6

Tɩ Azezi lerge ẽ yetɩ: «Mam n de sore, la sɩra, la vɔm dãana. Nẽra nẽra ka tã wʋn wa'am mam Sɔ zẽ'am, tɩ la sãn ka doose la mam.

Azã 20:17

Tɩ Azezi yele ẽ yetɩ: «Da kalʋm ma, mam nãn ka zom m Sɔ la zẽ'am. Sẽŋɛ m sɔbiisi la zẽ'am ka yele ba yetɩ: ‹Mam zonnɩ na mam Sɔ Nawẽnnɛ n de yãma Sɔ, la yãma Nawẽnnɛ na zẽ'am.› »

Azã 4:23

La wakatɛ sẽna, la a paam mɛ, tɩ sɛba n pʋ'ʋsrɩ Nawẽnnɛ sɩra sɩra la, wʋn pʋ'ʋsɛ ẽ la a Sɩa pãŋa, la sɩra. Tɩ Sɔ Nawẽnnɛ n boorɩ tɩ ba pʋ'ʋsra ẽ se'em n bɛla.

Tõoma 20:32

La lɛɛlɛ wã, mam dɩkɛ ya ẽŋɛ la Nawẽnnɛ nu'usum, la a yel-sõnnɛ yetɔga la pʋam. Ẽŋa n tã wʋn sõŋɛ ya tɩ ya yẽ pãŋa pa'asɛ, dee wʋn botɩ ya po lagɩm to'oge bõn-sõma tɩ a bĩŋe tɩ a bɔ a nẽrba la.

Aromduma 11:17

Ɩsrayɛlɩ dõma la ãn wʋ Oliivi tɩa tɩ ba sele, tɩ ba kʋ'ʋsɛ a wila basɛ. La fõn de bu-zãŋka la ãn wʋ Oliivi tɩa n boe weem wille tɩ ba kʋ'ʋgɛ, dɩkɛ toŋe la tɩa tɩ ba sele la wila. Fõn ãn wʋ wille la n to'orɩ sõŋrɛ tɩa tɩ ba sele la yẽga zẽ'am na.

Aromduma 15:27

La de la ba mẽŋa n looge yɛm, la, la de la ba ẽŋɛ bɛla. Zifdõma la n botɩ sɛba n dagɩ Zifdõma po lagɩm to'oge bõn-sõma tɩ Nawẽnnɛ Sɩa bɔ ba la. Bɛla, dẽnɩ tɩ ba mẽ sõŋɛ Zifdõma, la ban tarɩ sɛla.

Aromduma 8:17

Tõma n de a kɔma la, tɩ wʋn po to'oge bõn-sõma sɛba tɩ a bĩŋe tɩ a bɔ a kɔma la, tɩ wʋn lagɩm na Krisi po to'oge bõn-sɛba tɩ a wʋn to'oge la. Tõma n nãmsrɩ la Krisi lɛ la, tɩ mẽ wʋn po lagɩm na ẽ yẽ nã'asgɔ.

Aromduma 9:23

La a ken bɔɔra tɩ a pa'alɛ la a nã'asgɔ n zo'oge se'em nẽr-sɛba tɩ a zotɩ ba ninbãalga la zẽ'am. Bãma de la sɛba tɩ a põn mãasʋm tɩ ba po yẽ a nã'asgɔ.

1 Korẽntɩ 8:6

La tõma mi tɩ Nawẽnnɛ ayɩla n boe dɛna tɩ Sɔ n nãam sɛla woo, la ẽŋa ĩyã tɩ tɩ vɔa. La tõma ken mina tɩ Zuudãana ayɩla mã'a n boe, a de la Azezi-krisi, la doose la ẽŋa tɩ sɛla woo bɔna, la ken doose la ẽŋa tɩ tɩ tara vɔm.

1 Korẽntɩ 9:23

Nawẽnnɛ kõ-yẽlga la ĩyã tɩ mam ɩta bɛla wuu tɩ m wa po to'oge a pʋrɛ.

2 Korẽntɩ 11:14

La ẽna wã dagɩ bõn-di'iŋa. Se'ere n soe la, Asũtãana mẽŋa teerɩ mɛ ãna wʋ peelem malɛka.

2 Korẽntɩ 5:5

La de la Nawẽnnɛ mẽŋa n ẽŋɛ tõma tɩ tõma ãna bɛla, dee bɔ tõma a Sɩa n de sɛla n pa'alɩ tɩ tõma wʋn yẽ sɛla wuu tɩ a bĩŋe tɩ a bɔ tɩ la.

Efɛɛzɩ 1:11

Nawẽnnɛ n basɛ tɩ sɛla woo ɩta wʋ ẽn boorɩ se'em na, n dẽŋɛ looge tõma tɩ tɩ dɛna a nẽrba Krisi ĩyã.

Efɛɛzɩ 1:18

Mam ken sɔsra Nawẽnnɛ tɩ a botɩ ya pʋtẽ'era like tɩ ya bãŋɛ ẽn wi ya tɩ ya tara pʋtẽ'erɛ gu'ura sɛla, dee bãŋɛ bõn-sõma sɛba tɩ a bĩŋe nõorɛ tɩ a bɔ a nẽrba la n ba ãna sõŋa, dee zo'oge se'em.

Efɛɛzɩ 2:18

Krisi ĩyã tɩ tõma wuu tara sore wʋn lɛm tɩ Sɔ Nawẽnnɛ zẽ'am, Nawẽnnɛ Sɩa ayɩla n boe la tɩ wuu lɛ la ĩyã.

Efɛɛzɩ 3:6

Yel-ẽŋa n sʋgɛ la de la kõ-yẽlga mõolgɔ n botɩ bu-zãŋsɩ wuu lagɩm na Zifdõma tara pʋrɛ, lagɩm taaba dɛna ayɩla, dee lagɩm tɔ'ɔra sɛla tɩ Nawẽnnɛ bĩŋe nõorɛ Azezi-krisi ĩyã.

Efɛɛzɩ 4:6

la Nawẽnnɛ ayɩla n de tɩ wuu Sɔ n soe sɛla woo, tɩ a pãŋa tara sɛla woo tõnna, dee bɔna sɛla woo pʋam.

Efɛɛzɩ 5:11

Da po tõnna-ya tõon-sɛba tɩ nẽrba tõnnɩ lika pʋam n ka tarɩ yõorɔ la, tõn pa'alɛ-ya tɩ ba ka ãn sõŋa.

Efɛɛzɩ 5:20

Pʋ'ʋsra-ya tɩ Sɔ Nawẽnnɛ a yel-sõnnɛ sɛla woo pʋam wakatɛ wuu, la tɩ Zuudãana Azezi-krisi yʋ'ʋrɛ.

Efɛɛzɩ 5:4

La ken ka masɛ tɩ ya tɔgra yetɔg-yooro, la yetɔg-be'ero, la yetɔg-gãlsɩ, la de la ya pʋ'ʋsra Nawẽnnɛ a yel-sõnnɛ.

Efɛɛzɩ 5:8

Kʋrʋm, ya daan boe la lika pʋam, la lɛɛlɛ wã, yan lagɩm na Krisi dɛna ayɩla la ĩyã, ya boe la peelem pʋam. Bɛla, ɩta-ya wʋ nẽrba n boe peelem pʋam n ɩtɩ se'em na.

Kolɔsɩ 2:2

Mam mõrgrɩ tɩ ya sũure n keŋe tɩ ya lagɩm taaba tara nõŋlʋm, dee tara yɛm zozo'e, tɩ ya bãŋɛ sɩra sõŋa sõŋa Nawẽnnɛ yelle n sʋgɛ n de Krisi la.

Kolɔsɩ 3:15

Basɛ-ya tɩ Krisi sũ-mã'asʋm la sɔna ya sũure, Nawẽnnɛ wi ya tɩ ya tara la sũ-mã'asʋm ẽŋa, lagɩm taaba dɛna ayɩla. Mina-ya yel-sõnnɛ pʋ'ʋsgɔ.

Kolɔsɩ 3:17

Bõn-sɛba wuu tɩ ya ɩtɩ, la sãn dɛna la tõoma bɩɩ yetɔga, ɩta-ya la Zuudãana Azezi-krisi yʋ'ʋrɛ, dee pʋ'ʋsra tɩ Sɔ Nawẽnnɛ a yel-sõnnɛ Azezi-krisi yʋ'ʋrɛ ĩyã.

Taitusi 2:14

Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

Hiburuduma 12:23

La ya ken lɛm na Nawẽnnɛ nẽrba lagsgɔ n de a kɔm-kẽendõma tɩ ba yʋ'ʋra gʋlsɛ Nawẽnnɛ yire la. La ya lɛm Nawẽnnɛ n de nẽrba wuu sarɩyadita. Ya lɛm na nẽr-sɛba n masɛ Nawẽnnɛ zẽ'am, dee masɛ sɛla woo pʋam na sɩɩsɩ zẽ'am.

Hiburuduma 3:1

Bɛla m sɔbiisi, yãma tɩ Nawẽnnɛ wi tɩ ya welge to'ore dɛna a nẽrba la, bɩsra-ya Azezi, ẽŋa n de sɛka tɩ Nawẽnnɛ tõm, la ẽŋa n de tõma kãabgɔ kẽma nẽŋadãana Nawẽnnɛ sore doosgo la pʋam.

Hiburuduma 3:14

Tõma sãn ze'ele kãŋkãŋɛ wʋ tõma n bɔ sɩra se'em pɔspɔsɩ la ka paagɛ ba'asgɔ, tɩ wʋn lagɩm na Krisi to'oge pʋrɛ.

Yemesi 3:9

Tɩ tarɩ la ẽŋa pʋ'ʋsra Zuudãana n de tɩ Sɔ la a yel-sõnnɛ, dee ken tara ẽ kã'ara be'em bɔ'ɔra nẽrba tɩ Nawẽnnɛ nãam tɩ ba ãna wʋ a mẽŋa la.

1 Pita 5:1

Mam yetɩ m kã'an na sɛba n de Nawẽnnɛ nẽrba kẽma bɔna ya pʋam na. Mam mẽ de la kẽema, dee dɛna Krisi nãmsgɔ la kaset-dãana, la mam wʋn po yẽ a na'am pãŋa n wʋn wa puke la mɛ.

1 Zã 1:3

Sɛla tɩ tõma yẽ dee wõm na, tõma tɔgrɩ la ẽŋa bɔ'ɔra yãma, tɩ yãma wʋn lagɩm na tõma, mẽ naagɛ la tõma tara lagɩmtaarɛ la tɩ Sɔ Nawẽnnɛ, la a Dayʋa Azezi-krisi.

Lilegere 21:23

Tẽŋa la ka boorɩ wẽntulle, bɩɩ wõrga tɩ ba nẽegɛ ẽ, se'ere n soe la, Nawẽnnɛ na'am pãŋa peelem n nẽerɩ ẽ, tɩ Pebila la dɛna a fɩtla.

Lilegere 22:14

Sɛba n peege ba futo tarɩ zu-yẽlga. Bãma n wʋn tara nõorɛ tɩ ba di vɔm tɩa la biɛ, la bãma n wʋn doose tẽŋa la nõa kẽ tẽŋa la pʋam.

Lilegere 22:5

Yʋ'ʋŋɔ kãn le bɔna. Nẽrba kãn bɔɔra tɩ fɩtla, bɩɩ wẽntulle nẽegɛ peelem, Zuudãana Nawẽnnɛ n wʋn nẽegɛ peelem bɔ ba. La ba wʋn di la na'am wakatɛ n ka ba'asrɩ.