Kolɔsɩ 1:10 - Farefare Ninkaré

¹⁰ Tɩ ya yel-ɩrɛ wʋn masɛ wʋ Zuudãana la n boorɩ se'em, tɩ la paagɛ a yɛm sɛla woo pʋam. Tɩ ya wʋn tõm tõon-sõma buuri wuu, dee bãŋɛ Nawẽnnɛ pa'asɛ.

ZE'ELEGO PAALEGA

¹⁰ ti ya vɔna vom sebo en nari bɔ'ɔra Daana la, ti ya vom za'a tigɛ a nini wuu yan wan wuna wala tuunsunɛ woo puan se'em la, la yan zo'ore Yinɛ mi'ilum puan se'em la.

Kolɔsɩ 1:10 ပူးပေါင်းရင်းမြစ်များ

Azã 15:16

Dagɩ yãma n looge mam, mam n looge ya, dɩkɛ m tõonɛ na ẽŋɛ ya nu'usum tɩ ya sẽŋɛ ka tõm tõon-sõma wʋ tɩa n wɔnnɩ biɛ la, tɩ ya tõon-sõma la wʋn bɔna wakatɛ wuu. Bɛla, bõn-sɛka woo tɩ ya wʋn sose mam Sɔ la, la mam yʋ'ʋrɛ, a wʋn bɔ ya.

Azã 15:8

Ya sãn tõm tõon-sõma zo'oge pa'alɛ tɩ yãma de la mam karẽnbiisi, bɛla ya wʋn nã'asɛ mam Sɔ.

Azã 17:3

La vɔm n ka ba'asrɩ la de la ba bãŋɛ fõn, fʋ yɩla mã'a n de Sɩra Dãana Nawẽnnɛ na, la ba bãŋɛ mam Azezi-krisi tɩ fʋ tõm na.

Aromduma 1:13

M sɔbiisi, mam boorɩ mɛ tɩ ya bãŋɛ tɩ nõorɛ faa tɩ mam makɛ tɩ m wa'am ya zẽ'am. La gu'a n gu mam halɩ wa paam lɛɛlɛ wã. Mam boorɩ mɛ tɩ m wa'am tɩ m tõonɛ na tara yõorɔ yãma zẽ'am, wʋ ẽn tarɩ yõorɔ so'olʋm basɛba pʋam se'em na.

Aromduma 4:12

La Abraham ken dɛna la nẽr-sɛba n wã la sɔ-yaaba, la dagɩ nẽr-sɛba n wen wã la mã'a, la de la sɛba n bɔ Nawẽnnɛ sɩra wʋ Abraham n yʋʋn bɔ sɩra se'em, dee yʋʋn nãn ka wã la.

Aromduma 6:4

Bɛla, ko'om misga la pʋam tõma po lagɩm na ẽ mɛ ki, tɩ ba laagɛ tõma la ẽ lɛ. Nawẽnnɛ n de tɩ Sɔ na'am pãŋa n botɩ Krisi vo'oge la, tõma mẽ vɔa la vɔm paalga.

2 Korẽntɩ 2:14

Mam pʋ'ʋsrɩ Nawẽnnɛ n botɩ tõma dɔla Krisi poore daarɛ woo a tã'arɛ la pʋam, dee botɩ tõma ĩyã nẽrba bãŋra Krisi zẽ'a woo, wʋ yũuŋ-yẽlga n taagɛ zẽ'a wuu la.

2 Korẽntɩ 4:6

Nawẽnnɛ n yʋʋn yetɩ: «Peelem nẽegɛ lika pʋam» na, la de la ẽŋa n botɩ peelem nẽegɛ tõma sũa pʋam, botɩ tõma bãŋɛ Nawẽnnɛ na'am pãŋa n nẽegɛ Krisi nẽŋa zuo.

2 Korẽntɩ 5:9

Bɛla tɩ tõma mõrgra bɔɔra tɩ tɩ ẽŋɛ tɩ la paagɛ a yɛm, tõma sãn bɔna dũnia ĩyã wã pʋam, bɩɩ tɩ sãn sẽŋɛ a zẽ'am.

2 Korẽntɩ 9:8

La Nawẽnnɛ tarɩ ke'eŋo mɛ tãna wʋn bɔ ya bõn-sõma buuri wuu, tɩ ya wʋn tara yãma n boorɩ sɛla la wuu daarɛ woo tɩ la seke, dee tara sɛla wʋn tõm tõon-sõma wuu.

Efɛɛzɩ 1:17

Mam sosrɩ la tɩ Zuudãana Azezi-krisi Sɔ n de Nawẽnnɛ n tarɩ na'am pãŋa la, tɩ a bɔ ya a yɛm Sɩa tɩ a vẽlgɛ ya yɛm, tɩ ya bãŋɛ ẽn ãn se'em.

Efɛɛzɩ 2:10

La de la Nawẽnnɛ n nãam tɔ, botɩ tɩ lagɩm na Azezi-krisi dɛna ayɩla, tõnna tõon-sõma tɩ a põn dẽŋɛ mãasʋm tɩ tɩ wa tõm na.

Efɛɛzɩ 4:1

Mam n boe yʋ'a deem Zuudãana doosgo yelle la, mam sosrɩ ya tɩ ya dɔla sorɔɔgɔ la sõŋa, wʋ lan masɛ Nawẽnnɛ n wi ya tɩ ya ãna se'em na.

Efɛɛzɩ 4:13

halɩ tɩ tɩ wʋn wa lagɩm taaba bɔ sɩra dɛna ayɩla, bãŋɛ Nawẽnnɛ Dayʋa la, lebge nẽrba n bɩ ba'asɛ paagɛ wʋ Krisi n masɛ sɛla woo pʋam se'em na.

Efɛɛzɩ 5:10

Bãŋɛ-ya sɛla n paarɩ Zuudãana yɛm bɔkɛ.

Efɛɛzɩ 5:15

Guuse ya mẽŋa sõŋa la yan vɔa se'em na. Da ɩta-ya wʋ nẽr-sɛba n ka tarɩ yɛm, ɩta-ya wʋ yɛm dõma la.

Efɛɛzɩ 5:2

Ɩta-ya sɛla woo la nõŋlʋm wʋ Krisi n nõŋɛ tɩ se'em dɩkɛ a vɔm bɔ tõma ĩyã, tɩ la ãna wʋ kãabgɔ n tarɩ yũuŋ-sõŋɔ paara Nawẽnnɛ yɛm na.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Filipi 1:27

La bõn-sɛka n gãnnɩ wuu, de la ya basɛ tɩ ya yel-ɩrɛ ãna wʋ Krisi kõ-yẽlga la n pa'alɩ se'em na. Tɩ mam sãn wa'am ya zẽ'am bɩɩ m sãn ka wa'am, m wʋn wõm tɩ ya ze la kãŋkãŋɛ, tara yɛm ayɩla, lagɩm taaba la pʋtẽ'erɛ ayɩla mõrgra tõnna tɩ nẽrba bɔ'ɔra kõ-yẽlga la sɩra.

Filipi 4:18

Mam to'oge sɛla woo tɩ yãma bɔ mam na mɛ, la seke gãŋɛ mɛ. Mam n to'oge ya bɔ'a la tɩ A'epafroditi tarɩ wa'am na, mam tarɩ mɛ tɩ sɛla ka le pɔ'ɔgɛ mam. Bɔ'a bãma ãn wʋ sɛla yũuŋo n ãn yẽlʋm tɩ ya kãabɛ bɔ Nawẽnnɛ, tɩ a to'oge la sũ-yẽlga.

Kolɔsɩ 2:19

A ka lagɩm na Krisi n de Zuudãana la. Krisi n de zuugo sõŋra ĩyã la wuu sɛla woo pʋam, tɩ kõb-suglsi, la zĩila botɩ ĩyã la zẽ'esɩ to'oto'ore toŋe taaba bɩta wʋ Nawẽnnɛ n boorɩ se'em.

Kolɔsɩ 2:6

Bɛla, yãma n sakɛ tɩ Azezi-krisi de la ya Zuudãana la, bɔna-ya la ẽ lɛ,

Kolɔsɩ 3:20

Kɔma, sakra ya dɔgrɩba nõorɛ sɛla woo pʋam, tɩ la de la bɛla n ãn Zuudãana sũure yẽlʋm.

Kolɔsɩ 4:5

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Azezi la tẽŋasʋka, dɩkɛ-ya fol-sɛka tɩ ya tarɩ la wuu tõm sõŋa.

1 Tesaloniki 2:12

Tõma keŋe ya sũure mɛ, bɔ ya bʋraanɛ, pa'alɛ ya yetɩ ya dɔla so-sɛka n masɛ Nawẽnnɛ yɛm, ẽŋa n wi ya tɩ ya kẽ a so'olʋm pʋam po dita na'am.

1 Tesaloniki 4:1

Sɛla n pa'asɛ, m sɔbiisi, yãma zãsʋm tõma zẽ'am mɛ yãma n wʋn ɩta se'em paagɛ Nawẽnnɛ yɛm. Yãma põn ɩta la bɛla. La tõma kã'anɩ ya mɛ, dee bɛlna ya la tɩ Zuudãana Azezi yʋ'ʋrɛ tɩ ya malɩn ẽŋɛ gãŋɛ bɛla.

2 Timoti 2:4

Sʋdaaga sãn bɔɔra tɩ a tõm tɩ a kɛ'ɛma sũure ẽŋɛ yẽlʋm, a ka kẽ'esrɩ a mẽŋa yel-sɛba n dagɩ sʋdaasɩ yɛla pʋam.

Taitusi 3:1

Tẽegɛ ba wuu yetɩ la masɛ mɛ tɩ ba nanna tẽŋa la nẽŋadõma, la kɛ'ɛndõma dee sakra ba nõorɛ, dee tõnna tõon-sõma buuri wuu.

Taitusi 3:14

Tõma nẽrba la masɛ mɛ tɩ ba zãsʋm tõnna tõon-sõma tɩ la sõŋɛ sɛba n boorɩ sõŋrɛ la, dee da vɔa vɔm n ka tarɩ yõorɔ.

Hiburuduma 11:5

La de la A'enõkɩ n bɔ sɩra la ĩyã, tɩ Nawẽnnɛ yʋʋn zẽkɛ ẽ sẽŋɛ a yire, tɩ a ka ki, tɩ ba yʋʋn ka le yẽ ẽ, Nawẽnnɛ n zẽkɛ ẽ na ĩyã. Lan dẽŋɛ a zẽkrɛ la, la gʋlsɛ a yelle yetɩ, a paagɛ Nawẽnnɛ yɛm mɛ.

Hiburuduma 13:16

Da basɛ-ya ɩr-sõma ɩrgɔ, la taaba sõŋrɛ, tɩ tõon-bãma n ãn wʋ kãabgɔ n ɩtɩ Nawẽnnɛ sũure yẽlʋm.

Hiburuduma 13:21

Nawẽnnɛ wʋn basɛ tɩ ya tã'agɛ ɩta sɛla woo n ãn sõŋa, dɔla a yɛm n boorɩ se'em. A wʋn basɛ tɩ sɛla n ãn a sũure yẽlʋm ẽŋɛ tɩ pʋam, Azezi-krisi ĩyã, ẽŋa n de sɛka n masɛ nã'asgɔ wakatɛ n ka ba'asrɩ. Amina.

2 Pita 1:8

Se'ere n soe la, ya sãn ɩta bõn-bãna wã zozo'e, ba wʋn basɛ tɩ ya tõm Nawẽnnɛ tõoma, dee bãŋɛ tɩ Zuudãana Azezi-krisi pa'asɛ.

2 Pita 3:18

Sẽŋɛ-ya nẽŋa vɔa Azezi-krisi n de tɩ Zuudãana la tɩ Fãagra la yel-sõnnɛ pʋam, bãŋra ẽ pa'asra. Ẽŋa n soe na'am pãŋa lɛɛlɛ wã, la wakatɛ n ka ba'asrɩ. Amina.

1 Zã 3:22

la bõn-sɛka wuu tɩ tɩ sosrɩ ẽ, a bɔ'ɔrɩ tɩ mɛ, tõma n sakrɩ a nõorɛ, dee ɩta sɛla n paarɩ a yɛm na ĩyã.

1 Zã 5:20

Tõma mi tɩ Nawẽnnɛ Dayʋa n wa'am wa bɔ tɩ yɛm, tɩ tɩ bãŋɛ Nawẽnnɛ n de sɩra dãana la. Tõma lagɩm na sɛka n de sɩra dãana la dɛna ayɩla, a Dayʋa Azezi-krisi ĩyã. Ẽŋa n de Nawẽnnɛ sɩra sɩra, n bɔ'ɔrɩ vɔm n ka ba'asrɩ.

3 Zã 1:6

Ba tɔgɛ fʋ nõŋlʋm na yelle mɛ Azezi nẽrba zẽ'am. Fʋ sãn sõŋɛ ba tɩ ba sẽŋɛ ba sore la wʋ Nawẽnnɛ n boorɩ se'em, fʋ ẽŋɛ sõŋa.