Azudi 1:6 - Farefare Ninkaré

⁶ La malɛkadõma sɛba n yʋʋn ka sakɛ Nawẽnnɛ n bɔ ba ke'eŋo se'em basɛ zẽ'e-sɛka tɩ Nawẽnnɛ bɔ ba la, Nawẽnnɛ ba ba mɛ la bãnsɩ, basɛ tɩ ba bɔna lika pʋam wakatɛ wuu gu'ura dabs-kãtɛ la n de sarɩyadia daarɛ la.

ZE'ELEGO PAALEGA

⁶ Gee ti suŋereba sɛba me en yuum ka ze' ba zɛ'a zi'an, gee yuum bahɛ ba zɛ'a zi'an la, a bobe ba mɛ la bãhi dikɛ ba bahɛ lika kãtɛ puan gura gakerɛ dabehekãtɛ daarɛ la.

Azudi 1:6 ပူးပေါင်းရင်းမြစ်များ

Amatie 10:15

Mam yetɩ ya la sɩra sɩra, tɩ sarɩyadia daarɛ tẽn-ẽŋa dõma wʋn yẽ toogo gãnna Sodom la Gomõorɩ tẽnsɩ nẽrba.»

Amatie 25:41

La a wʋn yele sɛba n boe a gɔbga bɔba la yetɩ: ‹Sẽŋɛ-ya fõrgɛ, Nawẽnnɛ kã'a-be'ego boe ya zuo. Sẽŋɛ-ya ka kẽ bugum n ka kĩŋri tɩ Nawẽnnɛ mãasʋm tɩ a kẽ'esɛ Asũtãana, la a malɛkadõma la pʋam.

Amatie 8:29

Tɩ ba kaasra tagursi yetɩ: «Nawẽnnɛ Dayʋa, bẽm boe tõma la fõn tẽŋasʋka? Fõn wa'am tɩ fʋ nãmsɛ tõma mɛ dee tɩ wakatɛ la nãn ka paagɛ?»

Azã 8:44

Ya sɔ de la Asũtãana, la ya boorɩ tɩ ya ẽŋɛ la ya sɔ la n boorɩ se'em na. A de la nẽr-kʋʋra halɩ pĩ'iluŋo. A ka boe sɩra pʋam, sɩra n ka boe a pʋam na ĩyã. A sãn parna, ẽn ãn se'em n bɛla, se'ere n soe la, a de la põmpɔrma, la põmpɔrŋɔ wuu sɔ.

Aromduma 2:5

La fõn sũure kɛ'ɛm mɛ tɩ fʋ ka bɔɔra tɩ fʋ teege yɛm, bɛla tɩ fʋ lagsra sɩbgrɛ bĩŋra fʋ mẽŋa zuo gu'ura daar-sɛka tɩ Nawẽnnɛ wʋn pa'alɛ a sũ-isgre di nẽrba sarɩya la sɩra la.

Efɛɛzɩ 6:12

Tõma zɛbrɛ ka boe la nẽrsaalba, tõma zɛbrɩ la Asũtãana kɛ'ɛndõma, la a pãnsɩ dõma, la dũnia lika tõon-be'ero na'adõma, la kʋlkã'arsɩ wuu n boe saazuum.

Hiburuduma 10:27

Sɛla n yãŋa deege de la nẽr-ẽŋa gu'ura Nawẽnnɛ sarɩya, la bugum n wʋn di sɛba n sɩ'ɩsɛ Nawẽnnɛ na, la dabeem.

2 Pita 2:4

Se'ere n soe la, Nawẽnnɛ yʋʋn ka basɛ malɛkadõma sɛba n tõm tõon-be'ero la tɩ ba põsɛ, a lobe ba basɛ la bug-tẽŋa bog-ko'ogo n de lika pʋam, ba ba la bãnsɩ gu'ura sarɩyadia daarɛ.

2 Pita 2:9

Bɛla pa'alɩ tɩ Zuudãana Nawẽnnɛ mi ẽŋa n ɩtɩ se'em fãara nẽr-sɛba n dolɩ a sore la nãmsgɔ pʋam mɛ, dee mina ẽŋa n ɩtɩ tõon-be'ero dõma se'em gu'ura sarɩyadia daarɛ tɩ ba wʋn yẽ sɩbgrɛ.

Azudi 1:13

Ba ken ãna wʋ ko-kãtɛ ko-mĩ'isi n wẽ'erɩ la pãŋa, ba yãnnɛ tõoma la ãn wʋ ko-kãtɛ fulfuka la, ba ãn wʋ wõrbiɛ sɛba n eerɩ. Nawẽnnɛ mãasʋm na zẽ'a n de lika tam bĩŋe wakatɛ n ka ba'asrɩ gu'ura ba.

Lilegere 20:10

Tɩ ba wʋn yõkɛ Asũtãana n pã'asrɩ dũnia nẽrba la lobe basɛ bugum mõgrɛ n diti kidibre pʋam, zẽ'e-sɛka tɩ ba daan põn lobe dũŋa, la põmpɔrŋɔ nõtɔ'ɔsa la. Bilam ba wʋn nãmsra la wʋntɛɛŋa la yʋ'ʋŋɔ wakatɛ n ka ba'asrɩ.

Lilegere 20:2

A yõkɛ la pʋryõŋ-yãlma la n de kʋrʋm kʋrʋm bõnsɛla, n de dõta, n de Asũtãana la lʋ ẽ yʋʋma tʋsrɛ ĩyã.