Azudi 1:4 - Farefare Ninkaré

⁴ Se'ere n soe la, nẽrba basɛba n li'ise kẽ ya pʋam. Nẽr-bãma de la sɛba n sɩ'ɩsrɩ Nawẽnnɛ, tɛɛra a yel-sõnnɛ yetɔga la, dɩkɛ tõnna tõon-dẽgrɔ, dee sɩ'ɩsra Azezi-krisi n de tɩ kɛ'ɛma la tɩ Zuudãana ayɩla mã'a la. Halɩ kʋrʋm kʋrʋm tɩ la põn gʋlsɛ sɩbgrɛ sɛka tɩ ba wʋn yẽ.

ZE'ELEGO PAALEGA

⁴ Se'ere en sɔi la, nɛre be'ero tuseto en wa'am na zu gɛregɛ ya puan, nɛre sɛba ba'ahegɔ zi'an en boi sageŋɔ puan ban ka zoti Yinɛ la zuo, sɛba en tee Yinɛ zu'uhegɔ la ti ku dɛna yaalegɔ tuuma, ka nam tu kpɛ'ɛma ayima ma'a en de Daana Yezu Kiresta la.

Azudi 1:4 ပူးပေါင်းရင်းမြစ်များ

Amatie 13:25

Tɩ wẽnnɛ kẽ, tɩ nẽrba gã gĩsra, tɩ a bɛ tarɩ kanarsɩ sẽŋɛ ka bʋrɛ lagɩm mĩ.

Azã 17:3

La vɔm n ka ba'asrɩ la de la ba bãŋɛ fõn, fʋ yɩla mã'a n de Sɩra Dãana Nawẽnnɛ na, la ba bãŋɛ mam Azezi-krisi tɩ fʋ tõm na.

Tõoma 11:23

La ẽn paagɛ yẽ tɩ Nawẽnnɛ ẽŋɛ nẽrba la yel-sõnnɛ se'em na, a sũure ẽŋɛ yẽlʋm mɛ. Tɩ a pa'alɛ ba yetɩ, ba keŋe ba mẽŋa dɔla Zuudãana la ba sũure wuu da basɛ.

Tõoma 15:24

Tõma wõm tɩ tõma nẽrba basɛba n wa'am wa dãana yãma la yetɔga botɩ yãma yɛm yɔɔra, tõma ka bɔ ba nõorɛ.

Galatɩ 2:4

Nẽrba basɛba n daan pã'asɛ tɩ bãma de la Azezi karẽnbiisi, li'ise kẽ tõma tẽŋasʋka bɔɔra tɩ ba bãŋɛ tõma n lagɩm na Azezi-krisi dɛna ayɩla la, tõma n to'oge tɩ mẽŋa se'em, bãma daan boorɩ tɩ ba basɛ tɩ tõma le dɛna la Zifdõma lɔɔ yamsɩ.

Galatɩ 5:13

La sãn dɛna yãma, m sɔbiisi, Nawẽnnɛ wi ya tɩ ya sɔna la ya mẽŋa. La da basɛ-ya tɩ yan soe ya mẽŋa la basɛ tɩ ya ɩta ya mẽŋa yɛm n boorɩ se'em. Vɔa-ya la taaba la nõŋlʋm tõnna sõŋra taaba.

Efɛɛzɩ 4:14

Bɛla tɩ kãn le ãna wʋ kɔma tɩ nẽrba zãsnɩ zãsŋɔ buuri to'oto'ore pã'asra ba, ɩta yɛm tɩ ba botɩ ba tuuge, wʋ kʋsebgo, la ko-mĩ'isi n wẽ'erɩ õorŋɔ tɩ a yɛgna se'em na.

1 Timoti 5:8

Nẽra sãn ka bɩsra a yir-dõma yelle, lan gãnnɩ a dee-dõma yelle, ẽŋa dãana zagsɛ sɛla tɩ tɩ bɔ sɩra la mɛ, la a de la tõon-be'ero dãana gãnna sɛka n ka dolɩ Nawẽnnɛ na.

2 Timoti 2:12

La tɩ sãn mõrgɛ ze'ele kãŋkãŋɛ, tɩ wʋn lagɩm na ẽ di na'am. Tɩ sãn zagsɛ yetɩ tõma ka mi ẽ, a mẽ wʋn zagsɛ yetɩ ẽŋa ka mi to.

2 Timoti 3:6

Ba nẽrba basɛba kẽ'erɩ la yiɛ pʋam pã'asra pɔg-sɛba yɛm n ka boe zẽ'a ayɩla la. Pɔg-bãma tõm na tõon-be'ero tɩ la dɛna zeero bɔ ba, ban boorɩ se'em na n tarɩ ba yɛ'ɛna,

1 Pita 2:16

Ɩta-ya wʋ nẽrba n soe ba mẽŋa, la da dɩkɛ-ya yan soe ya mẽŋa la tɩ la dɛna sɛla n botɩ ya tõnna be'em, tõnna-ya wʋ Nawẽnnɛ tõntõnɩba n masɛ tɩ ba tõnna se'em na.

1 Pita 2:8

La ken gʋlsɛ yetɩ: «La de la kug-ẽŋa n wʋn basɛ tɩ nẽrba wẽ'era nãma, dee dɛna tãmpĩ-sɛka n wʋn basɛ tɩ ba lui.» Ban wẽ'erɩ nãma la, la de la ban ka bɔ Nawẽnnɛ yetɔga sɩra la ĩyã, wʋ lan masɛ tɩ la ẽŋɛ ba se'em na.

1 Pita 4:18

La gʋlsɛ Nawẽnnɛ gõŋɔ pʋam yetɩ: «La sãn dɛna toogo bɔ tõon-sõma dãana dee tɩ a yẽ fãarɛ, tõon-be'ero dãana n ka dolɩ Nawẽnnɛ sore yelle wʋn ãna la wãne?»

2 Pita 2:10

Nẽr-sɛba n dolɩ ba yɛmleego n boorɩ se'em n de tõon-dẽgrɔ, dee pɔ'ɔra Nawẽnnɛ n tarɩ nõorɛ la ba lɛ la, a wʋn sɩbgɛ la bãma gãnna. Põmpɔrŋɔ karẽnsãandõma la de la zẽk-m-mẽŋa dõma, la tɩta'alʋm dõma, ba ka zotɩ dabeem tɩ ba tʋ saazuum pãnsɩ dõma.

2 Pita 2:7

La a yʋʋn fãagɛ la Alotɩ n de tõon-sõma dãana. Ẽŋa sũure n yʋʋn sã'am halɩ zozo'e la tõon-be'ero dõma tõon-yooro n zo'oge la.

2 Pita 3:7

Nawẽnnɛ yetɔga mẽŋa n ken botɩ dũni-ẽna wã, la saazuum bɔna gu'ura tɩ bugum wa sã'am ba. A basɛ tɩ ba bɔna gu'ura la daar-sɛka tɩ a wʋn di nẽrsaalba sarɩya, sã'am tõon-be'ero dõma la.

1 Zã 2:22

Ãne n de põmpɔrma la? La de la sɛka n sɩ'ɩsrɩ yetɩ Azezi dagɩ Krisi la. Ẽŋa n de Krisi sɩ'ɩsra la. A sɩ'ɩsrɩ la Sɔ Nawẽnnɛ, la a Dayʋa la.

Azudi 1:15

tɩ a di nẽrsaalba wuu sarɩya, sɩbgɛ tõon-be'ero dõma wuu, ban sɩ'ɩsɛ ẽ tõnna tõon-be'ero la wuu ĩyã, la yetɔg-be'ero wuu tɩ ba tɔgɛ pɔ'ɔgɛ ẽ na ĩyã.»

Azudi 1:18

Ba daan yele ya yetɩ: «Dũnia ba'asgɔ wakatɛ, nẽrba n la'arɩ nẽrba n wʋn wa bɔna dɔla ba mẽŋa yɛm n boorɩ se'em, sɩ'ɩsra Nawẽnnɛ.»

Lilegere 15:4

Zuudãana, ãne n kãn zoe fõn, nã'asɛ fõn yʋ'ʋrɛ la? Se'ere n soe la, fõn mã'a n de pʋpeelem dãana. So'olʋm wuu nẽrba wʋn wa'am wa ka dũma nã'asɛ fɔ, se'ere n soe la, fõn tõoma n masɛ la puke mɛ tɩ ba yẽ.»