Azudi 1:16 - Farefare Ninkaré

¹⁶ Nẽr-bãma de la nẽrba n yõnnɩ wakatɛ wuu, ba sũure ka ãn yẽlʋm la ban ãn se'em na. Ba ɩtɩ la ba mẽŋa yɛm n boorɩ se'em, tɔgra pa'al-m-mẽŋa yetɔga, dee tɔgra nẽrba nõ-yẽlʋm yetɔga tɩ ba yẽ yõorɔ.

ZE'ELEGO PAALEGA

¹⁶ Ba dela gɔgeleŋɔ duma, sɛba en nyɛti nɛreba tuure. Ba dole la ba mɛhi kunkoma'ahum, tɔgera ka du'ura, tara nɔmaalum la nɛreba, suŋera ba mɛhi ma'a.

Azudi 1:16 ပူးပေါင်းရင်းမြစ်များ

Aluki 15:2

Tɩ Farisi dõma, la lɔɔ karẽnsãandõma la yõnna yetɩ: «Bʋra-ẽna wã to'orɩ la tõon-be'ero dõma, dee dita la ba.»

Aluki 19:7

La nẽrba la n yẽ bɛla la, ba wuu yõnnɩ mɛ yetɩ: «A sẽŋɛ ka kẽ tɩ a bɔna la tõon-be'ero dãana la yire.»

Aluki 5:30

Tɩ Farisi dõma basɛba, la ba lɔɔ karẽnsãandõma yõnna Azezi karẽnbiisi la yetɩ: «Bẽm ĩyã tɩ yãma lagɩm na lampo-tɔ'ɔsrɩba, la tõon-be'ero dõma dita?»

Azã 6:41

Tɩ Zifdõma yõnna Azezi, ẽn yetɩ, ẽŋa n de dia n ze'ele Nawẽnnɛ yire sigum na ĩyã.

Azã 6:61

Tɩ Azezi bãŋɛ tɩ a karẽnbiisi la yõnnɩ mɛ bõn-ẽna yelle, tɩ a yele ba yetɩ: «Bõn-ẽna botɩ yãma lɛbra la poorʋm kãn le doose mam?

1 Korẽntɩ 10:10

Tɩ da yõnna-ya la Nawẽnnɛ wʋ bãma basɛba n yʋʋn yõm se'em, tɩ kũm malɛka kʋ ba la.

Galatɩ 5:16

Selse-ya, mam yetɩ ya mɛ tɩ ya dɔla Nawẽnnɛ Sɩa n boorɩ se'em, tɩ ya kãn ɩta nẽrsaalba yɛmleego n boorɩ se'em.

Galatɩ 5:24

Nẽr-sɛba n de Azezi-krisi nẽrba la ka ba mẽŋa n boorɩ se'em n de be'em, la ba yɛmleego la mɛ dɔ-puurŋa zuo, tɩ ba ka le sɔna ba.

Filipi 2:14

Ɩta-ya sɛla woo tɩ yõŋa, la nõkɛ'ɛma wẽ'a da bɔna.

1 Tesaloniki 4:5

Da basɛ-ya tɩ yalsɩ tõoma yɛmleego tara ya, wʋ sɛba n ka dolɩ Nawẽnnɛ n ɩtɩ se'em na.

1 Timoti 6:5

tɩ ba wẽ'era nõke'ene n ka ba'asrɩ la taaba, ban tarɩ yɛm be'ero dee ka tara yel-sɩra, dee tẽ'esra tɩ Nawẽnnɛ sore doosgo la de la sɛla n wʋn basɛ tɩ ba yẽ bõntarsõm na ĩyã.

2 Timoti 4:3

Se'ere n soe la, wakatɛ n sẽm tɩ nẽrba kãn le bɔɔra tɩ ba selse sɩra zãsŋɔ la, ba wʋn dɔla la ba mẽŋa yɛm n boorɩ se'em, bɛla ba wʋn ɛɛra la karẽnsãandõma zozo'e n wʋn zãsʋm ba sɛla tɩ ba nõŋɛ tɩ ba selse mã'a.

1 Pita 1:14

Sakra-ya Nawẽnnɛ nõorɛ, da le vɔa-ya wʋ yãma n daan nãn ka bãŋɛ Nawẽnnɛ sɩra, tɩ ya yɛmleego botɩ ya bɔɔra sɛla n de be'em na.

1 Pita 2:11

M sɩr-nõŋrɩsɩ, yãma de la sãama la kɔɔs-weto dũnia zuo, bɛla mam kã'anɩ ya mɛ tɩ ya basɛ nẽrsaalba n boorɩ se'em n de be'em n sã'anɩ ya la.

1 Pita 4:2

Tɩ ẽn ken vɔa dũnia zuo wakat-sɛka la, a kãn le vɔa wʋ nẽrsaala yɛmleego n boorɩ se'em, a wʋn vɔa wʋ Nawẽnnɛ n boorɩ se'em.

2 Pita 2:10

Nẽr-sɛba n dolɩ ba yɛmleego n boorɩ se'em n de tõon-dẽgrɔ, dee pɔ'ɔra Nawẽnnɛ n tarɩ nõorɛ la ba lɛ la, a wʋn sɩbgɛ la bãma gãnna. Põmpɔrŋɔ karẽnsãandõma la de la zẽk-m-mẽŋa dõma, la tɩta'alʋm dõma, ba ka zotɩ dabeem tɩ ba tʋ saazuum pãnsɩ dõma.

2 Pita 2:18

Ba pa'alɩ la ba mẽŋa tɔgra yetɔg-kãra n ka tarɩ võorɛ, dee tara ba yɛm n boorɩ se'em n de tõon-dẽgrɔ la pã'asra nẽr-sɛba n nãn welge ba mẽŋa la nẽr-sɛba n vɔa tuure pʋam na.

2 Pita 3:3

Sɛla n gãnnɩ de la ya bãŋɛ tɩ dũnia ba'asgɔ wakatɛ, nẽrba n la'arɩ nẽrba n wʋn wa wa'am, wa vɔa vɔm sɛka n de be'em tɩ ba mẽŋa boorɩ. Ba wʋn la'ara ya,

Azudi 1:15

tɩ a di nẽrsaalba wuu sarɩya, sɩbgɛ tõon-be'ero dõma wuu, ban sɩ'ɩsɛ ẽ tõnna tõon-be'ero la wuu ĩyã, la yetɔg-be'ero wuu tɩ ba tɔgɛ pɔ'ɔgɛ ẽ na ĩyã.»

Azudi 1:18

Ba daan yele ya yetɩ: «Dũnia ba'asgɔ wakatɛ, nẽrba n la'arɩ nẽrba n wʋn wa bɔna dɔla ba mẽŋa yɛm n boorɩ se'em, sɩ'ɩsra Nawẽnnɛ.»