Azã 8:32 - Farefare Ninkaré

³² La ya wʋn bãŋɛ sɩra, la sɩra la wʋn to'oge ya basɛ.»

ZE'ELEGO PAALEGA

³² Ya wan mina yelemɛŋerɛ la, ti yelemɛŋerɛ la bahɛ ti ya bɔna fai.”

Azã 8:32 ပူးပေါင်းရင်းမြစ်များ

Amatie 11:29

Dɩkɛ-ya mam sɔgrɩga sɔgɛ ya mẽŋa, zãsʋm sɛla tɩ mam wʋn pa'alɛ ya la, tɩ ya wʋn yẽ vo'osgo. Se'ere n soe la, mam de la sũ-bʋgsʋm dãana, la sik-m-mẽŋa dãana.

Azã 1:14

Sɛka n de Yetɔga la daan lebge la nẽrsaala, kẽ'era tõma tẽŋasʋka. Tõma yẽ a na'am pãŋa mɛ, na'am pãŋa n de Nawẽnnɛ Bi-yẽŋa n ze'ele a Sɔ zẽ'am na'am pãŋa. La Nawẽnnɛ yel-sõnnɛ, la a sɩra wuu boe la a zẽ'am.

Azã 1:17

Nawẽnnɛ bɔ a lɔɔ la Amoyisi, tɩ a bɔ tõma. La, la sãn dɛna Nawẽnnɛ yel-sõnnɛ, la a sɩra la, la doose la Azezi-krisi tɩ a bɔ tõma.

Azã 14:6

Tɩ Azezi lerge ẽ yetɩ: «Mam n de sore, la sɩra, la vɔm dãana. Nẽra nẽra ka tã wʋn wa'am mam Sɔ zẽ'am, tɩ la sãn ka doose la mam.

Azã 16:13

La Nawẽnnɛ Sɩa n de sɩra dãana la sãn wa'am, a wʋn pa'alɛ ya sɩra wuu, se'ere n soe la, a yetɔga la ka ze'etɩ a mẽŋa zẽ'am, a wʋn tɔgɛ la sɛla tɩ a wõm na wuu bɔ ya, dee yele ya sɛla n boe nẽŋa sẽna.

Azã 17:17

Botɩ fõn sɩra la wʋn basɛ tɩ ba welge to'ore tara pʋpeelem dɛna fʋ nẽrba. Fõn yetɔga la n de sɩra.

Azã 6:45

La gʋlsɛ Nawẽnnɛ nõtɔ'ɔsrɩba gõnnɔ pʋam yetɩ: ‹Nawẽnnɛ n wʋn pa'alɛ ba wuu.› La sɛka woo n selse mam Sɔ la, dee to'oge a pa'algɔ la, sẽm mam zẽ'am mɛ.

Azã 7:17

Nẽra sãn bɔɔra tɩ a ẽŋɛ Nawẽnnɛ n boorɩ se'em, a wʋn bãŋɛ zãsŋɔ la sãn ze'ele la Nawẽnnɛ zẽ'am, bɩɩ mam sãn tɔgra la mam mẽŋa pãŋa.

Azã 8:36

Bɛla ĩyã, Nawẽnnɛ Dayʋa la sãn to'oge ya basɛ, ya sɩrɩ to'oge ya mẽŋa.

Aromduma 6:22

La lɛɛlɛ wã, Nawẽnnɛ yese ya tõon-be'ero pʋam mɛ, tɩ ya lebge Nawẽnnɛ yamsɩ. Ya yõorɔ de la ya welge to'ore malgra ya mẽŋa dɛna pʋpeelem dõma. Bõn-ẽŋa ba'asgɔ de la vɔm n ka ba'asrɩ.

Aromduma 8:15

Nawẽnnɛ Sɩa la tɩ a bɔ ya la ka botɩ ya dɛna yamsɩ, le zɔta dabeem. A botɩ ya dɛna la Nawẽnnɛ kɔma, tɩ a bɔ sore tɩ ya wi'ira Nawẽnnɛ yetɩ: «Abba», n boorɩ tɩ la yetɩ «tɩ Sɔ».

Aromduma 8:2

Se'ere n soe la, Nawẽnnɛ Sɩa pãŋa n bɔ'ɔrɩ vɔm Azezi-krisi ĩyã la n fãagɛ tɔ tõon-be'ero, la kũm pãŋa pʋam.

1 Korẽntɩ 7:22

La nẽr-sɛka n de yamŋa tɩ Zuudãana la wi ẽ, a de la nẽra tɩ Zuudãana botɩ a to'oge a mẽŋa. Bɛla mẽ, nẽr-sɛka n dagɩ yamŋa tɩ Zuudãana Krisi wi ẽ, a de la Krisi yamŋa.

Galatɩ 5:1

Krisi fãagɛ tɩ basɛ tɩ tɩ sɔna la tɩ mẽŋa. Bɛla, zɛ-ya kãŋkãŋɛ, da sakɛ-ya le kẽ'esɛ ya mẽŋa yamnɛ pʋam.

Galatɩ 5:13

La sãn dɛna yãma, m sɔbiisi, Nawẽnnɛ wi ya tɩ ya sɔna la ya mẽŋa. La da basɛ-ya tɩ yan soe ya mẽŋa la basɛ tɩ ya ɩta ya mẽŋa yɛm n boorɩ se'em. Vɔa-ya la taaba la nõŋlʋm tõnna sõŋra taaba.

2 Timoti 3:7

tɩ ba zãsna wakatɛ wuu dee ka tãna wʋn bãŋɛ sɛla n de sɩra la.

Yemesi 1:25

La nẽr-sɛka n tarɩ Nawẽnnɛ lɔɔ n masɛ sõŋa n yolsrɩ nẽrba la, dee sakɛ ẽ sõŋa ɩta lan yele se'em na, ẽŋa dagɩ nẽra n selsrɩ dee yĩnna, ẽŋa dãana tarɩ la sũ-yẽlga ẽŋa n ɩtɩ sɛla la pʋam.

Yemesi 2:12

Tɔgra-ya dee tõnna tɩ la masɛ la lɔɔ n yolsrɩ nẽrba la, mina tɩ Nawẽnnɛ wʋn dɩkɛ la ẽŋa di ya sarɩya.

1 Pita 2:16

Ɩta-ya wʋ nẽrba n soe ba mẽŋa, la da dɩkɛ-ya yan soe ya mẽŋa la tɩ la dɛna sɛla n botɩ ya tõnna be'em, tõnna-ya wʋ Nawẽnnɛ tõntõnɩba n masɛ tɩ ba tõnna se'em na.

2 Zã 1:1

Mam n de kẽema la n gʋlsɛ bɔ'ɔra zuudãan-pɔka tɩ Nawẽnnɛ looge la, la a kɔma tɩ mam nõŋɛ sɩra sɩra la. La, la dagɩ mam mã'a, nẽr-sɛba wuu n bãŋɛ sɩra la nõŋɛ ba mɛ.